المسائل المنتخبة – الخوئي – الشيخ عمار الخزعلي

دروس مفرغة — النصوص المتاحة

92 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 15

تحميل الصوت

تحميل Word

015

بسم الله الرحمن الرحيم، وصلى الله على محمد وآله الطاهرين.

انتهينا من بحث الجنابة وكان هو أول الأحداث الكبار التي توجب الغسل، والآن نأتي إلى الحدث الثاني الذي يوجب الغسل. وهذا وأخوه الآتي مختص بمن؟ مختص بالنساء؛ الحيض والاستحاضة والنفاس، هاي مختصة بمن؟ بالنساء، أحكام مهمة هاي؛ لأنه إذا عرفن النساء -النساء ما يعرفن غالباً، نساءنا ما عندنا الثقافة الدينية- زين، الرجل اللي قلت لك هذا ما مبتلى بها، فبالنتيجة راح يكون المظلوم منو؟ نفس المرأة هي اللي أحكام شرعية وصلاة وصوم بطلان يصير.

فأريد منكم أهمية هذه البحوث القادمة هي بحوث مهمة هم مسؤولية عليكم، أنتم كل واحد فيكم أكيد هناك امرأة يسأل عنها يوم القيامة، لو أخته لو والدته لو زوجته لو بنته، يسأل عنها يوم القيامة هي شنو هي مسألة الأحكام الشرعية، تكون أنت توضح لي الحكم الشرعي إذا تمكنت من ذلك بطريقة أو بأخرى، بالنتيجة يعني مو تقول لي هذا مو مهم، هذا مو ابتلائي، لا، هو ابتلائي لك، تسأل (كلكم راع وكلكم مسؤول عن رعيته). فإذا أنتم حوزويون، محسوبون على الحوزة شئتم أم أبيتم، بعد لازم تعرفون الأحكام الشرعية حتى توصلوها للناس.

فقال: الحيض وشروطه: الحيض دم تعتاده النساء في كل شهر مرة في الغالب، وقد يكون أكثر من ذلك أو قد يكون أقل. فإذاً الحيض حالة طبيعية هي عبارة عن بيولوجية طبيعية عند المرأة أنه يخرج منها هذا الدم غالباً في كل شهر مرة، هذا الدم رتب عليه الشرع، رتبت عليه الشريعة أحكام شرعية خاصة، فاعتبرته شنو؟ اعتبرته مانعاً من الصلاة وحتى الصوم، نعم عليها أن تقضي الصوم بعدين، واعتبرت أنه يجب التطهير منه فيما لو انتهى، فلازم نعرف الأحكام الشرعية لمن؟ لهذه الحالة وهي حالة خروج الحيض.

احنا قلنا إنه الحدث الأكبر، الدم هو مو أي الحيض، مو نفس الدم، الحيض هو نفس خروج الدم، أما الدم نفسه نجاسة خبثية، بعد شو نقول؟ نقول هكذا: إنه متى يحكم على الدم أو متى يحكم على المرأة بأنها تترك الصلاة وتترك الصوم، وبعد ويحرم على زوجها أن يطأها ولا يصح طلاقها، وهالأمور أحكام راح تاخذونها هواي، يحرم عليها مس كتابة القرآن، يحرم عليها دخول المسجد، يحرم يحرم يحرم، هاي الأمور الكثيرة راح ناخذها يسمونها أحكام الحائض. هاي شو كنت نرتبها؟ متى سنرتبها؟ ما هي شروط دم الحيض حتى إذا ما تحقق شو نسوي نحن نرتب هاي الأحكام؟

واضح السؤال المهم؟ لأن في الحقيقة النساء يخرج منهن دماء متنوعة وكثيرة في حالات كثيرة. فإذاً لازم نعرف يا حالة اللي هي حيض، يا حالة اللي هي استحاضة وخفايا الاستحاضة. المستحاضة تصلي، يجب أن تصلي، يجب أن تصوم، يجب أن شنو؟ يجوز لزوجها أن يطلقها، طلاقها صحيح، شوف صار حكي متباين. هي إذا حائض كل هذا ما يصير، إذا مستحاضة كلها يصير. دم واحد، فلازم إذن نعرف ما هي الضوابط الشرعية للحكم على المرأة أنها حائض، وما هي الضوابط الشرعية للحكم عليها بأنها شنو؟ بأنها مستحاضة.

إجمالاً المرأة يخرج الدم منها على أربعة أقسام. اكو أربع احتمالات للدم الخارج من المرأة:

1. دم يعبر عنه بالحيض: وهذا اللي هو أشدهم هو والنفاس أشدهم. الأحكام بس الحيض أشد؛ ليش؟ لأنه كثير ما يجي شهرياً يجي، البقية شوية النفاس شوية أقل من عنده؛ لأن النفاس حالة نادرة بس في الولادة. إذاً أربع دماء يمكن أن تراها المرأة، أحكي على الدم الذي يخرج من الموضع المخصوص، ما أحكي على باقي جسمها، واضح شلون؟ من الموضع المخصوص هناك أربعة دماء يمكن أن تراها المرأة. الأول هو الحيض، قلنا وهو دم تراه المرأة في كل شهر مرة غالباً، وسيأتي توضيحه أكثر.

2. النفاس: وهذا دم تراه المرأة عند الولادة، بعد الولادة ولو بعدها بقليل، وهذا يشبه أحكام الحيض، نفس أحكام الحيض تثبت له، بس قلت لك شوي اللي يخفف أمره هو شنو؟ أنه هو نادر أنه عند الولادة حالة يعني مو دائمية، واضحة.

3. الاستحاضة: الاستحاضة أحكامها تختلف تماماً عن أحكام الحيض، تصلي وتصوم وكذا وكذا.

4. أن يكون الدم خارجاً من جرح: كما في دم البكارة أو غيره، يعني ناشئ من جرح عادي.

ما عدا القسم الرابع البقية كلها أحداث كبار؛ الحيض والنفاس والاستحاضة، كل واحد منها حدث أكبر يجب عليها الغسل على تفصيل سيأتي. أما القسم الرابع اللي سميناه ناشئ من جرح هذا شنو حكمه؟ هذا ليس حدثاً أصلاً، لا حدث أصغر ولا حدث أكبر، هذا نجاسة خبثية يمكن التطهر منه بغسل الموضوع فقط، واضح؟

هذا كله ينبغي الانتباه أنه هذا الدم الخارج هل هو دم جرح لو من باقي الأقسام؟ مو مجرد يجيك سؤال أن امرأة رات دماً تقوم تتسارع وتقول هذا حيض، هواي شروط راح نجي، لعله دم جرح ناشئ من جرح معين، إذا كان جرح ما يعتبر هذا حدث أصلاً ولا يمنع من الصلاة ولا الصوم. واضحة هذه؟ إذاً القسم الرابع راح نستثني عليه بعدين مو مهم، الأقسام المهمة هي الثلاثة الأُول، مو صحيح؟

الشرط والعلامة

نأتي إلى القسم الأول. القسم الأول له شرائط وله علامات. وشنو الفرق بين الشرط والعلامة؟ الشرط أمر ضروري، إذا فقد الشرط فقد المشروط، وإذا وجد الشرط وجد مثلاً المشروط، وإن كان هذا فلسفياً مو صحيحاً، لكن الشرط مهم وجوده يؤدي إلى وجود المشروط، وعدمه يؤدي إلى عدم المشروط. الشرط مهم لو مو مهم؟ ها؟ مهم.

أما العلامة فهي أمر عرضي زائد مجرد كاشف لا أكثر ولا أقل، لهذا مرات العلامة مو موجودة والمشروط موجود. أضرب لكم مثال أفضل من الحيض والنفاس من العبادات نفسها، أحكيكم على موضوع أفضل. نقول هناك شرائط للظهور وهناك علامات للظهور، مو ماخذين شبح أنتم؟ يا هو المهم علامات الظهور ولا شرائط الظهور؟ شرائط الظهور أهم من علامات الظهور؛ لأن شرائط الظهور هي الشرائط التي إذا توفرت يظهر الإمام عجل الله فرجه الشريف.

الشرائط شنو؟ أن يتوفر هناك أرضية مناسبة لظهوره، عدد من الخُلَّص، من خُلَّص الأصحاب مؤهلين لظهوره بحيث إذا ظهر ما يخذلوه، ما يسوون ويا مثل ما سووا أمير المؤمنين، ما يسوون ويا مثل ما سووا الأئمة السابقين، مو يعرضونه للقتل وهم يهربون، مو بس يصيحون (يا ليتنا كنا معكم ويا ليتنا كنا معكم) نصير صدق، لا هم زين احنا مو معكم، لا لابد أن يكون (يا ليتنا كنا معكم) صادق، يكون نابعة من يعني يكون إنسان يضع نفسه على المحك أنه أنا صدق يا ليتنا كنت معكم لو إني كاذب.

هذه موجودة مولانا، أحد ما أدري الإعلام الإنسان العادي هم كان يقول يا ليتنا ويا ليتنا ويا ليتنا خبصنا خبصنا. في الرؤيا يقول شفت الإمام الحسين ومعركة الطف قائمة، يقول شفت الإمام الحسين وقت الصلاة قال لي أنت أو أنا، قلت له ما أدري، هو قال إنه أنت، أنا أقف في مكان أحد الصحابة كان يشي أحد أصحاب الإمام كان يقف يصلي، الإمام الحسين تجيه السهام حتى لا تروح للإمام الحسين، قاعد يصلي الإمام، فأنا أقف حتى أصد السهام، حكاية تنقال ما إحنا نقولها، قد سهلة بالحكي، فيها كلش سهلة بالحكي، واحد من الصحابة الإمام يصلي وهو واقف يصد السهام، سهلة مو بالحكي؟ يقول سبحان الله عافوا الناس جابوني إني خلوني إني اصد السهام والإمام الحسين واقف.

يقول أشو سهم اجا علي قف ما قدرت، وخرت راح الحسين، وسلمت شلون أنا، أنا أشيل الحسين أخليه ينظلم، أجا السهم الثاني يقول هم على قلبي وكذا وصل قريب ما قدرت، لا إرادياً وخرت راح الحسين، أجا السهم الثالث راح الحسين، يقول دحيت بعد، يقول الحسين قال يبتسم وعليه يبتسم، فعرفت أنه احنا بالحكي لا لا تذاكر راح يصيح بيها وشو اسمه؟

مش هذا الكلام، تكون شروط الظهور متوفرة، شروط الظهور تكون متوفرة، ياما مو نهتم بالعلامات، الناس تتصل عليهم شنو صارت العلامة الفلانية؟ صارت العلامة، هي شيء يعني مو مهم جداً مو مهم. أعطيك مثلاً شرائط الصلاة وعلامات الصلاة، شنو شرائط الصلاة؟ طهاره البدن فإذا ماكو طهارة بدن، النية، إذا ماكو نية، وهكذا الباقي. شنو علامات الصلاة؟ علامات الصلاة شوف لك واحد واقف وهيك يسوي ويحكي ويروح، معناها واحد يصلي، شنو الفرق؟ واحد يصلي وواحد واقف ما يصلي. شلون تعرف علامة اللي يصلي؟ لو اثنين واقفين واحد واثنيناتهم متجهين للقبلة بس واحد صلى وواحد ما صلى، شنو علامة من بعيد أشوف؟

أقول اللي يصلي شفته يحكي، ذاك اللي ما يصلي شفته ساكت، هاي علامة، علامة من الحكي يحرك شفايفه، وهذا اللي يصلي شفته خاشع شوية، ذاك شو عادي، تسمع حبيبه بعد يكرهك ما يصلي، واضح شلون؟ من علامات، وهك هي أمور مهمة، هي أمور مهمة يحرق سبحته ما يحرق سبحته، ها خاشع زايد، يعني أمور خارجة عن ماهية الصلاة، ما أدري وصلت الفكرة ولا ما وصلت؟ هس صار شو اسمه؟ شنو العلامة؟ صار كسوف وكهوف لو ما صار كسوف وكهوف وهذا يأثر في أصل ظهور الإمام، هل هو دخيل في أصل ثبوت الإمام؟ إلا علامات حتمية بس الحتميات شوية مهمة عودية القريب وإلا علامات كثيرة.

شاهد الكلام ما هو المهم؟ العلامة ولا الشرط؟ الشرط الشرط. لهذا إذا نرجع للبحث المزعج، بحث الحيض، يا هو المهم فيه؟ علاماته ولا شروطه؟ شروطه. فإذاً إذا أجى راح أعطيكم شروط وعلامات بعد شوية، اكتب لكم قائمة بالشروط والعلامات، بعد شوية إذا عرفتها راح أسألك سؤال، أقول لك دم واجد لكل العلامات وفاقد له بس شرط صغير من الشرائط، ايش تحكم عليه؟ ليس بحيض. قبل أحكي لي طق طق.

بل بالعكس دم واجد لكل الشروط فاقد له علامة تغير نمطه؟ حيض، أو فاقد لكل العلامات؟ حيض. إذاً العلامات اللي راح نذكرها تفيد ايش وقت؟ تفيد مرات في بعض الحالات تنفعنا العلامات، لكن أهم شيء نركز عليه نفسه على شروط الحيض. إذاً لازم أنتم تعرفون شروط الحيض.

شروط الحيض

شروط الحيض:

1. أول شرط من شرائط الحيض أنه الحيض لا يكون قبل البلوغ، الحيض يكون بعد البلوغ فكل دم تراه الصبيه قبل بلوغها شو يصير؟ ليس بحيض. إذاً ليس بحيض شنو العكس؟ لو استحاضة لو نفاس، بما أنها مو نفاس ما عندها ولادة, فيصير استحاضة، قلت لك أربع أقسام عندنا، من عندنا أربع أقسام عرفنا شنو نحطها. زين، احنا عندنا حيض ونفاس واستحاضة ودم جرح، إذا صبية رأت دم تقول مو حيض، مو نفاس ماكو ولادة ولا سواد هو الولادة والمرأة ناضجة حتى تصير ولادة، أما الصبية اللي ما عندها نضج جنسي ما تصير ولادة عندها فلو دم استحاضة لو دم جرح، اكو جرح يحتمل جرح، إذا قالت ما يحتمل جرح ماكو لا كذا، فما بقى غير شنو؟ استحاضة، غسل عليها كامل استحاضة مثلاً. إذن أول شرط شنو؟ لا حيض قبل البلوغ.

2. لا حيض بعد اليأس، فالحيض لا يكون بعد اليأس. بالنسبة للبلوغ تقدم العمر المحدد مو؟ بالنسبة للبلوغ تكلمنا. أما بالنسبة لليأس فسيأتي الكلام عنه، يا مسألة وينها هاي؟ مسألة 47، راح هناك نحكي على اليأس. طبعاً المرأة المرأة التي تيأس من الولادة وتيأس من من رؤية الدم وهي المرأة رتبت عليها أحكام، أحكام هنا وأحكام راح تأتي بالطلاق، منها أحكام خاصة زين. فإيش قد عمرها؟ سيأتي سيأتي نحكي عليها، هل هو 50 لو 60؟ هو 60 100% يا 60 100% يا، بس بين الـ 50 وبين الـ 60 اكو حكي، اكو تفصيل القرشية وغير القرشية، لا تستعجلون، بس بعدين حقق إحنا مثلا 47، لا تستعجل، هاي انتهينا من الشرط الثاني.

3. أقل الحيض ثلاثة، فالحيض إذا كان يومين أو الدم إذا كان يومين بعد يصير حيض بها مجال؟ ها؟ لا ما في، أقل الحيض ثلاثة، دم يومين يومين ونص يوم واحد يوم ونص ثلاثة إلا ما أدري ايش قلت، لا يعتبر حيضاً، أقل الحيض ثلاثة، هذا لا شرط رقم ثلاثة.

4. لابد أن يكون الدم في هذه الثلاثة أيام مستمراً. فإذا هي شافت الدم أحد واثنين وثلاثاء، بس شنو الفائدة؟ بيوم الاثنين انقطع بفترة وبعدين رجع. بيوم هي شافت ثلاث أيام فوق، الشرط الثالث تحقق، سبت واحد وأي مثال يجي في بالك، سبت واحد واثنين، يوم الأحد خلينا نحكي، يوم الأحد رأته فقط بالصباح وانقطع حتى جاءها العصر مثلاً أو المغرب. بالنتيجة هي شافت ثلاث أيام، بس شنو؟ صار فترة انقطاع في خلال هذا يصير ولا ما يصير؟ يقول الفقهاء لابد من استمرار الدم، طبعا هذا الحكي بعدين اكو هواي أمور راح أوضحها، هواي أشياء أنا قاعد أحكي بصورة عامة وإلا هواي في تفاصيل بعدين راح نذكر، مثلاً نقول إن الانقطاع اللي يصير مقبول بعدين نوضحه، بس تاخذوا يعني بفكرة عامة عن الموضوع ما قاعد نحكي بالتفاصيل، مو تقول لي زين انقطاع شلون؟ بس أعطيكم فكرة.

أمر يحتاج توضيحه هسه، اكو شغلة يحتاج توضيحه، إي كثير منكم راح يتوهم، هس تشوفون يا المتوهمة يا المتوهمة، احنا بنقول استمرار الدم مو على بالكم الدم يطلع يطلع شو يبقى بالمعدة ذاك؟ الفقهاء من يقولون يستمر الدم ثلاث أيام مو يغضون دم يخرج يخرج يخرج ما يموت الإنسان إذا يخرج منه دم ثلاث أيام شو يبقى هذا الإنسان إذا عن جرح هنا ويطلع الدم ثلاث أيام شو أفقد أنا من الدم؟ ما أدري كم بطل أموت ما لا مو أنا مو المراد استمرار الدم أن خروج الدم بالمعنى اللي تفهمونه أنتم، يعني لا لا المراد استمرار وجود الدم في موضع خروجه.

خلنا نعطيكم مثال على إيدي المجروحة، إيدي المجروحة حتى ينطبق الشرط الثالث وهو أن يكون استمرار، شنو المقصود؟ المقصود مو يطلع الدم برا، لا، اكو دم بالموضع، هي إيدي بعد، كل ما أشوف اكو دم، شلون أعرفه؟ كل ما أخلي قطنة، القطنة تطلع شنو؟ ملوثة بالدم، كل ما أخلي قطنة ثلاث أيام يطلع القطنة ملوثة بالدم. إذا المرأة هكذا تقول، تقول إنه في اليوم الأول كل الأحد والاثنين والثلاثاء دائماً كلما وضعت قطنة رأت دماً، رأت دماً على القطنة، يعني إذا الموضع لم يكن لم يكن خالياً من الدم هذا هو الاستمرار، مو الاستمرار بعضهم يفهمنا خطأ.

نعم، هذا لا يعني أن المرأة ما يخرج منها دم، المرأة يخرج منها دم بس مو بهالكثرة اللي فاتت، يخرج منها دم بمقدار بسيط ولكن هناك مقدار سوف يكون باقياً وين؟ باقياً على قولتهم في في فم الفرج، شلون تعرفه؟ تعرفه عندما تدخل شنو؟ القطنة. فشلون شنو معنى أن أن لا يكون مستمراً؟ إذا كان مستمراً عرفنا، أن لا يكون مستمراً يعني أن تدخل القطنة فلا تخرج ملوثة، فهي قالت هي تقول إنه من من صباح يوم من الساعة 12 من يوم الأحد لحد المغرب كلما تدخل القطنة لا ترى دم، طاهر لونه، هاي صار اختلال بالشرط لو ما صار اختلال بالشرط؟ صار اختلال بالشرط؛ لأن معناها القطنة طاهرة طلعت، أما لو قالت إنه دمنا يطلع برا، يلا شل لازم يطلع برا، لا إحنا نريد وجود الدم وين؟ في فم الكاس، يعني شلون تعرفه خارطتنا؟ فكرة واضحه عندكم؟ مطلب مهم يعني.

احنا الرجال ما نعرفه؛ لأن ما عندنا ابتلاء به الحمد لله، بس عرفنا الأمر. فانت لما تقولها استمرارة ثلاث أيام راح تتوقع أن أنت مقصودك شنو؟ استمرار خارجي تقول لك على الحكي ما في امرأة حائض، ماكو امرأة ينطبق عليها حائضين، المرأة ما يطلع منها دم باستمرار، يطلع منها مقدار بسيط بعدين ما يخرج وينقطع على إذا كان هذا الانقطاع يخل فماكو امرأة حائض، لا تقولها مو كذي.

لا لا، المراد بالاستمرار وجوده ولو وين؟ في فضاء الفم، في نعم في فم الفرج، واضحة ولا مو واضحة؟ خلصنا من هذا الشرط.

5. لا يكون دم الحيض أكثر من عشرة، لا يكون بنحو الشرط ها، لهذا إذا امرأة قالت أن دماً عندها استمر 11 يوم شو نقولها؟ شو نقولها؟ راح راح بعضكم يغلط يقول استحاضة وبعضكم يقول لا، بالدقة إيش؟ بالدقة، جواب دقيق، جواب دقيق: ليس كله حيض. حتى ما ندري يجوز 10 يجوز ماكو بالنتيجة خلينا نقولها ليس كله حيض يقيناً، تقول أيضاً هو مو كله حيض، مو كله حيض يعني بعض حيض هم ما ندري يطبق الشروط، بالنتيجة هو 100% مو حيض كله.

إذا مو حيض كله زين وين حيض به؟ هذا الجواب، هذا الجواب راح نحتاج إلى من؟ للعلامة، هنا العلامات تفيدنا، شوف العلامات مو مهمة بس هنا تبين في موارد اشتباه العلامة شوية تفيدك. واضح؟ هذا هذا السؤال مهم، إذا كان هي استمررت 15 شنو؟ بنقول 10 حيض وزائد استحاضة الخمسة الأخيرة، الخمسة الأولى ما هو مو واضحة. فالجواب سيأتي الجواب عن هذا السؤال، هذا السؤال مهم إنه إذا استمر الدم أكثر من 10 أيام 100% مو كله حيض؛ لأن الحيض ما يصير أكثر من 10، زين إذا مو كله حيض يعني كله استحاضة؟ ما قلنا هيك، زين بعضه حيض وبعضه استحاضة؟ أي يجوز.

زين منو بعضه؟ حدد لي إياه، الأول، الآخر، الـ 15، الخمسة الأولى الخمسة الأخيرة؟ هذا السؤال، سؤال مهم، سيأتي الجواب عنه وهناك راح نحتاج منو؟ نحتاج بحث العلامات، شوف العلامات هاي هناك هناك تحل لنا المشكلة.

وين وصلنا يا رقم السبت؟ أكثره قلنا 10 أيام أو لا يكون أكثر من 10.

6. لا يفصل بين حيض وحيض أقل من عشرة أيام، حيض وحيض آخر ما يفصل بينهما أقل من عشرة يعني تسعة أيام ما يصير. فإذا سُئلت هذا السؤال أن امرأة رأت الدم، رأت حيضاً وكانت قد طهرت من حيض سابق، تقول هذا الحيض من الحيض السابق لحد بداية هذا الحيض كم يوم؟ قالت ما صار ما صار لها ثمان سنين، شو نقول لها؟ نقول لها مستحيل، يعني شنو مستحيل؟ نقول لها شو نقول لها؟ الثاني مو حيض، الأول مو حيض، واحد منهم مو حيض، ما هو الجواب الدقيق؟ نقول لها واحد منهم مو حيض 100% واحد منهم، لا تقول الأول، ايش دراني الأول مو حيض، ايش دراني الثاني مو حيض، بس 100% واحد منهم شنو صار اشتباك؟ شلون نعرفه؟ لا يدخل بحث العلامات ويدخل بحث العادة أنها ذاك عادة عددية أو وقتية يفيدنا هنا الجواب هذا السؤال من خلال رجوع أيضاً للعلامات، بس 100% ما يصير حيضين في أقل من 10 أيام.

لهذا شو يقول الفقهاء؟ يقول أقل الطهر ايش قد؟ تسمعهم شو يقول؟ أقل الطهر، الطهر يعني فترة ما فيها حيض، أقل الطهر ايش قد؟ 10 أيام، ما عندنا طهر تسعة أيام، ما عندنا طهر ثمانية فما دون، الطهر يعني الطهارة اللي تكون بين حيضتين إيش قد؟ قد مستواها؟ من 10 فصاعداً.

لهذا نظرياً مو عملياً، نظرياً يمكن أن يكون هناك أكثر من حيض بالنسبة للمراه في الشهر الواحد لو مستحيل هذا؟ ها؟ ممكن.

چلون؟ بل يمكن في الشهر الواحد قد تصير، قد فيها مجال. لا لا ثلاث مرات بيصير، شلون؟ شافت ثلاث أيام حيض وانتهى حيضها. و ايش قصر؟ ثلاث ثلاث أيام بالشهر. 10 أيام. صار ايش قصر؟ 16، نوب جت ثلاثة حيض، نوب 10 أيام، إيش قصر؟ 26، بعدنا إيش قصر في الشهر؟ هذا الوقت ما يقدر؟ لا لا تتحمل، إحنا مو طهرت جاها حيض جديد، يصير لو ما يصير؟ إذا صار كم حيض عندكم؟ أربعة، هم زايد فيها زايد خير، خاصة إذا حيضت ست أيام أعيدها.

فإذن مو ببالكم مو ببالكم واحد يشتبه أن الحيض لازم مرة في الشهر، لا مو لازم، إي نظرياً غير يحتمل حتى ثلاث مناطق الشهر، بس عملياً الحمد لله الموجود عند النساء ما فيش حالة نادرة نادرة ما تصير مرتين، هي مرتين نادرة فكيف بثلاثة وأربعة؟ إحنا ثلاثة قلنا أكثر شيء، بس هي عملياً الموجود عملياً أن المرأة في الحيض مرة واحدة، عفواً في الشهر مرة واحدة، وبعض الحالات في الشهر مرتين شو بتصير؟ في أول الشهر وآخره، واضح؟

كان تقول لك زوجتك أو كذا من أقاربك تقول لك رايت في أول الشهر رقم một شهر الشهر الواحد أو شهر أي شهر، البارح شهر حزيران شهر الفلاني رايت في أوله دم والآن نحن في آخره أيضاً رايت دم، شلون تصير؟ هذا مو سؤال، وين يصير؟ كذا برمضان، رمضان من مشاكل تقول لك معقولة في رمضان مرتين هي تحيض، شلون تصير؟ في أول شهر رمضان ابتليت بالدم، هل من المعقول أنه في آخر شهر رمضان لم تبتل بالحيض؟ يمكن؟ لا تقولها ما يصير، بعض الناس يصير، ما يصير.

إذا إذا أول رمضان شافت حيض فأكيد آخر رمضان هاي يصير بالصحابة ويقول لها لا صومي صومي لا تفطري، صلي هذا ناشئ من عدم فهم أنه إحنا نشترط أقل الطهر شقد؟ 10 أيام، ماكو مانع أن يجتمع حيضين في شهر بل ثلاث حيضات يمكن وجودها في شهر واحد على هالفكرة اللي أنتم عرفتوها.

هذا كان الشرط الأخير أعتقد ما عندنا شرط. واضح؟ بس هاي شرائط الحيض.

علامات الحيض

ناتي الآن لمن؟ إلى علامات الحيض، وإحنا قلنا العلامات أمور غالبية غالباً ما توجد في الدم، غالباً مو دا مو بنحو الضرورة بنحو الشرط. لهذا منها استخدموها قاعد العلامات إذا ما متوفرة اكو مشكلة؟ اكو مشكلة. لهذا منها إذا كانت شرائط الحيض موجوده لا تباعد العلامات، لا تباعد. لكن في بعض الحالات نحتاج أن العلامات، ما هي علامات الحيض؟ علامات الحيض يقول السيد في مسألة 45 هي مسألة 45 راح يوضح العلامات، أو بعض الشرائط أنتم راح تفرزنونها، هس راح تفرزنون شائطنا والعلامات بس أنا ليش اكتبكم جديد؟ هو موجود من مسألة 45 وإحنا منها راح نقرا المسائل الجاية راح تشوفون علامة شر، علامة شر.

مسألة 45: الغالب في دم الحيض أن يكون أسود، هاي هذه الألوان علامات. شوف دم الحيض غالباً تكتب عليها علامات: أسود، طبعاً ماكو دم أسود، ماكو دم أسود مثل الفحم؟ ها؟ مثل هذا السواد، مثل هذا السواد، ماكو دم مثل هذا السواد، لا شنو مراد الفقهاء؟ مراد الفقهاء حمرة غامقة شديدة شديدة كأنها سواد.

ماكو أحمر إلا ماكو دم أسود ها، لكن مولانا شايف الأحمر؟ إذا عندك ألوان إذا عندك خبرة بالالوان أو عندك شو اسمه اكو أحمر، الأحمر شو يسمونه؟ أحسنت قاني، والاصفر شو يقولون؟ فاقع. والأبيض ناصع، والأسود حالك، حالك أحسنت، مو الأخضر، الأخضر يعني ناضر، ناضر ناضر، أحسنتم جزاك الله خيراً، إي المهم فالأسود القاني يعني شديد الأحمر القاني يعني شديد الاحمرار، إذا تكثف له حمرة حمرة حمرة يكاد أن يكون قريب إلى من؟ السواد، واضح زين، إذا فهمتوا هاي فيقول السيد: الغالب في دم الحيض أن يكون دم شديد الاحمرار من عندي هاي، هاي أسود يعني شديد الاحمرار بحيث يكاد يكون أسود، وإلا ترى قاعدة ما في دم أسود، أو أحمر أحمر عادي.

يقول حار، الحار واضح المسألة يعني يحس فيها الإنسان، واضح؟ إحنا الحمد لله ما عندنا ايش سوالف، ليش عندنا أجلكم الله التبول، حالة التبول، اكو بول يخرج منك تشعر بحرارة، مو شيء، وكذلك عندنا ايش حالات مثلاً التقيئ، مرات يخرج منك القيء حار يعني مو شيء فعال، إحسان هذا شيء شيء يحس الإنسان، فحار عالي وحار، واكو بارد ها، بحسب الخارج منك من الإنسان مثلاً امرأة، رجل لا تستغربها، إي مرات يخرج منك شيء إذا كنت رجل تبول أجلكم الله وكالقيء تحس فيه حرارة، تحس حار يخرج، واضح؟

اكو لا والله يخرج بصورة طبيعية، المرأة نفس الشيء، الدم مرة يخرج منها بحرارة واضح؟ يعني هو حار، بعد شنو؟ حرارة جسم الإنسان هنا باختبارها نسبياً يعني هو جسم الإنسان بحرارة إي إي بس بس يصير هيك أكثر، لا هو هو أكثر أكثر من حرارة بحيث يحس فيها، يحس اكو فرق.

بعد شنو؟ عبيط، المراد بالدم العبيط، الدم الطري، شنو شنو الدم الطري؟ الدم الخالص، شنو الدم الخالص؟ أوضحها أكثر، هم يسمونها مرات بعضهم يقول عبيط، بعضهم يقول طري، بعضهم يقول خالص، كلها تعابير بمعنى واحد.

في عندما قتل الإمام الحسين عليه السلام أمطرت السماء مطراً عبيطاً عبيطاً، شنو العبيط؟ العبيط هو الدم الخالص، شنو معنى الدم الخالص؟ توضيح ذلك. الدم مولانا نحكي لكم على الحليب ونطبقه على الدم. الحليب مولانا اكو حليب صافي طازج نسميه احنا، وأكو حليب فاسد، هذا واضح شلون يخرب الحليب، شو نسميه؟ شو تسميه؟ خفيف لا مو بس خفيف، مو خفيف، خفيف في مقابل كثيف، اكو كثيف واكو خفيف. شايفين حليب من يخرب؟ ما شايفين معقولة؟ يتقطع عافيه، هذا المقطع نحن نسميه فاسد، حليب فاسد، ما نشربه، بحليب نذبه، هذا لا أحد يشرب، هذا صار فاسد، يكون في اصطلاح ثاني غير كلمة فاسد، معفن، مقطع، ما أدري ايش يسمونه، المهم مو زين يعني ما نشربه. إذا كان مدح ما نقصد مدح، نقصد ذم، الحليب اللي فاسد ذم، ما نمدح، صفة ذم مو صفة مدح.

أما الحليب الطازج اللي ما به أي فساد واللي بعد محافظ على وضع يسمونه حليب عبيط، فالعبيط هو ليس ليس بفاسد، واضح؟ الطري، المحافظ على طلاوته، المحافظ على نسميه طازج إحنا، واضح شلون؟

نفس الشيء يقولون الدم المفروض أنتم حسب معلوماتكم وبعضكم عنده معلومة إن شاء الله بهالأمور هاي، الدم اللي يكون دم الحيض هو المفروض ايش يصير؟ دم فاسد لو دم طري طازج؟ طبعا هو دم متجمع، دم متجمع بالأرحام ومدري شلون، فوضعيته وضعيته تناسب أن يكون دماً شنو؟ فاسداً، بينما سبحان الله على خلاف القاعدة المفروض يصير دم فاسد، غير بس هو عندما يخرج طازج وكأنه شنو؟ لا تخثر فيه، لا تققطع فيه ولا يعني دم شو شاف مرات الواحد ينجرح، دم يطلع، شو دم طازج، يعني ما في ما في تخثر، ما في تقطع. الدم العبيط هو الدم الطازج اللي لا فساد فيه، بينما المفروض الدم اللي يكون محتبس شو اسمه؟ هو دم محتبس هذا واحد.

الدم المحتبس المفروض شو يصير؟ فاسد، بينما بالعكس سبحان الله الدم الحيض ليس فاسد بل طازج وعبيط. فالدم اللي اللي وقع عند الاستشهاد الإمام الحسين، جمال الحسين، شنو معنى مقصود دم طازج دم عبيط؟ دم جديد، يعني تقول طازج خالص، خالص، أحسن شيء قال: (دماً حاضاً عبيطاً)، وعرفنا شو معنى عبيط.

ويخرج بدفق، مو يخرج بفتور، يخرج بقوة؛ لأنه شو اسمه بيندفاع، إحنا قلنا هذا الاندفاع علامة، مو واحد يقول إحنا مو قلنا ما يشتغل بالخروج الخارجي؟ نعم، ما يشتغل خارجاً، بس هو أول ما يخرج بقوة، واضح شلون سونذة؟ فاتح لك سونذة، يخرج بقوة بدفع.

في مقابل الدم الموجود في الإسفنجة، الدم أو مي، مي خلي بالإسفنجة، اكو هو ماشي يجوز تحس اكو يطلع، يجوز شوية يطلع، يسمونه ترشح هذا، الدم الموجود المي الموجود بالإسفنجة ها خاصة إذا تارسها مي يطلع منها يخرج برا، بس يخرج يسمونها بالفتور، هذا يسمونه ترشح أيضاً، أما الدم اللي يخرج من السونذة مثلاً أو أو نفس الإسفنجة ضغطها ضغط قوي يخرج شنو؟ عرفت معنى شنو بدفق؟

وحُرقة، هاي قلنا نفس الحُرقة اللي يحس بها الإنسان، وحالة التبول وحالة غيره، هذا شرط الدفق. يعني لو تقدر تكون من بداية مو علامة؟ مستمر. إي في أول قلنا علامة، قلنا علامة، والعلامة موجودة.

ثم قالوا وأقله ثلاثة أيام، هاي شنو هاي؟ بس شرط مهم هذا، وأكثره 10 شرط، ويعتبر فيه الاستمرار في الثلاثة الأولى، شرط لازم مستمر، وسيأتي استمرار بمعنى أن واحد يقتلكم، ما معنى استمرار الدم في الثلاثة الأولى؟ شو تقول له؟ تقول له بمعنى وجوده في فضاء أو في في فم الفرج، بحيث لو أكلت قطنة لخرجت ملوثة، هذا المقصود. الفقهاء، كثير من الأخوة يستغرب، لازم يخرج الدم خارجاً؟ لا.

ثم قال: في الثلاثة الأولى وكذلك في الليلتين المتوسطتين بينهما، بينهما يعني بين شنو؟ بين الثاني نعم، بين اليوم الأول واليوم الثاني، وبين اليوم الثاني واليوم الثالث، أما بين يعني واضح إحنا عندنا ثلاث أيام بكم ليلة؟ ليلتين، المفروض أربع ليالي، ثلاث أيام بها أربع ليالي، مثلاً سبت أحد اثنين فأكو ليلة السبت هاي أول ليلة، وليلة شنو هذا؟ الأحد الأحد، وليلة الاثنين، واكو ليلة الأربعاء هي فوق ليلة الأربعاء تجي ليلة الأربعاء بالثلاثة بالليل، فإذاً سبت أحد اثنين يتضمن كم ليلة؟ أربع ليالي، واضح لهذا القرآن يقول: ﴿سخرها عليهم سبع ليال وثمانية أيام حسوما﴾ (الحاقة: 7) وشذي سبعة ليالي وثمانية اه إي ثمانية أيام، المهم أيام غير ليالي إي بالنتيجة.

لكن إحنا ايش نشترط؟ نشترط وجود الدم في كل الليالي وكل الأيام، السيد يقول لا لا، ما نشترط بوجود الدم في الليلة الأولى، فإذا جاءها دم في يوم الأحد واستمر كل الأحد وليلة الاثنين وكل الاثنين وليلة الثلاثاء إلى أن خلص نهار الثلاثاء، صار كم يوم هذا؟ كم نهار؟ كم نهار؟ ثلاث نهارات وكم ليلة؟ ليلتين. أما ليلة هذا أول يوم، منو فرط يا يوم؟ ليلة أول يوم طالعة، ما نحتاج، حتى إذا الدم ما موجود فيها، وكذلك ليلة اليوم الرابع اللي فرط يا يوم هذا كان فرط يا يوم ليلة هذا اليوم الرابع؟ مو شرط.

واضحة لو أقوم عصفور؟ واضحة لو ما يحتاج أقوم عصفور؟ إي سبت خلينا نقول سبت أحد اثنين، فالمهم وجود الدم من صبح السبت، وكل كل السبت وليلة الأحد، كل الأحد وليلة الاثنين، وكل الاثنين، بس كل الاثنين بمعنى نهاره نهاره أحسن في العصر صباح أوضحها بعد شوي يخلص نهار يوم الاثنين، فإذا خلص نهار يوم الاثنين كم يوم كملت هاي المرأة؟ ثلاث أيام، كم ليلة؟ ليلتين. أما ليلة السبت اللي هو يوم الجمعه بالليل، مشترط موجود الدم؟ أما ليلة يا يوم هذا من يستفيد أحد اثنين ثلاثة؟ ليلة الثلاثاء اللي هو شو بتجيلك الثلاثاء؟ شو بتجي ليلة الثلاثاء؟ يوم الاثنين ورا المغرب، لهذا من المغرب بعد ما نحتاج الدم موجود، فهمت حائض؟

فلو فلو أن امرأة سألت وقالت إنها جاءها دم من من فجر يوم الأحد واستمر الأحد والاثنين وانقطع في في بعد مغرب الثلاثاء، بعد مغرب يا يوم استفدت أحد؟ بعد مغرب الاثنين، اكو مشكلة ولا ماكو مشكلة شو تقولون؟ الجواب: ماكو مشكلة؛ لأن المهم كم نهار؟ ثلاث نهارات وكم ليلة؟ ليلتين، والمشكلة اللي في بالكم شنو؟ يوم يوم الاثنين ما كملت، الجواب: لا لا هي كملت النهار بس ما كملت الليلة، واحنا نشترط الليلة الرابعة لما نشترط الليلة.

أكو مصطلح اليوم، مصطلح اليوم مصطلح مهم، مصطلح اليوم يراد به النهار حتى عند الفقهاء، مصطلح اليوم هو مصطلح النهار ومصطلح النهار خلاف بسيط في بدايته، لكن كلهم متفقين على نهايته، كلهم متفقين أنه ينتهي عند الغروب، لكن اختلفوا في بدايته.

السيد الخوئي يقول: بدايته من شروق الشمس. السيد الثاني يقول: بدايته من الفجر. واضح؟ هذا وين ياثر؟ ياثر في إجارة الأجير، لو فرضنا واحد أجير وقلت له أنت أنا أجرتك تشتغل عندي يوم، فهذا إلا يجي من الشروق الشمس إلا يجي من الفجر، السيد الخوئي يقول: يجي من الشروق عادي، بين الشروق وبين الفجر فترة ساعتين، فلازم يشتغل عندي من الفجر.

سيدنا الخوئي يقول: لا يجي من شروق الشمس يشتغل، عاد هاي صار يوم. السيد السيستاني شو يقول؟ يقول: من الفجر، اكو يوم يسمونه يوم الصائم واكو يوم الأجير، يوم الصائم منين يبدي؟ من الفجر، يوم الأجير من الشروق من الشروق، هذا إحنا مثلاً أجّرنا واحد عمّال، تعال اشتغل ببيتنا، تعال خيط شيء، تعال ابني بيت، تعال أي عامل ايش وقت عادة يجي؟ شنو شنو هو بدايه اليوم؟ فإذا أنا ما أحكي عن البداية، أحكي عن النهاية، نهاية اليوم وين أنت اليوم؟ عند الغروب.

فلهذا سبت أحد اثنين ايش نحتاج من يوم الاثنين؟ نحتاج من يوم الاثنين إلى ايش وقت؟ إلى الغروب، بعد الغروب ما يشترط أن يستمر الدم، هذا زيد خير إذا استمر، إذا ما استمر، إذا ما استمر وانقطع حد الغروب شو نقول؟ نقول هي حائض، هي حائض وعليها تفعل كذا وكذا من المحرمات اللي مذكورة في محلها.

لهذا قال: (والليلتيّن)، على من معطوف والليلتيّن؟ فنكم، حلو مال فنكم. على الثلاثة مجرور، في الثلاثة والليلتيّن المتوسطتين بينهما، فلو لم يستمر الدم لم تجر عليه أحكام الحيض؛ لأن هذا شرط.

قال: نعم، ماشي الفترات اليسيرة البسيطة المتعارفة، متعارفة عند من؟ متعارفة عند النساء، ولو في بعض النساء لا تخف الاستمرار المعتبر فيه، إحنا قلنا شنو قلنا الاستمرار؟ فسرنا الاستمرار بخروج الدم خارجاً، ايش فسرنا به؟ فسرناه بوجوده، يجيك هذا السؤال، هي امرأة تقول لك إنه حتى حتى الوجود ما موجود، هي تقول هي تقول أنها لم تجد الدم من الساعة الثانية عشرة إلى الساعة إلى الثانية عشرة والنصف، ماكو قطراتنا نقية تماماً، هذا إحنا انحدثنا فهمنا أن هذا الخدمة صحيح؟ لكن السيد يقول: لا لا هذه فترة يسيرة نص ساعة وساعة.

نسألهم إحنا ما نعرف هاي السوالف، إحنا ابتدائياً أنه يصير انقطاع متعارف عندكم انقطاع، إذا قالت: إي عادي ساعة وساعات متعارف، بس مال نص نهار ما يصير. فإذاً السيد شو يقول؟ يقول: نتسامح إذا ماكو استمرار بمقدار فترات يسيرة ولو عند بعض النساء، يعني ساعة نص ساعة خلينا نقول ساعتين، ما أدري يصير ساعتين، عشان لا، يقول: نتسامح فيه، أما نص نهار ما نقبل، واضح؟

ثم قال: يعتبر التوالي في الثلاث، إحنا مو قلنا ثلاث أيام؟ إحنا ممكن ثلاث أيام وياه وياه، شرط هذا. زين، هاي ثلاث أيام سهلة، تجيك تجيك مراكز تقول لك: إي ثلاث أيام موجودة سبت واثنين انقطع والثلاثاء أجر وكذا انقطع والخميس، خمس سبت وخميس ومدري شنو، تقول لا ما يفيد هاي، إحنا ما نريد ثلاث أيام شلون ما كان، نريد ثلاث أيام واحد ورا الثاني، واحد ورا الثاني، شنو فائدة ثلاث أيام بس كل يوم من من شو اسمه، سبت واثنين وخميس هم ثلاث أيام ثلاث أيام ولا لا؟ يقول لها: لا إحنا نريد الثلاثة شو تصير؟ التوالي، سبت أحد اثنين هيك يعني.

قال: يعتبر التوالي في الأيام الثلاثة التي هي أقل الحيض، فلو رأت الدم يومين ثم انقطع، هي ما دام انقطع ليس بحيض، ثم رأت يوماً أو يومين قبل انقضاء عشرة أيام من ابتداء رؤية الدم فهو ليس بحيض، وإن كانت أحد استحباباً، في مثل ذلك الجمع بين سلوك الحائض وأفعال المستحاضة في أيام الدم والجمع بين أحكام الحيض والطاهرة في أيام النقاء، هي يوضحها بالدرس الآتي، والحمد لله رب العالمين، وصلى الله على محمد وآله الطاهرين الطاهرين.

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع

أضف تعليق