دروس مفرغة — النصوص المتاحة
92 نص مكتوب؛ بقية الدروس في هذه الدورة قد تكون صوتية فقط.
عرض روابط القراءة وWord والخلاصة
- الدرس 1 — استماع · تحميل الصوت · قراءة المتن · Word كامل
- الدرس 2 — استماع · تحميل الصوت · قراءة المتن · Word كامل
- الدرس 3 — استماع · تحميل الصوت · قراءة المتن · Word كامل
- الدرس 4 — استماع · تحميل الصوت · قراءة المتن · Word كامل
- الدرس 5 — استماع · تحميل الصوت · قراءة المتن · Word كامل
- الدرس 6 — استماع · تحميل الصوت · قراءة المتن · Word كامل
- الدرس 7 — استماع · تحميل الصوت · قراءة المتن · Word كامل
- الدرس 8 — استماع · تحميل الصوت · قراءة المتن · Word كامل
- الدرس 9 — استماع · تحميل الصوت · قراءة المتن · Word كامل
- الدرس 10 — استماع · تحميل الصوت · قراءة المتن · Word كامل
- الدرس 11 — استماع · تحميل الصوت · قراءة المتن · Word كامل
- الدرس 12 — استماع · تحميل الصوت · قراءة المتن · Word كامل
- الدرس 13 — استماع · تحميل الصوت · قراءة المتن · Word كامل
- الدرس 14 — استماع · تحميل الصوت · قراءة المتن · Word كامل
- الدرس 15 — استماع · تحميل الصوت · قراءة المتن · Word كامل
- الدرس 16 — استماع · تحميل الصوت · قراءة المتن · Word كامل
- الدرس 17 — استماع · تحميل الصوت · قراءة المتن · Word كامل
- الدرس 18 — استماع · تحميل الصوت · قراءة المتن · Word كامل
- الدرس 19 — استماع · تحميل الصوت · قراءة المتن · Word كامل
- الدرس 20 — استماع · تحميل الصوت · قراءة المتن · Word كامل
- الدرس 21 — استماع · تحميل الصوت · قراءة المتن · Word كامل
- الدرس 22 — استماع · تحميل الصوت · قراءة المتن · Word كامل
- الدرس 23 — استماع · تحميل الصوت · قراءة المتن · Word كامل
- الدرس 24 — استماع · تحميل الصوت · قراءة المتن · Word كامل
- الدرس 25 — استماع · تحميل الصوت · قراءة المتن · Word كامل
- الدرس 26 — استماع · تحميل الصوت · قراءة المتن · Word كامل
- الدرس 27 — استماع · تحميل الصوت · قراءة المتن · Word كامل
- الدرس 28 — استماع · تحميل الصوت · قراءة المتن · Word كامل
- الدرس 29 — استماع · تحميل الصوت · قراءة المتن · Word كامل
- الدرس 30 — استماع · تحميل الصوت · قراءة المتن · Word كامل
- الدرس 31 — استماع · تحميل الصوت · قراءة المتن · Word كامل
- الدرس 32 — استماع · تحميل الصوت · قراءة المتن · Word كامل
- الدرس 33 — استماع · تحميل الصوت · قراءة المتن · Word كامل
- الدرس 34 — استماع · تحميل الصوت · قراءة المتن · Word كامل
- الدرس 35 — استماع · تحميل الصوت · قراءة المتن · Word كامل
- الدرس 36 — استماع · تحميل الصوت · قراءة المتن · Word كامل
- الدرس 37 — استماع · تحميل الصوت · قراءة المتن · Word كامل
- الدرس 38 — استماع · تحميل الصوت · قراءة المتن · Word كامل
- الدرس 39 — استماع · تحميل الصوت · قراءة المتن · Word كامل
- الدرس 40 — استماع · تحميل الصوت · قراءة المتن · Word كامل
- الدرس 41 — استماع · تحميل الصوت · قراءة المتن · Word كامل
- الدرس 43 — استماع · تحميل الصوت · قراءة المتن · Word كامل
- الدرس 44 — استماع · تحميل الصوت · قراءة المتن · Word كامل
- الدرس 45 — استماع · تحميل الصوت · قراءة المتن · Word كامل
- الدرس 46 — استماع · تحميل الصوت · قراءة المتن · Word كامل
- الدرس 47 — استماع · تحميل الصوت · قراءة المتن · Word كامل
- الدرس 48 — استماع · تحميل الصوت · قراءة المتن · Word كامل
- الدرس 49 — استماع · تحميل الصوت · قراءة المتن · Word كامل
- الدرس 50 — استماع · تحميل الصوت · قراءة المتن · Word كامل
- الدرس 51 — استماع · تحميل الصوت · قراءة المتن · Word كامل
- الدرس 52 — استماع · تحميل الصوت · قراءة المتن · Word كامل
- الدرس 53 — استماع · تحميل الصوت · قراءة المتن · Word كامل
- الدرس 54 — استماع · تحميل الصوت · قراءة المتن · Word كامل
- الدرس 55 — استماع · تحميل الصوت · قراءة المتن · Word كامل
- الدرس 56 — استماع · تحميل الصوت · قراءة المتن · Word كامل
- الدرس 57 — استماع · تحميل الصوت · قراءة المتن · Word كامل
- الدرس 58 — استماع · تحميل الصوت · قراءة المتن · Word كامل
- الدرس 59 — استماع · تحميل الصوت · قراءة المتن · Word كامل
- الدرس 60 — استماع · تحميل الصوت · قراءة المتن · Word كامل
- الدرس 61 — استماع · تحميل الصوت · قراءة المتن · Word كامل
- الدرس 62 — استماع · تحميل الصوت · قراءة المتن · Word كامل
- الدرس 63 — استماع · تحميل الصوت · قراءة المتن · Word كامل
- الدرس 64 — استماع · تحميل الصوت · قراءة المتن · Word كامل
- الدرس 65 — استماع · تحميل الصوت · قراءة المتن · Word كامل
- الدرس 66 — استماع · تحميل الصوت · قراءة المتن · Word كامل
- الدرس 67 — استماع · تحميل الصوت · قراءة المتن · Word كامل
- الدرس 68 — استماع · تحميل الصوت · قراءة المتن · Word كامل
- الدرس 69 — استماع · تحميل الصوت · قراءة المتن · Word كامل
- الدرس 70 — استماع · تحميل الصوت · قراءة المتن · Word كامل
- الدرس 71 — استماع · تحميل الصوت · قراءة المتن · Word كامل
- الدرس 72 — استماع · تحميل الصوت · قراءة المتن · Word كامل
- الدرس 73 — استماع · تحميل الصوت · قراءة المتن · Word كامل
- الدرس 74 — استماع · تحميل الصوت · قراءة المتن · Word كامل
- الدرس 75 — استماع · تحميل الصوت · قراءة المتن · Word كامل
- الدرس 76 — استماع · تحميل الصوت · قراءة المتن · Word كامل
- الدرس 77 — استماع · تحميل الصوت · قراءة المتن · Word كامل
- الدرس 78 — استماع · تحميل الصوت · قراءة المتن · Word كامل
- الدرس 79 — استماع · تحميل الصوت · قراءة المتن · Word كامل
- الدرس 80 — استماع · تحميل الصوت · قراءة المتن · Word كامل
- الدرس 81 — استماع · تحميل الصوت · قراءة المتن · Word كامل
- الدرس 82 — استماع · تحميل الصوت · قراءة المتن · Word كامل
- الدرس 83 — استماع · تحميل الصوت · قراءة المتن · Word كامل
- الدرس 84 — استماع · تحميل الصوت · قراءة المتن · Word كامل
- الدرس 85 — استماع · تحميل الصوت · قراءة المتن · Word كامل
- الدرس 86 — استماع · تحميل الصوت · قراءة المتن · Word كامل
- الدرس 87 — استماع · تحميل الصوت · قراءة المتن · Word كامل
- الدرس 88 — استماع · تحميل الصوت · قراءة المتن · Word كامل
- الدرس 89 — استماع · تحميل الصوت · قراءة المتن · Word كامل
- الدرس 90 — استماع · تحميل الصوت · قراءة المتن · Word كامل
- الدرس 91 — استماع · تحميل الصوت · قراءة المتن · Word كامل
- الدرس 92 — استماع · تحميل الصوت · قراءة المتن · Word كامل
- الدرس 93 — استماع · تحميل الصوت · قراءة المتن · Word كامل
متن الدرس 23
023
شروط المغسل (يعني شروط من يغسل الميت): يعتبر في من يباشر غسل الميت -من يباشر، يعني من يقوم بعملية التغسيل- يشترط فيه أولاً: البلوغ.
شروط من يباشر غسل الميت
يشترط البلوغ أولاً، ثانياً: العقل، ثالثاً: الإيمان. الإيمان يعني شنو؟ الإيمان اثنا عشري، نعم. وأن يكون -يعني ويشترط أن يكون- المباشر لتغسيل الميت أن يكون مماثلاً للميت في الذكورة والأنوثة؛ فالذكر إذا كان الميت ذكراً لابد أن يغسله الذكر، وإذا كانت أنثى يغسلها -تغسلها- الأنثى.
قال: ويستثنى من ذلك -ياهو ذلك؟ من ذلك الشرط، من ذلك الشرط، يعني كان غير مماثل، من ذلك مماثل، من ذلك يعني من هذا الشرط الأخير، لهذا المفروض يعبر بهذا أحسن أقرب. لذلك الواحد يقرأ يصور بعيد. هو يقصد يعني يستثنى من هذا الأخير شيء اللي هو المماثلة. المفروض يعبر بهذا للقريب. قال-: ويستثنى من هذا موارد؛ ياهو هذا؟ يعني آخر شيء المماثلة.
أول مورد: الزوج والزوجة؛ فيجوز لكل منهما تغسيل الميت الآخر اختياراً، فإذا ماتت الزوجة يجوز أن يغسلها الزوج، وإذا مات الزوج -المفروض- يجوز للمرأة الزوجة أن تغسله. يقول اختياراً، يعني مو شرط إلا في حال الاضطرار ومرة واحد يقول: إلا مضطر، ما عندنا مثلاً ما عندنا رجل، ماكو رجل، فاكو بس زوجته واكو امرأة أجنبية، يا هو يغسله؟ جواز زوجته لا مو شرط إلا ما حتى إذا اكو رجل، حتى إذا اكو واحد يقدر يغسل الميت، زوجته إذا موجودة بامكانها أن شنو؟ أن تغسل الزوج حتى مع وجود رجل آخر، حتى مع وجود مماثل، مو شرط في حال الاضطرار، يقول اختياراً، اختياراً هم يصير مو شرط إلا في حال الاضطرار. قال: والأحوط الأولى أن يكون التغسيل -يا تغسيل؟ تغسيل الزوج لزوجته أو بالعكس- يكون شنو؟ من وراء الثياب؛ يعني لا يجُردْه من ثيابه. أحوط الأولى، مو واجب، وإلا هو يمكن هذا أول واحد يستثنى.
الاستثناء الآخر قال: ثانياً الطفل؛ فيجوز تغسيل الطفل حتى من غير المماثل. بس الطفل بيا عمر؟ بيا عمر؟ يقول السيد: الذي لم يزد سنه على ايش قد؟ ثلاث سنوات، على ثلاث سنين. فالطفل إذا عمره ثلاث سنين وأقل، إذا ذكر -طفل ذكر عمره ثلاث سنين وأقل وميت- يجوز للمرأة أن شنو؟ أن تغسله تغسله، إذا بنيّة صغيرة طفلة عمرها ثلاث سنين وأقل يجوز للرجل أن يغسلها، ماكو مشكلة هناك. لكن من فوق ثلاث سنين لا، لازم الولد يغسله رجل، والبنت الصغيرة اللي عمرها أكثر من ثلاث سنوات يغسلها من؟ يغسلها لازم مماثل لها. واضحة هذه؟
السيد الثاني يقول: لا، الطفل إذا ما مميز، ما دام هو طفل ما مميز، حتى إذا عمره أربع سنوات يصير شنو؟ يجوز أن يغسله غير المماثل، فالمدار على التمييز، يعني هو صبي مميز ولا غير مميز. إذا ما مميز حتى إذا عمره أربع سنوات، حتى إذا فرضاَ عمره خمسة، إذا طفل ما مميز يجوز لغير المماثل أن يغسله. السيد الآخر يقول: لا، ثلاث سنوات. المهم، الطفل الذي لم يزد سنه على ثلاث سنين فيجوز تغسيله من غير المماثل، فللرجل يحق له أن يغسل ابْنَتَه ثلاث سنين وما دون أقل من ثلاث سنوات، كما يجوز للمرأة تغسيل ابْنِ ثلاث سنين ومن دونْ- من دونه يعني أقل من عنده ثلاث سنوات، ما يصير. واضح هذا؟
القسم الثالث مما يستثنى من المماثلة منه المحرم؛ من يحرم نكاحه من الأقارب. واضح هناك، هناك محارم على الإنسان، فمثلاً يحرم على الإنسان أن يتزوج منه أخته وبنته وأمَّه وعمَّته وخالته وبنات الاخت وبنات الأخي وخالاته، هاي فهي محرمات يسمونها شنو؟ محرمات نسبية. واكو محرمات تنشأ منين؟ من المصاهرة، فإذا تزوج شخص بامراة تحرم عليه، من تحرم عليه؟ أمها وإن علت، وتحرم عليه بنتها من غيره وإن نزلت، وأختها تحرم جمعاً لا عيناً. المهم عَفْنا عَفْنا من الزواج، بعدين راح ناخذها محرمات، ناخذها بأحكام الزواج، هسه نشوف بصوره عامة.
إذا انسان مثلاً أخته ماتت، هاي من محارمه، مو صحيح؟ يقول السيد: إذا محارم، إذا اللي ماتت أو اللي مات من المحارم فماكو مشكلة، يجوز لكل واحد أن يغسل الآخر؛ فالأخ يغسل أخته الميتة، الإنسان يغسل أُمَّه، البنت تغسل أباها -واضح؟ البنت تغسل أخوها- وهكذا. لهذا قال: المحرم فيجوز يجوز أن يغسل محرمه، لكن غير مماثل عادي ماكو مشكلة، حتى إذا كان غير مماثل، بشرط في الاختيار لو في الاضطرار هذا؟ قال: في الاضطرار، إذا لم يوجد مماثل، في حالة الاضطرار. ها، مو دائماً، الأخ يغسل أخته شو وقت؟ إذا ماتت شو وقت؟ إذا ماكو امرأة تغسلها، يضطر هو يغسلها، ماكو مشكلة. لهذا قال: إذا لم يوجد مماثل. ويشترط في التغسيل حينئذ -شنو معنى حينئذ؟ يعني حين كون الميت من المحارم-. شلون قاعد أقرأ أنا؟ النقطة الثالثة مكتوب عندي: المحرم فيجوز له أن يغسل محرمه من غير المماثل إذا لم يرد مماثل ولابد من أن يكون التغسيل حينئذ من وراء السيافة.
نسخة غير نسخة، عندكم غير نسخة، يلا خلينا نسقرأها نسختكم. في نسخة أخرى يقول: المحرم فيجوز أن يغسل محرمه غير المماثل، والأحوط وجوباً اشتراط فقد المماثل، يعني الأحوط وجوباً أنك- أن المحرم لا يغسل محرمه إلا بحالة واحدة، شنو؟ فقد المماثل، ماكو مماثل. أما إذا اكو مماثل، المحرم ما يغسل محرمه؛ فإنسان ماتت أخته مثلاً، يجوز له يغسلها؟ سيدي أخوي شو يقول؟ يقول: أول شيء خلينا نسأل، اكو اكو امرأة مثلها تقدر تغسلها؟ إذا اكو امرأة تقدر تغسلها، يصير الأخ يغسل؟ لا، ما يصير. إذاً، فايش وقت يغسل؟ أحوط وجوباً بأي حال؟ إذا ماكو هاي في هاي النسخة. يقول: والأحوط وجوباً باعتبار يعني اشتراط فقد المماثل، ماكو مماثل، أما إذا اكو مماثل ما يصير تغسل محارمك أنت.
وبعد، الشرط الثاني: وكونه من وراء الثياب، يعني والأحوط وجوباً أن يكون التغسيل مو بالتجريد، مو تجرد المحارم عن ملابسه، لا، من وراء الثياب. واضح؟ واضح، يعني لابس ملابسه وتغسلهم من تحت الملابس مو مُجَرَّد عن ملابس. وين وصلنا هسه؟ ولا بد -أنا عندي مكتوبة-: ولا بد أن يكون التغسيل في اللذين وراء الثياب.
تغسيل غير الإثني عشري والمخالف
مسألة 93: إذا غسل المسلم غير الاثنا عشري -يعني شنو؟ يعني هذا سني، إش بي هذا السني؟ غسل من يوافقه في المذهب- يعني سني غسله سني، المهم سني غسله سني، أنت هل يجب عليك تغسيل هذا الميت المسلم السني ولا لا؟ لا إله إلا الله، ليش واحد يسألْك سؤال؟ احنا بالأمس الدرس السابق إش قلنا؟ قلنا: وجوب تغسيل الميت، من يا وجوب؟ وجوب كفائي، وجوب سميناه شنو؟ كفائي، صحيح. هو وجوب كفائي، إذا تصدى له بعض سقط التكليف عن البقية. زين، أنا أعتقد أن هذا مسلم سني المات، بس اللي يغسله هم سني، هذا ما يغسله بالطريقة الصحيحة اللي أنا أعتقد بها، يغسله بطريقة شنو عندي؟ مخالف، عندي باطلة، زين، أنا سقط التكليف عني ولازم هم تعال خليني أغسله أنا؟ واضح السؤال؟ لا، ما هذا وجوب كفائي، يعني أنا أحس أنْ- أحس أن تغسيله باطل، هم لازم أقول: إذا تغسيله باطل بعدها ما غسلت، ما غسلت تغسيل صحيح. إذاً هل يجب علي أنا أن أعيد تغسيله لو لا؟ أقول- أقول: ما بيناتهم، هو سني غسل سني، أنا شو علي؟ فتغسيل السني صحيح، هو باطل بس يسقط التكليف عنه لو ما يسقط؟ يسقط.
هذا هو السؤال، يقول السيد: يسقط. إذا غسل المسلم غير الإثنى عشري من يوافقه في المذهب، غسله على مذهبه، سقط الوجوب عن المؤمنين، ياهو المؤمنين؟ يقصد بهم الشيعة، الشيعة ماكو- مو واجب الكفائي يقولون: لازم خلينا نغسل أموات السنة؟ لا. ماذا غسلوهم الجماعة على تغسيلهم، بعد أَلْزَمُوهم بما أَلْزَمُوا به أنفسهم، أنفسهم شو يسمونها هاي القاعدة؟ قاعدة الإلزام.
قال: وإذا غسله إثني عشري -المفعول به الهاء على مَنْ عايزه غسله؟ على الميت. يعني الشيعي غسله- فشنو المقصود؟ يعني إذا الميت السني منو غسله هاي المرة؟ غسله شيعي، الشيعي من يغسل السني، لازم يغسله على طريقة السنة ولا على طريقة الشيعة؟ على طريقة الشيعة، يقول لا، كون شيسوي؟ يجب عليه هرب عليه على المغاسل الشيعي. الشيعي أن يغسله، يعني أن يغسل السني على الطريقة الإثني عشرية، إلا إذا تَقِية، إلا إذا مورث تقية. لا، إذا مورث تقية، يعني يقتلوه، يقتلوه إذا يغسل بهالطريقة. لا، إذا يقتلوني أغسل على طريقتكم.
إذا سني يغسله شيعي، إذا سني يغسله شيعي شنو رايكم؟ صحيح ولا باطل التقسيم؟ ليش باطل؟ ليش باطل؟ احنا اشترطنا الإيمان، قلنا: يعتبر في من يباشر غسل الميت الإيمان، تغسيله باطل أصلاً. حتى إذا يغسل طريقتنا؟ يقول: أنا نفس طريقتكم. نقول له: لا، هو مجرد كونك سني، تغسيلك عندنا شنو؟ صح؟ باطل، باطل، لأن احنا شرط من شرائط التغسيل أن يكون شنو؟ أن يكون- حتى إذا غسل بطريقة صحيحة.
مسألة 94: إذا لم يوجد مسلم إثنا عشري مماثل للميت؛ عندنا ميت، فرضاَ أنثى، مَرَة ميتة، هاي المرة شيعية، شْنِحتاج؟ نحتاج لنا مَرَة شيعية تغسلها. شيعية؟ نعم، نعم، احنا رجال موجودين، رجال شيعة موجودين، يصير عندنا مرة تغسلها؟ دورنا، مرة ماكو، اكو بس مرة مخالفة سنية، هاي شلون؟ واضح شلون؟ نعم، بس مرة واحدة موجودة لكن سنية، يصير تغسلها؟ ما هو الحكم؟ واضح السؤال؟ نعم، نعم، نعم.
يقول السيد: إذا لم يوجد مسلم إثنا عشري مماثل للميت، بل اكو- اكو مماثل، اكو شيعي، بس شيعي هذا شنو حكمه؟ ليس مماثلاً، احنا موجودين، احنا اكو شيعة، بس احنا يصير نغسلها مَرَة؟ نعم، ما يصير، ليس من محارمنا، فرْض الكلام مو من محارمنا مَرَة أجنبية، ها وماتت، فالممشكلة من جهة أنه احنا صحيح شيعة بس ما مماثلين والمماثل ياهو؟ اكو مماثل بس في سني، فما هو الحكم؟ واضح ولا مو واضح؟ يقول: إذا لم يوجد مسلم إثنا عشري مماثل للميت، أو لم يوجد أحد محارمه، فما هو الحكم؟ هو إذا اكو واحد من المحارم، المحارم هو يغسلها، إذا لا هي ولا هي شو نسوي؟ جاز أن يغسله المسلم المماثل حتى إذا كان شنو؟ غيرْ- غير إثنا عشري.
فيجوز تغسيل المخالف في حالة واحدة، ما هي الحالة الواحدة؟ إذا ماكو إلا بس هو، واضح؟ بس هو المماثل. أعيد، سني، شو وقت السني نقبل تغسيله؟ إلا بحالة واحدة يقول: ماكو بس أنت، ماكو مماثل بس أنت، أما إذا اكو مماثل غيرك لا يغسل إلا شيعي.
قال: وإن لم يوجد هذا أيضاً -حتى حتى سني ما لقيناه، حتى مرة سنية ما لقيناه، لقينا مرة مسيحية، هاي شلون ظَنُّنهم؟ المسيحية ما تؤمن بالدين-. قال: وإذا لم يوجد هذا أيضاً، ما هو الحكم؟ يقول: راح نلجأ لمن؟ نروح للكافر الكتابي، يعني المسيحي أو اليهودي أو الصابئي، نروح للكافر الكتابي نقول له: تعال، لا مماثل، يعني لقينا مرة، هاي المرة مسيحية، يصير هاي المرة المسيحية تغسل المرة الشيعية هي الميتة، تصير ولا لا؟ يقول السيد: هو المفروض ما يصير، بس إذا ماكو غيرها شو نسوي؟ زين، إذا عندك سنية ومسيحية شو تقدم؟ إذا ماكو سنين نروح للمسيحية. لهذا قال: جاز أن يغسله الكافر الكتابي المماثل.
زين، اكو مشكلة هنا، المشكلة هنا ما ذاكرها السيد، ذاكرها في المنهاج. المشكلة شنو؟ أن هذا كافر ما يعتقد بالدين الإسلامي، مو صحيح؟ زين، لا ما يعتقد بالدين الإسلامي، هو غسل الميت عبادة ولا معاملة؟ عبادة عبادة. هذا شو يشترط فيها؟ قصد القربة، قصد القربة يعني شنو؟ يعني أنا أتقرب إلى الله بهذا العمل، توْ إذا هذا العمل ما معترف فيه، شلون أتقرب إلى الله به؟ واضح السؤال؟ ما أريد منكم- ما أريد منكم الجواب، بس السؤال شنو؟ هو كافر، شلون راح ينوي قَرْبة؟ بينما غسل الميت المفروض به قَرْبة، هذه مشكلة.
المشكلة الثانية اكو: أن هذا الكافر الكتابي أكيد سيلاقي نجاسات، هذا ما عنده- ما عنده شريعة، ما عنده دين، مثلنا احنا، احنا عندنا الخمر حرام نجس، كذا نجس، كذا نجس، هو ما عنده هذه الأمور كلها، عنده الخمر مثل المي عادي طاهر ما في مشكلة. فهذا عنده نجاسة خبثية واحتمال نجاسة حدثية، وعنده بعد شنو؟ عنده عدم إيمان بالدين، شلون؟ فعنده هواي مشاكل؛ مشكلة هذا هو أصلاً من راح يغسل الميت، راح ينجس الميت، وهو نجس بنجاسة خبثية أكيد، لا قلم خمر وما أدري شنو السوالف، ما يغسل إيده. وبعد شنو؟ واكو نجاسة حدثية، يحتمل- نجاسة الحدثية ما عندنا مشكلة بيها، مو ما عندنا مشكلة، بس مشكلتنا وين الخبثية؟ ومشكلتنا وين النية؟ شلون نحلها؟
السيد أخوي في المنهاج يقول: بالنسبة للنية، يتولاها المسلم؛ المسلم يعني أنا المماثل، غير المماثل، أنوي ما افتهمت. يعني أنا، قلنا- قلنا شنو احنا رايحين؟ احنا في منطقة أو رايحين احنا- رايحين بقافلة، رايحين بقافلة في المكان المعين بالطريق، سبحان الله انقطعت بنا الطريق، انقطعت بنا السبل، سيارتنا عطلت، ما أدري شنو، بالنتيجة الشيعية ماتت عندنا مَرَة الشيعية مثل الجوع ماتت، وبالقافلة ماكو مَرَة، ماكو مَرَة بس مسيحية، واكو أني الشيعي، فأنا ما يصير أغسل المَرَة اللي ماتت، لأني لست بمحارمها ولا زوجها ولا كذا، فراح أضطر أني ألجأ لهاي المسيحية.
زين، المسيحية تقول: مو مشكلة أغسلها، بس تعال أنا شلون أقصد القربة؟ مو أقصد القربة أكون مؤمن بدينكم، أنا ما مؤمن بدينكم، دينكم كلها حِشْمة أقول كذب وكذا، شو راح تنوي القربة؟ فشو يقول السيد؟ يقول: بالنسبة للقربة سهلة، أقول لها أنا معليش أنتي، أنتي اغسليهم، أنا راح أنوي في غسل أنه قربة إلى الله، يعني أنا راح أعتبرك آلة، شلون؟ أعتبرك آلة تحركك، والا هو اللي يغسل أنا، أنا النية من عندي والفعل منين؟ من عندي، هاي خلصت.
الشيء الثاني شنو؟ الشيء الثاني: مشكلة التنجيس، أن هاي نفس الخبثية، يقول السيد- عبارة السيد يقول: بأن يأمر المسلم- المسلم يأمر إياه هو، يعني يأمر الكافر، يأمر الكافر بالاغتسال، يا اغتسال يا اغتسال؟ مراد بالاغتسال مو اغتسال من الحدث مثل ما تتوقعون، مو يقول: اغسل غسل الميت، لا لا، يغسل جسمه كله غسل خُبث يعني، خاف كذا جاك، وتغسل الميت بعد ذلك ثانياً.
وإذا لم يجد الكتابي أيضاً، شلون؟ هاي يقول: حتى إذا كتابي ماكو موجود، يعني ما موجود أي مماثل، بس أنا الرجل وهي المرأة أجنبية، يصير أغسلها وهي أجنبية عني؟ الجواب: لا، يقول سيدي: التغسيل يسقط، أدقنها- أدفنها بدون تغسيل، ولا تغسلها أنت، وهذا شلون؟ لأن أنت ما مماثل. لهذا قال: وإذا لم يجد الكتابي أيضاً، سقط وجوب الغسل ودُفن بلا غسلين. واضح؟ هذه المسألة حفظوها رجاءً.
كيفية تغسيل الميت والأحكام المتعلقة به
كيفية تغسيل الميت: الآن نسأل كيف يغسل الميت؟ يجب تغسيل الميت على الترتيب الآتي: أولاً: بالماء المخلوط بالسدر، مولانا، ماء بالماء المخلوط بالسدر. مخلوط- يخلص فقط، يعني شنو؟ بحيث يصدق أنه ماء مطلق، ما يصير ماء مضاف، إذا صار ماء مضاف ما يصير. ثانياً: بالماء، قريبة بالضبط، مقدار قليل بحيث يصدق الخلط. ثانياً: بالماء المخلوط بالكافور، أيضاً خلط بحيث لا يصدق شنو؟ لا يصدق أنه أصبح ماء مضافاً. ثالثاً: بالماء القراح، القراح يعني الصافي، الماء القراح هو هذا الماء اللي نشوفه احنا، الماء المطلق، إي. ولا بد أن يكون الغسل ترتيبياً، ماكو تغسل الميت ما به ارتماسي، وما يصير غسل ارتماسي للميت، تغسل ثالث وترتيبي: رأس ورقبة ثم الطرف الأمثل -بأن يغسل الرأس والرقبة أولاً، ثم الطرف الأيمن، ثم الطرف الأيسر.
وإذا كان الميت محرماً؛ إذا كان الميت مات في الإحرام، يعني راح للحج أو راح للعمرة ولبس ثوب الإحرام ومات، هاي تصير ناس بيروحون للحج غالباً ناس كبار السن، فتصير حوادث موت هواي هناك، فاذا مات الإنسان وهو محرماً -طبعاً من ضمن ما يحرم المحرم، من ضمن ما يحرم على العبد، ما يحشي على الميت، إذا واحد أحرم تحرم عليه قلنا خمسة وعشرين نوعاً، من ضمنها يحرم عليه الطيب، الريحة، العطر، ما أدري شنو، من ضمن الطيب الكافور، الكافور فيه طيب- فهذا يقال: إن المحرم، أن الإنسان المحرم إذا مات وهو في الإحرام، يحشر يوم القيامة ملبياً، يحشر يوم القيامة وهو يلبي ولبيك اللهم لبيك، فاحنا ما نخرب عليه إحرامه، شلون نخرب؟ إذا ضفنا الكافور في ماء غسله الثاني، راح شو نسوي؟ راح كأنّه نُفسد إحرامه، فاحنا ما نريد. لهذا ورد في الروايات أنه لا تجعل الكافور في ماء غسل المحرم، إذا مات في الإحرام لا تغسله بالكاف- بالمي بالكافور، بس ماء السدر وماء قراح وماء قراح، واضح؟ يعني كذا أغسال، بس الغسل الثاني والثالث ما ينقطع، ما ينقطع ماكو ماكو ماء مخلوط. لهذا قال: لا يجعل الكافور في ماء غسله إلا بحالة واحدة يجعل، إذا كان موته في إحرام الحج بعد السعي بين الصفا والمروة، يعني السعي بين الصفا والمروة الحاج إذا وصل هالمرحله، وصل مرحلة أنه يسعى بين الصفا والمروة، كثير من المحاسبين- محرمات تسقط عنه، يبقى عليه بس محرم بس النساء، بالنتيجة، إذا كان موته في إحرام الحج بعد السعي، يجب أن يوضع الكافور وين؟ في ماء غسله. أما قبل هالمرحله، قبل لا يصل للسعي بين الصفا والمروة، فشنو حكمه؟ حكمه لا يوجعل الكافور في ماء غسله الثاني.
السدر والكافور لابد أن يكونان بمقدار يصدق معه عرفاً أن الماء مخلوط بهما، ويعتبر أن لا يكونا من الكثرة بحيث يخرج معه الماء من الإطلاق إغلاق، إذاً لا سدر تخلو هواي كلش، ولا تخلي قليل، مقدار كل لا هو يصير ماء مضاف، ولا هو شنو؟ يقول: ماكو ماكو- ماكو سدر، خليه في دواء القات قليلة، بحيث يصدق أنه شنو؟ يصدق أنه ماء مع سدر أو ماء مع كافور، فلا كثير ولا قليل لا.
إذا لم يوجد السدر أو لم يوجد الكافور، فالأحوط أن يغسله -الميت حينئذ- بالماء الصافي، بالماء القراح بدلاً عن الغسل بما هو المفقود منهما، ويضاف إليه التيمم. فإذا ايش عندنا؟ افترض لقينا سدر، بس كافور ما لقيناه، كافور ماكو، فشو نسوي هاي الحالة؟ نغسله بمن أول شيء؟ بالماء والسدر، هذا ما عندنا شي، بالماء والسدر نغسله اكو موجود، بعدين المفروض نغسله بمن؟ بالماء والكافور، سالنا أبو كافور قالوا: ماكو كافور، فشو نسوي؟ نغسله بالماء الصافي، الغسل الثاني، ونغسله بالغسل الثالث على الأصل بالماء القراح. بعدين شو نسوي؟ بعدين يقول السيد: الأحوط وجوباً أن نيممه بس مثلاً عن هذا الغسل اللي احنا ما غسلناه تغسيل صحيح اللي هو كافور، فنيمم نيابة عن تغسيله بالمس بالكافور، نعم، ييمم الميت، فناخذ بيديه ونضرب بهما على الأرض أو على فشل يصلح الجسم، نعم، ويمسح جبهته وجبينه، فإذا أمكن تحريك إيده، أما إذا ما يمكن تحريك إيده فييمم بيد الحي، الحي هو نفسه ييمم، يمسح وجهه وكذا، بعدين ناخذْ- ناخذ التيمم شنو يصير؟
قال: وإذا لم يوجد الماء القراح؛ هاي شلون؟ ماي قراح ماكو أصلاً، ماي ماكو أصلاً، ماي ماكو، عندنا سدر، عندنا كافور، بس ماي ماكو، ها شو نسوي؟ قال: وإذا لم يرد الماء القراح، فإن تيسر ماء السدر أو ماء الكافور جيد، شو نسوي؟ فالأحوط أن يغسل به بدلاً من الغسل بالماء القراح، ويضم إليه التيمم، وإلا -شنو معنى وإلا؟ اكتفى بالتيمم-. فعندنا سدر، عندنا احتمال. مرة تقول: ما عندي ماي أصلاً، كل شي ماكو، مي ماكو، يقول: يصير إذا ماكو مي قبل يمم، وبعد حتى إذا عندك سدر لوحدك وعندك كافور، شو يفيد السدر والكافور؟ مي ماكو، مي ماكو، عندنا- عندنا سدر موجود، هذا سدر توقعت، وعندنا كافور، هذا، بس تعال شلون شو نسوي؟ يقول: إذا ماكو مي أصلاً، ماكو مي، شو نسوي؟ قبل ننتقل لوظيفة علم.
مَرَة هكذا السؤال، الجواب أنت تسأله: شلون يغسلوك ثلاث غسلات؟ يقول لك: احنا جبنا جذر أو كذا، أجانا معينة، خلينا بيها ماء وسدر، جبنا جذر ثاني، خلينا به ماء وكافور، وقلنا المي موجود بعد شوية منْ- من يفرغْ، من نخلصه من السدر شو نسوي؟ المي مال السدر نبديه ونثلث هذا الجذر بماء قراح ونغسله تخفيف ثالث. عندنا بسْ- بس جذرين، بس إناءين، شوف إش حالة؟ عنده بس إناءين، احنا ايش نحتاج؟ نحتاج ثلاث أواني حتى واحدْ- واحد نغسله بماء قراح، وواحد ماء. فهو ايش قال؟ قال: لا، اثنين كافية، نغسله أول شي بماء سدر، من نخلصه؟ من نخلصه بماء سدر شو نسوي؟ ماء سدر شو أسوي له؟ أبدي وأروح أدرس الأجانب- أدرسها منين؟ من ماء عادي ماء قراح، وسهلة، وأرحله ومواقع واحد كان حاسب حساب سهلة، درسنا ماء سدر وغسلناه، رحنا غسلناه مع الكافور، قلنا له: يلا هسه جبنا ماء قراح، قال: بسلمة بدّه هو أو مو بدّه، راح فتح البوي، قال: شو ما ماكو؟ ما ماكو عندنا بالْ- شو اسمه؟ يوم عودنا منْ- ما ماكو، فهذا شنو اللي عنده؟ وشنو الماء عنده؟ عنده ماء سدر موجود، وعنده ماء كافور موجود، بس ما عنده ماء جديد لتغسيله الغسل الثالث، احنا المفروض الغسل الثالث نغسله بماء السدر لو بالكافور؟ بالقراح بالقراح بالقراح، لهذا ولا هذا؟ فشو نسوي؟ يقول السيد: إش حالة، ايش نسوي؟ ماشي، غسلوه بالمي الموجود عندكم. أقول له: المي عندنا ماء يِصْدَر، يقول: ماشي، غسلوه بالمي يِصْدَر، بس ضيفوا له شنو؟ ضيفوا له التيمم.
أما إذا واحد يقول: لا، أصلاً كل مي ما عندنا بعد، حتى ماء سدر وماء كافور ما عندنا، شو نسوي؟ يقول: إش حالة التيمم مباشرة.
مسألة 97: إذا كان عنده من الماء- كان عنده ما يكفي لغسل واحد فقط؛ عندنا مي بس جذر واحد، وهذا يكفي بس غسل واحد، شو نغسله؟ بماء السدر، لو نغسله بماء الكافور، لو نخلي بالماء القراح؟ قلت له- قلت له: أريد منك مقدار من الماء ما يكفي لملء ثلاث أواني، كذا جدور بتعبيرنا. قال لك: عندي بس جذر واحد ما لو هذا لو، فِشْ تغسله؟ تغسل الميت بهذا بهذا الماء تغسيل باعتبار ماء السدر، لو ماء الكافور، يعني تخيل سدر، لو تخلي كافور، لو تقول له: لا، هذا خلينا نضمه للماء القراح؟ فهمت الفكرة ولا ما فهمتوها؟
يقول السيد: هذا رأي، أما رأي السيد يخالفك هذا، يقول السيد: إذا كان عنده من الماء ما يكفي لغسل واحد فقط، فإن لم يوجد سدر ولا كافور، ييمم الميت مرتين، مرة ييمم بدلاً عن الغسل بماء السدر، ومرة ييمم بدلاً عن الغسل بماء الكافور، ثمْ- ثم هاي ثم يعني شنو؟ بعد ذلك، بعد ذلك يعني أول شي نيممه بعد ذلك شو نسوي؟ نغسله بالماء القراح. وإن وجد السدر مع الكافور أو بدون الكافور، بالنتيجة شو نسوي؟ يغسل الميت أولاً بمن؟ بماء السدر، فإذا غسلناه ما يبقى عندنا مي لو ما يبقى؟ ما يبقى عندنا مي، شو نسوي بعدين؟ ييمم مرتين، واحدة بدلاً عن الغسل بالماء الكافور وأخرى عن الغسل بالماء القراح. أما إذا اكو كافور فقط، ييمم الميت أولاً بدلاً عن غسل الماء، ثم يغسل بالماء الكافور، ثم يمم. الفكرة هكذا بكل بساطة هي المسألة، شفتوها الفكرة بهذا البساط؟ احنا أول غسل بمن يغسل؟ ثاني غسل، ثالث الماء القراح، فلازم نحافظ على الترتيب، نحافظ على الترتيب.
فإذا عندك مي، أسالك: هذا مي ماء سدر، لو بس ماء؟ يعني عندك سدر؟ أقول لك: عندي مي وعندي سدر، بس يكفي أول غسل، مو مشكلة، نغسله أول غسلة بمن؟ ماء سدر، بماء سدر. من غسلناه ماء سدر، يبقى عندنا ماء كافور ولا ماء؟ يبقى عندنا ماء كافور، ماء قرح فايش نسوي؟ نفرض نيممه بدلاً عن الغسل بالكافور، وبدلاً عن الغسل بمن؟ ماء القراح.
نعم، حالة ثانية: عندنا جذر مي، بس ما عندنا سدر، عندنا كافور، راح شو نسوي؟ مي السدر موجود؟ لا، ما موجود، ما موجود، راح شو نسوي؟ نيممه بدلاً عن السدر، ماء السدر، ماء الكافور موجود؟ موجود، فنغسله بهذا التغسيل، ماء القراح موجود بعد لو خلص؟ خلص، فإش نغسله؟ شو نيممه؟
زين، لقينا مي بس لا سدر ولا كافور، فنفس الفكرة، عندنا ماء سدر؟ لا، ماء سدر، فشو نسوي؟ نيممه بدلاً عن هذا الماء. عندنا ماء كافور؟ فشو نسوي؟ نيممه بدلاً عن الكافور. عندنا ماء قراح؟ أي، عندنا، فنغسله. بس رجاءً نحافظ على الترتيب، شنو معنى الترتيب؟ يعني إذا عندك ماء قراح فقط، ولا يوجد لا كافور ولا سدر، أول شيء نغسله وبعدين نيممه؟ أول شيء ييمم بدلاً عن ماء سدر هذا مقدم، ثم ييمم بدلاً عن ماء الكافور، ثم بعد ذلك يغسل بالماء القرار، هاي خلاصه المسألة هذه.
إذا لم يوجد الماء أصلاً، ييمم الميت إش قد ثلاث مرات، السيد الثاني: أن تيمم واحد كافي، ييمم الميت ثلاث مرات، ويقصد في هذه المرات الثلاث البدلية عن الأغسال الثلاثة على الترتيب، فِشْ يقصد بالتيمم الأول؟ إش يقصد بدل عن؟ بالتيمم الثاني بدل عن؟ قال: على الترتيب المعتبر فيها، والأحوط وجوباً طبعاً هذا، أن يأتي بأحدى التيممات، يأتي به شنو؟ يأتي به بقصد ما في الذمة، يعني شو يقول؟ يقول: أنت عندك ثلاث تيممات، انوي بواحد منها بدل عن السدر مثلاً، وواحد بدل عن الكافر، والثالث لا، تقول: بدل عن القباح، قول الثالث: بقصد ما في ذمتي، ما في ذمتي أنا مو بذمة الميت. واضح؟ واحد من أي واحد ها؟
إذا كان الميت كان جريحاً، أو كان محروقاً، أو مجدوراً -يعني مصاب بالجدري- بكل هذه الحالات الثلاثة يخاف عليه من تناثر لحمه إذا غسل. احنا عندنا مي، بس إذا غسلناه ترى يتناثر لحمه؛ لأنه هو محروق أو مجروح أو مجدور، فشو نسوي هنا؟ نغسله حتى يتناثر لحمه؟ لا لا، وجبْ- وجب حينئذ أن ييمم، والأحوط مع التمكن الجمع بين التيمم بيد الحي، والتيمم بمن؟ بيد الميت، مع التمكن. تقدر تحرك إيده أنت؟ أقدر أحرك إيده، أي، يممه بيد الميت ثم أنت هم بيدك، مرة ثانيه يممه، أما تقول: ما يتحرك، يممه بمن؟ فقط بيد الحي.
يجوز تغسيل الميت من وراء الثياب، وإن كان المغسل مماثلاً له. يجوز، بل لا يبعد أن يكون ذلك -شنو ذلك؟ يعني يقرب ذلك، ياهو؟ يعني التغسيل من وراء الثياب- أفضل من تغسيله مجرداً، مجرداً. واضح؟ يقول السيد: أول شيء التغسيل من وراء الثياب هو جائز، بل هو أفضل، أفضل من تغسله مجرداً. يا شيخنا احنا- احنا عادة نخليه يقطع على العود، أي، على العود، هو هذا المطلوب. شيخنا، هناك محروقة، إذا كلش فحمة، أي، أي، إذا أمكن التيمم وجب، وإذا ما يمكن التيمم يتحلم هكذا بدونْ.
ما تقدم في غسل الجنابة، ما تقدم في شرائط الماء، وشرائط الإناء، وشرائط المكان، ونحو ذلك، كل ما تقدم يجري تماماً وين؟ في غسل الميت. الماء لازم مباح، والإناء مباح، والى آخره. والصخرة والساجة -باعتبار الميت يغسلوه على شنو؟ على صخرة يسمونها ساجة أو صخرة- فهي أيضاً لازم مباحة، مو مغصوبة، إلى آخره، كالتي والصخرة والساجة التي يغسل عليها الميت يجري عليها حكم المكان، كما أن السدر والكافور يجري عليهما حكم الماء، الماء، فالسدر مو مغصوب. وهكذا.
الأجرة وقصد القربة في التغسيل
قال: والأحوط وجوباً الأحوط قصد القربة في التغسيل، يعني الغسل عبادة ولا معاملة بعد؟ عبادة، عبادة، فلا يجوز أخذ الأجرة عليه على التغسيل، ولا بأس بأخذ الأجرة على المقدمات، أو أن يكون التغسيل بقصد القربة، ويكون أخذ الأجرة داعياً، مو هو السبب المباشر، داعي، مجرد داعي إلى ذلك. هاي مهمة المسألة، مهمة، أن ذوول اللي يغسلون أموات ذوول يرجون فلوس، جاي يترجى فلوس: أنا حياتي شغلتي هاي، وعملة على قولتك يتعامل.
هذا يقول السيد: أول شيء مرة نسأل تغسيله صحيح ولا باطل، ومرة نسأل يجوز له أخذ الأجرة ولا لا؟ نكون نفرق بين هذين السؤالين، لأن ما فرقنا كلابس -يعني مطلب مو مو صحيح-.
أول شيء، تغسيله صحيح ولا باطل؟ السيد يقول: هو مؤمن، إثنا عشري، مسلم، تغسيله صحيح، عاقل، أقول له: كل بالغ عاقل، مو شرطنا، بالغ عاقل، مؤمن، يغسل بطريقة صحيحة. يقول: تقصير- تقصير صحيح، ما عليك مشكلة. أقول له: ياخذ فلوس؟ وأنت تقول سيدنا هنا شنو؟ لا يجوز أخذ الأجرة. يقول: إي، حرام علي، هو مو عليك أنت، أو بعبارة أخرى: حرام علي تكليفه، بس تقصير صحيح لو باطل؟ تقصير صحيح لو باطل؟ تقصير صحيح، نو؟
قال السيد: نجي هسه على هذا المغسل، نقول له: أنت قصدت القربة لو لا؟ يقول: طبعاً قصدت القربة إلى الله كان القصد ما يستبياني بنيت القربة إلى الله. يقول السيد: قصد القربة يتنافى وياخذ الأجرة ولا ما يتنافى؟ ما حدث، هل يتنافى قصد القربة مع أخذ الأجرة أو لا يتنافى؟ الجواب يقول السيد: مَرَة هو لا يغسل إلا لأجل المال، هو يعني هو تجارة لأجل المال يغسل، وأخذ المال يأخذه في سبيل التغسيل، والتغسيل واجب ولا مستحب؟ ويجوز أخذ الأجرة على الواجبات ولا ما يجوز؟ لا يجوز، الواجبات لابد أن يفعلها المكلف، المكلف بمن؟ بطواعية ومن دون أخذ أجرة، وهي من القواعد المهمة أن الواجبات لابد أن يفعلها المكلف مجاناً بدون أجرة، ما راح يصلي الظهر بفلوس، ما يتعلم الصلاة يشحذ. أي، فأخذ الأجرة لابد أن يكون- يعني لابد أن لا يجوز أن يكون أخذ الأجرة على شنو؟ على نفس الواجب.
شلون نصلحها إلهم؟ يقول: عن بطل احنا ما نغسل؟ نقول: لا، لا، احنا نعطيك توجيهات. التوجيه الأول: قول أنا راح أخذ فلوس مو على مود التغسيل، التغسيل مجاناً أفعله قربة إلى الله، بس أنا آخذ فلوس تعالوا نلاقيها مغسل، أنا بنيته وسويت لكم مي، جبت لكم بواري مال مي وش أسمه، وجيزر وش أسمه، وساجة، ها، ومكان مرتب للتغسيل، هاي كلها ببلاش هاي؟ فأنا آخذ فلوس، بس آخذ فلوس على التغسيل؟ لا، لا، التغسيل بالخدمة، بس آخذ فلوس على هالمكان هذا وعلى تهيئة المقدمات. المقدمات واجبة علي؟ لا، جواب: المقدمات مو واجبة عليك، الواجب عليك شنو؟ هاي مهمة، هناك فرق، هل واجب علي التغسيل ولا واجب علي توفير- توفير الماء؟ هذه مهمة، لو فرضنا شخص مات، واجب علينا نجيب له مي ونغسله؟ الجواب: واجب نغسله بس مو واجب نجيب له مي. يا، إذا ماكو مي، يقول: شو عليه ماكو مي، شو بيدي أنا؟ شو بيدي أنا؟ واجب علينا نجيب له كفن، يعني ثوب؟ واجب نجيب له كفن ونروح نجيب له نغسله قماش؟ شو تقولون؟ يقول الفقهاء: مو واجب عليك، بس إذا اكو قماش تقولون تكفنونه. أقول له: بالخدمة تجيب له قماش وأنا أكفنه. بس إذا ماكو قماش، واجب عليك تروح للسوق وأشتري قماش وأكفنه؟ ها؟ لو مو واجب؟ واضح السؤال؟ واضح.
فأنا واجب علي عملية التغسيل، مو واجب علي أجيب له مي، وأجيب له تاجر، وأجيب له مكان، هذه المشكلة مو واجبة علي، ماكو ماكو، خليه يغسلون. واضح شلون؟ فلهذا المغسل يجوز له أخذ الأجرة، لكن على أي شيءٍ؟ على مقدمات التغسيل، مو على نفس عملية التغسيل. هذا واضح؟ واضح.
بعد، اكو مطلب آخر، وهو مطلب الداعي. يقول السيد: يجوز أن يأخذ المال ويكون أحد أخذ المال ليس هو- ليس هو في- ليس هو سبب عملية التغسيل، عملية التغسيل هو يقول: مجاناً، بس اكو هناك ما يعبر عنه بالداعي، يعني أنا أقدر أغسله هسه وواجب عليه مو بخدمة أغسله، بس تعال بعد ساعة، يصير له ميسي ها؟ أركب بعد ساعة أغسله، مجبور أغسله هسه؟ فأنا آخذ المال حتى يكون الداعي للتغسيل الآن، حتى أنا أغسله هسه، وقتْ- مجرد وقت أقدم الوقت أو أخر الوقت، واضح؟ مجرد حصولي الداعي، مجرد حصول الرغبة في التغسيل الآن أو في التغسيل بعد مدة، فهذا الداعي السبب، افرض تغسيلاً لله قربة إلى الله وأسويه، بس أنا مجبور إلا هسه أغسله؟ مجبور إلا في اللحظة هذه؟ يمكن أغسله بعد، يمكن أقدم واحد على واحد. فيقول السيد: يمكن أن يأخذ مال مو لأجل عملية التغسيل، بل لأجل شنو؟ توفير الداعي له.
قال مسألة 103: إذا تنجس بدن الميت أثناء الغسل، تنجس- تنجس بنجاسة خارجية أو تنجس من الميت أثناء التغسيل وطلع دم، ما هو الحكم؟ قال: وجبت تطهير الموضع المتنجس، وهل تجب إعادة الغسل أو لا تجب؟ لا، لا تجب، هي مسألة ابتلائية مرات تصير، مرات تصير أنه قبل دفنه يتنجس، يصير دم مدري شنو يطلع، التغسيل ما- التغسيل مو باطل، التغسيل صحيح، التغسيل مو باطل، هو واجب، يجب- يجب إزالته، بس أثناء التغسيل أو بعد التغسيل يقول: التغسيل صحيح يبقى، لكن شنو؟ بس مجرد نطهر الموضع.
هذا، والحمد لله رب العالمين، وصلى الله على محمد وآل بيته الطيبين الصاهرين.
