المسائل المنتخبة – الخوئي – الشيخ عمار الخزعلي

دروس مفرغة — النصوص المتاحة

92 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 24

تحميل الصوت

تحميل Word

024

تكفين الميت. يجب تكفين الميت المسلم بقطعات ثلاث. الآن بعد تغسيل الميت الواجب الثاني هو التكفين.

فيكفن الميت بأثواب وقطعات ثلاث، الثوب الأول يعبر عنه بالمئزر، قال: مئزر وقميص، الثوب الثاني والثالث إزار. المئزر شنو حده؟ قال: والواجب في المئزر الثوب الأول الذي يكفن به الميت المئزر احنا نسميه وزره مو نسميه بالعامية يسمى، هو الأزر هي مئزر وأزر مأخوذ من الظهر (وأشدد به أزري) يعني أشدد به ظهري، فغالبا هو وين يشد حتى احنا مثلا واحد يطوف الحمام مرات يشد له وزره احنا نسميها، فالقطعة الأولى المئزر هو قد شيء عرفي يعني يستر به عادة من السرة إلى الركبة، لهذا قال: أن يكون بمقدار يستر ما بين السرة والركبة. إذا القطعة الأولى أن يستر، أن يكفن الميت بمئزر، هذا المئزر يستوعب مقدار من مقدار السرة إلى مقدار الركبة، يلف على الميت على هالمقدار هذا.

قال: والأفضل أن يكون من الصدر إلى القدم، بعد هذا استحباب من الصدر إلى القدم، بعد شيء قدم كلش للنهاية. هذا الواجب الأول قلنا من السرة إلى الركبة هذا المقدار الواجب، المستحب بعد يكون أبعد من الصدر إلى القدم.

والواجب في القميص؛ القميص أيضا أمر عرفي، كان هسه احنا عندنا القميص المتعارفنا لا مو هذا القميص، القميص الآن المتعارف قميص جديد هذا من يجد منطقة الروم صار قميص صغير، قبل كان القميص صدق نفس دشداشة، قبل القميص قميص كان شبيه، يعني شلون تعرفون القميص؟ هذا القميص زي الهندي شايفينه؟ زي الهندي هو هذا القميص القديم، قبل العرب كانوا يلبسون هذا القميص، يجيبون قميص طويل كلش يستر من الكتف لمن يصل إلى الركبة، يصل إلى نصف الساق، هذا كله قميص مو دشداشة. بس احنا هسه زي ما نجي بنطال قام القميص يوصل للخصر بالصفر ما أدري شنو، لكن القميص في استعمالات العرب كان كلش كبير، يعني زي الهندي، أنا قلت زي الهندي اللي احنا نسميه زي الهندي، القميص ماله كان هو القديم، كان قبل يلبسون قميص بهذا المعنى يسمونه قميص. فنفس القميص قال: والواجب في القميص أن يستر البدن من المنكبين (يعني الكتفين) من إلى النصف من الساق، الساق اللي تحت الركبة، الركبة فوق الـ.

والالأفضل استحباب أن يستروه لمن؟ إلى القدمين، كلش تنزل أفضل.

هسه نجي للقطعة الثالثة؛ القطعة الثالثة الإزار. الإزار قطعة ساترة لكل البدن، بعد هذه يلف بها البدن كله، واضح شلون؟ حتى الرأس، حتى الرأس طبعا الإزار يستر حتى الرأس، كل البدن، كل البدن يلف لفة واحدة بعد، واضح شلون؟ والواجب في الإزار طولاً من جهة الطول أن يستر جميع البدن، هاي من جهة الطول، ستر من الرأس يا هو؟ القدم، هاي من جهة الطول. زين من جهة العرض وين يوصل؟ طرفاه وين يوصل؟ يصير طرفه هيك يتحدث بس اتحاد بسيط بس هذا من اليمين وهذا من اليسار يكفي يوصل هالشي هالمقدار هذا؟ لو لازم الطرف اللي نجيبه من الأيمن نوصله لمن؟ للأيسر والطرف اللي نجيبه من الأيسر نوصله للأيمن؟ ايش يصير؟ لازم هيك يعني مثل عباية هاي، واضح؟ هل الإزار يكفي هيك يوصل؟ يكفي لو لازم أنا شو أساويه؟ هذا جاي هنا أوطيك وهذا جاي هناك أوطيك، واضح؟

لا تشتبهون، احنا الراس استثناه، الراس والقدمين استثناهن، لكن نتكلم عن جهة العرض، فما هو الحكم؟ يقول: ويشد طرفا. واضح شنو هذا يشد طرفا أصلاً؟ إي من هنا يشد من فوق هو، زين هو عرضاً شلون؟ قال: وعرضاً أن يقع أحد جانبيه (يعني الأيمن مثلاً) يقع على منو؟ على الآخر، مو ما يقع، هسه إذا ما إذا هيك بهالطريقة إذا كان الميت مثلاً سمين والكفن اللي عندنا ضيق فراح يوصل هيك في المقدار هذا، هذا كافي؟ نعم بالوصلات اللي خيطناها ما أدري شنو، إذا كان يمكن نخيطه فرضاها وصلناها للمقدار هذا، هذا يجزي ولا ما يجزي؟ ما يجزي، سيدي يقول: لازم واحد من الطرفين يقع على الآخر، يعني يشم هيك على الأقل هيك، إذا مو أفضل شوي بعد هيك بطريقة أحسن، أي بمقدار يصدق أن أحد الطرفين وقع وصار فوق الآخر، الطرفين يا هو؟ الأيمن والأيسر.

قال: والأحوط في كل قطعة (يا قطعه يقصد بها؟ المئزر أو الإزار أو شو اسمه الثالث القميص)، كل واحد لوحده شنو؟ في كل قطعة الأحوط أن يكون وحده ساتراً لما تحته، فمثلاً شو تقول؟ تقول: إني كفنته بالثوب من الأثواب مثل هاي العباءة تبين إيدي من وراها، هاي عباية تبين إيدي من وراها، يصير أكفن بيها؟ شو تجاوبه؟ عندي أي قماش أستفيده؟ هذا يقول له مثل، قال لك زين عندي خوش فكرة، أنا عندي الإزار، الإزار هذا إزار كبير ثلاث قطع، الإزار القطعة الثالثة عندي خوش قماش يستر، مثل قماش الصاية وقماش الدشداشة اللي لابسه أنت ساتر، يقول له: الإزار عندي ساتر فأنزل من عندك؟ خلينا نكفنه بالنسبة للمئزر والقميص نكفنه بهذه العباية خفيفة، وإحنا نخاف تقول لي صار قمنا نشوف جسمه، أقول لك القطعة الثالثة راح تستر. يصير هذا ولا ما يصير؟ يقول السيد: ما يصير، تكون كل قطعة لوحدها تستر. زين الحل الثالث؟ المئزر حتى لا يستر العورتين راح يصير سخين، أما القميص خلينا نخليه خفيف والإزار يصير سخين، هذه زين لو مو زين؟ ترهم لو ما ترهم؟ يقول السيد: ما يصير، كل قطعة لازم شو تصير؟ القميص ماكو مشكلة، القميص راح يستر والصدر إحنا راح نستره ديمة بالعباية. يقول السيد: منخشة تكون كل وحدة لوحدها شو تصير؟ كل وحدة هي ساترة، ما يصير وحدة حاكية، حاكية يعني مثل هذا الثوب العباءة تحكي عن إيدي، إيدي خلف العباءة يحكيها هذا الثوب، يعني لا لا يسترها. السيد السيستاني يقول: يوم إذا صار الستر بالمجموع ماكو مشكلة، إذا بالنتيجة انستر ميت ولو شنو؟ بتجميع القطع وحدة فوق الثانية انستر، مو شرط إلا في وحدة ساترة، بس أهم شيء يكون يستر. أقول له: هو يستر بس شنو؟ بس القميص صار حاكي بس المئزر حاكي، بس يقول: أهم شيء بالنتيجة انستر، أقول له: انستر لما جمعناه ثلاثة قام ما يبين شيء من جسمه، السيد الخوئي يقول: لا لا، كل وحدة تكون شنو لازم؟ ساترة.

ثم قال: وإذا لم تتيسر القطعات الثلاث، ما عندنا لا هاي ولا هاي، شو نسوي؟ قال: فالأحوط تكفين الميت بما يتمكن أقل منها، شو عندك ياها؟ عندك ياها قطعة؟ أكيد إذا عندنا شو اسمه الإزار أحسن من غيره، مو؟ أكيد يعني ساتر أكثر. لكن يقول: عندنا بس قميص، نكفنه لو ندفنه عاري؟ لا أحسن نكفنه بالقميص،ها طبعا وجودي هذا. فإذا إذا عندنا قطعة واحدة نكفن ميت بدون تكفين لو نكفنه بها؟ أحسن، كفنه بها أحسن. بس إذا تخيرنا، إذا إذا قالت: بكيفك شو تختار؟ قميص لو إزار؟ شو يقول له أحسن شو يا هو؟ لا لا لا لا، يقول: ليش ساتر للجميع أحسن؟ كاتر للجميع اللي هو من هو؟ الإزار أحسن.

قال: لا يجب على المكلفين بذل الكفن. شوف سيد شلون شلون قلت في أول المسألة؟ في أول المسألة ايش قال؟ قال: يجب تكفين الميت. هذا مو تناقض؟ هو من البداية ايش قال؟ قال: يجب التكفين، هسه شو يقول؟ يقول: ما واجب عليكم تبذلون الكفن، شنو الفرق؟ الفرق لا، مرة اكو كفن بس واجب علينا ايش نسوي؟ تكفينه، والعملية. ومرة ماكو كفن، شو أقول أنا؟ أقول هو الواجب علي التكفين لو بذل الكفن؟ يا هو الواجب علي؟ التكفين، عملية التكفين هاي واجبة، أما واجب علي أنا أروح أشتري كفن للميت؟ لا مو واجب علي، بس هي واضحة ما صار تناقض. فوق بداية المسألة يقول: إذا اكو كفن أنت واجب عليك شو تسوي؟ تكفنه، إذا اكو ماء واجب عليك تغسله، واضح؟ أما إذا ماكو ماء شنو واجب تغسله؟ نعم. الواجب تروح تشتري ماء أنت على حسابك؟ واجب تشتري ماء على حسابك وتكفن ميت؟ فبالنتيجة الواجب هو التغسيل لو توفير الماء؟ شو تجاوب؟ الواجب هو التكفين لو توفير الكفن؟ التكفين، التكفين، لهذا يقول السيد: لا يجب على المكلفين بذل الكفن إذا لم يكن للميت مال يكفي لكفنه، فالكفن منين ناخذه إحنا؟ من مال الميت، إذا ما عنده مال أنا مو واجب علي. ويجوز حينئذ أو دفنه، ويجوز دفنه حينئذ يجوز دفنه ماذا؟ عارياً. السيد السستاني ما يقبل، يقول: لا، الأحوط أنه يجب بذل كفنه على المسلمين، ويجوز أن يحتسبونه حتى زكاة، يجوز تحت عنوان الزكاة.

وين وصلنا؟ إلا أن يكون من تجب نفقته، من تجب نفقة الميت عليه، إذا كان هذا الميت واجب النفقة على الحي، الميت واجب النفقة على الحي، يعني يا لازم ينفق على الثاني؟ الحي واجب ينفق لو الميت واجب ينفق؟ الحي، الميت كان شخص يجب أن تنفق أنت عليه، نعم اللي هو من هو؟ الزوجة مثلاً، اللي هو الابن مثلاً. قال: فالأحوط حينئذ وجوب البذل عليه، الها عليه من عايدة؟ على الميت، على الميت، على الميت بالله خش، لا على الحي، مو لا وجوب البذل على هذا الحي، يجب أن يبذل الحي، فالميت يبذل والميت ما يبذل، يبذل علي يقصد؟ لا عليه، الها عليه من عايدة؟ على الرجل، على الحي. إي هذا كلام.

مسألة مهمة ها؛ التركة منين طلعتنا؟ يقول السيد: يخرج المقدار الواجب من الكفن يخرج منين؟ من التركة. زين التركة اكو قسمين، التركة وياي لو مو هو؟ نعم، نعم التركة مولانا الميت إذا ترك أمواله اكو تعبير يسمونه أصل التركة، تعبير يسمونه الثلث. الإنسان عندما يموت تقسم أمواله بين ورثته حتى إذا ما راضي هو، فاهمين شلون؟ أنت طلعت من الدنيا حتى إذا أنا ما راضي أن ابني ياخذ إرث غصب ما علي ابني ياخذ إرث، حتى إذا أنا ما راضي أخوي ياخذ إرث إذا أخوي موجود وطبقة ثانية هم يستحق ياخذ إرث، إذا أنا ما أرضى أبوي ياخذ إرث متعادي ويا والدي متعادي ويا ابني، غصب ما علي ياخذ شنو؟ من تركتي شئت أم أبيت.

زين واحد يقول: خل أوصي، يقول له: شو توصي؟ يقول: راح أحرمهم، أقول: تركتي كل أموالي انطوها للشو اسمه لزيد من الناس، لا مو للأكبر، ما أريد أحرم الورثة، أريد أكرههم، أنا أكره ورثتي، ورثتي أبوي وابني وكناتهم ما أحبهم أنا، فراح أحرمهم، خوش طريقة شو أسوي؟ أقول: أموالي كل أموالي بعد موتي أعطوها لمن؟ أعطوها للجهة الفلانية، للأيتام، أعطوها للأيتام، أعطوها لزيد من الناس، أعطوها لجيراني، زيد جيراني زيد أحسن من من ولدي مثلاً، أقول: واحد هيك عنده مشكلة ويا أولاده.

الجواب شنو هنا؟ هل ينفذ، تنفذ وصيته؟ لا، الفقهاء يقولون: تنفذ وصيته في خصوص الثلث، فنقسم أمواله ثلاث أقسام، لو فرضا ذلك ثلاث مليارات، فمليار هو اللي راح وين نوديه؟ على اللي أوصى، وين وصلت؟ للأيتام مليار نعطيه، ومليارين وين نعطيها؟ للورثة، ما يحبهم يكرههم ما لنا رب. أعيد، إذا التركة تقسم صحيح بين الورثة، بس بشرط شنو؟ مو بشرط، لكن إذا وصى الميت تنفذ وصية الميت وين؟ في خصوص الثلث، الثلث، إذا فهمتم هذا.

زين، قبل أن نقسم هاي مهمة المسألة، قبل أن نقسم التركة بين الورثة، قبل، قبل أن نقسم التركة بين الورثة، لابد من أن نخرج أموالاً من التركة يسمونها اختصت من الأصل، هاي تعبير من الأصل هاي راح تسمعونه بالأحكام المتعلقة بالتركة، يقول: يخرج من أصل التركة، هاي أصل التركة تقصد يعني قبل التقسيم؟ قبل التقسيم. مرة شو يقول لك؟ يقول لك: هذا يخرج من الأصل، أما ذاك فيخرج من الثلث، شو يقصد؟ يعني ذاك اللي يخرج من الثلث، يعني بعد تقسيم التركة، اكو ثلث خاص بمن؟ بالميت، الميت له حق يوصي بقدش؟ بالثلث، بالثلث. فمرات شو يقول لك؟ أقول لك: أما هذا فيخرج من الأصل، وأما ذاك فيخرج من الثلث. الثلث عرفتوه؟ الأصل شنو يعني؟ الأصل ما نوزع التركة، ما نوزعها، المورثه يقول تعطلوا فلوسنا، يقول: عطوا اكو أمور يجب إخراجها قبل التوزيع، واللي يبقى لكم عود نوزعه، إذا ما بقى شيء ما نوزعه. شنو هالامور؟ كفنه، محل دفنه، ديونه، إذا مديون ديون، من الأصل مو من الثلث، انتبهوا على هاي المسألة ابتدائية مهمة. تارك تارك لنا ثلاث مليارات الشيخ، فرح بيها، وهو مطلوب 5 مليارات، مطلوب 5 مليارات، شو نسوي؟ تتوقعون شو نسوي؟ هاي ثلاث مليارات نشيلها نطير الديانة والورثة ولا فلس؟ الورثة ولا فلس، يقول لك ليش؟ خو تون الثلث؟ شو نجاوبهم؟ نقول: لا لا، الديون تخرج من الثلث لو من الأصل؟ شو نجاوبهم؟ لا لا، زين تارك لنا ثلاث مئة، ثلاث مئة ألف، ما يسوى، الموت بس دفنته هي تكفي ثلاث مئة، بس دفنته ثلاث مئة،ها فهنا الورثة يستحقون شيء بعد ولا ما يستحقون شيء؟ شوف، أما لو قلنا بأن الدفن يخرج من الثلث شو نسوي؟ الورثة يستحقون مئتين مئتين وهي المئة نعطيها للدفنة والباقي ما أدري شلون نكمله في هيئة إن شاء الله. الصحيح هو أن الدفن منين يؤخذ؟ من الثلث لو من الأصل؟ من الأصل. الديون تخرج من الأصل لو من الثلث؟ من الأصل. هاي مهمة كنتوا تعرفون ماذا يخرج من الأصل وماذا يخرج من الثلث.

السيد شو يقول؟ اكو كلمة قالها ما انتبهتوا إليها، يقول قال: المقدار شنو؟ واجب، شنو قصدك ليش قال واجب؟ لأن اكو بالحقيقه مقدار مستحب واكو مقدار واجب، هم تكفين الميت الآن لما تروح تشوف تكفينهم يكثرون قطع قطع كثيرة، خمس قطع، موت لا حبرة أحسنت، ومرات يخلون عليها حديث الكساء أو حديث شو اسمه الدعاء جوشن أو آية فلانية، ما أدري شنو، ترتيبات كثيرة، العورة يسترونها بساتر معين، اكو إذا كان طالب علم، إذا كان هو إذا كان طالب علم ماكو عمامة، هم يخلو له، واضح؟ يعني إذا كان إذا كانت المرأة لها مقنعة لها وهاي تفاصيل، يعني شنو؟ اكو ترى قطعات مستحبة هواي، القطعات المستحبة تصير كلش هواي، زين هاي القطعات المستحبة هم نطلعها من الأصل؟ لا لا لا لا، يقول السيد: لا لا، خلينا ننتبه، اللي نطلعها من الأصل يا مقدار؟ فقط المقدار الواجب، أما المقدار المستحب فيخرج من من يجاوبني؟ من الثلث نفسه له، وإذا ردنا نطلعه من الأصل لازم نستأذن منين؟ من ورثته، هاي انتبهوا إليه رجاءً، هاي مشكلة تسوي، يعني مثلاً شخص مات في كربلاء، إذا دفناه بكربلاء يكلفنا مئة ألف فرضاً بس الدفن، دفناه بالنجف صار مئتين ألف، هاي المئة الزائدة منين نطلعها؟ هل يجب الدفن بالنجف؟ شو تجاوب؟ لا لا مو هو الدفن بالنجف مو واجب، بس الدفن بالنجف، الدفن بالنجف له شأنية، له شو اسمه، كثير من الروايات يقول إنه يرفع عنه عذاب منكر ونكير، واضح؟ يرفع عذاب منكر ونكير إذا دفن بالنجف، شايف الكلام؟ يجب الدفن إلا بالنجف؟ شو تجاوبني؟ لا لا مو، هو الدفن بالنجف مو واجب بعنوانه الأولي ها إلا إذا أجبله عنوان ثانوي، اكو عنوان ثانوي بس الدفن بالنجف بعنوانه الأولي مو واجب، يجب دفنه بالنجف مو واجب. زين يصير ناخذ فلوس الدفن بالنجف؟ ناخذها منين؟ من الأصل لو من الثلث؟ من الثلث، ناخذ المقدار الواجب من الدفن ناخذه منين؟ من الأصل، وإذا أرادنا مقادير واجب مستحبه ناخذها من الثلث، فإذا الثلث موجود زيد، إي، إذا لا والله، بدنا ناخذها من الأصل لازم نستأذن منين؟ نقعدهم، تعالوا إنا هذا والدكم راح ندفنه بالنجف، وحتى الدفن بالنجف اكو منطقة قريبة للإمام، اكو منطقة ندفنه داخل الحضر، هاي كل فرقة مبلغ، شو تقولون أنتم؟ قالوا: إي، نعيم يا ريت، وظيف هذا وما عندنا مشكلة، فراح يكلف كذا، يكلف مثلاً ملايين، تقولون تدفعون ملايين أنتم؟ قالوا: نخاف من حفظكم، اكو مشكلة هنا.

أما إذا واحد منهم عاند، قال: ما أخذه، لا والله أعطيك وصفة استدعاية، تصير الشغلة، مو واحد عاند، منو ورثه الميت؟ أخوه الكبير، أخوه المعقَّر مع احتراامي له، أخوه المعقَّر اللي هو رئيس عشيرة أخوه الميت، واكو طفل ضضيع عمره شهر، طبعا بالميراث يا هو يستحق؟ الأخ لو الابن؟ يقولون: هذا الابن الرضيع يستحق الميراث، والأخ اللي معقر ما يستحق ولا فلوس، ليش؟ لأن يا طبقة؟ الأخ من يا طبقة؟ الأخ من الطبقة الثانية، وهذا الطفل الرضيع اللي عمره شهر من الطبقة الأولى، وجود الابن من الطبقة الأولى حجب الإخوة. نعم. هذا المعقَّر أبو شوارب يصيح: شلون وكذا أريد تدفنون أحسن دفنة من؟ نقول له: شوف لا تحكي، مو بكيفك. يقول: لا عاد، هن مو من فلوسك ياب، تبي تدفع من جيبك جزاك الله. يقول: لا مو من جيب، من الأصل. يقول: لا الأصل مو بكيفك، الأصل للورثة، والورثة منو؟ الطفل هذا الطفل الرضيع، الطفل الرضيع قاصر، ما لنا حق نتصرف بفلوسه، ما يصير نتصرف، ما يصير نتصرف تصوروا؟ ما يصير، لازم نقتصر على المقدار الواجب، إذا واحد يحكي بالمستحبات فيدفع من جيبه. واضحه هذه؟ واضحة الأموال اللي يحكي بالمستحبات بهالحكي، بهالحالة هاي، حالة وجود قاصرين يحكي من جيبه هو، يريد يدفع من جيبه، مو يقول: لا هم قاصرين يرضون، حتى قالوا بالمناسبة هسه مو شرط عمره عمره ست شهور، لا عمره خمس سنوات، سأله ويقول لك: ما يخالف، ما يخالف الجواب، لا الطفل محجور على أمواله حتى إذا رضي ما ناخذ من حصة، لا ناخذ من تصرفاته، الطفل ما دام طفل، واحد من ورثته أقاصر. إي، هاي مشكلة، أنا إلا الكبار من حصصهم، ذولا البالغين من حصصهم ناخذ، إي نحجزه، فهمتوا الفكرة؟ واضحة الفكرة؟

بعد، أعطيكم مسألة ابتدائية أخرى: واحد انكتل، واحد انكتل فالعشيرة ايش سوت؟ جابت الدية، الدية مال القتل جابتها، الدية حصة منو؟ حصة الورثة، حصة الورثة إذا كبار فنقول لهم: يا أبو أنتم هاي الدية منو جابها لكم؟ جابها لكم شيخ العشيرة، قرايبكم، ابن عمكم أو عمكم، وهذا طبعا يستوهلك شيء، تعب، شلع قلبه، تقدرون تاخذون أنتم من الدية تاخذون فرضا كذا مليون والباقي يوزع على العشيرة؟ إذا قالوا نقبل، مشكلة ماكو مشكلة، ماكو مشكلة، لكن إذا كان الميت ترى كله أطفال، ترى هم هذا أبو سند هذا رضيع، أبو سند رئيس العشيرة شو يسوي؟ هاي حصتكم أنتم عمي، هاي حصتوها للولد وهذا للعشيرة نوزعها، تفرض صحيح لو باطل؟ هذا حرام، هذا تفرض، العشيرة المفروض ليش يعرفون هذا الشيخ، هذا الشيخ العشيرة الكبير إذا عرف أن هذا الولد هو رضيع أو طفل أو حتى ذاك يعني بس أهم شيء مو بالغ، إذا عرف أنه مو بالغ ما له يتصرف بفلس واحد من من الدنيا كلها تجيبه، المفروض منه ياخذ، أنا أقول لك: إذا اكو بالغين كبار ياخذ من حقوقهم، واضح؟ ينتبهوا الناس عليها، شوية مهمة، فيقول للسيد: يخرج المقدار الواجب، أما المقدار المستحب فمن الثلث، فمن الثلث مقدار الواجب، ولو عمره شهر يرث كل المال، فما يصير أنا أتتصرف بأمواله حتى إذا قشمرته ورضيته، مو مو مو شرعية هالشغلة، واضح؟ حتى إذا ها بالمناسبه زين إذا تقول لي: أنا ما راجعته هو طفل صغير، راجعت وليه، الجواب: الولي مو بكيفه يتصرف بأموال الصبي، هاما قضية ثانية، أموال الصبي لا يجوز للولي حتى أن يتصرف بها إلا بما يدور مصلحة على الصبي. أعطيكم إبتلائية المسألة؟ ها؟ نعم، إذا واحد الطفل ابنكم الصغير انطأته 50 ألف هدية، قال لك: هاي إلك، أنت ما يصير تتصرف بيها، تاخذها بجيبك تخليها هي، لأن صارت ملك لما؟ للابن، أنت وظيفتك شنو؟ وظيفتك هاي 50 ألف ما يصير تعطيها بيد الولد، هذا الطفل الصغير يقشمرونه، وظيفتك تصرف هاي الـ 50 عليه، تصرفها عليه، أما تاخذ الـ 50 بجيبك تخليها أو تطلب على نفسك حرام، شايفين لو ما شايفين؟ لو بدك يطلبك.

هذا يخرج المقدار الواجب من الكفن، يخرج من أصل التركة، هذا مهم تعبير أصل التركة مهم، اكو تعبيرين، تعبير أصل التركة وتعبير يخرج من الثلث، فرقتوا بيناتها؟ كلش مهم التفريق بيناتهم، واضح؟ هناك مقدار يخرج من الأصل وهناك مقدار يخرج من الثلث. الميت إذا مات، منين ناخذه؟ من الأصل، منين أصله؟ منين أصله؟ واضح؟ قال: وكذا (يعني يخرج من الأصل منه) ويخرج من الأصل السدر والكافور والماء وقيمة الأرض التي يدفن فيها وأجرة حمل الميت حتى حتى يشيعون الجنازة هم يكون فلوس بنطيها منين؟ من الأصل، من الأصل واضح شلون؟ قال: إلى غير ذلك مما يصرف في أي عمل من واجبات الميت، فإن كل ذلك يخرج منين؟ من أصل التركة.

قال: وإن كان الميت مديوناً، فاذاً هي مهمة المسألة الميت مطلوب، مطلوب مليون، هاي مهمة مسألة ابتدائية، فالواحد تعبان، شغلته تعبانة كانت بالدنيا، مات من كثر ما مديون مات، شقد مطلوب؟ مطلوب 5 ملايين، شقد تركنا؟ تركنا يا دوب 500 ألف، تركنا 500 ألف، هاي 500 ألف يا دوب تكلفه دفن، سؤال مهم: مقدار الدفن من وين نخرجه؟ والدين من وين نخرجه؟ فهاي بنطيها للديانة لو بنطيها للدفنة؟ يقول السيد: لا لا، أول الواجبات يقدم الدفن مو الديانة، أول الواجبات يقدم الدفن، إذا زاد عندنا نعطي الديانة، واضح؟ فإذا الديانة يوقفون بالباب يقولون: نريد فلوسنا، يقولون: لا شرعا أنتم أنتم مرحلة ثانية، خلينا نخلص من دفنة، إذا يبقى فلوس عندنا نعطيكم واضح شلون؟ ما تزاحمون أنتم، مو قلت لا اعطينا فلوسنا وبعدين احتاروا بدفنة، احتاروا بدفنة، أخذوا من أخذوا من بيت مال المسلمين، روح للحاكم الشرعي، لا لا المقدار المقدار الذي يكون به دفن الميت يقدم على كل أمر آخر، يقدم حتى على الديون، هذا قصدي سيدي، ويقول: وإن كان وهنا عبارته وإن كان الميت مديوناً، حتى وإن كان مديوناً إحنا ناخذ ناخذ المقدار الدفن منين؟ من الأصل، من الأصل، يقول: أو كانت له وصية، فإذا كانت له وصية، هنقول أول شيء ننفذ الوصية وبعدين ندفنه ولا أول شيء ندفنه وبعدين ننفذ الوصية؟ ها؟ الوصية منين تخرج؟ من الثلث، يعني بعد التقسيم، لكن إحنا المقدار الدفني يؤخذ منين؟ من الأصل، فماخذوها قاعدة: ما يؤخذ من الأصل يقدم على ما يؤخذ منين؟ من الثلث، وبعد التقسيم، فإحنا الأمور اللي فلهذا هو موصي قال: كل أموالي أعطوها لمؤسسة اليتامى مثلاً المؤسسة الفلانية، قلنا معي عفواً، لا تدخلونا بالوصايا مالت وصايا الميت عفواً، ما نسمع أي وصية من وصايا الميت المالية، خلينا ندفنه هسه، ناخذ فلوس لدفنه، عود إذا يبقى عود نطي لليتامى ونطيهم منين؟ من الثلث فقط، لهذا قال: وإن كان كذا أو كذا. هذا فيما إذا لم يوجد من يتبرع بشيء من ذلك، أما إذا وجد متبرع وإلا (يعني شنو معنى وإلا؟) إذا واحد الله هداه وتبرع، فلم يخرج من التركة شيء، بعد ما نخرج أي شيء، مو نستثني، بعد الباقي يوزع بين الورثة.

وأما ما يصرف من الأموال فيما زاد على الواجب، هاي منين طلعها؟ ما زاد على الواجب (يعني شو نسميه إحنا؟ المستحبات)، قال: فإن كان الميت قد أوصى بذلك خصوصاً أو أوصى به بنحو عام أخرج منين؟ من الثلث، وإلا إذا ما عنده أي وصية توقف جواز صرفه، صرفه يا هو يا صرفه؟ صرف المال في المستحبات على إجازة منو؟ الصغار لو الكبار؟ شوف يقول لك الكبار، إيش قال الكبار؟ حتى يقول لك مو تقول له تروح للصغار تستأذن منهم، لا، لازم إلا الكبار، الصغار ما إذا أطفال، إذا عنده بس أطفال ما يحق لك أن تدفنه الدفن المستحب أو تكفنه الكفن المستحب، لأن لأن شنو؟ لأن هو ما لا هو موصي، خليني أوضح لك أنا، بعد ما موضحها، طالع من حصصهم، فايش يقول السيد؟ المقدار المستحب منين نطلعه؟ نطلعه من الثلث، بس بشرط يكون الميت موصي، يكون الميت موصي حتى نشتغل بالثلث، إذا ما وصى شلون؟ يقول السيد: إذا الميت أوصى، مرة يوصي بخصوص ومرة يوصي بـ عموما، يوصي بخصوص شو يقول؟ يقول: أريدكم أن تدفنوني في النجف وأريد أن يكون كفني من أجود أنواع الكفن ومكتوب عليه الدعاء الفلاني ومدري شنو، شو المستحبات؟ من قال: أريدكم أن تفعلوا كذا، تفعلوا كذا، تفعلوا كذا، إحنا شو نفهم؟ نفهم أنه هي يقصد منين نطلعها؟ منين نطلعها؟ من الثلث ها؟ هي من الثلث، هي مستحبات طبعا، هي امور مستحبة من اصل الواجب بس هي مستحبات مال، يقول: يدفنوني احسن ثوب واحسن كذا، إذا ما موصي هاي خصوصا عموما شو يقول؟ عموما شو يقول؟ يقول بنحو عام ايش تحتاج بما يتعلق بتسليخ دمني؟ ما يتعلق بشؤوني بعد الموت أنا اريد احسن شيء، ايش قال؟ فايضا هاي بنحو عام وصى، ما قال كفني، قال كذا. زين إذا لا لا وصى بنحو عام ولا وصى بنحو خاص، ما هواي ناس غافلين عن هاي السالفة، اصلا ما يتوقع يموت فجأة، ما أحس أنه ما هذا، لا لا لحق يوصي، لا لحق أحد الناس واحنا نريد ندفنه احسن دفنة وناخذ اثنين نعوذ من اصل التركة، الجواب: لا ما يصير، إلا بحالة واحدة، شنو؟ الاستئذان منين؟ من ورثته، بس يا ورثته؟ كبار، فإذا ما عنده ورثه كبار شو نسوي؟ إلا واحد إذا قلت دور مصطحبات يدفع منين؟ من جيبه، إذا عنده ورثه صغار ورورثه كبار شو نسوي؟ نطلع المقدار الواجب ونقسم التركة بيناتهم، نجي للكبير، قد حصلت حصلت مليون، نقول له: من حصتك، تقبل تقبل أن الدفن المستحبه مو نروح للصغير ناخذ من حصته، واضح؟ نعم الصغير حصل له مليون والكبير حصل له مليون، ناخذ حصة من هو؟ نجي للكبير نحاكيه.

قال: فان كان الميت كذا والا توقف جوازه، قريناها. قال: كفن الزوجه؛ الزوجة واجب النفقة على من؟ على الزوجة، قال: كفن الزوجة على زوجها بس بشرط على زوجها شنو كفن فوق طاقته؟ يقول: مع تمكنه، حتى مع كونها هي غنية وهو فقير، هي غنية ميسورة وهو فقير، كفنها على من؟ إذا هو متمكن من الكفن، كفنها يكلف 100 ألف وهي عندها ملايين خير من الله، وهو يا دوب عنده راتب استغل كذا من الراتب 100 ألف، استغل متهني به، يتهني به العفو. قالوا له: زوجتك ماتت، جيب الكفن، قال: أخذ من فلوسها، يقول: لا ما يصير ناخذ فلوس، عندك عندك عندك 100؟ يقول: عندي 100، يقول: جيبها حرام عليك، لازم تدفع المئة وين؟ في كفن زوجتك، زين. هي مثل صحيح، إي بعدين قال: والاحوط (احتياط وجوبي) والاحوط ذلك، ذلك يعني شنو؟ يعني كون الكفن على من؟ على الزوج، حتى في المنقطعة وفي الناشزة أيضاً، الزواج الدائم الزواج الدائم يجب فيه أن ينفق الزوج على زوجته، هي واضحة لا يجب على الزوج أن ينفق على زوجته، في الزواج المنقطع، الزواج المؤقت نسميه إحنا متعة، يعني نسميه زواج المنقطع أو زواج المتعة، الزواج المؤقت لا يجب على الزوج أن ينفق فيه على زوجته، زين إذا ماتت واجب يدفع الكفن؟ إي، السيد يقول: صحيح، هو مو واجب حياته، بس لما تموت واجب يدفع الكفن،ها؟ مطلب آخر. المرأة إذا خرجت عن طاعة زوجها شو يسمونها؟ ناشز، ناشز، تطلع بكيفه من بيته أو راحت زعلانه، طلعت ببيته بيت أهلها أو لا تمكنه من نفسها، يسمونها امرأة، شو يسمونها؟ ناشز، القاعدة الفلسطينية هي أن المرأة الناشز لا تستحق النفقة، لو فرضنا زوجته طلعت من بيته بدون أذنه، راحت عند أهلها سنتين، بعدين تقول له: أريد أريد النفقة مال سنتين، أريد أكي وشربي مال سنتين، واجب يطيح ولا مو واجب؟ لا لا مو واجب، الناشز لا يجب على الزوج أن ينفق على زوجته الناشز، واضحة هذه؟ فاذا ماتت الناشز، واجب يدفع الكفن؟ تريد اخوي يقول: بالنسبة للموت، إذا ماتت والله خلصت منه، يكون واجب عليه يدفع الكفن.

قال: هذا هذا الحكم ايش وقت؟ إذا لم يتبرع غير الزوج بالكفن، وإلا إذا الله خلصها وتبرع أبوها، أبوها قال: الكفن علي، زوج بعد شنو واجب عليه يدفع؟ لا، قال: سقط عنه، عنه يا هو؟ عن الزوج، عن الزوج. وكذلك (يعني شنو كذلك؟) وكذلك يسقط عن الزوج، وكذلك يسقط عن الزوج ايش وقت؟ إذا أوصت (يعني الزوجة المراه) به، به يا هو؟ بالكفن من مالها، هي ايش قالت؟ قالت: قالت أنا إذا تبقى على زوجها يسويها يسويها حد بحد وهي الواجبات، أوصي بأن أدفن في المكان الفلاني المقدس القريب على الإمام الكذا، أوصي بأن يكون كفني أفضل كفن، أوصي أوصي وهي عدها خير من الله، فهي الوصية ما راح تنفق، في ثلث الزوج بعد ما ياخذ منها ولا فلس، هي خلصتها، واضح شلون؟ نعم. شو يسوي؟ ايش بيدي عليك؟ هو هو لم يتمكن من تنفيذ هذا الموضوع، إي هو يقول: ما اعتمد، هي عندها أمور، إي ما متمكن مولانا؟ إي لا ما متمكن، يؤخذ من تركتها بعد، هو قال قال: بعد تمكنه مع الاعتبار، هو الوالد يعني إي ما إحنا قلنا هذا، إحنا قلنا: ناخذ من هي هذه الأمور تاخذ من الأصل قبل التقسيم، ونقول لك بعد.

قال: تجوز كتابة القرآن، سواء تكتبه كله القرآن أو بعضه من القرآن، بعض السور، يجوز كتابته على شنو؟ على الكفن، بس شنو تكتبها؟ بلا مواضع، بالمواضع التي أول شيء تتناسب واحترام القرآن، مو تكتبها بمنطقة العورة أو منطقة شو اسمه، تكتبها وين؟ في منطقة الصدر مثلاً، نعم صدر الإنسان، منطقة الرأس، منطقة محترمة هاي، أما واحد يكتب قرآن يخليها قريبة على منطقة العورة هذه مو حلوة، حتى إذا ماكو نجاسة بس هي ما تناسب، واضح مو حلوة فيها إهانة القرآن. زين، إذا أنا أول شيء يكون أختار منطقة ليست ليست من المناطق التي فيها إهانة عرفاً، أنتم أرجو أن تفرقون بين تنجيس وبين إهانة، مو تفرقوا والتنجيس غير إحنا ماكو نجاسة، بس اكو موضع يعبر عنه بموضع الإهانة، هاي أول شيء نختار الكتابة بالقرآن في موضع يكون ما في إهانة، الشيء الثاني أن نختار هذا الموضوع يكون ما في هاي المرة شنو؟ نجاسة، فإذا كان نحتمل هناك نجاسة تخرج بعد ذلك، احتمال المعتد به أن الدم يخرج من هنا، هاي أيضا نحاول نحترف بها حتى لا يصير شنو؟ تنجيس في الكتابة، لهذا هم شي يسوون؟ ما يخلونها هيكتني، ربما يعلقونه يخلونه في حفظ معين أو في شو اسمه (يعني أي جيب معين) حتى لا يصير يتنجس، لهذا قال: بشرط أن لا تتنجس يا تتنجس؟ الكتابة القرآنية بالدم أو بغيره من النجاسات. والأولى أن يكتب القرآن على خرقة وتوضع هذه الخرقة على رأسه أو على صدره، لماذا؟ ليؤمن به يا هو به؟ نعم بهذه الخرقة يعني من النجاسة.

شروط الكفن، ما نلحق معكم هذا، والحمد لله رب العالمين، وصلى الله على محمد وآل بيته الطيبين الطاهرين.

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع

أضف تعليق