المسائل المنتخبة – الخوئي – الشيخ عمار الخزعلي

دروس مفرغة — النصوص المتاحة

92 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 40

تحميل الصوت

تحميل Word

040

أعوذ بالله السميع العليم من الشيطان الغوي الرجيم، بسم الله الرحمن الرحيم. وصل اللهم على محمد وآله بيته الطيبين الطاهرين، صلى الله على محمد وآله وصحبه وسلم.

وصلنا إلى المسألة رقم 162. الغسالة، تعريف الغسالة وأحكام الغسالة.

تعريف الغسالة وحكمها

الغسالة؛ شنو تعريفها؟ تعريفها: وهي الماء القليل الذي أزيل به الخبث. فالماء القليل الذي يستعمل في إزالة الخبث يسمى بالغسالة. أما لو كان الذي يزال به الخبث ماءً كثيراً، فلا يسمى غسالة؛ كما لو فرضنا واحد يغسل إيده من جسمه بالنهر مثلاً، أو بالبئر، أو كر، أو ما شاكل.

الغسالة اللي راح نحجي عليها وقد نقول إنها نجسة أو كذا، نحجي على شنو؟ على الماء القليل الذي يزال به الخبث. فمثلاً واحد يغسل إيده مثل نجسة، يتجمع الماي بجدر أو بإناء، فهذا الماي شنو حكمه؟ هذا الماء يسمى ماء مستعملاً في رفع الخبث مو في رفع الحدث.

الماء المستعمل في رفع الحدث طاهر؛ الحدث يعني واحد يتوضأ ويتجمع الماي ماله أو يغسل جنابة -بس ماكو ماء - ويتجمع الماي بالطشيت أو بهذا، خو طاهر مو ما بيه مشكلة.

لكن نفس الشيء أسأل عن الماء المستعمل في رفع الخبث؛ يعني إيدي كان بها دم وغسلت أنا إيدي مثلاً، فتجمع الماي وين؟ في إناء، هذا الإناء أو هذا الماي العفو هل هو نجس أم طاهر؟ الماي شو يسمونه؟ غسالة.

ما هو حكم الغسالة؟ يقول: (الغسالة وهي الماء القليل الذي أزيل به الخبث). هذه الغسالة محكومة بالنجاسة لأنها ماء قليل لاقى نجاسة، والأصل في كل ماء قليل لاقى نجاسة شنو الأصل فيه؟ متنجس.

قال: ويستثنى من ذلك الغسالة من الغسلة التي تتعقبها طهارة المحل. يقول: فقط غسالة واحدة تكون طاهرة، وهي يا غسالة؟ التي إذا انفصلت من الجسم يصبح الجسم شنو؟ طاهراً، فيطهر المحل عقبها بعدها؛ لهذا يقول: تتعقبها طهارة المحل.

يقول بنحو القاعدة: أي غسالة إذا انفصلت من الجسم فيطهر الجسم، هي شو اسمه؟ النص. أما إذا انفصلت من الجسم وبعدها متنجس، تكون الغسالة شنو؟ أعطيكم مثالين:

مثال: إذا كان على يدي، أو إذا كانت يدي متنجسة بالبول - أجلكم الله -. البول شقد تطهيره؟ كم مرة؟ مرتين. فاغسله غسلة أولى، الغسلة الأولى جمعت بالإناء، هاي يسمونها غسالة لو مو غسالة؟ غسالة. لكن هل تعقبها طهارة المحل؟ لا. ليش؟ لأن إيدي بعدها شنو؟ نجسة. شو تريد إيدي؟ تريد بعدها غسلة ثانية؛ فالغسلة الأولى الغسالة الأولى لم يتعقبها طهارة المحل، يعني لم تطهر يدي بعدها، بعدها مو طاهرة، فهذه الغسالة على رأي السيد الخوئي شنو حكمها؟ نجسة، هذه متنجسة. لماذا؟ لأنها لم يتعقبها طهارة المحل، يعني بعد أن انفصلت، بعدها إيدي شنو؟ متنجسة.

زين، غسلت مرة ثانية، صبيت مرة ثانية، والمرة الثانية مو اسمها الغسالة الثانية؟ جمعناها بإناء ثاني، هاي الغسالة الثانية هم ماء قليل مستعمل في رفع الخبث، المفروض نجسة، لكن السيد شو يقول؟ يقول: لا، لا، هاي تعقبها طهارة المحل، هسة إيديك مو طهرت؟ أقول له: إي، طهرت. يقول: هاي هي. أي غسالة عند السيد الخوئي أي غسالة يتعقبها طهارة المحل، فهي غسالة طاهرة.

رحتم أنتم شو تتوهمون؟ تتوهمون دائماً الغسالة الثانية هي طاهرة والأولى دائماً نجسة، تقولون: أحسن من تعبير "يُتعقبها" أخو الشيخ لو قائل الثانية طاهرة دائماً والأولى دائماً نجسة، أخو أحسن! لا، مرات الأولى تصير طاهرة؛ شلون؟ إذا كان على يدي هذه المره شنو؟ نجاسة الدم. الدم العين، العين الدم، مسحتها، مسحتها بوصلة، ماكو غسل أحمر ما بالعين ماكو، يعني جسم دم ماكو، هو أحمر أصلاً ماكو، بس إيدي طاهرة لو نجس؟ إيدي نجس، نجس. زوال العين بالوصلة ما يكفي، لازم تطهرها بالماء، طبعا سياتي إن شاء الله نقول إنه إزالة النجاسة إذا كانت ما عدا البول، نجاسة على الأشياء الجامدة، كما إيدي يكفي فيها شنو؟ مرة واحدة، فأصب صبة واحدة ويتجمع الماي في الجدر في الإناء، هذه الغسالة طاهرة لو نجسة؟ طاهرة.

تسأل: هل طهر المحل؟ جواب: إي، طهر، مرة واحدة كافيه على إيدي إذا تنجست بدم بعد زوال العين، إذن ستكون هذه الغسالة شنو؟ طاهرة. لهذا السيد ما يجي يقول لك دائماً الأولى نجسة، المرات الأولى تصير طاهرة؛ شو وقت؟ إحنا نعطي قاعدة: دائماً الغسالة التي يتعقبها طهارة المحل شو تكون؟ طاهرة.

نعم، هي مسألة خلافية طبعا، تراجعون بين طهاره الغسالة وكذا، هذا رأي الخوئي الذي ذكرناه، أما باقي الآراء يراجعون، مثلاً السيد الثاني يقول بنجاسة الغسالة مطلقاً، كل غسالة نجسة. قال: (الغسالة وهي الماء القليل الذي أزيل به الخبث، هذه الغسالة محكومة بالنجاسة، ويستثنى من ذلك الحكم)؛ ايش يستثنى؟ (الغسالة من الغسلة التي تتعقبها طهارة المحل، مثل ايش؟ قال: مثلاً إذا لم تكن عين النجاسة موجودة في المحل، وكان -يا اسم كان؟ المحل- يعني المحل مما يطهر بالغسل ما...) -مثل ايش؟ في الدم-. كانت الغسالة أكيد محكومة بمن؟ بالطهاره على الأظهر لأنه تعقبها شنو؟ طهارة المحل، لكن أكيد الاحتياط شنو؟ احتياط شو اسمه هذا؟ فتح باب الاجتناب عنها.

غسالة الاستنجاء

مسألة أخرى: غسالة الاستنجاء. ما معنى الاستنجاء؟ إحنا قلنا: الاستنجاء هو تطهير مخرج البول والغائط. تطهير هذا المخرج أو ذاك يسمى استنجاء.

استنجاء غير الاستبراء، مو تعرفون شنو الفرق بالاستبراء زين؟ الاستنجاء قلنا: تطهير موضع البول أو الغائط. غالباً هاي مسألة تصير ابتلائية، أنه غالباً المكلف عندما ينظف يطهر نفسه، من يطهر موضع البول أو موضع الغائط غالباً تصير قطرات تقع على رجله أو على ثوبه أو على كذا، هذه شنو حكمها؟ مقتضى القاعدة.

قاعدة شنو؟ مقتضى القاعدة أنها غسالة، والغسالة شنو حكمها؟ نجسة، مثلاً خاصة على رأي السيد... كلها نجسة، لكن وردت في نصوص أن الاستنجاء له حكم خاص، بشدة الابتلاء به صار حكمه أنه، كما يقول السيد: غسالة الاستنجاء وإن كان -يا هو اسم كان؟ لا بعد منا منا الاستنجاء أحسنتم- ونحن قلنا: الاستنجاء يكون من البول أيضاً، ويكون من الغائط، لأن معنى الاستنجاء هو شنو؟ غسل موضع البول أو الغائط.

بعضهم شو يتصور؟ يتصور الاستبراء خاص بالبول، والاستنجاء خاص بالغائط، هذا خطأ. لا، الاستنجاء هو غسل موضع البول أو الغائط، الاستبراء ذاك يقسم إلى قسمين: استبراء بالخرطات واستبراء كما تقدم.

المهم يقول: وإن كان -سياسة، إن كان يعني الاستنجاء- وإن كان هذا الاستنجاء من البول طاهرة، هذا خبر لقوله شنو؟ غسالة الاستنجاء إيش بيها؟ طاهرة. غسالة الاستنجاء طاهرة، حتى لو كانت منين؟ من البول. يعني وإن -طبعاً لا يخفى عليكم، ما نتكلم عن شو اسمه، ما نتكلم عن وجود العين النجسة برضه الكلام واحد- يطهر الموضع، موضع كان متنجس بالبول وكان متنجس بالغائط فيطهر الموضع، فطفر على إيده ويطفر على كذا، يقول: غسالة الاستنجاء طاهرة بشروط:

أولاً: أن لا تتميز وتوجد وتظهر فيها شنو؟ عين النجاسة، لا تكون متميزة وظاهرة، أما مع وجود عين النجاسة في ماء الاستنجاء فهو مئة بالمئة متنجس، هذا ما يستثنى على القاعدة، وهي أنه متنجس. لا، فرض الكلام ما بيه مثلاً أجزاء من الغائط أو أجزاء من...

ثانياً: أن لا تتغير، يا هي منو فاعل تتغير؟ مآلة الاستنجاء، غسالة الاستنجاء أحسنتم، أي جيد، الغسالة يعني. أن لا تتغير الغسالة بملاقاة النجاسة، وإلا قاعدة أنه كل ماء متغير بأوصاف النجس فهو نجس، متنجس، متنجس حتى لو كان كراً، حتى لو كان جارياً -متقدم؟- أي ماء متغير حكمه شنو؟ نجس، أخذناها من الآن.

ثرثاً: أن لا تتعدى النجاسة، لا تتعدى من المخرج، يعني من فتحة الغائط، لا تتعدى على نحو لا يصدق معه الاستنجاء. فإحنا نتكلم عن شنو؟ عن إنه شخص يغسل موضع البول أو موضع الغائط، وفرض الكلام أنه عادةً يكون هناك نجاسة عندما ينتهي الإنسان من يقضي حاجته، يغسل موضع الغائط اللي هي حلقة الدبر مثلاً، ويغسل موضع البول اللي هو الذكر رأس الذكر. يقول: بس هذا إحنا بنقول غسالة الاستنجاء طاهرة بشرط أن لا النجاسة، خاصة نجاسة الغائط، أن لا تكون نجاسة الغائط قد تعدت المخرج، تعدت حلقة الدبر، تعدت -يعني شو نقول؟- توسعت، أما إذا توسعت بحيث وصلت إلى أجزاء أخرى كثيرة، خاصة في إذا كان هذا الإنسان مبتلى بالإسهال أو غيره، لا، هذه إذا وصلت، الاستنجاء الأصل فيها شنو؟ الأصل فيها أنها نجسة، عليكم السلام؛ فاذا تعدى المخرج تعدت النجاسة، اللي هي الغائط الغائط، إذا تعدى حلقة الدبر بأن توسع وصار وصل للمخرج والارداف ومادري شنو الأبعاد، الأصل في غسالة الاستنجاء أنها تبقى شنو؟ متنجسة.

رابعاً وأخيراً من الشروط: أن لا تصيبها، يا هي تصيبها؟ أن لا تصيبها الغسالة هنا شنو؟ مفعول وفاعل، شلون صارت نحوه مفعول هنا مو فاعل؟ أن لا تصيب أن لا تصيب الغسالة نجاسة، فالفاعل هو النجاسة، يعني ماكو نجاسة أخرى تصيب الغسالة.

شنو قصده بأخرى؟ أخرى يعني شنو؟ يعني غير نجاسة الغائط، أحسنتم، مو يجي دم. أما لو كان الموضوع هم بيه غائط وهم بيه دم، لا، صار مشكلة ثانية، صارت الغسالة مبتلى فيها مشكلة، مشكلة الدم. إحنا نريد المشكلة نفس مشكلة أن هذا مخرج غائط بس، فإذا مخرج غائط إحنا سامحناك قلنا لك بشروط ثلاث، أما إذا اكو مشكلة ثانية غير مشكلة الغائط، نجاسة أخرى على قولتك، سواء من الداخل أو من الخارج، أي نجاسة داخلية، خارجية، يجي هو هو مثلاً دم من من خارج، المهم بالنتيجة ما نريد نجاسة أخرى، وإلا تكون الغسالة نجسة.

السيد الثاني يقول: هي محكومة بحكم سائر الغسلات، نعم، لا يجب الاجتناب عن عن ملاقيها إلا في صور. السيد الثاني يقول: هي نجسة، نجسة، لكن لا يجب الاجتناب عنها، شيء يعني غريب! هي من جهة النجاسة والطهارة هي نجسة، لكن شايفين نجس يعفى عنه؟ أخذناها إن شاء الله، نقول مثلاً الدم إذا كان أقل من الدرهم البغلي شنو حكمه؟ يعفى عنه. فيقول: هاي غسالة الاستنجاء تصير حكم ما يعفى عنه؛ مثل الدم القليل، طبعاً الدرهم إذا كان الدم إذا كان أقل من الدرهم البغلي، نجسة وطاهرة؟ نجسة لا أحد يشك، الدم قطرة منه صغيرة هي نجسة، يعني شلون يصير يصلي به؟ يقول: إي، هو رب العالمين قال لك هي نجسة، بس أنا أعفي، أقول: صلي به؛ فالعفو لا يعني طهارة، العفو عن الدم القليل لا يعني طهارته. نفس الكلام في الغسالة، السيد الثاني يقول: أنا أفهَم من الأدلة أن غسالة ماء الاستنجاء هي نجسة، لكن نجسة يعفى عنه بيها، مستحيل هذه بيها شيء. شاكر بس ما العفو اللي يتحدث عنه يعني تدري به قبل الصلاة، حتى إذا تدري به قبل الصلاة نفس الشيء، الدم نفس الشيء، يعني الدم...

المهم، خلينا ناخذ المسألة المهمة رجاءً، اللي هي مسألة 164، مسألة كيفية تطهير الأشياء.

كيفية تطهير الأشياء

قالت: تختلف كيفية التطهير، تختلف باختلاف المتنجسات وتختلف باختلاف المياه وتفصيله، وهذا تفصيله. ناتي الآن لكيفية تطهير المتنجس، لدينا متنجس نريد أن نطهره بالماء، يقول السيد: تفصيل لأن هذا ما عندنا قاعدة عامة؛ مرة المتنجس يريد لفت طريقة خاصة، مرة الماء لفت طريق، يعني لفت كيفية خاصة، لهذا إحنا نقـ... نقسم البحث هكذا: أن المتنجسات إما آواني أو لا، إما آنية أو لا.

الآنية شنو الآنية؟ الآنية جمع إناء، والإناء هو كل ظرف يستعمل للأكل أو الشرب، أو يخزن فيه الأكل والشرب. الإناء، الإناء كل ظرف يستعمل للأكل أو الشرب، أو يخزن فيه الأكل والشرب عادةً، هاي مهمة، الإناء معرفة الإناء مهم.

الظرف، اكو عندنا ظرف واكو عندنا مظروف، ما ببالكم هالساعة الظرف ما بيسوي لا، الظرف يعني ما يوضع فيه الشيء، والمظروف ما يوضع في الشيء. هسة هاي الغرفة أو هذه القاعة، هذه القاعة ظرف لنا، يعني شنو؟ يعني مكان يحوينا واضح؟ وإحنا شو يسمونه؟ مظروف. الرسالة والظرف مالها؟ ظرف ولا مظروف؟ الماي والطاسة مالتها؟ ظرف ولا مظروف؟ فهمتوا الظرف والمظروف؟ نعم إي هاي الظرف والمظروف يشمل كل شيء.

لكن اكو هناك ظروف -يعني أماكن خاصة- يوضع فيها شيء، هذه الظروف مختصة بالأكل والشرب، وهناك ظروف أخرى ما مختصة بالأكل والشرب، تشمل الأكل والشرب، مثلاً هسة هاي الغرفة مختصة بالأكل والشرب؟ نعم ما يسمونها إناء.

بعد شنو؟ الطشت، طشت فيكم واحد ياكل بطشت أو يخلي ماي بطشت ويشرب من عنده؟ -طبعاً ما أحكي على الحالات النادرة، لا تجيبوا الحالات النادرة، هي بالنادرة كل شيء يصير، شايفين، والله شايفين؟ إي، تصير- ما أحكي، بالمناسبه هذا إحنا بالأخير ايش قلت لكم عادةً؟ بالأخير ايش قلت لكم عادةً؟ أما الحالات النادرة والمخابرين كل شيء يسوون، لا، لا، أنا أحكي على الحالة العادية، الحالة المتعارفة، الحالة العرفية المشهورة جداً.

الحالة المشهورة جداً أنه ما أحد ياكل بكرتونة، طشت يا بدر، ما أحد ياكل بالطشت، ما أحد ياكل... بعد شنو يساعدني بأمثلة؟ اكو أمثله، أشياء إحنا ما نسويها، ما ناكل بها ولا نشرب بها، نشرب من الإناء، من القدح لا، ناكل من الماعون، جدر نسويها ناكل من عنده، صينية ناكل منها، ها. ولكن مثلاً طشت لا يؤكل منه.

بعد من يساعدني بأمثلة؟ ها، أحسنتم، بالإبريق ما أحد يشرب من الإبريق معناً مستهجن عندنا عرفاً، هذا الإبريق ها، ما أحد يشرب من عنده إلا يخليه واطي يجوز يطلب من عنده على الأقل ويشرب منه، ما يسوون، بس مباشرةً ما حد يشرب من عنده، هو ياكل به؟ أكيد ما حد ياكل من عنده، وهكذا أمثله أتركها لكم لعرفياتكم، أتركها لعرفياتكم أنه هناك أو ظروف خلينا نسميها يا هو الأعم؟ الظرف للإناء، ظرف أعم من الإناء، الظرف يشمل كل ما يكون وعاء لشيء آخر.

أي واحد من المصادر: الظرف يشمل كل مكان، كل مكان يمكن أن يدخل فيه شيء، هاي الغرفة يسمونها ظرف مو شيء، المنبر ظرف من المظروف؟ خطيبة! إي، الكتاب ظرف والمظروف يعني الأوراق وهكذا، إي كل شيء يحوي شيء ثاني يسمون يحوي يسمونه ظرف لكن يسمونه مظروف، لكن الإناء ظرف خاص، وعاء خاص، شنو صفته؟ صفته أنه يحرز، على قولت الفقهاء يحرز فيه المأكول والمشروب، هاي يحرز وضحتها قلت لكم يعني يوضع فيه المأكول والمشروب أو يخزن فيه.

بس عادةً ها، عادةً، مو تجيب لي حالات شاذه نادرة استثنائية، لا، لا استثنائية، اطلع، نحشي على الحالة الطبيعية، وأحشي على الإنسان، مو تجيب لي حيوان، الحيوان كل شيء تطيب، كل شيء يأكل، حيوان تصب له شو اسمه طشت عادي، لا، لا، أحشي على عادة بالنسبة للإنسان، ياكل من الطشت؟ لا، فالطشت ما يسمى إناء، بعد. بينما الجدر مثلاً يسمى إناء، الماعون يسمى إناء، القدح، الكلاص، هذا المتعارف يسمى إناء، المزهرية ما تسمى إناء، الاستكان يسمى إناء يحرز فيه، هو أنا ما قلت يؤكل منه فقط، ما قلت فقط يؤكل، بعدين يخزن، أو يخزن، هاي مهمة، حتى شو يدخل؟ يدخل اكو أشياء إحنا ما ناكل مثل سطلة كبيرة، عادةً يخلفون بها الطحين، ما ناكل إحنا من عنده، ما حد ياكل من سطلة، بس تستخدم فين؟ في الخزن عادةً، عادةً. لكن القشد نستعمله في غسل الملابس شيء متعارف، شيخنا التانكي، طلع التانكي هم يخلون بيه تانكي، إي خوش مثال، تانكي صار إناء مستخدمين وهي طرحو يشوفون شنو مصائب الإناء. الإناء بيش لا، القلب تطهير يختلف عنه، أنا ليش قاعد أفرع لكم إناء لو غيره؟ لأن الإناء فيه مصائب، أجلكم الله، أعطيكم مثال: الكلب إذا ولغ -ولغ يعني بعدين أوضح لكم شنو معنى شرب، خلينا نقول بعدين أوضح لكم شنو معنى ولغ، شرب أجلكم الله- إذا شرب من الطشت ها، أو شرب من الجدر، شنو الفرق؟ جدر ثلاث مرات وجيب تراب وشيء، عن كلب، طشت مرة واختفى، تصور هالشيء! إذا شرب من الطشت لأنه مو إناء، مرة واحدة تغسل بالماي كلش كاف، وجودها مرة واحدة حتى بالقليل، مرة واحدة. إذا بالجذر، لأن الجدر مبتلي اسمه إناء، ثلاث مرات، والمرة الأولى بالتراب يسمونها التعفير. عجيب والله مشكلة!

بعد شنو؟ هذا كون نفهم منو الإناء ومنو مو إناء، حتى نعرف هذه طريقة التطهير شلون تصير. كون نعرف يا هو الإناء ويا هو المو إناء، لأن الظاهر هاي مثلاً يقول: إذا شو اسمه موت الجرذ، الجرذ يسمونه اللي هو الكبير من الفأر، موت الجرذ ها؟ هذا إذا مات في الإناء تغسل تغسل الإناء سبع مرات، أما إذا مات بغير إناء، مرة كلش كافي. شو الفرق؟ كبير الفرق صار، إناء خمر، إذا خمر في إناء تغسل ثلاث مرات لازم، إذا خمر في غير إناء مرة كلش كافي، وهكذا تفاصيل كثيرة راح تشوفون، اللي هو يفيد المنهج يوضح بنهاية الصالحين، يقول: (الظاهر توقف صدق الآنية على انفصال مظروف عن ظرفه، وعلى كونه مما يحرز به المأكول مشروف) -مشروب- هي عبارة صريحة له في المنهاج، ما ذكر رقم المسألة، تجيبون المنهاج وضعكم إياه المسألة.

الشرط المهم هو يحرز، على قولتها، أن يحرز فيه، يحرز يعني مثل ما يكون محل الحرز، محل الحفظ، محل أنك تجد الأكل فيه، الأكل عادةً والطعام والشراب تجدوه.

المهم، إذا فهمتم هذا المطلب فمولانا جداً مهم، أعطيكم مسألة ابتدائية هي الغسالة، مولانا الغسالة، طريقة التصوير إحنا خوف ساعتنا بالغسالة، جيد واحد يغسل ملابس، هاي الغسالة إذا فسرنا هذا هو ظرف بها ظرف، محل الغسل ومحل التنشيف، حوض مال التنشيف، حوض التنشيف هو مشكلتنا به، مو مشكلتنا بحوض هذا أكيد نجاسة، بس حوض التنشيف هو آخر مرحلة، هذا حوض التنشيف إذا فسرته إناء، طريقة التطهير الآن كلها غلط وملابسنا كلها نجسة، لأن ما حد يلتزم باللي راح يجي.

أما إذا فسرنا هذا اللي ينشف إذا فسرناه لأنه مو إناء، صارت طريقة تطهير الملابس سهلة جداً، وهي بعد شوي بناخذ الآنية بلكي واحد فيكم يذكرني على الغسالة، أشيلكم على الغسالة شلون، إذا فسرناها إناء وإذا فسرناها مو إناء. بس الحمد لله هي مو إناء ليش؟ الحمد لله لا يخلص بها مأكولاً مأكولاً، خلصنا من المشكلة، الله أكبر، لهذا صارت طريقة غسل الملابس بالغسالة طريقة سهلة، ليش؟ لأنه ما بيها قيود الآنية، والآنية مشكلة مشكلته سياتي أنه ثلاث مرات وهي سبع مرات وذيك مدري شلون، وتفرغه لازم يعني لازم شو أسوي؟ على لو فسرنا لو فسرنا هذا مال الغسالة بأنه إناء، لازم ايش أسوي؟ أصب ماء أطب وأطلع الملابس وأغسل شو اسمه؟ أغسل الحوض كله وأطلع الملابس، لو برجعها، لأن الملابس إذا رجعتها ما حتنجس، بس السالفة صعب التطهير جداً يصير صعب. لأن أول شيء الإناء يطهر والملابس تطهر، زين هو أنا طلعت الملابس، شو عليه بالإنارة، أنا طلعت الملابس! طلعت الملابس، طلعها من الغسالة أحسن لك، طلعها ونشفها، اغسلها وحدها تحته، مال هي داخل التنشيف، تقدر تطهرها؟ ما تقدر، لأن كل ما تطهرها الإناء يبقى نجس، والإناء راح يرجع ينجس الملابس وتلاق عليك خلفة ما أدري شلون.

لهذا اللي ما يعرف الأحكام الشرعية، شو يسووا كان؟ إنه يطلعون قطيعة الملابس بره، ويعطل، هاي اللي يجي يحتاط، اللي يجينا، بس هي الحل بالنهاية بهذه الطريقة، وبلكت بعد شوي أوضح لكم.

إذن، طريقة التطهير أن نقسم الأشياء المتنجسة إلى قسمين: آنية وغير آنية. نبدي بالقسم السهل، غير الآنيـ... غير الآنية إما بول أو غيره نجاته، هاي المرة أعيد إحنا عندنا شنو؟ الأشياء المتنجسة إناء لو لا؟ يقول لي لا مو إناء، ليش نروح الآنية؟ بعدين أسأل الآنية، أحشي على مو إناء، يدي تنجست، ثوبي تنجست، مو إناء، فراش تنجست، القاع مال الأرض، شو اسمه هاي بعد أسئلة كثيرة راح تصير، مو إناء. يقول لك هذا إذا هو مو مو إناء، نسالك سؤال: هذا تنجس بالبول لو بغيره؟ شوف هم البول في مشكلة، البول لوحده هم بيه كلام، باقي النجاسات كلها بصفحة ونجاسة البول لها حد. تنجس بالبول لو بغيره؟ أقول لك والله بغيره، يلا دم، كافر، من يقول؟ لا، إذا بغيره أسهل منها ماكو، تكفي المرة الواحدة حتى بالماء القليل حتى بالكر حتى بالجاري، سهلة جداً، تطهير بغير تطهير الأشياء غير الآنية.

إذا تنجست بغير البول واضحة لو صعبة عليك هاي؟ طريقة تطهيرها سهلة جداً، يكفي المرة الواحدة بشرط، ما هو الشرط؟ أن تزيل عين النجاسة، عين النجاسة، مو عين النجاسة موجودة، تزيل الدم، هذا لا موجود، والصب صبة واحدة لا، ما يدخل طبعاً عين النجاسة، بعد الباقي لا، توخر العين بأي أسلوب، بأي أسلوب يعجبك، بوصلة توخر، بنفط، إذا ما يطلع إلا بنفط، توخر بفانزين، بتايد، صابون، هاي مو يهمني، يهمك هاي طريقتك أنت، يهمك أنت براءتك، وخر لي العين، جيب لي جيب لي هذا الشيء من دون عين نجاسة، إذا جيب لي من دون عين نجاسة، أقول لك طريقته سهلة، ماكو عين نجاسة، بس هو كان قبل قليل لامسه الدم، إيدي قبل شوي لامسها الدم أو ثوبي قبل شوي كان لامسه الدم، الفقيه شو يقول؟ العين موجودة، شو أقول له؟ إذا أقول له موجودة، يقول لي ماكو شغله، وخر العين ولا تجيني، أزيل العين له وأجيبها له، أقول له: هسة هاي إيدي كان بها دم وقد أزيل وزيلت العين بوصلة طريقة تايد صابون يدلها هسة، يكفي مرة واحدة حتى بالماء القليل. لا، ما طبعاً، يسبق لك الإشكال، أو تريد بمن؟ بالكر أو الجاري أو المطر كلها تفهم.

لكن اكو مثلاً هاي إذا الشرط الأول شنو؟ زوال عين النجاسة، حتى نقول لك مرة واحدة نشترط زوال شنو؟ عين النجاسة.

الشرط الثاني: هذا الشرط خاص بالملابس، خاص بال شو يسمونه يعني القماش ما الأشياء التي يمكن أن تعصر أو تدلك، مو الأجسام الجامدة مثل مثل مو مثل إيدي، إيدي ما يمكن أعصرها، لأن إحنا نحكي عن الملابس والفراشات والهي الفرشات اللي نفرشها مثلاً، هاي كلها نشترط فيها شرط ثاني، لازم شنو؟ تعصر أو تدلك، إذا ما تقدر تعصرها، مثلاً فراش، يعصر الفراش. فيقول: على الأقل أغمزه بقدمك. السيد الثاني يقول: ماكو داعي، يقولون عصروها، خو يقولون نشترط خروج الغسالة، أحسن تعبير أدق، يقول: أنا مو شرط، ما أقول لك إلا عصر، راح تتصور لازم تعصر، إذا ما عصرته يقول: لا، أنا ما أشترط العصر، أشترط خروج الغسالة بأي طريقة تعجبك، طريقة العصر تخرج الغسالة، طريقة الدلك، طريقة الغمز، مو الغمز بالعين، لا، الغمز بالرجل ها، طريقة اللي تخلي السيارة تخلي السيارة تفوت فوقها فوق الفراش حتى يوخر الماي، المهم أريد الماي اللي طب للفراش شو يسوي؟ يطلع، واضح؟ إذا كان فراش أمثال.

أما إذا بعض بعض المتنجسات هي جامدة ويدخل الماء في أعماقها، هاي شلون؟ مثل ايش؟ خشب أحسبكم، صابون، خشبة الميتة، الحب، بعض الأجسام هي جامدة ولا يمكن عصرها، بس المشكلة مو مثل إيدي، إيدي الحمد لله إذا إذا مي إذا نجاسة إذا أخليها بنجاسة ما تدخل نجاسة في أعماقها، فهي طريقتها شنو؟ سهلة بس دوائر العين، وما يحتاج لا عصر ولا قلق ولا غمز. أما بالنسبة بالنسبة للفراش بالثوب، قلنا يحتاج إلى عصر.

زين وهذول شلون؟ صابونة تنقعت بالنجاسة وأريد أطهرها، هي قحط الصابون! حب، حب أو ما شاكل تنجس، أو حائط تنجس، بس تنجس بمستوى أنه صار له مده طويلة بحيث النجاسة تغلغلت وين؟ في أعماقه، الجبن تنجس، دخلت النجاسة، الخشب. الفقهاء يقولون: حينئذ نشترط أن تكون الطهارة الماء الذي يطهره يكون يبقى بفترة بحيث يتغلغل أيضاً وين؟ في أعماقه بحيث تزول القذارة العرفية الأولية؛ فالخشبة المتنجسة اللي صار لها يومين بالنجاسة، لازم تخليها هم يومين بالكر، طبعاً ماء كثير ما في قليل أعماق قليل تنجس، بالكر أو بالجاري حتى شنو؟ حتى يتغلغل المي همين وين؟ يزيل... المهم، أعقبنا من هذه الخشب، نحجي على القاعدة العامة، القاعدة العامة أنه كل شيء تنجسه بما عدا البول وما عدا كونه إناء، طريقته سهلة ولا صعبة؟ لا، يكفي مرة واحدة، واضح؟ ولا نحتاج للتعدد.

التعدد وين موجود؟ وين يبدي التعدد؟ قبل لا أكمل، خلينا نرجع، لا، خلينا نرجع. قلنا ما نحتاج تعدد، بس ايش نحتاج؟ في بعض الحالات، أحسنتم، هاي لا تنسوا، حتى لا عليكم حتى لا تقول وهمنا الشيخ، لا، إحنا كلامي واضح إن شاء الله.

قسمنا النجاسة إلى إناء وغير إناء، وغير الإناء قلنا لو نجاسة بول لو غير البول. غير البول: دم، كافر، مني، نيته، ما أدري شنو، كل بقية شغلة سهلة؛ شنو شغلة سهلة؟ إذا نشترط، شنو نشترط؟ مرة واحدة تكفي، أحسنتم، إزالة العين، نسيتم؟ نشترط إزالة العين ومرة واحدة بالماء، وإذا كان هذا الشيء مما يعصر، فيجب عصره أو غمزه أو على قولة السيد فرسان، أي طريقة تؤدي إلى خروج الغسالة ماء الغسالة منه، وإلا ما دام ما دام الماء موجودة في أعماق ما سوينا شيء، يكون يطلع.

إذا فهمناها، نجي هسة لمن؟ اه، بعد قلنا يشتغل، هسة نجي إلى نجاسة البول أجلكم الله.

تطهير المتنجس بالبول

نجاسة البول، البول لو لاقى ثوباً أو لاقى يداً، شنو حكم كيف أنجس يدي أو ثوبي من البول؟ بس أن يدي أو ثوبي، مو تجيب لي إناء، إناء غير شغل، لا تشتبهون، لا إيدي، ثوبي، فراشي، الأرض، مو شيء، كلنا بالبول كثير، واضح شلون أطهر هاي الأشياء؟

مثلاً مهمة رجاءً حطوها، لا قلت لك البول له له شأن خاص. يقول السيد الخوئي يقول: أنت تطهره ديما، أقول له: باللطيني مرة عندي ماء كر، مرة عندي ماء جاري، مرة عندي ماء قليل. يقول: إذا عندك سيد الخوئي الخوئي، إذا عندك ماء جاري، فمرة واحدة. نحجي على منو؟ نحجي على نجاسة البول، سواء كان للثوب أو لليد أو ما شكل، الأرض أو ما شكل وجه، ما عدا الآنية، أهم شيء لا تقول لي إناء، فبول أجلكم الله لاقى جسماً غير الإناء، شلون أطهر هذا الجسم اللي هو غير الإناء؟ شلون أطهره بالبول ما عدا الآنية؟ المتنجس بالبول انقسمه إلى قسمين: هل هو بدن لو فراش وملابس ومشاكل؟

المتنجس بالبول مرة بدن، ومره شنو هو؟ فراش أو ملابس، يعني شيء يعتبر. يقول شنو الفرق؟ يقول: الفرق طهرهم ديما بالقليل لو بالكثير؟ بالقليل بالنسبة للبدن، بالنسبة للبدن فيكون يطهر بالماء الجاري أو بالكر، مرة واحدة، مثل ما عجبني، بالنسبة للبدن يكفي مرة واحدة بالمعتصم، أي معتصم يجي ببالك اللي هو الكر أو الجاري. أما إذا بالماء القليل لازم شنو؟ مرتين، هاي بالنسبة للبدن.

زين، والملابس؟ الملابس يقول: الملابس اكو فرق، وهو شنو؟ أنه تغسل مرة واحدة فقط في الجاري، هاي أمس قلت لك مسألة ابتلائية.

فعندنا عندنا شيء ليس إناء، عندنا شيء ليس إناء ها؟ إناء قلنا غير حكي فيه، ليس إناء تنجس بالبول، شنو حكمه؟ يقول السيد: هذا الشيء شنو؟ بدن لو ملابس وفراش ومن هالامور هذه؟ أقول لك على الفرضين، يقول: إذا بدن واضحة، مرتين بالقليل وإذا تجي بالكر، كثير، بكيفك جاري كر، ماء مطر، يكفي شنو؟ مرة واحدة، واضحه؟ هاي إذا بدن. أقول: لا، مو بدن، فراش، ثوب، عباءة، هاي شلون؟ يقول: هذاني إذا بالجاري مرة واحدة، يقول: إذا بالجاري مرة واحدة، أما بالكر شلون؟ أو بالماء القليل لازم شنو؟ مرتين.

شوف صار الكر هنا نفس حاله حال منو؟ صار الكر حاله حال الماء القليل. فراح أسألك هذا السؤال وأشوف شنو الجواب: عندي هذا عباءتي تنجزت بالبول وأريد أغسلها بالكر، كم مرة لازم؟ مرتين. أما إيدي تنجست بالبول وأريد أغسلها بالكر، كم مرة؟ شوف هاي مهم، لهذا راح تسالوني سؤال: شيخنا، هاي مال كر وجاري إحنا ما نفهمها، أحكي لنا على الابتلاءات اللي بره، إحنا اللي بره ابتلاء مبتلين بمن؟ عندنا إسالة، أحكي لي على البول، هذا الإسالة بس كور، أحكي لي على التانكي.

التانكي ما ما عندي حكي فيه، التانكي أسألك تانكيكم كر ولا لا؟ كور، فرضا كور كور، إذا تقول لي تانكي كبير كور، أقول لك مدروس لو فارق؟ وإذا فارق صدمه قليل، أما إذا مدروس يصير حكمه حكم الكور، وتعرف الجواب وهو شنو: إذا كان بدنك تنجس، ما إذا كان كور مرة واحدة، أما إذا أما إذا ملابسك أو فراشكم تنجس لازم شنو؟ مرتين. هاي إذا تسألني عن التانكي مالكم.

أما تسالني عن الإسالة؟ أقول لك: ناخذ الإسالة هم الفقهاء أنفسهم مختلفين، السيد الخوئي والسيد الثاني عندهم ماء الإسالة بحكم ماء الكر. إي، الحمد لله وزير الكر كر، عند السيد الخوئي والسيد الثاني يتعاملون ويا ماء الإسالة بأنه ماء كر، فإذا أردت أغسل ثوبي كم مرة بالماء الإسالة مثلاً تنجس ثوبي ها؟ هناك قول آخر قلت: التزم به السيد القذر، يلتزم به بالامس ذكرنا منهج الصالحين، وهذا يبني على تفسير الجريان، تفسير معنى الجاري، ما هو الجاري؟ إذا أنا فسرت الجاري بأنه لا يشترط مادة طبيعية، ما يشترط في الجاري مادة طبيعية، يكفي في الجاري شنو؟ يكفي في الجاري جريان عرفي ومادة حتى لو كانت قليلة، فعند السيد ماء ليس هذا شو يسميه؟ ماء جاري، فإذا كان ماء جاري يكفي شنو؟ يكفي مرة واحدة.

شوف هذه المشكلة يعني، اللي يسألك واللي يقول لك: أنا طهرت ثوبي، أقول لك: تقلد من أنت؟ واضح؟ إذا يقول لك مرة واحدة طهرت ثوبي متنجس بالبول، تقلد من؟ إذا قال لك مثلاً: أقلد السيد... خلفه، لا، مو خلفه، بعد، ثوب بعد متنجس.

نعم، وين وصلنا هسة إحنا؟ وين وصلنا؟ ما قرينا إحنا أصلاً، إي، بس خلينا نقرا هاي المسألة. قال: (تختلف كيفية التبصير -التطهير- باختلاف المتنجسات والبناء وهذا تبصير واللباس) -يعني ملابس- المتنجس بالبول أول شيء، بيدفع يطهر بغسله في الماء الجاري مرة واحدة، مثل ما وضحت لكم مع عصره أو دلكه، أيضاً لابد من زوال عين النجاسة، ولابد في غسله مرتين إذا غسل في الكر أو الماء القليل. شوف الكر هذه المره صارت حكم حال حكم من هو؟ حكم الماء القليل.

هاي مسألة ظاهرها مو ابتلائية، وين تبين ابتلائية؟ تبين ابتلائية من الناس اللي سالت تقول لك: مسألة سوقنا كر ومو كر، أحكي لي على هذا الماء بالحنفية شنو حكمه؟ راح تجاوب تقول له إي، تقول له: هذا الماء بالحنفية اكو قول يقول أنه جاري فيكفي مرة واحدة، وأكو قول من الفقهاء يقول أنه شنو؟ كر، فلابد من المرتين.

ثانياً: البدن المتنجس بالبول أو غير البدن من الأجسام، القسم الأول كان ملابس أو شيء يعصر، هذه المره لا، بدن أو أو أو شيء لا لا يؤدي لأعصر كالارض مثلاً، وين تصير تلعيها؟ تصير تلعيها بالارض، هاي القاع، هاي القاع إذا تنجست شلون أطهرها؟ تنجست بالبول، بما طهر شلون؟ كم مرة؟ إحنا قلنا شنو شنو الطريقة؟ شنو الطريقة؟ إذا كان بالكور لازم كم مرة؟ مرتين، مو مرة، لا، مرة واحدة عفواً، إذا كان بالكر هذه المرة مو نحكي على نحكي على الجسم الجامد، الجسم الجامد قلنا كم مرة؟ بالكر أو الجاري يكفي شنو؟ مرة واحدة.

طيب، قاعدة شلون طهرها؟ من يجاوبني؟ ها؟ بالماء القليل؟ مرة واحدة. إذا بالماء القليل؟ مرتين. شلون مرتين؟ تطهر لي إياها الجواب: نصب مي، هذا الماي راح شنو يجري عادةً وين يروح؟ بالمجرى، يمكن. ونصب مرة ثانية أيضاً نروح بالمجرى. إذا ما عندنا مجرى، مسألة ابتدائية مو ابتدائية هاي تصير؟ تصير مسألة ابتدائية: تنجست زاوية بالغرفة، الزاوية الفلانية تنجست بالغرفة، وأحنا ما عندنا مجرى، المجرى هناك بعيد، شلون أطور هاي الزاوية؟ أحكي على القاع ما أحكي على الفراش اللي عليها، أما إذا أجيب الفراش عليها، نطور ربع ساعة بعد، مو هيك شي؟

نجست بس القاع، شو تسوي أنت؟ ماء قليل، إذا ماء قليل: صب صبة أولى، والغسالة شبيهة؟ متنجسة عندك يا أخوي لأن لا تتعقب... فارفع الغسالة، لازم نشفها، نشفها، النوب أصب صبة ثانية، الغسالة شنو حكمها؟ طاهرة، حتى إذا بقت ماكو مشكلة، بعض الناس يقول لك: الغسالة لازم يشيلها الثانية، واضح شلون؟

زين، هاي إذا غسلتها بمن؟ بالقليل، أما إذا غسلتها بالكثير، حتى الغسالة الأولى تبقى طاهرة، إذا تجمعت ماكو مشكلة يعني تعقبها شنو؟ طهارة المحل، واضحة لو مو واضحة؟ واضح.

أما إذا كانت اكو فرشة فوق الزاوية هاي، هاي المصيبة، هنا الحكي، فراش اكو فوق القاع، يعني فراش، هاي الفراش تنجس، هاي البقعة تنجس هي والجوا، شو أسوي؟ راح تتأني سؤالي: شلون أطهر الفراش؟ وشلون أطهر القاع اللي جوا؟ إي، خو سهلة، إذا قدر يرفع الفراش هاي سهلة انحلت، الفراش شلون يغسل كم مرة؟ بالماء القليل؟ وبالكر أحسنتم، بالكر مرتين وبالجاري مرة واحدة، هاي من نحكي على الفرشة يرفعها ويأخذها، القاع عرفنا شنو حكومه.

لكن المشكلة يجيك هذا السؤال، يقول لك: ما أقدر أرفع الفرشة، فرشة ثقيلة، فرشة كبرى، من هناك ليش يرفعها؟ فهم يسوون وسائل طرق، طريقة شو يسوي؟ يطهر أول شيء الفرشة، يخلي إناء جواها، ومرتين على الترتيب، هذا هذا أهم شيء العنقل. الطريقة الثانية: أنه يغسله بما؟ بالماء الكثير، بالكور أو بالجاري، خلينا نقول بالجاري، الجاري يكفي شنو؟ يكفي مرة واحدة، لكن مع دوام الاتصال حتى ما يتنجس، ما راح ما راح شو اسمه يدخل في هاي الفرشة، الفرشة طاهرة والارض اللي جواها لازم هم تطهر، ها راح يستمر هو المي فراح أيضاً تطهر، ليش الأرض تطهر؟ الأرض شتري مرة واحدة بالجاري والغسالة اللي أجتها من من فوق غسالة نجسة لو طاهرة؟ طاهرة، راح تطهرها ماكو مشكلة، واضح شلون؟ إي، خلوا الانتصار على مود لا تنجسها، إي بالضبط. وين وصلنا؟

هذا والحمد لله رب العالمين، وصلى الله على محمد وآل بيته الطيبين الطاهرين.

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع

أضف تعليق