المسائل المنتخبة – الخوئي – الشيخ عمار الخزعلي

دروس مفرغة — النصوص المتاحة

92 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 55

تحميل الصوت

تحميل Word

055

مسألة 225: إذا لم يتمكن المصلي من الساتر بوجه، يعني ما يقدر يستر، ما عنده ساتر، يعني أي وجه من وجوه الستر ما عنده.

احنا قلنا شنو أول وجه من وجوه الستر؟ وجود الملابس، الثياب. فإذا ما كو ثياب، قلنا شنو يلجأ؟ يلجأ إلى وسائل أخرى من قبيل ورق الشجر ومن قبيل القطن والصوف غير المنسوجين ومن قبيل الطين وغيره، لكن إذا كلها كلها ما متيسرة عنده، مثلا حالة نادرة، واحد كل هذه الأمور ما متيسرة عنده، شو يسوي؟ فهذا شو يسمونه؟ يقول: هذا ليس له وجه من وجوه الستر، لم يتمكن من الستر بوجه، يعني ما عنده أي وسيلة من وسائل الستر. قال: إذا لم يتمكن المصلي من الساتر بوجه ما، يعني ما عنده أي وجه من وجوه الستر، يعني هذا بعد غير مستور العورة، شو يسوي هذا؟ شلون يصلي؟ قال: صلى عارياً، من جهة الصلاة احنا بعد يسقط اشتراط الستر في الصلاة، هذا اشتراط الستر يسقط، لكن تبقى مشكلة ثانية، هسه بالنسبة للستر الصلاتي فقط، الستر الصلاتي فقط، هو الله سبحانه هو مطلع على عورات الناس، سواء لبسنا ملابس ما لبسنا الله يعرفك، فمن جهة أيام رب العالمين وصلاتك قال لك: تقدر تستر نفسك؟ قلت له: لا، قال لك: صلي، مقبولة صلاتك على الوضعية، لكن الستر الصلاتي سهل. زين، مو اكو ستر آخر غير صلاتي؟ وهو شنو؟ الستر العام من الناظر. بالله، اكو واحد يجي، شلون؟ إذا يم ربي سهلة، بس خاف اكو واحد يمر، هل أنا مسؤول عن الستر من جهة الناس؟

فهنا السيد يقول: ها، فأنت في حالتين، مرة تأمن من الناظر، ومرة لا تأمن من الناظر. مراد بتأمن يعني مو، مو تشوف وما تشوف لا، الأمن، الأمن من الناظر يعني مجرد احتمال وجود الناظر، احتمال وجوده، مثل ايش؟ مثل واحد قاعد في مكان في الشارع، الشارع خالي، الشارع خالي تماماً، واضح؟ الشارع خالي تماماً، بس مو يحتمل الساعة يجي واحد، نعم، فشيسمونه هذا؟ يسمونه هذا يأمن من الناظر لو لا يأمن؟ لا يأمن، لا يأمن، يعني التعبير يمكن أن يفاجئه الناظر في أي لحظة. فهذا صاحبنا اللي، هو يقول: أنا ما كو ناظر الحمد لله، لحد هسة ما كو ناظر، إذا يم الصلاة يم رب العالمين أنا أصلي عارياً وما كو مشكلة، تصير المشكلة خاف واحد يجي، وإذا اكو واحد موجود، هذا حكمه سياتي، هذا يقول: يجب، يجب عليه أن يصلي مثلاً جالساً ويستر عورته من هذا الناظر ولو بأي ساتر، كما قلنا، لكن نحجي الآن مو إذا 100% اكو ناظر، هاي إذا 100%، إذا 100% اكو ناظر يجب عليه قدر الإمكان أن يتستر عنه ولا يجوز له أن يصلي واقماً بل يصلي من جلوس، وحتى لا يركع ولا يسجد بانحناء يومئ فقط بالركوع على قعدته، واضح شلون؟ يستر نفسه بيده كذا والركوع يومئ له والسجود يومئ له، واضح شلون؟ هذا إذا شنو؟ إذا لم يأمن من الناظر. عرفنا شنو معنى يأمن؟ لم يأمن يعني شنو؟ ساعة الساعة يمكن أن يفاجئه ناظر، يعني لا يوجد لديه اطمئنان، اطمئنان بشنو؟ بوجود ناظر أو عدم وجوده، لا يوجد لديه اطمئنان بأنه لا يوجد ناظر، يقول: ساعة الساعة يجوز يجي ناظر، قد يفاجأ في كل لحظة، نقول له: 100% ما كو أحد؟ يقول: لا ما كو، يجوز يجي واحد، إيش ما أدري؟ يجوز حظي مو زين ويصير واحد دوريات، واضحة الفكرة شلون؟ بالصحراء هو مثلاً نسأل هذا السؤال، نقول له: هل تأمن؟ يقول: إيش ما أدري؟ تجوز تجي قافلة هسه، واضح؟ ويجوز لا والله ما كو شيء، واضحة الفكرة شلون؟ الحالة الثانية: أن يأمن من الناظر، لا يقول: 100% ما حد يجي، ليش؟ إما مثلاً هو في غرفته وساد عليه الباب وقافلها بإيده ومفتاحه عنده، بس هذا يقول: ما حد يجي، ما حد يطب هالبيت هذا، ما حد يطب، هذا يأمن من الناظر. ففرقْتُ بين يأمن ولا يأمن؟ مو، مو مقصود السيد يعني يراه الناظر ولا يراه، مو يقصد يراه فعلاً، لا يقصد هو يأمن من أنه ما، ما كو واحد يصادفه، ما يحتمل واحد يصادفه، ليش؟ مثل ما فرضنا هذا اللي قاعد بغرفته بيده ومفتاحه عنده بعد يقول ما كو، ما عنده بس نسخة واحدة وعندي بيدي عاد ما يجي أحد. فإذاً يقول السيد: فإن لم يأمن من الناظر، يعني شنو؟ يعني هو في معرض ضرورة الناس، ساعة تسعة يجي واحد، شو يسوي بشحاله؟ قال: فإن لم يأمن من الناظر، يا ناظر؟ المحترم المحترم. شنو معنى الناظر المحترم؟ المحترم هو الذي يجب التستر أمامه، اللي هو من هو؟ البالغ اللي هو أول شيء يكون إنسان، أما الحيوانات فلا يجب التستر أمامه، نعم، وإنسان يا إنسان هم يريدون؟ وإنسان مميز، أما الطفل الرضيع فلا يجب التستر أمامه، فهذا معنى محترم، يعني محترم النظر، نظره محترم.

نظره محترم يعني شنو؟ يعني يفهم، يفهم شنو هذا اللي تتعوره، يفهم كذا، هذا لا، هذا لا يجوز الكشف أمامه. قال: فإن لم يأمن من الناظر المحترم، صاحبنا شو يصلي بعد؟ يصلي جالساً ويؤمئ للركوع وللسجود، نعم، يجعل إيماءه للسجود أكثر من إيماءه للركوع على الأحوط، أو لا إذاً فشيستوي بشحاله؟ شخص عاري ما عنده ملابس، ما عنده فد شيء يستر عورته، شو نقول له؟ نقول له: صلي، بس يقول: ترى أنا ما أدري أنا الثاني، إذا مثل ما قلنا يم رب العالمين ويم الصلاة خلاص سهل، وإذا يم الله، الله هو مطلع على السرائر والتستر أمامه ما كنت يعني إلا بنحو هو أمرنا بالتستر أمامه، وإلا هي الواحد هو يقول: مطلع علينا سواء تسترنا أم لا، لكن جانب أدبي أنه يجب التستر في الصلاة. زين، إذا ما كو ساتر يصلي عاري، وأنا مقبولة هي رب العالمين قابلها، لكن صلي عاري، هاي من جهة الستر الصلاتي، من جهة ستر الناس شلون؟ يقول: إذا لم تأمن من الناظر، يعني أنت في مكان ساعة الساعة يجي واحد ولو صدفة، شو تسوي بشحاله؟ يقول: أول شيء يصلي من جلوس، واضح، الجلوس أكثر من القيام، وبعد شيء ثاني أيضاً تصلي من جلوس ولا تركع ولا تسجد، واضح الانحناء شو يبرز العورة؟ لا، عليك أن شنو؟ عليك أن تومئ إيماءً بسيطاً للركوع وإيماءً أخفض منه لمن؟ للسجود، وبالنتيجة يصلي بهذه الطريقة هذا إذا لم يأمن. بس مجرد، أما إذا أمن قال وعبارته: وأما إذا أمن من الناظر المحترم، قال: لا، ما كو أحد يجي، فحينئذ يصلي قائماً، حتى وهو قائم هو يومئ للركوع ويومئ للسجود يقول كما أمر، والأحوط وضع يديه على سوأته عورته، المراد بالعورة هي شو اسمه القضيب يعني، أما الدبر الدبر ممسكور بالآليتين، إيه، يومئ اشتري الركوع يومئ أخفض من السجود، حتى لو مثلاً ما توارى. إيه مع ذلك أيضاً يومئ ولا يركع الركوع المتعارف.

شروط لباس المصلي

الآن عرفنا أن لباس المصلي شرط من الشروط وامر مهم في الصلاة. الآن ما هي شروط الملابس؟ أي ملابس أصلي بها؟

الشرط: يشترط في لباس المصلي أمور:

الأول من الشروط: الطهارة، وقد مر تفصيل الكلام في طهارة الملابس، طهارة وأحكامها في المسألة 202 وما بعدها، ذكرنا تطهير الثوب وأحكامه، فما يحتاج إعادة. المهم نشترط الآن طهارة الثياب من الخبث.

الثاني: إباحته، لابد أن يكون الثوب مباحاً، فلا تصح الصلاة في المغصوب بل هي حرام أيضاً.

إذا ملابس مغصوبة. زين، اكو هم مشكلة هنا، هذا ينطبق حتى على شنو؟ على ملابس غير المخمسة! أيوه، ملابس غير المخمسة أيضاً فيها غصب، أيضاً كما، كما ذكرنا في مكان المصلي نفس الحكي يجري وين؟ يجري في ملابس المصليين. فملابس المصلي إذا ما، إذا انسان ما مخمس ويحتمل إجمالاً أو يعلم أنه هناك تعلق الخمس في ملابسه، فـ 20% من ملابسه هي ملك لمن؟ ملك لمستحق الخمس، فاذا كان ملك لمستحق الخمس فهو شريك معك، يعني مستحق الخمس شريك معك في ملابسك مثلاً، يعني يملكها مثل ما أنت، وأحنا قلنا إن الشركة بنحو الإشاعة والشركة بنحو النسبة تمنع، تمنع التصرف في العين إلا برضا شنو؟ إلا برضا جميع الأشخاص الشركاء، وأنت غصبت حقهم، ما غاصب لك واحد عادي عرفته الوالد وكلها، غصبت من هو؟ رعدت الإمام وغصبت حقه، شنو فرقك عن يزيد وعن شو اسمه ذول اللي تحكي عليهم أنت وتسبهم ليل نهار؟ فرق بالمرتبة ترى، هو فرق بالمرتبة، يزيد مرتبته شوية بالـ أنتو أخذتوها بالمنطق المتواطئ والمشكك مو؟ فرقكم فقط بالتشكيك، يزيد شوية ظلمه قوي جداً بحيث قطع رأس الحسين، أنت هم ظلمك بس شوية أضعف منه، بس أنت بقت من الإمام، هم شوية، هم حالك حال هذا اللي سرق خاتم الإمام الحسن، هذا أبوك، هذا أبوك من الإمام وذاك أبوك على الوضعية.

إذا كان الرجل كبير في السن ولا يعرف هذه الأحكام نعم، هذه الأحكام إيه لا يعرف فيها الرسول ماذا؟ إيه إذا كان، أما أن يكون قاصر أو مقصر، إذا مقصر بعد ملام، المقصر ملام، ما، يعني باطل صلاته. هو القاصر إذا كان اكو قاصر، إذا اكو قاصر نعم باطلة وحرام، باطلة وحرام، نعم، إلا إذا، إلا إذا استأذن من الحاكم الشرعي اللي هو باعتبار له: وأما الحوادث الواقعة فارجعوا فيها ، احنا المفروض احنا المفروض نرجع للإمام بس الإمام غائب، نرجع لمن بعد؟ إلى من وكّله الإمام، الإمام قالوا: وأما الحوادث الواقعة فارجعوا فيها إلى رواة أحاديثنا ، اللي هم فُسِّروا بالفقهاء، فأنت تروح للفقيه وتستأذن من الفقيه، إذا أذن يصير هاي شنو؟ يصير تصرفك تصرف فضولي، واضح شنو التصرف الفضولي؟ نعم، التصرف الفضولي هو التصرف بمال الغير بدون إذنه، فيصح بشرط، بشرط الإجازة المتأخرة، نعم، واضح شلون؟ تقول له: تعال أنا صليت، صليت خمس سنوات أصلي، هذا تصرفي تصرف فضولي، وكل تصرف فضولي مشروط بمن؟ بالإذن متأخر. تقبل أنت؟ إذا هو قال: أنا أقبل، هم، هم الفقهاء إجمالاً كلهم عندما يخمس شخص عندهم يجوزوا له الأعمال السابقة، الأعمال السابقة يقول: لكن المشكلة إذا ما، إذا ما تقع هي الوضعية. طلاب ما عند شلون.

زين شيخ أنا سامع لك كتاب الزكاة بالتسجيل أكثر تارك الزكاة أكثر من تارك الصلاة، نعم، إيه إذا رواية أو شيء؟ نعم، واضحة هذه شلون؟

يقول المصنف: الإباحة فيما، الإباحة شرط وين؟ شرط يقول شنو؟ فيما إذا كان يعني اللباس ساتراً للعورة فعلاً، تتذكرون ما تتم وما لا تتم اللي اخذناها؟ كنا وين نحكي ما تتم وما لا تتم؟ كنا نحكي عن الطهارة والنجاسة. بالنسبة للطهارة والنجاسة اكو فرق انتبهوا معي:

بالنسبة لطهارة الملابس، نجاة الدخل نقول: ظهر، بالنسبة للثوب المتنجس اكو فرق بين أن يكون المتنجس هو الساتر للعورة فعلاً وبين أن لا يكون ساتراً للعورة فعلاً، ما فهمتوني؟ خلينا نحكي بالعمق، أجلكم الله، هو اللي يستر العورة هو الملابس الداخلية، واحد يقول: أنا لابس ملابس داخلية ولابس فوقها دشداشة، السؤال السريع وانا جاوبت عنه بس خلينا نشوف ذكائكم وتذكركم للمطلب السابق، يقول: الملابس الداخلية طهارة بس تو دشداشتي نفسها يصير أصلي لا؟ شو تجاوبه؟ يقول لك: ليش جاي؟ مو هي الساترة العورة؟ قلنا له، قلنا له: لا، لا، منو قال لك إلا الساتر الفعلي؟ منو قال لك إلا الساتر الفعلي؟ الله يصير طاهر، احنا نريد منك طاهرة، تقول ملابس شنو؟ تتم بها الصلاة لوحدها، مو شيء، والدشداشة يمكن أن تتم بها، سيأعودنا من يمكن ليست ساترة، يا أخي تريد تصلي لو تطهر دشداشة؟ تقدر تمسح، واضح، تريد تصلي شورت، ما أدري، احنا ما بس بالنتيجة لا تلبس دشداشة ما نقبل، يقول: مو يا الساتر؟ شو نجاوبه؟ نقول له: احنا العبرة نريد من اللباس ملابس أن تكون طاهرة، بس يا ملابس اللي هي طاهرة؟ ما تدخل اللي تتم بها الصلاة لوحدها أم لا تتم؟ لا تتم، اللي تتم بها الصلاة لوحدها واحنا وضحنا هذا الاصطلاح، فلهذا أبو الدشداشة واللي يلبس دشداشة واللي يلبس عباءة، حتى إذا كانت ملابسه كلها مطهرة بس العباية متنجسة أو بس بيزاش متنجسة، قبلنا لو ما قبلنا من عنده؟ هذا وين الحكي؟ بالطهارة والنجاسة.

أما في الإباحة والغصب لا يختلف الحكي، شوف شلون؟ إباحة والغصب يختلف، مو احنا عندنا شرط في الملابس أن تكون طاهرة مو نجسة، احنا قلنا الطهارة طهارة كل ملابسك، كل ملابسك التي تتم بها الصلاة، حتى إذا كانت هي زايدة لا تستوي العورة فعلاً، هذا وين الحكي؟ بالطهارة والنجاسة. أما في الإباحة والغصب نشترط أن يكون الملابس مباحة، مو مغصوبة، بس يا ملابس هم تتم بها الصلاة؟ يقول: لا بالنسبة للإباحة شوي أخف، فنريد إباحة ما يستر العورة فعلاً. منو يستر العورة فعلاً؟ ملابس هاي مباحة؟ يقول: مباحة، الباقي إذا كان لابسها عباءة مغصوبة مثلاً، تبطل الصلاة ولا ما تبطل؟ ما تبطل. أما إذا عباية نَجِسة تبطل، تبطل. فرغتوا؟

إذاً فبالنسبة للغصبية تبطل الصلاة، بس يا غصبية؟ غصبية من يا ملابس؟ غصبية الملابس الساترة فعلاً علماً للعورة مو غصبية كل ما تتم به الصلاة، واضح شلون؟ طبعا هذا لا يعني جواز التصرف في المغصوب، فلهذا اللي يصلي في عباءة أو دشداشة في مثال عباءة خلينا نقول، اللي يصلي بعباية مغصوبة هو من جهة صلاته باطلة ومو باطلة؟ من جهة صلاته باطلة، مو باطلة، مو باطلة، لأن العباية مو هي الساتر الفعلي. لكن من جهة أخرى شنو هو؟ ما ارتكب حراماً؟ ارتكب حراماً ولا ما ارتكب؟ ارتكب حراماً، فهي من جهة اكو حرمة اللي هو حكم تكليفي، واكو شنو؟ من جهة أخرى اكو حكم وضعي بالصحة، فتصح صلاته لكنه ارتكب حراماً وآثماً من جهة أنه استعمل مال الغير بدون إذنه، فهي فرق مهم بين إباحة وبين الطهارة، الطهارة شرط ليس فقط في الساتر الفعلي، بل في الساتر حتى لو كان غير فعلي للعورة، نريد كل طهارة، كل ما يكون شنو؟ تتم به الصلاة حتى ولو لم يكن هو الساتر الفعلي، أما شو اسمه الإباحة؟ لا، نريد فقط إباحة من هو؟ إباحة الساتر الفعلي الفعلي.

طبعاً نفس الكلام يقولون هم بالطواف بالحج، مو بالحج الحجي مو حلم يلبس ثوبه، يقول: احنا نريد إباحة الثوب الساتر للعورة، اللي هو الإزار، أما هذا اللي يخليه الرداء اللي يخليه على كتفه، حتى إذا كان مقصوب وارتكب حرام بس ما يبطل طوافه ولا يبطل كذا، يعني لا، شوف شلون يتصور هو باقي له رداء وشارد، لا، واحد يروح من خمس لا الحكي هذا، يروح من خمس ما يدري هو غاصب، مو ما يدري، إذا غاصب بس ما يدري، أو مثلاً ما دفع فلوس، ما أدري شنو الصين مو، لا، لا، اكو، اكو غصب صريح، والغصب الصريح الفوق الفوق الصريح، هذا على قولة السيد يقول ما يبغى يسوي، يروح للحج يبوك لحمة، بس اكو بوك ما يدري به، أنت مبسط، مبسط، اكو، اكو تصرفات غصبية أنت ما تدري أنها غصب هي بحياتك ومجتمعك ووضعك وتتوقع تقول: أنا غاصب، مثل ما قلت لك، كثير من الناس تقول له: تمام، ما دافع خمس، تتصور أنت ما، أنت أنت ظالم الإمام وأنت هذا الإمام اللي تقول: عجل الله فرجه، وما أدري شلون، اللهم اظهر له، أظهره وكذا، عجل فرجه، وتدري إذا طلع هو يجوز أول واحد يحاربك أنت، أنت، قلت لك حالك حال أي واحد، بس حالك حال أي واحد ظلم الإمام، بس الفرق بينك وبين التشكيك؟ الفرق تشكيك فقط، والا أنتم كلكم ظلمة، بس ذاك ظالم بمستوى كبير وهذا ظالم بمستوى أدنى، أدنى منه. هاي السوسات ترى فعلاً بعد، هاي السوسات ترى فعلاً مبينة.

وين وصلنا؟ قال: فيما إذا كان ساتراً للعورة فعلاً، شوف هو هو هو ساتر فعلي. إذا ما نريد مطلق ما لا تتم، ما تتم به الصلاة. قال: والأحوط الأولى ذلك، شنو ذلك؟ الإباحة، الإباحة، أحسنتم، الإباحة، والأحوط الأولى الإباحة حتى في غير الساتر. واجب، واجب، فهمت شلون؟ فإني الأحوط الأولى أن تكون عباءة تشبيه مباحة، مباحة، الأحوط الأولى. أما إذا هي مغصوبة أنا حرام عليها، حرام بس صلاته شبيهة؟ صحيحة، صحيحة، وهي في فرق مهم بين الحكم الوضعي والحكم التكليفي، مثل، مثل من يصلي وينظر للأجنبية، فمن جهة نظره ارتكب حراماً، حراماً، لكن من جهة صلاته، فصلاته صحيحة أو باطلة؟ شو تقولون؟ محكومة بالصح، صلاته محكومة بالصح، لكنه ارتكب حراماً لا بريبة وتلذذ يصير نظره حرام، أنا أحكي، أحكي على النظر بريبة أما هذا النظر مو حرام.

قال: والأحوط الأولى ذلك في غير الساتر، بل في المحمول أيضاً، يعني شنو؟ في المحمول، الموبايل يقصد، يقصد الأحوط الأولى فيما تحمله من، من ملابس أن تكون هذه أيضاً شنو؟ أن تكون مباحة، فلو فرضنا شخصاً يحمل على قولة الشيخ منديل بجيبه مغصوب، أو يحمل في جيبه أو اسمه علاقة بايده دشداشة مخليها طبقها بس مغصوبة، يقول: هل هذا يبطل الصلاة؟ الجواب شنو؟ لا يبطله، لا يبطله.

مسألة أخرى: إذا صلى في ثوب ثم انكشف له حرمته، يعني حرمته شنو؟ يعني كونه شنو؟ مغصوب، هذا يدري ولا ما يدري؟ ها، ما يدري، هذا، هذا صلى وكمل، قال: شلون صليت هاي الدشداشة منين جبتها أنا كذا كذا مغصوبة هاي؟ شو وقت علمها؟ علمها بعد الصلاة، هذا جاهل، قال: صحت صلاته. وكذا، يعني شنو كذلك؟ وكذلك يعني كذلك تصح الصلاة إذا نسي حرمته، يعني نسي الغصبية، الحرمة يعني الحرمة الغصبية، أقصد بالحرمة الغصبية، فهاي المرة أنا أدري به مغصوب، قلت: ما أصلي بهاي العباية مغصوبة، استشكل أصلي بها هناك وصارت الصلاة واستعجلت الدنيا فرضت البعض، فلبست العباية وصليت، بعدين بنكمل الصلاة إيش تو تعرف شلون هي العباية قلت: ما نصلي بها، قال: وكذلك يعني تصح الصلاة إذا نسي حرمته، يعني غصب، غصبية الثوب، وتذكرها، يعني تذكر هذه الحرمة والغصبية بعد الصلاة، بس بشرط شو وقت صحيحة صلاة الثوب؟ يعني هو الغاصب، إذا لم يكن نفس الغاصب، أما إذا الغاصب غيري هو اللي سرق العباية باكر زين، بس أنا نسيت وصليت بالعباية المغصوبة، يقول السيد: ما كو مشكلة، لذلك أنا أتذكرك بعد السلام.

مسألة: إذا اشترى ثوباً بما؟ هاي بما يعني اشتراه بما؟ يعني بالمال الذي فيه الحق، يا حق؟ خمس. هاي ما المشكلة هنا تبين، بما؟ أي بما يعني بمال فيه الحق، مولانا، لاحظوا معي، أنا ربحت 100,000 وجت سنتي الخمسية، فالمفروض هاي 100,000 شو أسوي بها؟ خمسها، لأن ربح فائدة ويجب أن تخمس، فأنت الخمسية اليوم أجت أو أو باكر تجي، واليوم ربحت 100,000 خليتها بالخزنة، اجى باكر، المفروض شو أسوي أنا؟ باكر اجى، اليوم صار اليوم، فاليوم أجى، اليوم لازم شو أسوي أنا؟ هاي الـ 100,000 اللي خليتها بالخزنة أمس شو أسوي بها؟ لازم أخرج خمسها، خمسها، إيش قلت؟ المهم بالنتيجة هاي الـ 100,000 هسه كلها صارت، شو يقول؟ كلها متعلقة المال بالخمس، خمس، فلا بد هاي الـ 100,000 أطلع منها إيش قد؟ 20، أنا ما طلعت 20، فمعناها الـ 100,000 صارت شنو؟ صارت متعلقة للخمس وصارت ليست، ليست كلها ملكك، مو كلها ملكك، هي تملك 100,000 إيش قد؟ 80,000، هسة مثلاً أنا إيش سويت؟ بهاي الـ 100,000 كلها، الـ 100,000 وهواي نفترض 25,000 هي هاي المبلغ اللي أنا ربحته بالامس، ربحت 25، 25,000، وهذا 25 يكون أنا أدفع خمسه، أنا ما دفعت خمسة، جبت الـ 25 كلها اللي هي شبيها؟ تعلق بها الخمس، اللي تعلق بها الخمس واشتريت بها دشداشة، بس المشكله شلون تشتري الدشداشة؟ بعد أن خرجت السنة لو في أثناء السنة؟ خرجت السنة، يا سنة؟ خرجت خمسية، هاي الخاصة أنتم اشتباه مقاطعة، يقول: دشداشة إذا يستعملها ما عليها خمس، لا، مو المشكلة تعلق الخمس بالمال قبل شراء، قبل شراء الدشداشة، 25,000 عليها خمس، قلت: بسيطة باكر طلع خمس، هسة بسيطة نويت، ما نويت، المهم أنا رحت سنتي الخمسية باكر اجى، باكر ما طلعت الخمس، هاي 25 فلوسي لو فلوس، لو مشتركة صارت؟ صارت مشتركة، هذا المال المشترك اشتريته دشداشة، فإذا اشتريت دشداشة صارت دشداشة هي شنو صارت؟ صارت هي الدشداشة جزء منها مغصوب، اللي هو جزء 20%، تصرف شو يسمونه هذا؟ تصرف البيع والشراء، هذا بيع فضولي وشراء فضولي، والقاعدة في الكفءات، في باب المعاملات أن البيع الفضولي مرهون بمن؟ برضا واستئذان المالك، أنا لا استأذنت ولا كذا، نفس الشيء شراء، بيع فضولي، نفس الشيء، هو هذا قصدي، شراء وبيع فضولي. بالنتيجة شو اللي صار؟ اللي صار أنه هي بعد دشداشة يصير يصلي فيها ولا لا؟ إلا بـ، إلا بالاستئذان الاستئذان، لهذا قال: إذا صلى في ثوب ثم انكشف له، آسف، إذا اشترى ثوباً، هذا قلناه، إذا اشترى ثوباً بما؟ يعني اشتراه، اشتريته بمن؟ بما له، يعني بما فيه العفو، يعني بالمال الذي فيه، إيش قصده؟ بالمال الذي فيه الحق، يا حق؟ حق الشرك الخمس، من الخمس أو من الزكاة، نفس الكلام بالنسبة للزكاة. قال: لم تجد الصلاة فيه قبل أداء ذلك الحق. السيد يقول: أول شيء صلاتك باطلة أنت، واضح شلون؟ لم تجد الصلاة فيه، فإذا صليت صلاتك باطلة وارتكبت حراماً.

زين، هل من طريقة للتصحيح؟

يصيح فانت سويتها شلون بالله؟ سويتها وتورطت أنا. الطريقة للتصحيح هي نفس الطريقة اللي راح ناخذها في باب المعاملات وهي أن كل تصرف فضولي يحتاج إلى شنو؟ الإذن، الإذن، لهذا الفقهاء هم يرتبوها للناس، اللي جاي يخمس هم نفسهم، ما يحتاج، هو ما يعرف هاي التفاصيل، اللي جاي يخمس ما يعرف هاي السوالف، ما يعرف شنو اللي صار، شو سويت أنا، لهذا هم من ياخذون من عنده الخمس ياخذون منه يجيزون له كل التصرفات السابقة، واضح؟ اللي من ضمنها صلاته.

بس أنا بس قال: بما فيه، يعني بما فيه الحق أعم من المال وغيره. إيه نعم، هاي المال أعم، لا أنا اشتري ثوب بدون مال، شو تقول؟ مو شرط مال، خلاص، مثلاً عين، مثلاً. هو أنا إذا أنت فاهم المال غلط، المال كل ما، ما له قيمة، عبارة المال فلوس، يعني إلا لا، لا هذا يعني بالنسبة للزكاة، الزكاة شنو؟ الزكاة تتعلق مثلاً بالغلات، أنا اشتريت جبت لي من هاي الحنطة اللي عليها خمس، نعم، من هاي الحنطة اللي عليها خمس أنطيتها لهذا، قلت له: بعدين ياخذ دشداشة، هذا ماله، مال، مال، لأن المال مثل ما، كل ما له، كل ما يتمول، يعني كل ما له قيمة، مو شرط الأموال النقدية.

قال الثالث، يعني الثالث مما يشترط في لباس المصلي أن لا يكون، يا هو اسم يكون؟ اللباس الملابس، أن لا يكون هذا اللباس من أجزاء الميتة. شنو معنى الميتة؟ غير مذكر، فإذا الميتة ما زهقت روحها بدون تزكية، ومو واحد فيكم يتوهم، يقول: شوفوا، شوفوا السيد شو يقول؟ يقول: ما يصير نصلي بأجزاء الحيوان الميت، فما يصير نصلي بعد بالصوف وبال، شو اسمه، وجلد، جلد الحيوان المذبوح ذبح شرعي، يصير لو ما يصير نصلي؟ يصير نصلي.

يقول له: لا، مذكر ماله ربط، يقول: مو سيد يقول: ميتة، أنت فاهم الميتة غلط، الميتة مو هاي، واضح شلون؟ فمثلاً خلينا نحكي على جلد، أنت هاي القنصلة مسويها من جلد، من جلد حيوان، هذا الحيوان مذكر تزكية شرعية ولا لا؟ إذا مذكر تزكية شرعية، اكو مشكلة ولا ما كو مشكلة؟ ما كو مشكلة، مو ميتة هذا، أما إذا ما مذكر شو يسمونه بعد؟ ميتة، فيصير يصلي بهذا الجلد؟ لا، إيه لا.

أه، لهذا قال: أن لا يكون من أجزاء الميتة التي، هاي التي مو وصف للميتة، وصف للأجزاء، التي وصف علماً؟ للأجزاء، يعني نريد يقول: الأجزاء التي تحلها الحياة، واضح؟ أصل الكلام أن لا يكون من الأجزاء التي تحلها الحياة للميتة، أصل الكلام بس هو قد مؤخر. فإذاً ملخص الكلام: الحيوان الميت نجس لو مو نجس؟ نجس.

إيه، مو شغل، كل حيوان مو، طبعاً ليس كل ميت نجس، مو، نعم. اكو ميت طاهر، يا هو؟ أحسنت، يعني شنو؟ شنو عرفت؟ ليست له نفس. الذي ليست له نفس، فمو صحيح حكي، خليني أحكي بغير حكي، أقول: الحيوان الميت لا تجوز الصلاة فيه، شعبه، ما أقول نجس، البعض طاهر. الحيوان الميت لا تجوز الصلاة فيه، مو صحيح؟ في أجزائه، بس يا أجزاء؟ الأجزاء على قسم، أجزاء تحلها الحياة، وأجزاء لا تحل، وأجزاء لا تحل. إيش اللي حكيت لكم إياه سابقاً؟ لا، تحلو الحياة، كأنه يدخل فيها الدم، عروق وكذا، فالشعر، الشعر تحلو الحياة أو لا؟ الظفر، القرن في الحيوان، السن، أما، أما الجلد مثلاً، أما الإصبع، أما اليد تحلو الحياة، فيقول السيد: أنا أتكلم عن يا أجزاء؟ اللي ما يصير تصلي بها أنت من أجزاء الميتة، اللي ما يصير تصلي بها من أجزاء الميتة، يا أجزاء؟ التي تحلها الحياة، مثل ما قلت لك، تدخل يعني بها عروق، بها دم يخرج ويدخل، أما مثلاً الشعر لا ما بهيك شيء. إيه، الأصل عدم التزكية فما يصير يصلي فيه.

قال: أن لا يكون من أجزاء الميتة التي تحلها الحياة. ثم قال: من دون فرق بين ما تتم الصلاة فيه وما لا تتم فيه الصلاة. إذا أي جزء من أجزاء ملابسك مأخوذة من الميتة، من أجزاء الميتة الأجزاء التي تحلها الحياة، أي جزء من ملابسك شنو حكمه؟ الصلاة بشنو؟ باطل، الصلاة تصير باطلة، حتى إذا كان حزام، الحزام لا تتم به الصلاة، حتى إذا كان شنو؟ قبعة، قلنسوة، ما أدري شنو، حتى إذا كان الماركة، ماركة البنطلون الكابوي، الماركة يسوونها جلد مو شايفينها؟ نعم، بنطلون الكابوي، أتذكر الماركة مالته مستطيلة تصير بس جلد، جلد أصلي مكتوب عليه كذا، المهم هاي سوالف المحفظة، المحفظة محمول، واضح شلون؟ هاي الأمور إذا كانت من أجزاء الميتة، من الأجزاء التي لا تحلل، حتى إذا كان ما تتم بها الصلاة، هي أيضاً صلاة فيها شو تكون؟ باطلة.

قال: ولا فرق في الميتة النجسة والطاهرة على الأحوط، سواء كانت هاي الميتة نجس أو كانت طاهرة. يا ميتة طاهرة؟ الجواب: لا، السمك مثال، ما تجاوبني بالسمك، صحيح هو جوابك، بس مو أنا أريد مفهوم ما أريد مصداق، لا تجيب لي مصادق، مصادق هواي ما تخلص من واحد يسالك بالشارع، يقول لك: الميتة الطاهرة؟ تقول له: السمك، راح شو يصور؟ يصور بس السمك، أنت تعطيه قاعدة عامة، شو تقول له؟ تقول له: الميتة الطاهرة هي ميتة ما لا نفس له، عكس صار مثال، لا تجاوبهم بالمثال وتوهمون الناس أن هذا المثال هو لوحده، واضح؟ جاوبوهم بالمفاهيم وطوهم مصداق واحد، واضح شلون؟ الميتة الطاهرة هي ميتة ما لا نفس له سائل، نعم، وعرفنا شنو معنى نفسه مو سائلة، شرحناها سابقاً، مثل ايش؟ مثل السمك؟ مثل ايش؟ مثل السمك؟ يقول السيد: أنا عندي ما يصير تصلي بأجزاء الميتة حتى لو كانت هاي الميتة شنو؟ طاهرة.

زين، شلون أعرف أن هاي، شلون تصير هاي هاي السمك ميتة وشلون يصير مذكر؟ شنو الجواب؟ شلون يصير مذكرات سمك وشلون يصير ميتة؟ شنو قابل نذبحها بسكينة السمك؟ يعني داخل الماء، داخل الماء شو يصير هاي؟ يعني تصير ميتة، ميتة، وإذا ما تتخارج الماء تصير مذكرات، أحسنت، يعني تزكيتها بإخراجها من الماء، تزكيتها بإخراجها حية من الماء، نعم أحسنت بها فرق.

الميتة، ها، طبعا السمك سواء مات في داخل الماء أو مات خارج الماء في الحالتين هو شنو؟ ظاهر، ظاهر، لكن في، إذا مات خارج الماء يجوز أكلها، إذا مات داخل الماء شو يصير؟ يحرم يحرم، بالنسبة للنجاة، بالنسبة للصلاة، أنا إذا صليت بجزء حيوان ليست له نفس سائلة، ميتة، بس ما مذكر، تصح الصلاة ولا ما تصح؟ الجواب: لا تصح الصلاة، لا تصح الصلاة. الأجزاء الميتة، حتى لو كانت هاي ميتة شنو؟ الظاهرة، الظاهرة، مو مسألة نجاسة هي، نجاسة احنا ذكرنا النجاسة بالشرط الأول، هسة احنا يا شرط قاعد نتشاعل؟ يا شرط؟ الشرط الثالث، واحد بيكم يتصور الفكرة، فكرة نجاسة وطهارة، سيدي يقول: أنا ما أحكي عن النجاسة والطهارة، النجاسة والطهارة ذكرناها بيا شرط؟ الشرط الأول، قلنا: يشترط في لباس المصلي أولاً الطهارة، احنا هسة نشترط يا شرط؟ الثالث، ما نريد أجزاء ميتة، حتى لو كانت ميتة شنو؟ طاهرة، ما نريد أجزاء ميتة، أما إذا أجزاء مذكر يصير ولا ما يصير؟ أجزاء السمكة التي ذُكِّيت يصير صلبيه ولا ما يصير؟ زيداً هاي مو ميتة، إيه أيضاً إذا كانت من أجزاء الميتة ما يصير صلبيه، طبعا عند الشك اتركه.

قال: وأما ما لا تحله الحياة من ميتة حيوان يحل أكل لحمه، فلو فرضنا حيوان مات، بس هذا الحيوان يحل أكله في نفسه، مثل ايش؟ مرة، مرة اللي يموت خروف، ومرة اللي يموت شنو؟ مثلاً قطة مثلاً يفزونها، يعني ذئب يلا، شنو الفرق بين ميتة الذئب وميتة الخروف؟ هذا هي، هن على إثنيناتهم شنو؟ إثنيناتهم ميتتهم شنو؟ نجسة، نجسة، يعني ما كو تزكية، نعم، فإثنيناتهم ما يصير الصلاة بأجزائهم، صحيح؟ لا، أجزائهم، يا أجزاء؟ الأجزاء التي لا تحل، تحلها، اللي تحلها الحياة أكيد ما يصير الصلاة بها، نعم.

زين، والأجزاء التي لا تحلها الحياة كالشعر في الذئب وكالصوف وين؟ في الخروف، في الخروف، نحكي على يا خروف؟ لا تشتبهون، الخروف الميت، أنا أحكي على الخروف الميت، ما أحكي، أحكي على الخروف المذبوح ذبح شرعي، المذبوح ذبح شرعي ما في مشكلة، أحكي على الخروف الميت يعني اللي يميتة، وهذا أجزاء نجس هذا، نجس راح يصير، نجس، أجزاء التي تحلها الحياة ما يصير الصلاة فيه، زين، وأجزاء التي لا تحلها الحياة كالصوف، يقول السيد: أخوي الصوف يصير يصلي فيه، بس شعر الذئب هم لا تحله الحياة ما يصير يصلي فيه، ليش؟ لأن الذئب شنو؟ لا يحل أكلُه أصلاً، واضحة ولا مو واضحة؟ الفكرة واضحة ولا مو واضحة؟ نوعيتها.

فإذاً أجزاء الميتة، أجزاء الميتة ما يصير تصلي بها، بس يا أجزاء هاي اللي ما يصير تصلي بها؟ التي تحلها ولا لا تحلها؟ التي تحلها الحياة ما يصير تصلي بها، أما الأجزاء التي لا تحلها الحياة، يقول السيد: هم ما يصير تصلي بها، بس يستثنى شيء واحد، يا هو؟ المذكر، يستثنى المذكر خارج، يستثنى المحلل الأكيد، فلهذا يصير أصلي بصورة، صوف، صوف من ناخذه الصوف؟ ناخذه من الخروف من الضأن، يصير أصلي بصوف من ضأن مات ولم يذبح؟ يصير لو ما يصير؟ الجواب: يصير. زين، نفس الحال يصير أصلي بشعري، بشعري ذئبين ميتين؟ لا ما يصير، شنو الفرق؟ لأن الذئب مما لا، لا يحل أكلُه والضأن يحل أكلُه، بس هذا لا يعني أن الضأن مات بتذكير، لا، هو الضأن مات ميتة بنحو الميتة مو بنحو التذكير، لكن هو في أساساً، في أساساً الضأن مو يمكن أن يحل؟ مو حلال الأكل؟ نعم، فهمت الفكرة؟ نعم.

زين، الحيوانات غير مأكولة اللحم مثلاً، تشبهن تشبهن تذكي؟ نعم، تقبل التذكية، لكن تذكية الحيوانات التي لا تؤكل، شو تفيد التذكية مالتها؟ طهارة، طهارة ما تأخذه منها، تذكية الحيوانات المأكولة شو يفيدك؟ يفيدك هم هم تاكلها وهم تصير طاهرة، فلحم الضأن وصوف الضأن شلون تستفيد منها؟ إذا أُذكي الضأن، أُذكي الخروف تزكية شرعية راح هم اللحم أكله وهم الصوف شو يصير؟ طاهر وكله بعد، أما تزكية الذئب، تتصورون الذئب له تذكيره ولا ما تتصورون؟ الذئب يذكر، والنمر يذكر، والأسد يذكى، بس تزكيته شنو؟ يعني عود تاكله؟ لا، لطهارة ما يأخذه، لا، التذكية فقط لأجل طهارة ما تأخذه من جلده، فلهذا جلد الأسد يكون طاهر، بس بشرط شنو؟ التذكية، بشرط التذكية، بس يصير حلال تاكله؟ لا، لا، أما أصلابه ما تجوز، ليش؟ لأنه سياتي اكو شرط رابع، اكو شرط رابع مو راح نذكره؟ إيه، الشرط الرابع أن لا ياكل من، ما لا يؤكل لحمه، هذا غير شرط. هو مسألة مشهورة الشعر مال الفرس، إيه، شعر، الملابس هي حية، إيه، إيه، هذا الشرط الرابع راح ناخذه بعد شوي، الشرط الرابع بعد ما ناخذه، الشرط الرابع مهم.

وين وصلنا؟ وأما ما لا قريناه. قال: مسألة 128، لا يجوز حمل أجزاء الميتة في الصلاة، أجزاء محمول صارت، مو ملبوس، مو لابسها، حاملها بجيبي، أجزاء الميتة شايلها بجيبي يصير؟ نعم.

قال: لا يجوز حمل أجزاء الميتة في الصلاة حتى وإن لم يكن هذا المحمول ملبوساً، وكذلك شنو يعني كذلك؟ لا تدري، لا يجوز، كذلك لا يجوز حمل كل ما لم تثبت تذكيتُه شرعاً. اتنا كذا احتمالات، مرة تدري هذا اللحم أو هذا الجلد، هذا سؤال مهم تلائي، مرة أدري هذا الجلد ما مذكر، يصير يصلي به ولا ما يصير؟ خلينا نبدي بالعكس حتى يصير واضح، مرة أدري به مذكر، شو أصلي به؟ 100% أصلي بشيء ايش فيها؟ مرة أدري به ما مذكر 100% أصلي به ولا ما أصلي؟ ومرة أشك، شو أسوي؟ هاي أشك، أتعامل وياه مثل ما تعاملت وياه الصورة الأولى؟ أصلي به، لو أتعامل وياه مثل ما تعاملت وياه الصورة الثانية؟ ما أصلي به، أعيد السؤال: مرة أدري 100% هذا الجلد مذكر، أصلي به ولا لا؟ أصلي به، مرة 100% أدري به ما مذكر، ومرة ما أدري هو مذكّر؟ الجماعة هم كاتبين ذبح على الطريقة الشرعية، الجماعة كاتبين لك ذبح على الطريقة الشرعية، أستاذ كافي، يجوز شذابين ذوول يروجون بضاعَتَهم يرزون، واضح؟ مو منهم هم ذوول، لا هم أمريكا وكاتبت لك ذبح على الطريقة الشرعية، إيش هالدرجة هم خطية متدينين؟ هاه ويخافون الله ويذبحون على الطريقة الشرعية؟ الجماعة يروجون بضاعتهم، قال لك: خل نقشموا المسلمين نكتب لهم، ما دام هم يرغمون شحاله، واضح؟ أي شيء تجاري واقتصادي هم.

فأنا مطمئن بعد بالذبح لا، ما مطمئن، عندي شك، فاذا عندك شك وين راح تدرج مشكوك التذكية؟ وين تدرجه؟ في تعامله معاملة المذكّى لو تعامله معاملة غير المذكّى؟ الجواب: يعامل معاملة غير المذكّى من جهة أكله ومن جهة لبسه في الصلاة، أما من جهة طهارته ونجاسته فيقول السيد الخوئي: إنه يتعامل معهم معاملة الطاهر. هاي من الغرائب، يعني العجيبة، نعم، سيد الخوئي يقول: الدجاج إذا كان مشكوك التذكية وقدموا لك معون دجاج ويا مرقة، عيني سيد الخوئي يقول: أما اللحم بتاكله. يقول له: معك. زين، إذا اللحم ماكله بعد الماعون كله ما نجي، لأن المرق هو هم تنجس بمن؟ اللحم، ماء مضاف المرق، هذا المرق ومي مضاف غير معجون وكذا يصير ماء مضاف، والماء المضاف إذا علاقة المتنجس في السيف، ينجس. سيد خوي يقول: لحم ولا تاكل؟ اللحم ما أكله، حتى الجدر كله خم ذبابيلي، الجدر يقول: لا، المرق ما ما في مشكلة. عجيب، شلون ما في مشكلة؟ يقول: لأن احنا حكمنا على هذا مشكوك التذكية، من جهة تذكيته أنه مذكى أو غير مذكى، الأصل هو التذكية وعدم التذكية، الأصل التذكية في الأشياء، الأصل عدم التذكية فلا تاكله. من جهة نجس لو طاهر، ما هو الأصل؟ الطهارة ولا نجاسة؟ أصل الطهارة، واضح؟ ولهذا المرق محكوم بالحلية، يعني من طاهر، يعني أما الدجاجة نفسها محكومة بمن؟ بالحرمة بحرمة الأكل.

يبقى عندكم إشكال ببالكم، إشكال تناقض راح يصير، هو شلون هو حرام وبنفس الوقت هو طاهر، شلون تصير؟ الجواب: يجاب عن هذا السؤال بجواب طويل حاصله أن الأصول العملية لا تثبت لوازمها، البحث بالصول إن شاء الله لما نصور ناضجين أصوليين أنا بوضح لكم هذا المطلب بإذن الله، لأن الأصل العملي ما يثبت لوازمه، لهذا نحن لا نقول بالأصل المثبت، الشيعة ما نقول بالأصل المثبت، وهذا حكي طويل، إن شاء الله تلعله إلى وقت مهم، إلى في بحث الأصول، أول شيء يبحثون العلماء، يفرقون بين الأصل والأمارة، الأمارة تثبت لوازمها، أما الأصل العملي فلا يثبت لوازمه، يعني هذا يمكن إجراء أصلين متبادلين، فلسفتها في لها محل خاص إن شاء الله.

لهذا شو يقول سيد: وكذلك، شنو يعني كذلك؟ يعني وكذلك لا يجوز، لا يجوز في شنو؟ في كل ما لم تثبت، شوف، ما لم تثبت، ما لم تثبت تذكيته شرعاً، هذه يا صورة؟ الثالثة لو الثانية؟ الثالثة، اللي هي شنو الثالثة؟ مشكوك، يقول: هذا ثابته تذكيته؟ لا، يقول: هذا لا تشيله بالصلاة.

شوف، نفس السيد الخوئي، مثلاً السيد الخوئي استفتوه استفتاء فصرح بهالحكي، باقي العلماء ما استفتوهم فساكتين، ما ندري هو، طبعاً مقتضى القواعد، مقتضى قواعدهم حكي السيد الخوئي صحيح، مقتضى القواعد، مقتضى القواعد اللي يذكرونها هم في أصول الفقه وفي غيرها من حكي السيد القوي صحيح، وإن كان هناك رأي بالمقابل يقول: لا، يقول: إذا التزمنا بالحرمة نلتزم بالنجاسة، النجاسة أيضاً، هذا، والحمد لله رب العالمين، وصلى الله على محمد وآل بيته الطيبين الطاهرين. اللهم صل على محمد وآله.

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع

أضف تعليق