المسائل المنتخبة – الخوئي – الشيخ عمار الخزعلي

دروس مفرغة — النصوص المتاحة

92 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 74

تحميل الصوت

تحميل Word

074

بسم الله الرحمن الرحيم وصلى الله على محمد وآله الطاهرين.

اللهم صل على محمد وآل محمد. اللهم صل على محمد وآل محمد. الشكوك التي لا يعتنى بها يعني لا يعتنى بها يعني العمل معها صحيح، يكون العمل صحيح، فهذا الشك يلغى كأنه غير موجود. هذا معنى لا يعتنى بها. فالصلاة صحيحة حتى مع وجود هذه الشكوك القادمة. لا يعتنى بالشك في ستة مواضع:

المواضع التي لا يعتنى فيها بالشك

الموضع الأول: ما إذا شك بعد الفراغ من العمل. فإذا شك بعد الفراغ شنو يطبق يا قاعدة؟ قاعدة الفراغ فيعتبر عملاً صحيحاً، لهذا قال: «كما إذا شك بعد القراءة شك في صحتها، فيبنى على أنها صحيحة، ما يأتي بهذا الشك»، أو شك بعدما صلى الفجر في أنها كانت ركعتين أو أقل أو أكثر. الشك في صلاة الفجر في الركعات قلنا شنو؟ مبطل ولا ما مبطل؟ مبطل، بس ايش وقت مبطل؟ في حالة في أثناء الصلاة. هاي مهمة بالأمس نسيت وما نبهت. الشك في الركعات ونطبق مرة مبطل، ومرة صلاة احتياط، ومرة دخول في السجدة الثانية ودوخة الراس، هاي ايش وقت؟ إذا في أثناء الصلاة. لكن يجيك هذا السؤال، واحد قال: السلام عليكم، من سلم شك، شك في عدد الركعات، قال: الأولى لو الثانية، الثالثة لو الرابعة؟ دخل بالسجدة، ما دخل بالسجْدَة؟ شو نقول له؟ نقول له: امشِ. يقول: مو عليه احتياط؟ نقول له: ما عليك شيء. يقول: ليش؟ ثم تقول له: يشك بين الثالثة والرابعة عليه شو اسمه كذا حكم، شو نقول له؟ نقول له: لا، هذا الحكي إذا شكيت شكوين؟ في أثناء الصلاة. بعدك بالصلاة، شكيت هاي الأولى والثانية، الثالثة والرابعة فيها مجال قلنا في بعض الحالات تبطل، بعضها... أما لو شككت في الصلاة بعد الفراغ منها، من قلت: السلام عليكم ورحمة الله، كملت، فأي شك بالركعات ألغِهِ، لا عليك احتياط ولا عليك أي شيء، هاي مهمة، هاي واضح.

فلا يعتنى بالشك، خلوها في ذهنكم أن الشك في الركعات لا يعتنى به بكل تفاصيله حتى الاحتياط وما عليه، شو وقت؟ إذا كان بعد فراغ من الصلاة. بعد السلام قال: «أو شك بعدما صلى الفجر في أنها كانت ركعتين أو أقل أو أكثر». يجيك واحد يقول لك: هاي فتوى غريبه، تو السيد مو يقول... شو تجاوبه؟ لا، هذا ما صلى، هذا صاحبنا كمل صلاته، وشك، شوف يقول: «بعدما صلى الفجر».

الموضع الثاني الذي لا يعتنى به: ما إذا كان الشك بعد خروج الوقت، هذا ذكرناها بالأمس؛ أنا إذا شكيت أني صليت الظهر لو ما صليتها، شو وقت؟ بالغروب شكيت، دخل المغرب، وقلت: أنا الظهر صليتها لو ما صليتها؟ شو قال؟ لا يعتنى بهذا الشك. قال: «ما إذا كان الشك بعد خروج الوقت»، كما إذا شك في الإتيان بصلاة الفجر شو وقت شك؟ بعدما طلعت الشمس، يعني خرج وقتها.

الموضع الثالث: ما إذا كان الشك في الإتيان بجزء بعدما دخل في جزء آخر مترتب عليه، شو يطبق يا قاعدة؟ قاعدة التجاوز. قاعدة التجاوز، كل ما تشك بجزء تدخل بالجزء اللي بعده، ابني على العمل واعتبر عملك صحيح وماكو شك. هاي كلها واضحة، كلها إعادة لحد هذه.

الموضع الرابع: ما إذا كثر الشك. الآن مطلب جديد ما سامعين فيه؛ أنَّ كثير الشك لا شك له، لا يعتنى بشكه، والإمام (عليه السلام) يقول: ⟦لا شك لكثير الشك⟧، الإمام الصادق (عليه السلام) -ما أتذكر- ⟦لا شك لكثير الشك⟧. شو معنى لا شك؟ يعني ما يعتني بشكه، يلغي شكه. كثير الشك لا، ما يعتني بشكه. كثير الشك من اسمه يعني يكون شكه يكثر، يكثر عن المتعارف، احنا ما بيصير عندنا شك، احنا الحمد لله مو كثير الشك، لا، بس هم يصير عندنا شك، واحد هم يشك، بس كثير الشك من اسمه ولا يكثر منه الشك بحيث يخرج عن المألوف ويخرج عن المتعارف، بحيث يقول في المنهاج -أو هنا ما أدري يقول-: كل ثلاث صلوات هو ما يمر عليه ثلاث صلوات إلا ويشك بوحده. أما بعض الأحيان يشك، لا، أكثر، كل صلاة يشك. وهذا اللي كل صلاة يشك 100% ايش يسمونه؟ كثير الشك. اللي كل صلاتين يشك مرة واحدة هم كثير الشك. إذا كل ثلاثة... أما لو في كل خمسة يشك مرة واحدة قد يقال: هذا متعارف، تصير عندنا، تصلي خمس صلوات الصلاة اليومية يجوز شكك مرة واحدة عادية، بس إنسان يكثر شكه بحيث يكون أكثر من المتعارف، شو يسمى؟ يسمى كثير الشك.

هناك اصطلاح قريب لكثير الشك وهو الوسواسي. الوسواسي، الفرق بين الوسواسي وكثير الشك ليس الفرق في الكم، يعني في عدد الشك، مو الفرق، بعضهم يتصور الفرق بالعدد، فيتصور أن الوسواسي شكه أكثر عدداً من شك كثير الشك، يتصور إذا كثير الشك يشك كل ثلاث صلوات يشك مرة واحدة، فيتصور الوسواسي إيش قد؟ كل صلاة يجوز. لا، لا، الفرق بينهما مو بالكثرة، مو بالجانب الكمي، لا، الفرق بينهما في سبب الشك، في سبب الشك، فكثير الشك سبب الشك عنده سبب عقلائي معقول. تقول: تعال، إيش فيك كل ساعة شك؟ أنت كل ساعة ليش؟ شوف الفرق بين جواب كثير الشك وجواب الوسواسي. كثير الشك يقول لك: مو أني ما أدري، يعني يجوز أني نسيت ما غسلت إيدي اليمنى بالوضوء، أو يجوز أني اشتبهت ما ركعت، والله ما أدري... تقول: ليش تشك؟ كل ساعة تشك، شبيك؟ والله عندي حسبة ببالي شغلتني، أو مثلاً التهيت بكلام، بمطلب، فأعذاره، الأعذار اللي يعطيها كثير الشك أعذار معقولة، أعذار ما تؤدي للضحك عليه، تؤدي للاهتزاز به، لا، أعذاره معقولة. ليش شكيت هاي صلاتك بين الثالثة والرابعة؟ يقول: غفلت، راح بالي من غير سالفة، شو يسوي؟ هاي صلة الإنسان، عاد عذر معقول هذا لو غريب؟ معقول، بس هو هواي يصير عنده هذا شو اسمه. إذا أعذاره معقولة وعقلائية يسمونه كثير الشك. مولاي الوسواسي لا، أعذاره عجيبة غريبة، أعذاره مو عقلائية ومو عرفية. تقول له: شبيك ليش ما تصلي بهذا الثوب؟ هذا الثوب مثلاً ليش؟ يقول لي: أنا البحر شريته، أرسلته وشريته... شبيك؟ طاهر. يقول: يحتمل واحد -أجلكم الله- تبول في شرق الأرض والهواء طير هاي النجاسة وأصابت شنو؟ أصابت الـ... هاي غير بعيدة! هاي مو محتملة؟ يجوز كل شيء يصير. ليش ما تصير؟ حل! فأعذاره أعذار مو عقلائية غريبة، هاي غريبة على العرف، كل شيء يصير، نجاسة بعيدة، نجاسة هنا طارت وجتك على شنو؟ ها، مولانا يغسل وجهه، نغسل وجهه مرة ثانية! شبيك غسلت وجهك مرتين؟ يعني ليش بوضوئك عدت مثلاً؟ تعيد وضوءك، كل ساعة تتوضأ؟ يقول لي: أنا تنجست. ليش تنجست؟ الهواء نجسني، يجوز هذا الهواء ضرب له واحد متنجس وهو... سوالف، هاي يعني سوالف مو معقولة، بينما الكثير الشك ليش عاد وضوءك؟ يقول لك: أنا احتمال اشتبهت بذاك الوضوء، ذاك الوضوء اكو احتمال ما غسلت إيدي، يجوز أسولف، عذر معقول هذا، يصير عندنا، واحد يسولف ينسى، بس هذا مولانا يحكي على سوالف ناشئة من وسوسة شيطانية فقط، مال الهواء احتمال إيش بيه ونقل النجاسة ما أدري منين. بس هذا، لهذا الفرق بينهما في منهج الشك، مو الفرق بينهما في عدد مرات الشك. اكو فوارق عملية بسيطة بين كثير الشك وكثير... يعني والوسواسي، فوارق عملية قليلة، وإلا أكثر شيء ماكو، هم يشتركون في أغلب... يشتركان في أغلب الأحكام، أغلب الأحكام أنه كثير الشك والوسواسي بيناتهم شنو؟ بيناتهم لا شك لهما، يعني لا يعتبران بشكهما، المفروض يلغون شكهم. قال: «ما إذا كثر الشك»، فاذا في الإتيان بواجب بناء على الإتيان به، يا هو هذا؟ كثير الشك، مو كل واحد، مو كل واحد، بس كثير الشك. كما إذا شك كثيراً بين السجدة والسجدتين، قال: هاي السجدة الأولى ولا الفلاني؟ دائماً هو يقع بهالمشكلة، مشكلته هي هي.

طبعا بالمناسبة كثير الشك يختلف حتى الوسواسي. قد يكون إنسان كثير الشك في كل شيء، يعني يشك تارة في عدد الركعات، تارة في الوضوء، تارة في الصلاة، هذا بكل شيء تشوفه كثير الشك، هذا شو يقولوا له؟ يقولوا له: أنت بالنسبة لك مرفوع عنك أحكام الشك في كل شيء، لأن شكك هو وين موجود؟ هم في كل شيء، فهذا بالوضوء ما يعترف بشكه، وبالصلاة ما يعترف بشكه، وبالركوع ما يعترف بشكه، وبالسجود ما يعترف بشكه، كل ما يجي شك يلغيه. لكن أنت راح تجاوبون عن حالة أخرى، واحد شو يقول؟ يقول: أنا ما عندي مشكلة بالوضوء، بالوضوء لست كثير الشك، بل بالوضوء أنا أضبط من غيري، يتوضأ مرة واحدة وما عنده مشكلة، وبالصلاة هم إجمالاً ما عندهم، بس عندي دائماً الثالثة والرابعة، الشك بين الثالثة والرابعة، هذا لازم ويا الشك هذا، كل ما أصلي ثلاث صلوات مرة واحدة أشك بين الثالثة والرابعة، فهذا شو يسمونه؟ يسمونه كثير الشك وين؟ فقط في هذا المورد. فاحنا من نقول: لا شك لكثير الشك، شنو نقصد؟ أنه يلغي كل شك لو بس هذا الشك يلغيه؟ يلغاه الشك، فإذا شك مثلاً في الركوع، في الركوع يعتني بشكه، يطبق الأحكام اللي اللي قلناها، إذا شك في الوضوء يطبق أحكام الشك، أما هنا في الشك في عدد الركعات في خصوص الثالثة والرابعة هذا بهالمورد هو شنو؟ يلغي شك، خلوها في ذهنك مو بنحو القاعدة العامة. يقول السيد: «كما إذا شك كثيراً بين السجدة والسجدتين، فإنه يبني حينئذٍ على أنه أتي بالسجدتين بعد أي شك» شلون لا يعني يلغيه ما لا يصلح احتياط ويدوخ نفسه، يبني على أنها الصلاة... يبني على أنه هو شك بالثالثة والرابعة، غير؟ يبني على أنها الرابعة ويسلم ويكمل. لا، الثانية موضوع حكم هو. ها؟ موضوع حكم هو. يا حكم؟ إذا شك بين ركعة... إي هذا غير كثير الشك، قاعد نقول، احنا قاعد نقول كثير الشك ما يطبق أحكامنا احنا، احنا نطبق أحكام، إذا شكيت بين الثالثة والرابعة ابني على الرابعة وصل احتياط وذو فترات، إذا شكيت بين الثانية والثالثة كون دخلت بالسجدة الثانية لو ما دخلت، هو بالنسبة له مرتاح. طبعا هو ما مرتاح، هو ما يسويها، هو يظل وسواس داخل، هو بالنسبة إذا شك بين الأولى، الثانية، الثالثة، الرابعة، امشِ، صلاتك صحيحة، اعتبرها، ابني على الأكثر بشرط أن لا يكون مبطل للصلاة، وامشي، حتى الاحتياط مطلوب من عنده واضحة، خاصة، استثناء يعني. ابني على الأكثر لو شكنا احتمال أكثر؟ ها؟ لو يرجح بين الاحتمال؟ هو ما عنده شك، هو شك، هو شكله. إي، ما عنده، إذا عنده ظن فوضية، إذا ما عنده ظن... إذا ما عنده ظن يبني على تصحيح صلاته، شنو اللي يصحح صلاته؟ مرتب. مرتب. مرتب. هو هو ما مشكلة، هو هذا، احنا نقول له، نقول له: حكمك انك ما تعتني بشكك، هو يجي مرات قلبه ما يرتاح، يقول: لا، شلون ما اعتني بشكك؟ يقول له: عمي، هو هذا حكم الشرع في حقك. بعضهم ايش يحكي؟ تقول له: تقول له الإمام الصادق (عليه السلام) يقول: ⟦لا شك لكثير الشك⟧، يظل يوسوس، يقول: لا، شو يسوي؟ إذا هيك شيخنا شيخنا يسوي كثير الشك، مرات يصير عنده شك يقول: احتمال الثاني أكثر من... أقول، إذا ظن يبني على ظنه. وهو كثير الشك. إي، يبني على ظن، إذا ظن عنده ظن يبني على ظن. لكن قال: «فإنه يبني حينئذٍ على أنه أتى بسجدتين»، وإذا شك في الإتيان بمفسد، قال: آني هل أتيت بما يقطع الصلاة أو لا؟ واضح؟ فالمبطل من مبطلات الصلاة شك، مثلاً هل أنه ضحك بالصلاة؟ هل أنه أحدث؟ هل أنه التفت عن القبلة لو لا؟ فشو نقول له؟ كثير الشك شو نقول له؟ نقول له: امشِ، ابني على صحة صلاتك. وإذا شك في الإتيان بمفسد، ثنى على عدم المفسد، كمن شك كثيراً في صلاة الفجر، شك في الفجر بين الاثنين والثلاث، طبعا الثلاثة هي مفسدة، الإتيان بالركعة الثالثة في صلاة الفجر شو يؤدي؟ لإثمك؟ إلى بطلان الصلاة، بس هو ما يدري، يقول له: أنت كثير الشك، يقول: بس هذه ركعة صلاة الفجر، صلاتي فاصلة، تقول له: شنو؟ أنت بالنسبة لك شو تبني؟ ابني على أنها صلاتك صحيحة وأنك لم تأتي بمفسد، فهي الركعة شنو؟ شو الصفة؟ الثانية ولا الثالثة؟ الثانية، سلم وكفى، لا تشك بعد أكثر من هذا. قال: «فمن شك كثيراً في صلاة الفجر بين الاثنين والثلاث فإنه يبني على أنه لم يأتي بالثالثة، لم يأتي بالمفسد، ويتم صلاته ولا شيء عليه». ولا فرق في عدم الاعتناء بالشك إذا كثر، لا فرق بين أن يتعلق هذا الشك بالأجزاء وأن يتعلق بالشرائط، مرة واحد يشك بالوضوء، الوضوء شرط له، جزء للصلاة؟ شرط. مرة يشك بمن؟ بالجزء، بالركوع، نقول له: أنت كثير الشك، كثير الشك لا يعتني بشكه، سواء كان شكه في الطهارة، يعني في الأجزاء في الشرائط، أو كان شكه في الأجزاء. قال: «وعلى الجملة لا يعتنى بشك كثير الشك ويبنى معه على صحة العمل المشكوك فيه»، دائماً ابني على الصحة. زين، شلون أعرف نفسي كثير الشك؟ قال: «وتتحقق كثرة الشك بزيادة الشك على المقدار المتعارف، بحيث بحد يصدق معه عرفاً أن صاحبه كثير كثير الشك، وتتحقق أيضاً بأن لا تمضي عليه ثلاث صلوات إلا ويشك في واحدة منها». هذا مصداق سيدي يقول. أي مصداق، أحسنتم. سيدي يقول: بعد مسألة عرفية، مثل كثير الأكل، مثل كثير النوم، مثل كثير المشي، مثل كثير... كيفكم؟ المرض، هذه أمور عرفية، مو يقال: فلان كثير المرض يعني شنو؟ ما يتمرض؟ يعني غيره ما يتمرض؟ لا، غيره يتمرض بس هو شنو؟ زايد على الحد. غيره يتمرض بالشهر شو يتمرض؟ شو هذا يومياً يتمرض؟ شو يسمونه؟ كثير المرض. وهكذا أي حالة أخرى، كثير النوم، احنا هم ننام وأنت هم، بس عمي نومك ما صاير، نومك أنت ما صاير، والله شلون؟ فيسمونه كثير النوم، كثير شنو؟ اكو كثير شنو؟ اكو كثير الشك، احنا هم نشك وأنت هم تشك، بس شكك شكك عرفاً أكثر من شكنا. واضح؟ السيد يقول: أنا ما أعطيك فد تحديد خاص، أرجعك أرجعك العرف. نعم، إذا تريد تحديد خاص، مثال كثير الشك: ما تمر عليه ثلاث صلوات إلا ويشك بوحده، ما عنده جرب، ما عنده ثلاثة يمشي هيك بدون شك. ثم إنه يختص -يعني هو ذاكرها- يختص عدم... ثم إنه يختص عدم الاعتناء بشك كثير الشك يختص بمن؟ بموقع كثرته، مثل ما وضحت، فإذا هو كثير الشك في الوضوء هم نقله: لا تعتني بشكك في الصلاة؟ لا، لا، كل كل شيء له حكمه، أنت كثير شك بالوضوء لو بالصلاة؟ إذا قام بالوضوء مشكلتي بس دائماً بالإيدين أنا مشكلة، بالمسح، أما بالصلاة لست كثير الشك، فهذا لا يعتني بشكه وين؟ فقط بالوضوء، أما في الصلاة فيعتني بالشك ويطبق الأحكام اللي ذكرناها. لهذا قال: «ثم إنه يختص عدم الاعتناء بشك كثير الشك يختص بمن؟ بموضع كثرته، فلا بد من أن يعمل فيما عدا موضع كثرته يعمل بمن؟ يعمل بوظيفة الشاك كغيره من المكلفين في غير موضع الكثرة»، كما في الصلاة في مثال، هو مثال بالصلاة، هو موضع كثرة ولا لا؟ ها؟ موضع كثرة، مثلاً إذا إذا هو دائماً شك بالوضوء، أما بالصلاة ليس ليس محل، فبالنسبة للصلاة يعمل كباقي المكلفين. راح يضرب مثال: مثلاً إذا كان إذا كانت كثرة شكه فقط فقط وين؟ في خصوص الركعات، في خصوص الركعات، يشك بالركعات دائماً، أولى، ثانية، ثالثة، رابعة، هاي مشكلته. قال: «لم يعتني بشكه فيها»، يا هي فيها؟ في الركعات، ليش؟ لأنه بالركعات شو يسمونه؟ كثير الشك، فإذا شك في أمر آخر في الإتيان بالركوع هو ما عنده شك، ما عنده كثرة شك بالركوع، عنده كثرة شك وين؟ في عدد الركعات، هي أولى وثانية، أما لو هو قال: ركعت لو ما ركعت؟ هذا مو كثير شك، فلهذا في هذه من هذه الجهة شو يسوي؟ يطبق قاعدة التجاوز، إذا دخل بالجزء اللاحق شو يعتبر نفسه؟ ركع، وإذا ما دخلت بالجزء اللاحق عليه أن يركع، لهذا قال: «فإذا شك في الإتيان بالركوع أو بالسجود أو غير ذلك مما لم يكثر شكه فيه لزمه الإتيان به إذا كان الشك قبل الدخول في الجزء اللاحق»، يعني في الغير، يعني إذا متى طبق قاعدة التجاوز باللي يأتي به؟ إذا طبقها ما يأتي. هاي واضحة؟

شك المأموم والإمام

ناتي الآن إلى مورد آخر من موارد عدم الاعتناء بالشك، من الشكوك التي لا يعتنى بها: شك المأموم أو الإمام مع حفظ الآيات... الآخر. فأنا شكيت بين الثالثة والرابعة، أنا إذا شكيت بين الثالثة والرابعة المفروض شو أسوي؟ أنا أنا مو كثير الشك، أنا مو كثير الشك، أبني على الرابعة، فواضح أبني على الرابعة وعليّ احتياط، بس الفقهاء يقولون: أنت يا مأموم، أنت شكيت بين الثالثة والرابعة، في بعض الحالات ألغِ شكك هذا؛ إذا أنت تصلي إمام أو مأموم وصار عندك هذا الشك. خلينا ناخذ مثال المأموم: أنا مأموم وشكيت: هي الثالثة ولا الرابعة؟ بس الإمام شفته متأكد، بنى على أنها الثالثة، فركع ووصل، سجد سجدتين، أنا قلت له: يبين، إذا سلم فمعناها يا ركعة؟ رابعة. وإذا ما سلم وقام، يا ركعة؟ ثالثة، هو قام، قام للركعة الأخرى، فتبين أنه هو بالنسبة له -بالنسبة للإمام- يعتقد أن هاي الركعة اللي فاتت يا ركعة؟ ثالثة. ها؟ هو تكليفي غير تكليفي، هو كل واحد له، هو يعتقد بأنها الثالثة، أنا ما أعتقد بأنها الثالثة، ولا أعتقد بأنها الرابعة، أنا شاك، شاك بأنها الثالثة والرابعة، السؤال للفقيه، أقول للفقيه: أنا آخذ بكلام الإمام وألغي شكي؟ لو لا والله أقول: الشعيبية، أنا كل واحد يعمل بتكليفه، أعمل بتكليفي، فعلي أنا شو أسوي لازم؟ عليّ أنا أسلم، وهو الإمام قام، أكون أسلم وأتي بركعة احتياط. ما هو الجواب؟

الجواب أنه: خذ بكلامه إذا كان حافظاً. هو ظاهر كلامه حافظ، يعني شوف أنا حافظ، ما متردد. والله الإمام متردد مثلي، لكن إذا متردد سياتي، إذا مترددين أنا ويااه، شو هو اللي تقوم واللي تقعد وبينتظرني أنا، وأنا ما أدري الشغلة شنو؟ هذا بحث آخر سياتي الجواب عنه، لكن إذا شفته هو متأكد، هو متأكد، قام سبحان الله، يعني دخل بالركعة الثالثة يعني عفواً الرابعة، أنا بعدني شاك، وأنا فعلا هو مو معناها يقول... فبالنتيجة السؤال الجواب هكذا: إذا كان أحدهما حافظاً -أحدهما يا الإمام أو المأموم- الإمام أو المأموم حتى لو كان الإمام هو المتردد، الإمام بهاي الركعة اللي ما يدري فيها ثالثة ولا رابعة ظل قاعد، فالمأموم قال له: سمع الله لمن حمده، نبهه، قال له: قوم مو ركعة تسلم أنت، شنو؟ فالامام همين يسمع كلام المأموم فينهض. الفكرة هكذا: إذا كان أحدهما حافظاً والآخر شاكاً، فالشاك يلغي شكه ويرجع علماً إلى الحافظ منهما. لهذا قال خامساً: «ما إذا شك الإمام وحفظ عليه المأموم، وبالعكس، إذا شك المأموم وحفظ عليه الإمام»، فإذا شك مثلاً الإمام، شك بين الثلاث والأربع، وتشوفه متردد، لا هو يسلم ولا هو واقف ها (يعني يعني يقف الركعة) فظل متردد، أنت شو تسوي؟ المأموم متأكد من شغلته، فنبهه: سمع الله لمن حمده، مثلاً ينبهه أنه لازم تقوم أنت، واضح؟ أو بحول الله وقوته مثلاً، فأفهم أنه أنا الإمام أفهم أن المأموم متأكد من شغله، فألغي شكي، ألغي شكي وأوقف، أنا بعد أتي بالركعة الرابعة. يقول السيد: «فإذا شك الإمام بين الثلاث والأربع مثلاً الإمام شك وكان المأموم حافظاً لم يعتنِ الإمام بشك ورجع منو رجع؟ الإمام، الإمام إلى المأموم»، وكذلك العكس، العكس يعني شنو؟ إذا كان هاي المرة المأموم هو الشاك والامام حافظ. ثم قال: «ولا فرق في ذلك بين الشك في الركعات والشك في الأفعال». هاي مرة أنا أنا ما أدري، أنا ركعت لو بعدني ما ركعت، شفت الإمام، أنا أدري بنفسي، ما أدري وين رحت بالدنيا، الدنيا أخذتني، ما حسيت نفسي إلا واقف، قلت لنفسي: أنا أركع وأروح للسجود. ها؟ مفترض أنا إمام واشتبهت، المأموم شو يسوي؟ يفهمني لازم ننزل ننزل للسجود. شلون مثلاً شو يقولون عادةً؟ الله أكبر، أو شو ما قلت؟ فالتنبيه، أي تنبيه ينبهني أو ينزل للأرض، أنا أسمع، نزلت للأرض فأفهم شنو؟ لازم ننزل، أنا ما أبكي، هي أبني على أنه شنو؟ أنا احنا ركعنا. أما إذا أنا... أريد أنزل، هو قال: الله أكبر، سبحان ربي العظيم وبحمده (يعني ركوع)، شلون نزلت بالسجود؟ فانهض، شنو؟ ألغي شكي وأبني على... فبالنتيجة الشك في الأفعال أو الشك في الركعات، يرجع أحدهما إلى... الإمام الشاك منهما يرجع إلى الحافظ، فإذا شك المأموم في الإتيان بالسجدة الثانية مثلاً والإمام يعلم بذلك، رجع المأموم إليه (إلى الإمام)، وكذلك العكس.

ثم قال مسألة 334: «لا فرق في رجوع الشاك من الإمام أو المأموم إلى الحافظ منهما، لا فرق بين أن يكون حفظه -يعني الحافظ منهما- على نحو اليقين، وأن يكون على نحو الظن، فالشاك منهما يرجع حتى إلى من؟ إلى الظن تماماً كما يرجع الشاك منهما إلى من؟ إلى المتيقن»، لهذا أنا أنا وياك نتفق قبل لا نصلي، أقول لك: أنا أخاف يصير عندي شك، أخاف أنا يصير عندي شك وأنت فهمت أن أنا شاك، فهمت أنت أن أنا شاك وشفتني متردد، ها، فانت انطيني الحل، يعني انطيني اللي حافظه. أنت راح يسالك صاحبك، يقول: زيد، والله أنا إذا أنا متيقن، خو أنا أنبهك جيد، مثلاً أنت شكيت شفتك تريد تسلم لو تريد تقوم، يعني تشك بين الثالثة والرابعة، إذا الرابعة كل تسلم، وإذا الثالثة كل شيء تسوي؟ سلام. خو أنا أنبهك سهلة، أنبهك شو وقت؟ إذا أنا متيقن، خو إذا أنا متيقن أنا أقول لك: سمع الله... من عندها مثلاً، حتى أفهمك لازم تقوم. زين، بالله إني خو إذا شاك ما سوينا شي، إذا أنا شاك وأنت شاك سياتي، إذا أنا شاك وأنت شاك خو كل واحد يعمل بشكه. لا، مو هذا، هاي بعد شوي نحكي عليه، لا، نحكي على حالة وسطى؛ أنا ما عندي يقين مرات، عندي ظن أنها أنها الثالثة، ظن، هم هم أمشيها وأفهمك أن هي الثالثة لو لا، لو بعد أخلي... يعني ما ما أعمل بشيء حتى لا أوهمك. بالنتيجة أنت الناسي والشاك تتابعني فقط في حالة اليقين لو عليك أن تتابعني حتى في حالة الظن؟ شو يقول السيد؟ يقول: الشاك منهما يرجع إلى الحافظ، هذا الحافظ مرة حافظ على نحو اليقين ومرة حافظ على نحو الظن الظن. لهذا أنا أقول لك منها قبل لا نصلي، أقول لك: يا أخي، حتى لو صار عندك ظن أنت منبهني (يعني تصير ترجع لي وأنت شاك ترجع للظن؟ إي ماشي)، الفقهاء ما يشترطون الشاك يرجع فقط إلى من؟ للعالم والقاطع. لهذا قال عبارته: «بين أن لا فرق بين أن يكون حفظه الحافظ على نحو اليقين أو يكون على نحو الظن، فالشاك منهما يرجع إلى الظان تماماً كما يرجع إلى المتيقن».

زين، وإذا اختلفا بالظن واليقين عمل كل منهما بوظيفته. المسألة قد تكون ابتلائية، ما بتصير، ما بتصير. فمولانا انتبه معي، أنت مأموم أو إمام كيف؟ ناخذ مثال: أنت مأمور... أنت مأمور؟ أنت تعتقد بأن هاي الركعة هي الرابعة، فانت راح تسلم، منو أنت؟ المأمور. أنا أعتقد بأنها الثالثة، أنا متيقن هسه، فإني مو شاك حتى أرجع لك، أنا متيقن، فإني أقول: لازم نقوم هسه ونأتي بركعة جديدة وبعدين نسلم. أنت شو سلمت؟ فهتم لك ولا ما أهتم لك؟ واضح السؤال؟ أعيد السؤال. أنا متيقن، منو أنا الإمام؟ متيقن أنها الركعة الثالثة فلازم أكون ركعة رابعة، شو أنت سلمت؟ هذا اللي يسلم معناه واحد بشنو؟ متأكد من شغلته، أنت الإمام مو! أنا قلت لك: سمع الله لمن حمده، سمع الله لمن حمده، قوم. أنت شبيك ترجع لي؟ غير ترجع لي لما شاف؟ أنت تقول: السلام عليكم ورحمة الله، قلت: هذا ظهر شغلته متأكد من شغلته، متأكد أنها الثالثة، بس أنا الحمد لله مو شافها، لا رابعة، متأكد أنها الرابعة، أنا الحمد لله مو شاك، قول: لو شاك لازم يكون ركعتي، بس أنا هم مو مو بتسأل شك، أنا أيضاً متيقن، فشنو حكمي؟ هل أرجع لك ولا ما أرجع لك؟

الجواب الذي يرجع إلى الثاني من هو؟ الشاك، الشاك يرجع للحافظ، مو المتيقن يرجع للمتيقن، ولا المتيقن يرجع للظان، ولا الظان يرجع للمتيقن، حفظوها! لهذا إذا أنت إمام وأنت تتيقن أنها الركعة الثالثة شو تسوي؟ تقوم ولا تسلم؟ قوم، قوم. حتى إذا الجماعة كلهم قالوا: السلام عليكم ورحمة الله، ما عليك بهم أو مو متيقن، تقول: حتى إذا ظان، أنت ظانك صحيح؟ شيء غريبه، أنا قلت هاي الركعة الثالثة ولا الرابعة؟ أكثر شي هي هاي الثالثة، خليني أقوم. أكثر شي على شنو أنت؟ ما لو شاف ظان... الجماعة كلهم قالوا: السلام عليكم ورحمة... يعني ينبهوني أقعد؟ السلام عليكم ورحمة الله، انتبهوا معي: إذا كلامهم ولد عندك الشك جيد، خو ارجع، إذا كلامهم ولد عندك الشك خو واضح، شنو واضحة يعني؟ يعني ترجع لهم. لكن إذا أنت بقرارة نفسك كلامهم ما ولد عندك الشك، ما ولد عندك الشك، بل أنت بعدك مستقر على ظنك، خلي شو يبين؟ يبين مثلاً الجماعة اللي وراك هم مو مضبوطين، أو هم قليلين، أو يا دوب واحد يصلي وراك وهو هم يعني عنده تصدر من السوالف، أقول: لا، مشتبه، الحمد لله أنا متأكد. تصير ولا ما تصير؟ أصلي وراي يصلي واحد مثلاً مثلاً صغير أو شيء، ما أعتمد عليه بين قوسين، فبشحاله، فعله وقوله واعتقاده ما يأثر عليه، واضحة المسألة؟ فحينئذٍ رجعنا ننتبه للقاعدة، قاعدة مهمة: أن الذي يرجع إلى الآخر: الشاك يرجع إلى المتيقن، الشاك يرجع إلى الظن، مقبولة هذه؟ أما المتيقن فلا يرجع إلى شخص آخر، لا إلى متيقن ولا إلى ظان ولا إلى ظان، بل يعمل المتيقن يقينه بيقينه بعد، والظان لا يرجع إلى ظان ولا يرجع إلى متيقن، بل يعمل الظان بمن؟ بظنه، فظنه حجة عليه، مثلاً إذا ظن المأموم في الصلوات... وين مصنف؟ «وإذا اختلف، وإذا اختلفا بالظن واليقين عمل كل منهما بوظيفته مع المعنى بالاخر» مثلاً إذا ظن المأموم في الصلوات الرباعية، ظن أن ما بيده هي الثالثة، فيسلم لو ما يسلم؟ الثالثة، ما يسلم بعد هذا المأموم. أما الإمام، جزم الإمام بأنها الرابعة، يسلم لو ما يسلم؟ فالإمام راح يسلم والمأموم يقوم يكمل الركعة الرابعة. قال: «وجب على المأموم أن يضم إلى الصلاة ركعة متصلة، ولا يجوز له -يعني للمأموم- أن يرجع إلى الإمام ويسلم»، ما يصير، يعمل بظنه. مسألة مهمة هاي مولاي.

مسألة 335: «إذا اختلف المأموم وال... الإمام، إذا اختلف الإمام والمأموم، اختلفا في جهة الشك»، غير سالفة هاي، عملياً صعبة بس هي نظرية ناخذها احنا، يعني اختلفوا، أنت شاك واني شاك، إمام ومأموم، خلينا نجيب لنا مثال معقول شوي، أمثله نادرة، مثال معقول، مو هو يصلون وراي، بس واحد يصلي وراي، أنا وياه، ها عيني؟ إمام واحد ومأموم واحد، زين. فأني شكيت بين الثالثة والرابعة، اللي يشك بين الثالثة والرابعة شو يسوي؟ ما يدري يسلم لو شو يسوي؟ لو يقوم للركعة الرابعة، واضح هذا؟ يسلم إذا كانت ركعته رابعة، رابعة؟ شو مو جاي أنت؟ مبينة هي، فاني إمام إمام، أنا شكيت بين الثالثة والرابعة، فان كانت... خليني أعطيك مثال آخر: أنا شكيت بين الثانية والرابعة، فبالحالتين أنا قاعد، قاعد أنا لو قاعد أتتشاهد وأسلم هاي إذا كانت يا ركعة؟ الرابعة، لو بس أتتشاهد شهادة وسطى وأقوم يا ركعة؟ الثانية، فاني أنا 100% بقعد هسه، كون أقعد، ماكو بس لو أقعد أتتشاهد شهادة وسطى بس لو أتتشاهد شهادة وأسلم بعدها أنا المفروض اللي وراي يطلع، هم هم شاك، اللي وراي هم شك ولكنه شك بين مثلاً الثالثة والرابعة، أو بين الأولى الأولى والثالثة، هو شك شك باطل، بين الأولى والثالثة، مو شك بين الأولى والثالثة، هذا أولى وثالثة عزه عنده، هاي لو أولى لو ثالثة، طبعا شكه باطل، ما عندنا شك بين لو ثالثة يعني بس صلاته باطله هي تصير، المهم، خذوا هاي المساله فانا وياه مختلفين لهذا هو ما قاعد هو واقف يقول: أول وتالي لازم نوقف، هو يقول: أول وتالي لازم نوطي صلاتي... لا، خلينا نجيب مثال ما يوطي صلاتي: شك بين الثالثة والرابعة، إذا شك بين الثالثة والرابعة هو ما يشترط أن يقعد، هو يحتمل أنها شنو؟ يحتمل أنها الركعة الثالثة، فعليها أن ينهض. بالنتيجة أنا افتهمت أنه هو بقليل من القرائن، ما أدري أشار لي، أشار بإشارة بيده بطريقة من الطرق، فهمني أنه هو شك بين الثالثة والرابعة، أما أنا شكي وين؟ بين مثلاً الثانية والرابعة، فنحن لم نتحد في الشك. طبعا سهلة، إذا اتحدنا بالشك واضحة، المثل مثل ايش؟ مثل إني يا دايخين، إني يا راح عقدنا ما أدري وين شكينا، هاي الثالثة ولا الرابعة؟ هاي تصير، هاي قريبة، هاي واضحة تصير، مرات إني يا اشتبهنا وتصير، هو ينتظرني وأنا شفته ما سوى شيء، ما أعطاني حل، الثالثة لو الرابعة، أسلم؟ قعدت قاعد، يجاوبني الأخ، هو همك تسوي، فافتهمت، شو فهمت؟ أنه هو هم بين خواتي، هم دايخ مثلي، إش حا... شو أسوي أنا الإمام؟ ها؟ أبني، أنا إذا الثالثة والرابعة شنو الإنسان إذا شك بين الثالثة؟ أبني على أنها الرابعة وأسلم، وما أحكي وياه، مباشرة أقوم أتي بمن؟ باحتياط، هو هم المفروض هم يسووا نفس الشيء، المهم هم لازم يسوي نفس الشيء، هم يسلم معي ويأتي بركعة احتياط. واضحة الفكرة؟ واضح، انتبهوا معي.

لكن إذا اختلفنا بالشك، فشكي بين الثانية والرابعة وشكي بين الثالثة والرابعة أو أي شك آخر، ما هو الحكم؟ هذا هو السيد يقول: مرة أنتم تتحدون في نقطة من نقاط اطراف الشك، قلت لك هي عملياً والله صعبة بس ما في نظرياً سيدي أحكي. مرة تتحدون بطرفين، يعني أنا وياه بمن متحدين؟ بيا رقم؟ بالثالث بالرابعة احنا، بالرابعة احنا متحدين، أنا أقول: لو ثانية لو رابعة، هو يقول: لو ثالثة لو رابعة، رابعة، فاني أنا وياه نتفق أن اكو رابعة، يقول السيد: إذا إذا كان اتفاق بينكما بعدد خاص، قلت لك هاي نظرياً عملياً شلون الواحد يطبق ما أدري، وش مدري أنا هو ثالثة؟ إلا إذا إلا إذا أكون أنا افتهمت مثل ما أشر لي، فهمني أنه هو ثالثة ورابعة، فاني أنا أعرف الفقه واني إمام، فأعرف إذا كان ثالثة ورابعة هو ثالثة ورابعة وأنا الثاني ورابعة فالشغلة سهلة، راح أبني على أنها... شو السيد شو يقول؟ يقول: إذا اتفقتما على على طرف من الاطراف، كما في مثالي يا طرف تستفقون عليه؟ ويقول الإمام: عليه أن يبني على أنها الرابعة ويسلم، حتى صلاة احتياط مطلوبة من عنده، واضح؟ أما إذا اختلفنا وماكو أي اتحاد... ساعدوني بمثال، ساعدوني بمثال ماكو اتحاد بيناتنا، بين الثالثة والرابعة والثانية، بين الثانية والثالثة والرابعة، لا هم بالتحديد بالرابعة، زين الثانية والثالثة، إي رابعة وخامسة تصير فيها مجال، أنا شكيت بين الرابعة والخامسة هو شكه بين الثانية والثالثة، اكو اتحاد بيناتنا؟ لا، ماكو أي اتحاد، يقول السيد: إذا إذا ماكو أي اتحاد بيناتكم كل واحد يعمل بشكه، ما عندي فكرة الثاني. فانا أبو أبو الرابعة والخامسة شنو حكمي؟ إذا واقف لازم أهدم قيامي، وإذا قاعد شو أسوي؟ أسجد، أسجد، أسوي بس، هو شو يسوي خليه يسوي، أنا ما علي به، لأن هو بما أَنَّ شكي مختلف عن شكه وماكو أي اتحاد فكل واحد يعمل بشكه، هذا حكي نظري، عمليا صعبة جداً واحد يسوي، وش ما أدري أنا هو في صلاته هو شاك بين الثالثة... بس ما هي عملية ما تصير.

قال: «إذا اختلف الإمام والمأموم في جهة الشك، فإن لم تكن بينهما جهة مشتركة» هي شنو لم تكن؟ مثالها من هو؟ لم تكن بينهما جهة مشتركة، أنا مثلاً أربعة وخامسة هو اثنين وثلاثة، شنو الربط؟ ماكو أي ربط، قال: «عمل كل منهما بوظيفته» بعد ما عليه به ولا هو له علاقة به، كل واحد يعمل بوظيفة الشاك، كما إذا شك المأموم بين اثنتين والثلاث، المأموم، والإمام شك بين أربعة والخامسة، ما تربط بين اثنين وثلاثة وأربعة، ماكو رقم يربطهم، فشنو حكمه؟ يعمل كل منهما بوظيفته، واضحة؟ واضح.

أما لو اتحدنا، وإلا... شو معنى وإلا؟ وإلا لو اتحدنا، وإلا لو كان هناك اتحاد وين؟ وهناك جهة مشتركة، قال: «بأن كانت بينهما جهة مشتركة قال: أخذ بها» (أخذ الإمام بها وألغى كل منهما جهة الامتياز) جهة الامتياز يعني جهة الافتراق. فأنت تقول: ثالثة لو رابعة، أنا أقول: ثانية لو رابعة، أنت ايش تلغي؟ يلا، خلينا نشوف منتبهين لو ما منتبهين؟ أعيد؟ ما منتبهين، أعيد! هسه من يقول حتى بالمرة الثانية هم راح ينتبهون. أنت تقول: ثالثة ورابعة، أنا أقول: ثانية ورابعة، أنت راح تلغي؟ أكيد السالفة. هو أنا ايش ألغي؟ الثانية، ونتفق على يا رقم؟ الرابعة، الرابعة فنبني على أنها الرابعة، الرابعة، وما تصير احتياط بعد. لهذا قال: «وألغى كل منهما جهة الامتياز»، جهة الامتياز يعني الافتراق بين الاثنين، فمثلاً إذا شك الإمام بين الثلاث والأربع وكان شك المأموم بين الاثنين والثلاث، هاي المرة المتحدين يا رقم ذولا؟ هاي بالثلاث بالتحديد. مثال غير مثالي بس مثال آخر، أن الإمام واحد منهم ثلاث وأربعة، وواحد منهم اثنين وثلاث، متحدين بالثلاثة، بنى يا على الثلاث اللي هو محل الاتحاد شنو؟ ها، متحدين بالثلاثة، بين الثلاثة والأربعة، بين الثلاثة والأربعة على كيفك، ثلاثة وأربعة والاثنين والثلاثة، على كيفك، مثالنا شنو؟ مثلاً إذا شك... اقرأ وياي، إذا شك الإمام بين شنو شنو؟ ثلاث وأربعة. ثلاث وأربعة، هذا من هو؟ الإمام، المأموم شك بين الاثنين والثلاث، فما هي نقطة الجمع بيناتهم؟ الثلاث، فأنا يا راح إني أمن... افتهم أن هو عنده هذا الشك وأنا عندي هذا الشك، أقول: الحد الأدنى من تحديد الديمة، فأعطبر ركعتي، يا ركعة؟ أعتبر ركعتي هي الركعة الثالثة. لهذا قال: «بنى يا (يعني الإمام والمأموم) بنيا على الثلاث، فإن المأموم يرجع إلى الإمام في أن ما بيده ليست هي الثانية، والإمام يرجع إلى المأموم في أن ما بيده ليست هي الرابعة، ولا حاجة حينئذ إلى...» شنو ليست؟ يعني أنا ألغي ألغي امتيازي وهو يلغي امتيازه. واضح؟ أنا عندي لو اثنين لو ثلاثة فبيا ألغي؟ اثنين، هو عنده لو ثلاثة لو رابعة فبش يلغي؟ رابعة، هو يقول: هاي مو الرابعة لأن صاحبي مو شاك بالرابعة، وأنا أقول: هي مو الثانية لأن صاحبي مو شاك بالثانية، فمن تحديدا بماذا؟ بالثلاث، فنبني على الثلاث ونكمل حتى احتياجنا مطلوب بعد. بالرابعة مثلاً بيها مجال، يعني هذه يعرف هو، بس الكاتب يعني شو بدي هذا؟ ما قلت لك اكو فقرتين صارت، شلون يعني أشر له، ما أدري.

الشك في النوافل وأحكام الظن

سادساً: سادساً شنو يعني؟ من الشكوك التي لا يعتنى بها. من الشكوك التي لا يعتنى بها، هاي مهمة، مهمة المسألة هاي، حفظوها رجاءً، مسألة مهمة. كثير ما يسألونكم عن الشك في ركعات النافلة. نعم، يقول لك: أنا الصلاة اللي شكيت هاي الركعة الرابعة، الركعة اللي ماني شكيت الثانية الأولى، فهي أحكام الشك هم تطبق في النوافل؟ تقول: أبني على الثالثة وأنت بثالثة اختيار؟ يقول السيد: لا، مسألة مهمة: ما إذا كان الشك في عدد... طبعا النوافل النوافل مرة تشك بعدد ركعاتها ومرة تشك بالأفعال أو أجزاء، بالأجزاء بالأفعال. خلينا نفرق أول شيء، السيد يحكي على أي موضوع هسه؟ على الشك في عدد الركعات. فاني، طبعا هي النافلة كم ركعة؟ ركعتين، مشكلة النافلة دائماً ركعتين إلا ما تستثني، فإذا كان الشك في... إذا كان الشك بالركعات بالنافلة هم يجري معناها؟ كل شك بالركعات يؤدي إلى من؟ للبطلان، لأن النافلة دائماً ركعتين، واحنا قلنا: الشك بالركعتين يؤدي إلى من؟ ثالثة، اكو هل يقال إنه الشك بالنافلة بعدد ركعات النافلة ينطبق عليه نفس القاعدة مال الاثنين؟ الجواب شو يقول سيدي؟ يقول: لا، ما إذا كان الشك في عدد الركعة من النوافل فإن هذا الشك لا يعتنى به من الواحمة (يعني شك بالنوافل لا يدوخ نفسه، أبني على شنو؟ خلينا نشوف). المصلي يتخير كيف بين البناء على الأقل وبين البناء على الأكثر، بشرط يكون مو الأكثر يؤدي إذن للبطلان، مثلاً أنت راح تجاوبني: أنا شكيت بين الثلاث بين الاثنين والثلاث، هي طبعا النافلة تكملك هم هم مخير بين أختار اثنين وثلاثة؟ لا، احنا لازم نختار منو؟ اثنين حتى ما تفصل راسي، أما لو شكيت بين الأولى والثانية؟ مخير، شكيت بين الأولى والثانية، شنو الجواب؟ شكت، شكت، تريد الأولى نعتبرها... تاعتي تكتب الركعة الثانية، تريد الثانية وتسلمها، بكيفك. أكيد إحنا شو نختار؟ الثانية ونسلم. قال: «والمصلي يتخير بين البناء على الأقل والبناء على الأكثر فيما إذا لم يستلزم يا ولا ما يستلزم البناء على الأكثر البطلان، ويتعين البناء على الأقل شوكت؟ فيما إذا استلزمه» (استلزم البطلان) كما إذا شك بين الاثنين والثلاث، شنو يتخير ولا ما يتخير؟ لا يتخير، لابد من اختيار الاثنين لأن الثلاث مفسد. والأفضل البناء على الأقل في موارد التخيير، طبعا أكيد، إذا قلنا لك تختار، احنا ايش اخترنا كلش؟ الأكل، حتى اخترنا تقول سيد لا أختار الأقل حتى تأتون بركعة جديدة. مسألة 336: ركعتين صلاة الأعرابي اختار الثلاث، إي أحسنت، في أربع في عشر ركعات، نعم، مسألة 336، هاي مسألة أيضاً مهمة جداً.

يعتبر الظن في عدد الركعة من النافلة أو الفريضة، ولا عبرة به يا به؟ بالظن فيما إذا تعلق بالأفعال في النافلة أو الفريضة. هي مسألة جداً مهمة، جداً مهمة. القاعدة هكذا: اكو قاعدتين، وحدة عكس الثانية. الظن كاليقين في عدد الركعات. حفظوها هاي، كنت تخاف... يعني الظن كاليقين في عدد الركعات، شلون يعني؟ يعني أنا إذا ظننت أنها الثانية، كأنني شنو؟ كأنني متيقن أنها الثانية. الظن، الظن هو احنا عندنا ثلاث احتمالات: لو ظن، لو شك، لو شك، لو ظن، لو يقين. هذا الظن بالفقه، الظن بالفقه الإسلامي مرة يعاملونه معاملة الشك، ينزلونه للشك وما يقعدونه وين؟ لليقين. فما هي القاعدة؟ القاعدة أما في عدد الركعات فالظن حالة حال من هو؟ يقين، حالة حال اليقين، لهذا اعمل بظنك، اعمل بظنك، مو تقول لي والله أنا... ماكو فرق بين الظن والشك، لا، لا، إذا شاك عليك احتياط وعليك... أما إذا ظان اعمل بيقينك. الظن في الركعات كاليقين، أما القاعدة الأخرى: الظن كالشك وين؟ في الأفعال! هاي مسألة عجيبة، مثلاً أني أسألكم سؤال: إذا إذا شككت أني ركعت لو ما ركعت، وبعدني ما داخل بالجزء المترتب، شو أسوي؟ أركع. أعيد السؤال: إذا شككت أني ركعت لو ما ركعت، وبعدني ما داخل وين؟ في السجود، شنو حكمي؟ أركع. أركع، يعني شنو أركع؟ ليش؟ لأن قاعدة التجاوز ما تشتغل، شك، شك. إذا تيقنت أني راكع، شنو حكمي؟ امشي، روح اسجد. زين، إذا ظنيت أني راكع، الظن؟ امشي، أعتبر نفسي حالي حال اليقين لو أعتبر نفسي حالي حال الشك؟ راح أعيد السؤال مرة مرة ثانية: مرة واحد يجي يقول لك: مرة تعال، إذا أنا شكيت أن أنا راكع لو ما راكع، بعد ما داخل أسجد، تقول له: شكيت، أركض. إذا تيقنت أني ما راكع... العفو راكع، إذا تيقنت أني راكع بينه، روح أسجد... بعد، ما أركع. زين، إذا ظنيت أني راكع؟ ظنيت أني راكع، ترجع ترجع تعاملني حالي حال الشاك، تقول لي: لازم تركع، لو تعاملني حالي حال المتيقن، تقول لي: امشي؟ الجواب: الظن في أفعال الصلاة كالشك، كالشك! لهذا إذا واحد يجيك يقول لك: ظنيت أني راكع، قول له: دخلت بالجزء اللاحق ولا لا؟ وهذه... خلف شوي لاحقا شنو هي الشك؟ قول له: إي، الظن مثل الشك عندنا هنا، في وين؟ في عدد الركعات ولا في الأشياء؟ في الأفعال، في الأفعال، في الأفعال الظن شك، وفي عدد الركعات الظن يقين، رجاءً حفظوه. يعني تقصد أنه بمعنى كلمة عدد القيام، أي القيام والركوع والقراءة والسجود وهذا، أما عدد الركعات هي أولى لو ثانية، ثالثة لو رابعة، إذا ظن يعمل بظنه، يرضى، ما عنده شيء، أما إذا قال: ركعت لو ما ركعت؟ سجدت لو ما سجدت؟ قريت لو ما قريت؟ فمرة يقول لك: شاك في القراءة، تقول له: عندنا قاعدة بالشاك في القراءة، دخل بالجزء اللاحق ولا لا؟ إذا يقول لك: ظن بالقراءة، تقول له: نفس القاعدة مطبقة، دخلت لو ما دخلت؟ يقول لك: يعني عندكم الظن مثل الشك؟ قول له: إي، الظن مثل الشك وين؟ في الأفعال، في الأفعال، أما الظن ليس مثل الشك، بل هو مثل اليقين وين؟ في عدد الركعات، رجاءً حفظوها، قاعدة جداً مهمة، ما أعيدها بعد وأعدت. قال: «يعتبر الظن في عدد الركعة»، شوف في عدد الركعة يعتبر الظن، يعني شنو الظن؟ يؤخذ به أو لا يؤخذ به؟ يؤخذ به، الظن يؤخذ به في عدد الركعات، فلو ظننت أنها الثالثة، شو أعتبر نفسي؟ في الركعة الثالثة. قال: «ركعة النافلة أو الفريضة» ماكو فرق. ثم قال: «ولا عبرة بالظن وين؟ فيما إذا تعلق الظن بالأفعال، لا عبرة به» يعني شنو؟ ما تأخذ ما تأخذ بالظن، اعمل بمن؟ بقاعدة الشاك، في النافلة أو الفريضة؟

مسألة: إذا وجبت النافلة لعارض. طبعا احنا احنا قلنا: إن الشك في النوافل في عدد الركعات الفرائض عرفنا القاعدة، أما الشك في عدد الركعات النوافل شنو حكمه؟ لا يعتبر، لا يتخير. زين، بالله هي نافلة بس أنا سويتها فريضة، هاي وين أخليها؟ أخليها بحكم الفرائض فأعتني بالشك، لو أخليها بحكم النوافل فما أعتني بالشك؟ ما واقع عندكم. هسه صلاة الليل، واحد شك بصلاة الليل، شو تقولوا له؟ بكيفك؟ مخير بين الأقل والأكثر. قال لك: أوكفوا، صلاة الليل عندي مو مستحب، شلون عندك مو مستحب؟ نذرتها! واحد تورط ونذر صلاة الليل، يصلي كل يوم، فصلاة الليل فاضية بالنسبة له شنو؟ الثانية: صلاة الليل إذا شكيت فيها أتعدل وياها مثل ما أتعدل ويا الفرائض، يعني لازم أعتدي بالشك فصلاة تصير باطلة. صلاة باطلة لأن الشك بالثنائية مؤدي لمن؟ لو أتعدل وياها لأنها صلاة ليل بالأصل، فاتخير. ما هو الحكم؟ يقول السيد: «إذا وجبت النافلة...» هي النافلة تجب لعارض لو بالأصل؟ شو جاوبوا؟ طبعا النافلة تجب للعارض، أما بالأصل هي مستحبة، لكنها تجب لعارض، كنذر وشبه النذر، شبه النذر شنو قلنا؟ العهد واليمين. المهم قال: «إذا وجبت النافلة فالظاهر أنها حالها حال الفرائض تصير، تبطل بالشك في عدد ركعاتها»، واضح؟ «ولا يجري عليها حكم الشك في النافلة»، يعني مو بكيفك تتخير، واضح؟ فإذا واحد نذر نافلة الليل، نقول له: صار حالها حال أي أي صلاة، حالها حال صلاة الفجر، صلاة الفجر إذا شكك عادةً شنو حكمك؟ نفس الشيء، صلاة الليل إذا شكك عادةً وأنت نذرتها، لأنك ناذرها، لأنك ناذرها راح تصير باطلة.

مسألة 338: إذا ترك في صلاة النافلة ترك ركناً، تركه سهواً، هاي لو لو بالفريضة نقبلها ولا ما نقبلها من عندنا؟ بالفريضة باطلة، زين خلينا نشوف بالنافلة يختلف ولا لا؟ قال: «إذا ترك في صلاة النافلة ترك ركناً تركه سهواً ولم يمكن تداركه»، يعني شنو لم يمكن تداركه؟ يعني شنو؟ دخلت وين؟ دخلت في الركن الآخر، يقول السيد: النافلة حالها حال منو؟ حالها حال الفريضة، لهذا قال: «بطلت»، هاي بالنقيصة وبالزيادة. قال: «ولا يبعد أنها» (يعني النافلة) «لا تبطل بزيادة الركن سهواً كما هو المشهور». إذا ما هو فرق النافلة عن الفريضة بالأركان؟ الفرق أنه في الفريضة زيادة الركون في بعض الموارد احنا قلنا تبطل كزيادة الركون الركوع لغير المتابعة وزيادة السجدتين، أما زيادة الركن في النافلة يقول: مو مبطل، أما نقصان الركن، لا، نقصان الركن باثنيناتها شنو؟ مؤدي للبطلان.

هذا والحمد لله رب العالمين، وصلى الله على محمد وآله الطيبين الطاهرين.

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع

أضف تعليق