منهاج الصالحين – العبادات – الشيخ عمار الخزعلي

دروس مفرغة — النصوص المتاحة

180 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 156

تحميل الصوت

تحميل Word

156

بسم الله الرحمن الرحيم وصلى الله على محمد وآله الطيبين الطاهرين.

إذا اشترى عيناً للتكسب بها -يعني اشترى عيناً للتجارة، هذا يريد أن يتاجر بالعين- واحنا قلنا اللي يريد يتاجر بالعين وزادت قيمتها السوقية، المفروض يخمس الزيادة أم لا؟ يخمس الزيادة.

فقال: فزادت قيمتها في أثناء السنة. الحدث هسه شنو المفروض يخمس؟ الحدث هسه المفروض يخمس هذه الزيادة، لكن اللي صار بالنسبة لهذا الإنسان أنه لم يبيعها غفلة أو طلباً للزيادة؛ ما باع هاي السلعة، هي صار كان سعرها 20 ألف، صعد السوق فرط صعدة أو كذا، صار سعرها 120، يعني ربح، ليش قلت؟ أو زيادة القيمة، ايش قد صار؟ 100؟ 100؟ ليش؟ جيد.

أما غفلته: ما يدري أن سعرها كذا، غافل عن هاي المسألة، أو لا، منتبه جداً؛ ليش ما يبيع؟ ما يبيع، قال: بلكت بـ 220، بلكت عاد. بعد، طمع صار يعني طمع أكثر، فطلبت زيادة، أو لغرض آخر، هسه أي غرض؛ بالنتيجة هو ما باعها.

اللي صار شنو؟ انها رجعت، ثم رجعت قيمتها إلى رأس مالها. فصعد سعرها ونزل. قبل شو كنت يقول؟ في رأس السنة، نتيجة ها، قبل رأس السنة نعم؛ فيقول المصنف: ليس عليه خمس تلك الزيادة التي ذهبت. فما يخمس المية اللي راحت. عليكم السلام.

إذا قبل رأس السنة قال بل، إذا بقيت الزيادة إلى آخر السنة، هاي شلون؟ هاي المرة لحد آخر السنة هي بقت 120 سعرها وما باعها، مفروض عليه خمس، لكن اللي صار شنو؟ ولم يبعها من دون عذر، وبعدها يعني وبعد آخر السنة إذا دخلت عليه السنة الجاية نقصت قيمتها.

هنا شيخ، مو طبعاً إحنا مو كلامنا عن العين، أكثر من مرة قلنا: إحنا مو بحثنا عن العين، بحثنا عن زيادة القيمة، هاي يخمسها ولا ما يخمسها؟ هذه الحالة الثانية الاتعس من ذيك الحالة، احنا شوية قلنا بها مجال، هاي لا، أقوى من هذا، صعد السعر، 20 كان سعرها 20 ألف مثلاً، صار سعرها 120 الحاجة، وظل مستمر لحد آخر السنة وما باعها، دخلت عليه السنة الجاية مباشرة شنو؟ نزل السعر رجع للـ 20 مثلاً لراس المال.

سيدي يقول: هنا بحث، هل يضمن نقص السعر؟ هذا يضمن، يعني الخمس، أم لا يضمنه؟ إذا قلنا أنه يضمن الخمس، يخمس، المفروض عليه ايش قد يدفع؟ خمس، ريال ايش قد يعني؟ 20، 20. إذا قلنا ما عليه خمس زيادة، ما عليه شيء، باعتبار هذا نقصان القيمة ليس عليه خمس.

السيد السستاني يقول: يخمس. يخمس النسبة الفائتة، يعني يخمس العفو شو اسمه زيادة القيمة. على رأي السيد السستاني شيء خمس ريال، شيط ايش قد؟ 20، 20 بقء عنده يعطيها كلها. ما أدري واضح؟ كان عنده 20 ألف، صارت 120. حتى آخر السنة دخل، آخر السنة دخل السنة الجديدة، ونزل السعر. سيدنا الثاني يقول له: كم بقء عندك؟ يقول له 20 ألف. يقول له: اعطيها، أحسن، اعطيها خمس. يقول له: خمس عن شنو؟ يقول له: عن هاي الـ 100 اللي أنت فوتتها على نفسك. ما أدري شلون؟

فسيدنا الثاني يقول: يضمن، يضمن الخمس. بس إذا دخل بالسنة الثانية، إي، إذا دخل بالسنة الثانية. السيد الخوئي شو يقول؟ يقول: لا. عبارته يقول: لم يضمن النقص. معليش، عليه لازم عليه شيء، هذا ما يصير ما عليه شيء؟ لأن هو صارت زيادة وبقت الزيادة، يقول هو عليه خمس، لكن ليس خمس مثل ما يقول السيد السستاني، خمس بكل الـ 100 الفائتة، يعني ما يعطي 20، السيد الخوئي، السيد السستاني يقول إنه يعطي 20 خمس الـ 100 التي ذهبت -هذا مثال، مو مو دائماً 20 مثال، ولا يخفى عليكم، لأن 100، 20 خمس، إي-.

السيد الخوئي يقول: لم يضمن النقص، نعم، يجب عليه أداء الخمس من الباقي بالنسبة، من الباقي يعني من اللي بقى بعده نقيصة، نقيصة القيمة. يعني شنو بالنسبة؟ بالنسبة يقول هو اكو تخميس، لكن التخميس بلي لاحظ النسبة، مو بلي لاحظ مثل ما يقول السيد السستاني بلي لاحظ الـ 100 كلها. أقول لهم: شنو الفرق؟ يقول الفرق هكذا؛ أنه خمس الـ 100 شقد؟ 20. من كان السعر طلع بـ 120، كان الخمس شقد؟ المفروض يدفع 20، قلنا إحنا الـ 20 ما يخمس الأفضلية إنما يخمس الـ 100، بس إحنا كلامنا في زيادة القيمة، مو كلامنا في العين، هي العين سعرها 20 ألف ما علينا بها، زاد عليها ايش قد؟ 100، هاي الـ 100 نخمسها، خمس الـ 100 ايش قد؟ 20.

ما هي نسبة الـ 20 إلى الـ 120؟ خمس، وسدس، سدس وليس خمس. سدس فنسبة الـ 20 إلى الـ 120 ايش قد؟ هاي حفظوها النسبة بيدنا بعدين. زين.

المهم اللي صار، هاي الـ 120 هبطت، فرص هبطت، قد صارت؟ 20، رجعت رأس المال. سيدك الثاني يقول: أنا ما يهمني، يهمني أنه عندك 100 صارت، والـ 100 أنت ضيعتها على نفسك، فخمس الـ 100. يقول: ايش قاعد أدفع؟ يقول لي: أدفع 20 ألف تماماً.

سيدي الخوئي يقول: لا، ما يدفع 20 ألف، يدفع النسبة، يدفع من الباقي. ايش قاعد يقول؟ها؟ باقي عنده 20 ألف، كل ساعة يقول 20، كم واحد أخته؟ 20، 20، 20، 20، ايش قد بقى عندك آخر السنة؟ هو لو 20، نفس ال20 الأولية اللي بديت بيها أول سنة، آخر سنة هي بقت، يعني رأس المال اللي صار أنه صارت 100 فوقها، راحت الـ 100.

السيد الخوئي يقول له: هاي الـ 20 اللي بقت عندك أخرج منها الخمس، يعني إش قد؟ بنسبة الخمس الثابت إلى من؟ للزيادة، يعني شنو؟ يعني أخرج سدسها. أقول له: ليش إلا سدس؟ يقول: إي، لأن الخمس عندما كانت، عندما صعد المبلغ 120، إيش قد كان خمسه؟ خمس الزيادة، 20، 20 نسبتها إلى كل الـ 120 إيش قد النسبة؟ فهي السدس تلاحظه وين؟ تلاحظه في الباقي، فتخرج من الـ 20 إيش قد؟ الباقي في آخر السنة تخرج منه السدس. سدس الـ 20، إيش قد سدس الـ 20؟ يطلع من عنده.

يطلع من، فلهذا هو ما يقول، ما قال: أخرج الخمس، أخرج خمس الزيادة، إنما قال: أخرج خمس اللي يعبر عنه الحق الشرعي، يخرجهم من الباقي بالنسبة، يعني بالنسبه التي كانت ثابته لمن؟ لكل المبلغ الأصلي ها باعتبار أن المبلغ الأصلي لما كان 120 كان كان خمسه كان الخمس المفروض عليه 20 فقط، بلي لاحظ أن الـ 100 هي خمس، فهي الـ 20 نسبتها إلى الـ 120 نسبة ايش قد؟ السدس.

في مثال آخر -ما أدري مثال يعجبكم آخر- كانت النسبة هي مثلاً الثلث، فلازم تطلع ثلث بـ 20. إذا كانت النسبة مدري شنو سبع، مدري ثمن، يطلع وهكذا، دائماً شو يلاحظ؟ يلاحظ عندما صعدت، عندما صعدت القيمة، شقد الخمس اللي نسبة الخمس إلى كل مبلغ شقد؟ يحفظ هاي النسبة ويطلعها منين؟ من الباقي عندما يرجع المبلغ إلى نقصانه يطلع من عنده بنفس النسبة، هذا مقصود هذا مقصوده بقوله: (نعم يجب عليه أداء الخمس من الباقي بالنسبة). مسألة، هاي مسألة مهمة، مسألة مهمة وسهلة جداً، لكن مهمة.

مؤونة تحصيل الربح ومؤونة السنة

يقول السيد: ما هي المؤنة المستثناة؟ أنت تقول: استثني المؤنة، يعني إحنا قلنا اللي داخل في المؤنة لا يخمس، كل شيء داخل في المؤنة لا يخمس. نعم، ما يفضل عن هذه المؤنة شنو؟ يخمس.

فالسؤال المهم: ما هي المؤنة؟ حتى نعرف ما هو الشيء، ما هو المقدار الذي لا يخمس. أنا أصرف هواي على نفسي وعلى عيالي، فمن هو اللي مؤنة ومن هو اللي هو مو مؤنة؟ فيقول المصنف: المؤنة المستثناة من الأرباح والتي لا يجب فيها الخمس.

شنو معنى مستثناة من الأرباح؟ تستثنى من الأرباح؛ يعني إذا ربحت لك 100 ألف وصرفت في مؤنة 80، فهي ال80 عليها خمس ولا لا؟ هذا معنى تستثنيه، يعني ما تعتبره ربح، الربح صار عندك في مثال ايش قلت؟ بس 20.

المؤنة المستثناة من الأرباح والتي لا يجب فيها الخمس فيها أمران، المؤنة تقسم إلى قسمين، إذاً القسم الأول: مؤنة تحصيل الربح، مو أنت حتى يصدق عليك الربح كنت تحسب حسابك ايش قد دفعت حتى تحصله، وهي من الواضحات تجارياً، يعني من الواضحات جداً أنه ما يحسب شقد الجاه، يحسب شقد صرف عليه، ويستثني الصرف، وشقد يبقى؟ واضح؟

واحد مثلاً هو صرف مثلاً 500، صرف 500 حتى يحصل الربح، ربح مليون، هو ما يقول: ربحت مليون، شو يقول؟ ايش قد ربحت؟ ربحت 500، ما يقول ربحت مليون، مو مو حساب صحيح تجارياً يقولون: أنت ما ربحت مليون، أنت غير تحسب حساب ايش قد دفعت، يقول: لا، أنا دفعت 500، فردت ايش قد صار؟ 500، فبالنتيجة من الواضحات جداً أنه لا يصدق الربح إلا بعد استثناء ما صرف عليه، وتحسب ما صرف عليه.

فيقول: مؤنة تحصيل الربح، ايش تصرفه في تحصيل الربح؟ هذا يعتبر من المؤنة المستثناة. ما يصرف في تحصيل الربح على قسمين: القسم الأول: ما يصرف من دون تعويض، والقسم الثاني: ما يصرف بتعويض. اللي يصرف بتعويض، ايش أساوي أنا؟ أشتري لي سيارة بـ 500، تاكسي مثلاً، سيارة للسياقة تاكسي مثلاً، أو أشتري لي آلة نجارة، أو أشتري لي تورنا مدري شنو هاي التفاصيل اللي تعرفونها أنتم، يشتري له آلة، ماكنة، يشتري محل، يشتري محل حتى يتاجر فيه، فاشتريتها بـ 500، وبالنتيجة در علي ربح. بالنتيجة الربح كله اللي صار عندي خلال سنة هو مليون، فهم أستثني من عنده 500 أم لا؟ هاي الـ 500 اللي دفعتها في تحصيل الآلة هم أستثنيه من الربح لو لا؟ علي تخميس يا أخوك. لا، ما أستثني.

السؤال واضح؟ ما أريد منكم الجواب، أريد منكم السؤال، السؤال فهمتوا يعني؟ هو تفهمون السؤال بعدين نفهم الجواب. المؤنة هاي من يقول السيد: تحصيل الربح، كيكو شيء تصرفه في تحصيل الربح، أخذه منين سحبه؟ سحبه من الربح بعدين، واضح شلون؟ مو تقول أنا ما، يعني أنت من دفعت 500 حتى تحصل الربح، وبعدين ربحت لك مليون، تخمس كل المليون، إذا قلنا: خمس كل المليون معناه اللي دفعه شنو؟ اسمه راح بدون بدون ذهب بدون استثناء، ما استثناه من الربح.

أما إذا قلنا لا، يستثني، يقول لا، شلون؟ أنا أصلاً رابح 500، طلع 500 مالته على حدة، يقول: هذا اللي ربحته، فإذا اكو تخميس، تخمس على شنو؟ على هاي الـ 500 الزائدة، لأن هاي الـ 500 أنا انتعبيت على نفس تحصيل الربح، هسه واضحه إجمالاً؟ زين.

نجي نسال هذا السؤال المهم: إن تحصيل الربح عند الناس، عند أهل التجارة، على قسمين، مرة تحصيل، مؤنة تحصيل ربح، مؤنة تبذل بدون تعويض، ومرة مؤنة تبذل بتعويض.

المؤنة بتعويض يعني العين موجودة اللي أنت بذلتها، مثلي مثل واحد يشتري له محل، ويشتري له سيارة، ويشتري له تورنا مثلاً، أو أي أي ماكينة وهو منزل على 500، الماكنة موجودة ولا لا؟ موجودة. سيارتك موجودة؟ يقول لي هيك السيارة بال شو اسمه؟ جيد، السيارة موجودة بالبيت عندك تستعملها، هسه أنت ربحت آخر سنة إيش قد من وراء السيارة؟ أو من وراء المحل مالك؟ أو من وراء التورنة؟ أو من وراء أي مثال يعجبكم؟ ربحت إيش قد؟ مليون. يقول: لا، أريد أستثني 500.

يقول: شو تستثني 500؟ والـ 500 هي ما راحت بدون فائدة، هي راحت، أحسبها موجودة، لكن موجودة على شكل شنو؟ على شكل سلعة. لا شو ما تستثني، ما تستثني، يعني هذا رأس مال هذا، شلون؟ يعني هذا رأس مال موجود في الحقيقة. إحنا نحكي عن الاستثناء، الاستثناء لما يكون تحصيل الربح دفعته على ما دفعته، ولم يكن هناك تعويض، مثل هاي الأمثلة اللي راح يذكرها السيد.

الأمثلة اللي راح يذكرها السيد شنو؟ يقول: كأجرة الحمال، وأجرة الدلال، وأجرة الكاتب، وأجرة الحارس، وأجرة الدكان، وضرائب السلطان، وغير ذلك. هاي أجرة معوضة، يعني في مقابلها عين، اكو عين. الثاني هو الحمال يعطيني عين، صحيح، يعطيني شغل، الـ الـ شو اسمه ماكو عين في قبالها، مو مثل السيارة، أشتري لي سيارة وأخليها بباب البيت، أشتغل بها، وآخر السنة، أربح لي بمليون وأقول: هم راح أستثني 500 منين؟ من جيب سيارة، في الحقيقة أنت ما استثنيت، أنت إذا استثنيت 500 أنت شو اسمه السيارة عندك فيها 500، وهاي الـ 500 فوقها صار، يعني إذا حسبنا بحساب الأرباح هو ربحك مليون ونص، ربحك كله مليون ونص بدي أحاول السيارة هي نص 500، واضح شلون؟

فعلى أي أساس تستثني فوقها تستثني من من من ربح 500 تعطيها لمن؟ للسيارة، فهمت ولا ما فهمت؟ مسألة مهمة هاي جداً، من نقول: يستثنى مؤنة الربح، مو مقصوده كما لعله يفهم فهماً خطأً أنه يستثني يستثني الأعيان اللي اشتراها، لا الأعيان بالعكس عليه يخمس، سياتي أن هذا رأس مال نسميه، حتى السيارة ماكو، السيارة هي اللي اشتراها مو بس مو مو أنه تعال يستثنيها من الربح، لا، هي أصلاً احتمال السيارة نفسها تخمسها، دعنا من حتى إذا ما ربحت شيء استثمار السياره خمسها، لأنها من يعبر عنها برأس المال، رأس المال التجارة، وراس المال التجارة سياتي إن شاء الله هناك رأي مهم يقول بأنه يخمس يخمس رأس مال التجارة إلا بعض التفصيلات القادمة، فهمت شلون؟

إذاً فمن واحد يقول: أنا أريد أتحصل الربح ومؤنة تحصيل الربح كما يقول الفقهاء خارجه عن الأرباح مستثناة من الأرباح نقول له: إي صحيح، بس هذا يحكي يحكي السيد على المؤنة التي ليس في أدائها عين. أما المؤنة التي في إزائها عين يقول لك: تعطي 500 وتطلع عين، مرة أعطي الـ 500، وين راحت الـ 500؟ نسألك هاي الـ 500 اللي صرفتها في تحصيل الربح، يقول: هاي الـ 500 في تحصيل الربح أنا ربحت مليون آخر السنة، بس أنا ترى 500 بذلتها وين؟ في تحصيل الربح، نقول له: وين صرفتها الـ 500؟ مو دائماً تقول له: ما علي خمس، تقول له: وين صرفتها؟ يقول لك: صرفتها هاي السنة كاملة أجرة عمال، أجرة العمال، المدري شنو، وش اسمه الصيانة للأدوات كذا كذا، شوف تلاحظ ما في مقابلها ما في مقابلها أعيان معينة.

أما إذا قال لك: اشتريت بها اشتريت بها شو اسمه مكيف للمعمل، اشتريت بها، قول له: لا لا، هذه في مقابلها أعيان، هذا اللي تخمسه أو ما يستثنى على الأقل، هسه إحنا ما نريد نقول يتخمسه، لا لا، نريد نقول: على الأقل ما تستثناها منين؟ من الربح، إذا قال: اشتريت سيارة به للمعمل، نقول له: هذه السيارة ما تستثنيها من الربح، وأكو احتمال عليه تخميس، بس إحنا ما نريد نقول هي عليه تخميس دولار، إحنا اللي نقوله: تستثنيها ولا ما تستثنيها؟ ما هذا صاحبنا اللي يستثنيها من الربح، فالحدث: نستثنيها ولا ما نستثنيها؟ إذا في مقابلها أعيان، إذاً مؤنة تحصيل الربح تعني أن هناك أعياناً دخلت عنده جديدة، هاي ماكو استثناء، بالعكس يحتمل كما سياتي أنه يحتمل فوقها أن يخمسهم زني، واضح شلون؟ الأعيان اللي اشتراها.

لكن السؤال: إذا لا والله قال لك أن هاي المؤنة صرفتها في تحصيل الربح، بمعنى أنها أجرة السيارة سيارات، أنا سيارة نقل هاي الحاجة اللي جبتها، الحاجة اللي أبيعها وأشتري بها هي تأجيرها للنقل، سنة كاملة أنا أجرة السيارة، أجرة المحل، أجرة شو اسمه العمال، ما أدري شنو هاي ضريبة اكو حارس، أجرة، وهكذا، شوف تلاحظ أنه كلها ما في مقابلها أعيان، كلها في مقابل عمل، في مقابل منفعة معينة استفيدت واستهلكت، فهذا اللي يستثنى، هذا اللي يستثنى، يعني مؤنة تحصيل الربح بهذا المعنى، مو بمعنى تحصيل الربح بمعنى أنه هناك عين دخلت في ملكه، ولا يصير خوش طريقة للتخلص من التخميس.

يصير خوش طريقة، جيب أنت وجيب مواد وحط بمحلك، وبعدين طلع منين؟ لا تخمس، لا تطلع من الخمس، تثنيه من الخمس، واضح؟ لا لا مو هيك شيء، هذا بالعكس لأن المواد يحتمل عليه التخميس، مو بس يستثنى مو بس ما يستثنى من الربح.

لهذا قال شوفوا الأمثلة مالتري قال: مؤنة تحصيل الربح أولاً، وثانياً مؤنة سنته، سياتي بيان مؤنة سنة في آخر المسألة.

زين، هسه نرجع للمؤنة الأولى اللي هي مؤنة التحصيل، قال: (والمراد من مرونة التحصيل كل ما يصرفه الإنسان في سبيل الحصول على الربح). بس إحنا شو القيد؟ بيا قيد؟ بشرط أن لا تكون في مقابله عين. أما إذا كان في مقابله عين تجارية عين معينة لا، بعد هذا مو ما يستثميه وسياتي تصريح المصنف، وهذا ما يعبر عنه برأس المال، رأس المال هو اللي يبقى ثابت، سواء كان راس المال هو أموال نقدية أو كانت أعيان، لهذا إذا يجيك واحد يقول لك: عندي محل وعندي عندي بهذا المحل مصنع، عندي مصنع وعندي بأدوات، مو تقول له: ما علي، يجوز علي الخمس بأدوات الماء، تأتي أنه هنا خلاف في خمس أو لا.

زين، قال: كل ما يصرفه الإنسان في سبيل الحصول على الربح، إحنا شو نضيف؟ نضيف: ولم يكن بأدائه عين خارجية.

مثل ايش؟ قال: (كأجرة الحمام) شوف نفس الأجرة والدلال، وأجرة والدلال، والكاتب، أجرة الكاتب إذا كان يحتاج إلى كاتب يكتب العقود ومادري شنو، وأجرة الحارس، وأجرة الدكان، وضرائب السلطان. هي الدكان مو الدكان العين، مو هذا العطف عليه من؟ العطف أحسنت، لا، أحسنت، بالنتيجة العطف عليه من؟ العطف على الحمال، يعني الكلام عن الأجرة، أجرته كذا، أجرته كذا هيك، مو تتصور أن الدكان نفسه هو شنو؟ لا، الدكان لا يستثنى. الدكان بما هو إذا يملك، إذا شخص يملك له دكان، مو يستثني من الربح، أول شيء ما يستثني من الربح، واحد، ثاني شيء يحتمل كما سياتي أنه هو يوصف دكان يخمسه، واضح شلون؟ يعني نقدر نقول: المصروف في قبال منفعة، والمصروف في قبال عين.

إي بالنسبة، إحنا ماشي، إحنا اللي اللي في قباله عين هذا لا يستثنى، أما في اللي ليس في قباله عين كالمنفعة والعمل وما شاكل، ليس العمل، لا العمل مو منفعة، العمل اكو منفعة وأكو شنو؟ اكو اكو أمور حقوق أخرى لا ينفق عليها عمل، كضرائب السلطان، هذا السلطان شو لا منفعة ولا عمل، كل شيء ما يسوي، بس هو فارض على الناس تشتغل هذه الشغلة تدفع ضريبة، والضريبة شنو عمل؟ إيش قام لي هو؟ أنا انقيته فلوس، بس كفى شر لي شيء، حطيتها فلوس حتى لا يصير محلي، ولا قدم لي عمل، قدم لي منفعة، قدم لي شيء هو مالياً، فأكو يعني أهم شيء قلت لك: ليس عيناً، كل ما ليس بعيناً، سواء كان منفعة أو عملاً أو أجرةً أو ضريبةً أو غيرها.

قال: (وغير ذلك) فان غير ذلك عرفت شنو القاعدة بها؟ القاعدة مما لم يكن عيناً.

زين، قال: (فإن جميع هذه الأمور تخرج من الربح) يعني تستثنى من الربح، ثم يخمس الباقي، يعني الباقي بعد الاستثناء.

ومن هذا القبيل ما ينقص من ماله، يعني من عين من أعيانه، شوف النقصان هذه المرة، نقصان العين يستثنيه، نقصان الوارد على العين يستثنيه، واضح أن نقصان العين، مثل، صح يضرب أمثلة لطيفة، قال: (ما ينقص من ماله في سبيل الحصول على الربح كالمصانع).

إيش تفهمون من هذه العبارة؟ مو يقصد أن المصنع أخمس أو قصده أستثنيه، لا، يقصد نقصان الوارد على المصنع هذا استثني، ما فهمتوني يعني المصنع هذا أنا اشتريته هاي السنة سعره أول ما اشتريته مصنع جديد بعدها وحديث وما مستعمل، أو هاي الآلة سيارة مثلاً هاي السيارة جديدة بعد هي كذا سعرها، استفدت 5 ملايين مضبوط، يعني سيارة جيدة وجديدة استعملتها خلال سنة كاملة، فوق سنة كاملة شنو؟ السائق هو أو ينقل بها نقل، ينقل بها حمل، هي سيارة الحمل هاي سنة كاملة تبقى تبقى نفس الكفاءة مال الأول زين لو فرضنا يبي يبيعها، معقولة تنباع بنفس السعر؟ خاصة إذا إذا أفترضنا أن سعرها أن سعر السيارة بقى نفسه الجديد، بقى نفس السعر معقولة بعد 5 ملايين؟ لا.

وهذا يقول لك: هاي مستعملة، هاي طالت سنة كاملة تشتغل تشتغل عليها وتدق عليها وهيك شي، فصار سعرها نفس السعر، واضح شلون؟ هو احنا فرضنا ما يريد يبيع صاحبنا هذا، مو بايع، مو بايع، شرائح السيارات، صاحبنا قاعد يشتغل شغلة ويتكسب من عندها، لكن السيارة صار فيها نقص من من الاستعمال، يقول: أنا هسه ربحت من وراء السيارة 5 ملايين، ربحت، ربحت من السيارة 5 ملايين، بس يشتبهون، مو كلامي عن تخميس السيارة، مو كلامنا عن تخميس السيارة، تخميس السيارة على القاعدة، بس سياتي أيضاً الكلام عن رأس المال، لا، إحنا نتكلم عن شخص اجاك قال لك: أنا هاي السنة ربحت، إيش قد ربحت؟ صار عندي ربح 5 ملايين، 5 ملايين عندي ربح.

يقول له جاي هاي 5 ملايين ايش قد صرفوا في تحصيل الربح؟ قال لك: يعني شنو؟ تقول له: أجرة الحمال وأجرة الدكان حسب لك اياها كذا، افترض طلعناها خلصنا منها، بعد سال عن لا ما أريد ما أريد نناقش بالأرقام، بالنتيجة لاحظ معي طلعنا هسه خلصنا من هاي من هاي، لكن بقينا السيارة، وصلنا للسيارة، قال: السيارة ترى اكو بسال بيها هاي السيارة هسه تعبت، هسه لو أريد أبيعها سعرها مليونين، كان سعرها في أول ما اشتريتها، هسه لو أريد أبيعها سعرها شقد؟ مليونين، يعني شقد النقص الحاصل عليها؟ مليون، يقول: أنا ما مو عندي إني أبيعها، بس يعلم أن سعرها هبط -يعني من وراء الاستعمال هاي الآلة تعبت بحيث صارت الآن سعرها نص قيمتها- فبالنتيجة هذا المليون في السيارة اللي هو الهبط، يصير يستثني من الربح؟ هو ربح شقد؟ 5 ملايين، يصير ياخذ مليون لأجل السيارة؟

تقول له: هذا مليون نستثنيه من الربح، يعني شنو؟ يعني لا تعتبر أنت ربحته 5 ملايين، بل تعتبر قد ربحت 4 مليون، 4، مو تفهمون من كلامي خطأً أنهم لازم يصرفوا على السيارة، لا لا، مو شرط ما قلنا لك تصرفوا على السيارة، إحنا ما علينا، بالنتيجة أنت تقول: أنا ربحت خمسة غير، بس أنت بالدقة ما ربحت خمسة، لأن أنت لو حسبت احتياج سيارتك اللي تعبت ايش قد ايش قد ايش قد صار ربحك؟ 4 بحاط سيارتك، هاي سيارتك الواحد راح منها كأنه ما فقدت مليون، فهذا المليون كتعويض إلك عن النقص الوارد على سيارتك، فخمسك فربحك بالدقة إيش قد؟ 4 ملايين في المثال، وليس 5 ملايين.

شوف شو يقول؟ يقول: (ومن هذا القبيل ما ينقص من ماله في سبيل الحصول على الربح كالمصانع). يعني شنو قصدك كالمصانع؟ يعني كالنقص الوارد على المصانع، مو مو مقصد المصنع نفسه ما يخمس كما يفهم خطأً، لا، يقصد كالنقص الوارد على المصانع والنقص الوارد على السيارات والنقص الوارد على آلات الصناعة وآلات الخياطة وآلات الزراعة وغير ذلك.

شوف راح يوضحها أكثر، فانما يرد على هذه من النقص، شوف الكلام في النقص والزيادة، مو الكلام في أصل العين، العين ربما تخمس، شوف: فانما يرد على هذه الأموال المصانع والسيارات وغيرها من النقص، نقص ما يرد في نقص في القيمة طبعاً، هي نقص في القيمة نعم، ما يرد عليها باستعمالها، هاي الباء يعني باء السَبَبية، يعني بسبب استعمالها، بسبب استعمالها صار اكو نقص فيها، السيارة ليش نقص سعرها؟ إيش عجب؟ يقول: بسبب استعمالها.

أما إذا يقول: هذا النقص بسبب نقصان القيمة، هذا علي هم يقول: أثبت مين ولا لا؟ نعم، نعم، وياي؟ لهم وياك، هاي مسألة مهمة، إذا قال: السيارة كان سعرها 3 ملايين، هسه صار سعرها مليونين وأنا ربحت ايش قد؟ خمسة، راح استثني مليون لأجل السيارة.

مو تقول له: هاي هي استثني مليون، لا، تقول له: ليش السيارة نزل سعرها؟ لأنك استعملتها. إذا يقول: لا، الحمد لله، السيارة بالباكيت بعد تمام، ولا ولا ولا أو استعملتها لمدة أسبوع ما يأثر على سعرها، شو أقول لك بعد صار سعرها مليونين، ليش ما بقت سعرها ثلاثة؟ يقول: هو السوق نزل، السوق صعد. لا ذاك السوق صعد والسوق نزل وصار المسألة مسألة سوق، لا، هاي صار شنو؟ هذا ما يستثنى من الـ ما يستثنى من الربح.

قلت له: تزال ضابط. نعم، إذا قال: إنه السيارة نزل سعرها مو لأن السوق صعد ونزل، لا، لأن هي هي تعبت، فهذا يعتبر يعتبر خسران في المال من عنده، فنعوض هذا الخسران بمن؟ بالربح.

إذا نزلت قيمتها ها؟ إذا نزلت قيمتها، إي، ما ما يستثني الخمس، إذا زادت بالعكس، يخمس زيادة إذا اشتراها للتكسب. إذا زادت القيمة، فتقدم في المسألة سابقاً، ما شفتوا حاضرين أو لا، قلنا: إذا زادت القيمة واشتراها للتكسب يخمس حتى الزيادة، تقدم هذا في المسألة السابقة.

نعم؟ باحة ولا نيبة حسن؟ ها؟ ينزل ينزل، لا هو بالعكس هذا على قولتك زادت القيمة بعد ماكو تنزيل، يصير نقص. إي، يصير نقص ما يصير زيادة بسبب الاستعمال.

فإذاً إذا زادت القيمة، سؤالكم زادت القيمة مو؟ زادت القيمة.

لا، من نفس الجماعة، هذا عوض النقص، هي سعرها سعرها 3 ملايين، هسه صار سعرها 10، مع العلم هي المفروض تنقص، بس اللي اللي اللي أنقذني شنو؟ حظي شلون صار زين، السوق صعب، واضح شلون؟ نعم، سعر الجديدة صار سعرها 20، شوف شلون، الجديدة مالتي صار سعرها 20، المستعملة صار 10، بس أنا بالنسبة لي ما في خسارة لأني أنا مشتريها بثلاثة، فأول تالي هذا شنو؟ هذا هذا ما علي، لا، ما علي، يعني مو يجبر، بالعكس، هذه 5 خمس زيادة.

قال: (فإن ما يرد على هذه من النقص باستعمالها أثناء السنة يتدارك من الربح). شوف راح يضرب مثال جيد، مثلاً إذا اشترى سيارة اشتراها بـ 2000 دينار، حفظ المثال، 2000 دينار هذا سعرها، وآجرها سنة بأربعة بـ 400 دينار، اضطهد شغلة، قال له: هذا إيجار هذه السيارة عندك، إيجار أريد في مقابل إيجار 400 وهي عندك سنة، اشتغل بها، رجع لي إياها آخر السنة، هي ملكي، بس أنت الك مجرد مؤجر، يعني تستعملها بكيفك، تستعملها يعني لاستعمالاتك الشخصية أو كذا.

فبالنتيجة أجرها لمدة إيش قد سنة؟ بمقدار 400، جيد، فربحها إيش قد ربحها؟ ربحها 400.

فإذا بقى هذا الربح في آخر السنة وماكو نقصان عنده في السيارة، المفروض شو يخمس؟ يخمس كل 400. أما إذا عنده نقصان في السيارة، يكون يستثني هاي الـ 400، شو 600؟ مقدار النقصان، خلينا نشوف، شوف آخر السنة ايش صار.

قال: (وكانت قيمة السيارة في نهاية السنة إيش قد من جهة الاستعمال). شو يقصد من جهة الاستعمال؟ يعني بسبب الاستعمال، يعني شنو؟ في المقابل شنو؟ لا، أنه بسبب نقصان القيمة، مو أن السوق نزل وصعد، لا، هي بسبب الاستعمال نقصت. شلون؟ إيش قد نقصت؟ صار سعرها 1800 دينار، يعني إيش قد نقصت عن سعرها الأصلي؟ 200، هي سعرها 2000، هسه صار سعرها 1800، فاكو نقصان 200، وهو ربح 200، فبالدقة إيش قد رابح هو؟ رابح بس 200، 400 صحيح، لكن هاي الـ 200 وحدة من 200 يطلعها يعوض الخسران اللي صار، و200 و500.

إذا كان سعرها 1600، ما عليه خمس. إي، إي، أحسنت تماماً، قال: (لم يجب الخمس إلا في الـ 200، والـ 200ان الباقيتان محسوبة منين؟ من المؤنة).

يا مؤنة؟ مؤنة تحصيل الربح. هذه كلها انتهينا من مؤنة تحصيل الربح.

مؤنة السنة ومصاديقها

ناتي الآن إلى القسم الآخر من المؤنة. قال: (والمراد من مؤنة السنة، أي عفو التي التي يجب الخمس في الزائد عليها، المراد بمؤنة السنة كل ما يصرفه الإنسان في سنته في معاش نفسه ومعاش عياله، لكن بقيد، على النحو اللائق بحاله).

فكل إنسان حسب الوضع الاجتماعي اللي يعيشه، وحسب ما يليق بشأنه، ايش تصرف أنت؟ أكلت وشربك وملبسك وأمورك وأموراتك الحياتية المتعارفة، لكن شو تلاحظ لازم؟ لازم تكون شأنك وما يليق بشأنك.

فمثلاً واحد اشترى سيارة يخمسها؟ مو دائماً يخمسها، سيارة للاحتياج الشخصي يعني لتنقلاته الشخصية يتنقل بها، مو مو تاكسي حتى تقول لي راس مال، إحنا على سيارة له حتى هو يتنقل بها، فنسأله، نقول له: أنت مجتمعك شنو؟ منطقتك شنو؟

إذا لاحظنا أن منطقته وانه هو من طبقة من طبقات المجتمع بحيث السيارة عتب فشيء عادي، الرجل هو طبيب وبمنطقة راقية، وجيرانه كلهم أطباء مثله، وكلهم عتب سيارات، هو الوحيد اللي ما عنده سيارة، بالعكس هذه السيارة إذا تشوف سيارة هاي ما عليها أي خمس، لأنها مؤنة السنة.

حتى السيارة نوعية السيارة، شنو نوعيتها؟ اكو نوعيات تعرفون في السيارة، اكو سيارة غالية جداً، اكو سيارة رخيصة، اكو سيارة كذا، فهم يتبع شنو؟ يتبع شأنه شأنه. إذا هو من شأنه ذيك السيارة الغالية، كل سيارة غالية بالنسبة له مؤنة. إذا لا والله تكفيه السيارة العادية السعر المتوسط، فدائما أما يجيك واحد وهو مو مال السيارة، هو أصلاً قاعد ببيت مال طين مع احترامي مثلاً، قاعد البيت طين واليمه ماكو ما يمهم شارع ولا كذا، ومشترى سيارة من أغلى السيارات، هذا هم يقول: ما عليه تخفيض، شنو فرق عن ذاك؟ يقول له: لا، أنت وضعك الاجتماعي يختلف، أنت السيارة بالنسبة لك خارجة عن المؤنة، واضح؟

وتقيس السيارة على أمثلة، شقد اكو أمثلة تنطبق عليها الكلام هذا، أمثلة، هذا المكيف عند بعض الناس من المؤنة، عند بعض الناس ليس من المؤنة، المدري شنو، أمثلة شقد بعد سرعتهم، المدري شنو، أنا بعض الناس شفت مشتري له شو اسمه التلفزيون هذا الشاب العارض مثلاً، بس نسيني نسيني إيش اللي بيا، وهم ناس عاديين يعني هم يشتروا هسا هم يقول من المؤنة، افترض إذا إذا قلنا التلفزيون من المؤنة، إذا قلنا من المؤنة مو استيك معارضة مال مال سينما مش كبرى نسويها ببيتها، هسا هم يقول من المؤنة، وهكذا أمثلة وايد تجي في بالكم يعني أن اكو ناس مشتري سجادة، سجادة هاي سجادة فاخرة جداً، هذا تناسب ما تناسب بهذا البيت، يقول: هي سجادة للبيت، هاي من المؤنة.

بعض الناس يتخلص من التخميس بهذه الطريقة، يقول لك: أحسن ما خمس خلنا أطلع خمس، يعني أنا أشتري شيء من المؤنة، سياتي الكلام عنه في آخر المسألة، لكن هسه شو نريد نقول؟ نريد نقول لابد من لحاق الشأنية، واضح؟ يجيك واحد يقول لك: ببيتنا خمس سيارات، قد يكون خمس سيارات وما عندي تخميس، واحد ببيته سيارة واحدة ونقول له: خمسها، ليش؟ مو لاجل أننا نحب الأول ونكره الثاني، بل لاجل أنه كما قلنا هذا يليق بشأنه ذلك وهذا لا يليق بشأنه ذلك، وهي المسألة تكونوا تنتبهوا لها، أنه لائق بشأنه أم ليس لائقا بشأنه، فإذا مو لائق بشأنه يخمس، أما إذا كان لائقا بشأنه فلا يخمس.

تحديدها، هذه تحديدها العرف، طبعا العرف. قال: (على النحو اللائق بحاله، فكل ما يصرفه في معاش نفسه وعياله) فش ياكلوا، حتى حتى نوعية الأكل طبعا هنا تختلف، وحتى شو اسمه إذا أكلهم كله من المطاعم، كله من المطاعم وهي الأكل الغالي، الأكل اللي شو اسمه هذا مو يستثني من المؤنة، يقول له: تعال أنت شنو مجتمع؟ هو يطلع إنسان عادي وما أدري شنو وشغله وهذا ياكل كله من المطاعم، تثمين.

يعني أنت بالنسبة لك ما تستثمين، هذا أنت المفروض تاكل أكل متوسط، وأنت عارف صار شلون؟ يعني بالقياس إلى الوسط اللي يعيش فيه، لا هو قياس نفسه، عشان ما لا لا، مو الوسط، إيش عليه بالوسط، قد يكون هو الوسط كله ناس ناس واصلين وناس أمورهم زينة وهو فقير، لا لا، مو قياس نفسه، إيش عليه؟ نفس الشيء، نفس الشيء، إي، لكن أنا أمثلة ضربتها حتى شوية أمثلة تقريبية حتى لا لا أرفع الاستغرابات.

المهم، في معاش نفسه ومعاش عياله على النحو اللائق بحاله، أم كان الصرف في صدقاته وزياراته -واضح أنه يدفع هذا هم كان يدفع صدقاته، فهي الألف دفعها صدقة، ذاك الكذا دفعها، ماكو مشكلة صدقة، بس بشرط- فسيأتي طبعاً بالنسبة للصدقة وأعمال الخير هم يشترط فيها أن تكون لائقة ولا لا؟ سياتي من السيد في آخر المسألة اكو خلاف، بس إحنا ما نريد نناقش فيها بعدين نذكرها.

أيضاً الصدقات، على قولة صدقاته، زياراته، هداياه، جوائزه المناسبة له، أم في ضيافة أضيافه، صرف أموال في ضيافة الأضياف، فمن قل له خمسه؟ لا، هذا خارج هذا داخل في المؤنة لا يستثنى من التخميس، أم وفاء بالحقوق اللازمة له بنذر أو كفاء، عليه نذر وعليه كفارة، يستثنيه من الربح ولا ما يستثنيه؟ يستثنيه. صدقات يعني صداقة ولا صدقات؟ صدقاته، ها، هو عندي مكتوب صدقات جمع صدقة، أما إذا قلنا صداقاته وزياراته هم هم صحيح نعم هم هم بالنتيجة كل ما يبذل في بحسب معاشه، بحسب علاقاته، ما يعني يستثنى من التخميس، بس هو المكتوب عندي صدقات أنا مو صداقات.

إي بعيد صداقات يعني. صداقة. إي لا مو صداقة مال الزواج. عود يعني العلاقات شو اسمه.

أم وفاء بالحقوق اللازمة له بنذر أو كفارة أو أداء دين، شوف إذا أداء الدين منين؟ أداء الدين من المؤنة، فالواحد المديون وأديت ديني، فاداء الدين المفروض شنو؟ من المؤنة، بس هذا الحكي مو على إطلاقه، مو مطلق، مو دائماً صحيح، سياتي في مسائل قادمة نقول: في بعض الحالات يكون أداء الدين خارج عن المؤنة إذا كان في مقابلة عين، سياتي إن شاء الله ما نستعجل، بس خذوها بصورة عامة أن السيد هنا يقول أنه أداء الدين من المؤنة. واحد مطلوب، يقول: خمس مليون، بس أنا مطلوب 500، يصير نخرج 500 من الدين؟ المفروض الحدث شنو؟ يصير، لكن بعدين راح نلتفت قيد جديد، بس قيد نقول: هذا في مقابلة عين أم لا، سياتي إن شاء الله، بس خذوها نحو الأمر إجمالاً أنه ما عليه تخميس.

قال: (أو أرش جناية). الأرش هو الفرق بين قيمة الشيء معيباً وقيمته صحيحاً، هذا معنى الأرش اصطلاحاً. نعم، الجناية واضح أنه أنا لو جنيت على شخص بقطع يده أو كذا، فيقال: عليك أن تدفع أرش الجناية، يعني قيمة الجناية اللي سويت لها، فهي القيمة يدفعها، خوها من المؤنة، يعتبر من المؤنة، أو غرامة، غرامة ما أتلفه عمداً أو خطأً، هاي أيضاً محسوب من المؤنة، واحد ابنه كسر لفت حاجة للجيران أو فت شيء، فهذا هو يتحملها، فمن دفع دفع، أنا دفعت لي مليون لأن أبني أو لأن أنا شو اسمه ما متعمد ضربت السيارة مال جيراني، فهذا المليون دفع له أن يستثنيه منين؟ من الربح، لأن هو داخل وين؟ داخل في مؤنته، هذا شيء طبيعي أن شخص قد يتعرض في حالات أنه يدفع غرامات، يدفع قروش، يدفع غير شيء.

نعم، أو فيما يحتاج يحتاج إليه من دابة وجارية، إذا تناسب وي شأنه أنه يشتري له دابة سيارة، أو دابة، أو يشتري له جارية أو عبد، إذا تناسب وي شأنه فهذا يعتبر شنو؟ يعتبر زين. ما يتناسب وي شأنه، ما ما يتناسب وي شأنه ومحتاجينه وشنو؟ المفروض يخمس.

نعم، هو أساساً أي المفروض يخمس، مثل واحد ما محتاج على قولتك مو شأنيته يشتري له سيارة، يعني بس هي سيارة تقضي له حاجة ولا ما تقضي له حاجة؟ الضابط لا لا لا، مو الحاجة، الحاجة أنت محتاج لمركبة فضائية تنقلك القمر ذاتي؟ لا، إذا على الحاجة هو كل شيء لك حاجة له، كل شيء لك حاجة به، لكن الكلام هو مناسب لشأنك ولا ما مناسب؟ واضح؟ أنت أنت محتاج أنت تركب لك سيارة من أغلى السيارات، أنت تقضي لك حاجة ومهمة وتفيدك، لكن هو ملاحق بشأنه ولا لا؟ ما نحكي، قد يكون أنت لا تشتريك بأي سيكتي.

قال: (أو فيما يحتاج يحتاج إليه من دابة وجارية وكتب وأثاث)، هاي الكتب أيضاً نفس الكلام، الكتب يتناسب، اكو واحد يتناسب ويا أن يشتري كتب، طالب الحوزة، طالب العلم من شأنه أن يشتري الكتب ويستفيد، هذا اشترى الكتب المفروض يستفيد من المؤنة. والكتب هم تتبع أن نوعية الكتب، نوعية هذه الكتب، والكتب من شأنه يقتني هذه الكتب. أما إذا نجي على الأشخاص، واحد أصلاً ليس من شأنه أن يشتري الكتب، هو أصلاً ما يقرأ ويكتب أو يقرأ بس مو ذيك القراءة، فجاي إلى مكتبة طويلة عريضة، هذا خارج عنه، أنت أكيد بالشكل يخمس هذا المبلغ اللي صرفه في شراء الكتب.

إنسان يحتاج إلى الكتب صحيح، لكنه قام يجيب الكتب اللي ليست لائقة بشأنه، يجيب الكتب اللي أصلاً ما تنقرأ من قبله هو، ها؟ هو مو اختصاصه يعني مو مو طالب حوزة وجاي يجيب كتب البحث الخارج وهذا وهو يدري أنه لا يقرأها ولا يقلبها، بالنسبة له اشترف، بس هو حتى يصير مكتبته حلوة وكذا جايب له المكتب مثلاً، فهذا أيضاً يخمس، هذا هو بالنتيجة يعني اكو اكو ناس، فبالنتيجة نحن مو دائماً الكتب تخمس ولا دائماً تستثنى على كونه لائق أو لا.

قال: (أم الاستحباب) صرفه فشيء على نحو الوجوب، أم على نحو الاستحباب، أم الإباحة، أم الكراهة، بما أن الكراهة مو حرام، فأيضاً صرف شيئاً في مصرف، لكن بالنتيجة مصرف لائق بشيء، حتى إذا كان من نحو الكراهة.

نعم، لابد في المؤنة المستثناة، لابد من الصرف فعلاً، هاي مهمة. إحنا بنستثني لك المؤنة كنت تصرف فلوسك على المؤنة، مو تقول آخر السنة آخر السنة تجي تقول: أني ربحت لي مليون وراح استثني 500 مؤنة سنة، مؤنة سنتي، تقول له: ليش؟ يقول: لأن أني هو خلال هاي السنة المفروض أحتاج 500. يقول: ايش تقصد بالمفروض أحتاج؟ يقول: يعني الحمد لله هي المؤنة جتني من واحد هدية، لو ما لو ما لو ما مطيني 500 هذا هدية، لا كان احتجت له 500 فعلاً، بس أنا ما أحتاجها فعلاً الآن، لكن أخوها طلعها من التخفيض، يعني أني لو فرضنا ما أعطوني 500 هذا الهدية أعطاني هدية واحد 500، فقضيت بها سنتي، ولو ما من طيني اضطريت شو أسوي؟ اضطريت أنني أنا أبذل من نفسي، وبالنتيجة هذا المليون اللي ربحته لازم أستثني من عنده شنو؟ الـ 500.

هي مو انت 500؟ نقول له: مو انت 500 مؤنة فعلياً، لو مؤنة على الفرض والتقدير؟ يقول: لا على الفرض والتقدير، نقول: لا، نحن نريد صرف فعلي. أنت لو ما فهمت، هذا ما يلاحظ الصرف بفعلي، يريد يستثنيه لأنه أنا أنا كنت كنت محتاجاً، لولا أنه يتبع لي شخص، لكنت، راح يضرب مثال السيد، فإذا قدر على هذا، مثال آخر تقصير، اكو واحد يقدر على نفسه ويريد يستثني من التخبيص، يقول: أنا استثني من الربح 500.

جيد، ليش تستثني؟ يقول لي: هي مو انت 500، بس أنا أنا هاي السنة مضبوط صرفت صرفت بس 300، 200 عصرتها عصر، ما صرت الـ 200، بس هي الـ 200 هي مو انت اللائحة، بس أنا بالنتيجة من باب الاستثناء راح استثني كل الـ 500، لكن من باب الصرف الفعلي قصرت 300.

فقدر على نفسك، نيسين يقول: إذا قدرت على نفسك لا تلوم إلا نفسك، فتستثني فقط شنو؟ الـ 300، لهذا قال: (فإذا قدر ضيق أو شي بخل كذا ها لم يحسب له لم يحسب له هذا التقتير المقدار، كما أنه إذا تبرع متبرع له بنفقته) واحد تبرع لي قال: نفقتك علي هاي السنة أو بعض النفقه، لا يستثنى له مقدار التبرع من أرباحه، مو يقولون: أنا مش علي أنا أريد نفق 500، صحيح لأن واحد تبرع لي، بس هو لو ما متبرع ليش أخذ 500 من شاي صارت مؤونتي الفعلية؟ نقول له: إحنا مدارنا على الصرف الفعلي، مو مدارنا على الصرف التقديري، بل يحسب ذلك من الربح الذي لم يصرف في المؤنة، وأيضاً لابد أن يكون الصرف على النحو المتعارف، هاي قلناها، فاذا زاد يعني الصرف عليه يعني على النحو المتعارف وجب الخمس التفاوض.

أنت النحو المتعارف بالنسبة لك تحتاج لك بيت أبو مليونين، مشتري بيت أبو 50 مليون، شلون؟ فهذا الفرق بين المليونين والـ 50 مليون، شو الفرق؟ هذا كله شنو؟ زاد، يخمس، زاد الفرق عن المتعارف.

إي، واذا كان المصرف، هاي مهمة جداً، مهمة جداً، يقول لك: أنا صرفتها، صرفت 100 خلال هاليومين هاي، وهي الـ 100 أريد استثميها من الربح. يقول له: وين صرفتها؟ يقول: صرفتها على مؤنة. بس شنو صرف بنحو السفه وبنحو التبذير؟ نقول لها: كلها تخمس، واضح؟

يقول لك: أني قضيت مثلاً مثلاً والعياذ بالله يشرب الخمر وخسر الحرام، أو صرف سفهي هيك، مجرد رميت الأموال للناس، وزعت أموال على الناس هيك، عجبني بالشارع هيك أو تبذير، بذرت المال، اشتريت لي حاجة، هذا تصرفات الناس هيك، يقول لك: مثلاً مدري وين صرفنا الأموال على أمور سفهية وأمور بنحو التبذير، اشترى حاجات هيك بنحو باذل له أموال طائلة على فد أشياء تافهة، هذه كلها تحسب من من التخبيس، وهي مسألة ابتلائية، بس أنا مع الأسف مثال أمثله ما قاعد تحضرني، وجوز هي أمثله تعبانة لهذا ما قاعد اجيبها، بس بس انتبهوا انتبهوا للتصرفات السفهية للناس وللتبذيرات، هاي كلها كلها تحسبوها صارت الأموال شقد على فد أمور تافهة، أمور تافهة، نو شو يسوي؟ نو بيرجع يحسبها من التخبيس، ياخذها من التخبيس من من الـ عندك مثال بالعبارة عن المغني يربا فلوس أو غير شيء، هاي أمثله كذي، فبعد بالنتيجة هاي تصرفاته كلها تحسبها، كلها يحسبها لازم إذا كان إنسان متدين ويخاف الله، ها وليد يطهر نفسه، يطهر أمواله، كله يحسب هاي الأمور كلها، يقول: أنا هذه كلها تصرفات شفهية والمفروض أحسب حساب خمس اللي صار.

ها؟ المعاقب اللي بالنسبة للصفا مثلاً هيك إذا كان إي، إذا كان سفهي بالنسبة له، قال: (فإذا وإذا كان المصرف سفهاً وتبذيراً لا يستثنى المصروف) يعني لا يستثنى من الربح، بل شو يعتبر؟ يعتبر ربحاً، مو يستثنيه يقول: مؤنة، بل يجب فيه الخمس.

والظاهر أن المصرف إذا كان، ها بحالة واحدة من يشترط أن شنو؟ بحالة واحدة من يشترط أن يكون المصرف لائقا بشركه، إحنا اللي مشترطنا الحدث دائماً نقول: يكون لائق، يكون لائق، بس بحالة واحدة من يشترط اللائق، حتى لو كان غير لائق نقبلها من عندك ونقبل أن تستثنيها من الربح، ما هي الحالة؟

الحالة: أنا إنسان إنسان فقير، إنسان متوسط الحال، لكن من صارت زيارتي الـ 40 بهذلت نفسي وكلفت نفسي وبذلت أموال على الزوار وعلى الموكب اللي أنا عندي، ها أموال بحيث اللي يبذلها بس الأغنياء، بس أني بهذلت نفسي وبعت حاجة من عندي وما أدري شلون صرفت لي صرفت 5 ملايين، أفترض 5 ملايين بالنسبة لي كارثة، شيء كبير، بس أني حباً بالحسين، حباً بالمواكب، حباً بالدين صرفتها 5 ملايين، 5 ملايين مرة مسجد، بناء مسجد، اشتكى، هو وين ناكل بناء المسجد؟ أني وأغنى الأغنياء، أغنى واحد في المنطقة دفع 5 ملايين، وأنا الرجال الفقير هم دافع شنو؟ 5 ملايين.

يجيك واحد يشكر عليك، يقول لك: هاي 5 ملايين اللي دفعتها كون تخمسها أنت. أقول له: ليش؟ يقول لي: أنها صحيح هي مصرف من المصارف الجيدة والصحيحة، ولكنها ليست لائقة بشأنك، بدليل أنت إنسان فقير تدفع 5 ملايين، وذاك الغني هم دفع 5 ملايين، واضح؟ اللائق بشأنك اللي مثلك هو اللي يدفع لها ريت له 100 ألف، نقبل منه، مو دافع لـ 5 ملايين، واضح شلون؟

فبعض الفقهاء يقول: أنه عليه التخميس، لأنه نشترط اللائق بحاله حتى في الأمور الخيرية، حتى في الأمور العبادية. السيد الخوئي ماذا يقول؟ يقول: (والظاهر أن المصرف عفو بلي عفوا الظاهر والظاهر أن المصرف إذا كان راجحاً شرعاً لم يجب فيه الخمس حتى وإن كان غير متعارف) من مثل المالك مثل عمارة المساجد، والإنفاق على الضيوف ممن هو إنسان شنو؟ قليل الربح، وتشوفه ينفق وتشوفه يذبح شو اسمه للضيوف وكذا، ومع هذا هو شنو؟ معناته هو انسان قليل الربح، اللي مثله ما يسوي هيك شيء، ما يذبح إيش ذبح للضيوف، ولا يبذل أموال لعمارة المساجد والمواكب الحسينية وغيره.

السيد الخوئي يقول: لا، أنا هذا ما أعتبر يعني له أن يستثني المقدار الذي صرفه، أعتبر هذا داخل في المؤنة. يقول: ليش؟ لأن إحنا مثلاً ناخذ مثال الصلاة والصوم، بالنسبة للصلاة والصوم أنت وأنا هم اكو لائق بشأنك ولائق بشأني؟ ها؟ شو تقول؟ الصلاة والصوم هم بها لائق بشأنك ولائق بشأني؟ لا، لا، لا، لا، الصلاة والصوم باب مفتوح، شقد ما تصلي هو لائق بشأنك، لأن أعمال الخير شقد ما تصلي، حتى تصلي منها الباكر هو هو هو جيد بالنسبة لك وهو مطلوب وهو صحيح، المطلوب نحو الاستحباب، واضح شلون؟

فالسيد أخوي يقيسها على أمثلة الخير والصلاة والصوم والعبادات. نعم.

أما السيد السستاني فيقول: الأحوط فيه التخميس، هذا اللي يصرف الاعمال الخيرية ما هو خارج عن عن لائق بشانه، الأحوط وجوبا عليه أن يخرج خمسه، خمس هذا اللي صرفه. خمس التفاوت عن شأنه. إي، خمس التفاوت بين ما كان لائقا بشأنه وما كان خارجاً عن شأنه.

هذا، والحمد لله رب العالمين، وصلى الله على محمد وآله الطيبين الطاهرين.

من 1- 74 كتاب التقليد والطهارة
75- 135 كتاب الصلاة
150-136 كتاب الصوم
151- 165 كتاب الخمس
176-166 كتاب الزكاة
181-180 كتاب الامر بالمعروف والنهي عن المنكر

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع
الملف 094استماع
الملف 095استماع
الملف 096استماع
الملف 097استماع
الملف 098استماع
الملف 099استماع
الملف 100استماع
الملف 101استماع
الملف 102استماع
الملف 103استماع
الملف 104استماع
الملف 105استماع
الملف 106استماع
الملف 107استماع
الملف 108استماع
الملف 109استماع
الملف 110استماع
الملف 111استماع
الملف 112استماع
الملف 113استماع
الملف 114استماع
الملف 115استماع
الملف 116استماع
الملف 117استماع
الملف 118استماع
الملف 119استماع
الملف 120استماع
الملف 121استماع
الملف 122استماع
الملف 123استماع
الملف 124استماع
الملف 125استماع
الملف 126استماع
الملف 127استماع
الملف 128استماع
الملف 129استماع
الملف 130استماع
الملف 131استماع
الملف 132استماع
الملف 133استماع
الملف 134استماع
الملف 135استماع
الملف 136استماع
الملف 137استماع
الملف 138استماع
الملف 139استماع
الملف 140استماع
الملف 141استماع
الملف 142استماع
الملف 143استماع
الملف 144استماع
الملف 145استماع
الملف 146استماع
الملف 147استماع
الملف 148استماع
الملف 149استماع
الملف 150استماع
الملف 151استماع
الملف 152استماع
الملف 153استماع
الملف 154استماع
الملف 155استماع
الملف 156استماع
الملف 157استماع
الملف 158استماع
الملف 159استماع
الملف 160استماع
الملف 161استماع
الملف 162استماع
الملف 163استماع
الملف 164استماع
الملف 165استماع
الملف 166استماع
الملف 167استماع
الملف 168استماع
الملف 169استماع
الملف 170استماع
الملف 171استماع
الملف 172استماع
الملف 173استماع
الملف 174استماع
الملف 175استماع
الملف 176استماع
الملف 177استماع
الملف 178استماع
الملف 179استماع
الملف 180استماع
الملف 181استماع

أضف تعليق