منهاج الصالحين – العبادات – الشيخ عمار الخزعلي

دروس مفرغة — النصوص المتاحة

180 نص مكتوب؛ بقية الدروس في هذه الدورة قد تكون صوتية فقط.

عرض روابط القراءة وWord والخلاصة

متن الدرس 27

تحميل الصوت

تحميل Word

027

مسائل في أحكام الوجه وتفاصيل غسله

مسألة 69: نحن حددنا في بحث سابق الوجه الذي يجب أن يوضأ بأنه ما اشتملت عليه الإبهام والوسطى عرضاً وما كان من قصاص الشعر إلى الذقن طولاً، فراح تصير مشاكل. المشاكل شنو؟ بعض الناس يعبر عنهم المصنف بأنهم غير مستوي خلقه، يعني هو مثلاً خلقته غير طبيعية، إما أن تكون إيده كبيرة أكبر من العادة أو أصغر من العادة، أو أن وجهه مثلاً أكبر من العادة أو أصغر، أو أن قصاص شعره مثلاً أصلع ما عنده قصاص شعر، أو بالعكس شعره واصل لحد جبهته. فهذول أفراد وغيرهم شلون؟

إذا كل واحد نقول له ما علينا، احنا نجيب من قصاص شعرك إلى ذقنك، فيجي مثلاً هذا اللي إيده طويلة أو نقول له ما كانت عليه الإبهام والوسطى، فيجي هذا يجوز إبهامه يوصل لحد خده، يجوز إبهامه يوصل لحد أذنه؛ فبالنتيجة شلون نلاحظ ذول؟

فالسيد يقول: دائماً هذول الناس بحالتهم الخاصة ما نقول شابين غير مستوي خلقه، دول يرجعون لمن؟ يعتبرون نفسهم حالهم حال من متساوي الخلقه؟ شلون يعني؟ قال مثلاً: أنت إذا وجهك طبيعي بس إيدك هي اللي مو طبيعية كبيرة أو صغيرة، ما عليك بإيدك، لا تقيس على إيدك، قيس على وجهك، قول: الإنسان الطبيعي وين يوصل؟ الإنسان إذا إيده طبيعية ووجهك طبيعي، وين يوصل الإبهام؟ وين توصل الوسطى؟

يقول له: ها، تقريباً الإبهام وصل شوية فوق من الخد قريب للش... نسميها هالمنطقة الحدين، قول له: جيد. فانت يا صاحبنا ما عليك أنت بإيدك، إيدك قد يكون توصل لحد أذنك، ما عليك، انت شنو لاحظ هذا الحد اللي هو طبيعي لنا بالنسبة لمن؟ بالنسبة لوجهك. فافترض قول: لو فرضنا عندي إيد طبيعية وين راح يوصل إبهامها؟ يوصل إبهامها اللي جاي، وين وسطى توصل اللي جاي، فانت أيضاً هذا الموضوع شنو؟ اغسله.

يقول: شلون اعرف هاي اللو؟ قول له: مبينة، شوف أي واحد طبيعي، قول له: أجيب لك واحد انسان عادي، قول له: والله خلي إصبعك هذا على... وين يوصل؟ وصل هذا، أنت بالنسبة لك خلي هذا الحد. وهكذا الآن تحدد شنو؟ تحدد وجهك، ما عليك بإيدك بعد.

هذا بالنسبة لمن؟ بالنسبة إذا كان غير مستوي خلقه من جهة إيده. أما من جهة وجهه، شخص وجهه أكبر من العادة بحيث إيده طبيعية بس وجهه كبير جداً أو وجهه صغير جداً اللي وضع خلقته مثلاً بهالطريقة، فالسيّد يقول أيضاً شو يلاحظ؟ يلاحظ بالنسبة لهي... بالنسبة لهي الحالة ما يلاحظ إيده، يلاحظ وجهه. شو اختلفت؟

يعني إذا كان الخلل بالإيد يلاحظ دائماً شنو؟ الوجه. أما إذا كان الخلل بالوجه، مو يلاحظ الإيد، هم يلاحظ وجهه، لأن القرآن يقول: ﴿اغسِلوا وُجوهَكُم﴾، يعني كل واحد شنو؟ يغسل وجهه الخاص فيه. فإذا وجهك صغير، ها؟ شوف الإيد، إذا الإيد المتناسبة مع هذا الوجه وين توصل؟ واضح؟

فلو فرضنا هو وجهه صغير بحيث لو خلى إيده طبيعية توصل لحد أذنه، فنقول: لا، بالنسبة لك أنت نفس الشيء، هم الحد المتعارف مع هذا الوجه، مع هذا الوجه وين الحد المتعارف؟ ما عليك بإيدك، العبرة دائماً باليد لو بالوجه؟ بالوجه دائماً.

زين، قصاص الشعر شلون أُحدده؟ قصاص الشعر أنت مو تلاحظ شعرك، أنت جسدك ما عندك شعر أو شعرك واصل كذا، أنت لاحظ لو فرضنا أنت كان عندك شعر وين قصاص الشعر الطبيعي؟ يقول لنا فوق الجبهة شوية، فوق الجبهة شوية هي يسمونها الناصية، هيك، أنت ابدأ من هنا، واضح شلون؟

بعد عندنا حالة، ما عندنا حالة الأغم، بالعكس، اللي هو شنو؟ شعر ينبت على وجهه، فهذا يقول أيضاً لاحظ شنو؟ هذا شعرك مو طبيعي، يعني ينبت على قصتك أنت أيضاً. يقولون: لو فرضنا أن إنسان طبيعي ما عنده شعر نابت، وين كان ينبت؟ نقول له: من نابتة تقريباً، يقول: أنت أغسل من نابتة. زين، يجب غسله هذا الشعر من نابتة، يجب غسله لأن داخل في حد الوجه.

قال: غير مستوي الخلقة لأجل طول الأصابع أو لقصر الأصابع، هذا يرجع إلى متناسب الخلقة المتعارف، فيلاحظ وجهه لو إيده؟ وجهه. وكذا لو كان أغم، قد نبت الشعر على جبهته فيغسل من وراء جبهته لو من فوق جبهة؟ بعدين، من فوق جبهة والشعر هنا موجود عليه، وهنا مو يقول والله منا قصاص الشعر، لا، أنت منا دائماً قصاص الشعر الطبيعي فوق الجبهة، فأنت منا تغسل، أو كان إصبع قد انحسر الشعر عن مقدم رأسه، فإنه يرجع لمن؟ للمتعارف، يقول: لو كان لي شعر طبيعي لنبت هنا، واضح؟ فاهمنا؟

وأما غير مستوي الخلقة لأجل كبر وجهه أو لصغره، مو يقول ألاحظ إيدي، لا، هم يلاحظ وجهه، لأن القرآن شو يقول؟ ﴿اغسِلوا وُجوهَكُم﴾، فيجب عليه غسل ما دارت عليه الوسطى والإبهام المتناسبة مع شنو؟ مع ذلك الوجه، مو يلاحظ إيده إذا صارت صغيرة أو كبيرة، بل يلاحظ نفس وجهه.

أحكام الشعر والبواطن في الوجه

قال: الشعر النابت فيما دخل في حد الوجه، أي شعر موجود داخل في حد الوجه اللي قلنا يغسل، إحنا حددنا الوجه فرضنا هذا الحد، أي شيء داخل في هذا الحد أي شعر لو فرضنا اكو بعض الناس شعره نابت موجود على وجهنا ماكو شعر، ها، أي شعر نابت في هذا الحد، الشارب مثلاً، بعض اللحية، يدخل في هذا الحد يجب شنو؟ غسله.

قال: الشعر النابت فيما دخل في حد الوجه يجب غسل ظاهره. زين، واجب غسل باطنه؟ باطنه شنو؟ يعني يسمونه التبطين ويسمونه التخلل، واجب أخلل؟ يعني بحيث أوصل المي للباطن أو للبشرة؟

الجواب شنو؟ الجواب لا، الواجب هو غسل الظاهر، جيب مي على ظاهر شاربك، خاصة بعض الناس شاربهم سيول ضخم، مو تشوف هذا، مو واجب عليه يخلل المي هكذا. زين، يقول: ولا يجب البحث عن الشعر المستور فضلاً عن البحث عن البشرة المستورة. أي شيء ظاهر غسله، مو تدور تقول اكو شعر مستور ما مبين، خليني أخلل حتى يدخل المي للشعر المستور، يقول: ما واجب عليك البحث بالشعر المستور، واضحه لو مو واضحة؟ واضحة؟

إيه، افترضوا اللحية بالنسبة... اللحية شوية مثال جيد، بس اللحية مو داخل بحد الوجه، بس نضرب... نضرب مثال على معنى الشعر المستور باللحية، هاي اكو شعر ظاهر واكو شعر مستور، فأنا إذا جبت مي ذبت شعري، ها، شنو غسل يا هو؟ الشعر المستور هو ما انغسل. أسأل السيّد أقول له: واجب أدخل مي لحد الشعر المستور بحيث أجيب أدخل هيك شيء؟ يقول: لا، مو واجب، الواجب هو غسل الظاهر. زين، البشرة المستورة جوا الشعر واجب أطلعها؟ واضح، يقول: ها مو واجب، شوف، فضلاً من باب أولى عن البشرة المستورة.

نعم، ما لا يحتاج غسله إلى بحث وطلب، هو هذا شنو؟ غسله، إذا هو بعد ما يحتاج بحث وطلب، هو يعني أما ظاهر أو شبه الظاهر بحيث شنو؟ بحيث ما يحتاج تخلل، فهذا محسوب به، محسوب من أحكام الظاهر فيجب غسله.

وكذا الشعر الرقيق النابت في البشرة يغسل مع من؟ مع الشعر. إذا كان غليظاً كشعر شو اسمه اللحية وهذا غليظ وهذا يغسل مع البشرة، قلنا يغسل الظاهر، أما الشعر الخفيف، مرات هناك شعر يطلع على الخد خفيف، هذا هم شنو المفروض يغسل؟ يقول: حاله حال البشرة. ومثله الشعر الغليظة التي لا تستر البشرة على الأحوط وجوباً. لو فرضنا شعرة غليظة مو خفيفة، مثل قلت لك الشعر مرات يصير على الخد شعر خفيف، افترض لا طلع عندك شعرات غليظة هنا على الخد ولكنها ما تستر البشرة، فيجب غسل ظاهرها أو لا يجب؟ يقول: يجب غسل ظاهرها على الأحوط وجوباً.

قال: لا يجب غسل البواطن، البواطن كلها ما يجب غسلها، دائماً ايش تغسل شنو؟ الظواهر، البواطن مو واجب غسلها، فواحد من من من يغسل وجهه، واجب عليه يدخل مي بفمه؟ لا. يتمضمض؟ لا. واجب عليه يدخل مي بأذنه؟ لا. واجب عليه يدخل مي بعينه يفتح عينه ويدخل؟ لا، كلها مو واجب، الواجب ﴿اغسِلوا وُجوهَكُم﴾ الظواهر، أما البواطن فكلها شنو؟ غير واجبة.

لهذا باطن العين مو واجب، لهذا واحد يتوضأ ومغمض يصير؟ لا، لا، يفتح عينه، إذا قلنا يجب غسل البواطن لازم واحد يسعي، بس إحنا شو نقول؟ نقول: لا، يجب غسل الظواهر، ماكو مانع أنت مغمض تتوضأ، شو المانع فيها؟ واضح؟ والفم، واحد يعني ساد حلقه مثلاً يتوضأ، لو ليته حلقه حتى يدخل المي هناك؟ مو واجب، كلها مو واجب.

والأنف لو فرضنا واحد مخلي قطنة مثلاً باذنة بخشمه عنده فتشه، هم يقولون عليه إشكال؟ نقول له: عمي أنت تغسل فقط الظواهر. والأنف ومطبق الشفتين، هسه والله الفم من البواطن، اكو في إشكال؟ مطبق الشفتين، الشفتين مطبق مكان مكان السد، لاحظوا مثلاً افترض هاي شفة خلينا نكبر الشفة، افترض واحد شفة وهي شفة، فمطبق الشفتين محل شنو؟ محل الاتصال، واضح شلون؟ هذا اللي يظهر إذا فتحت... مثل مجرد شوية ابتسم يظهر مطبق الشفتين، أما إذا سددت حقي ما يظهر، ليش؟ لأن انطبق أحد على الآخر، واضح؟

فمطبق الشفتين واجب غسله؟ السيّد يقول: همنا شو اسمه، همنا الباطن أو محسوب من الباطن؟ مطبق العينين، مطبق العينين هاي مو مو العين، الجفن، شايف الجفن عندما يغلق ويفتح؟ ترى ماكو مطبخ هذا الخط، هم يجب... هم يجب غسله؟ فإذا قلنا يجب غسله لازم أفتح عيني، وإذا قلنا يجب غسل مطبق شو اسمه الشفتين لازم أفتح حلقي وكذا، يقول: مو واجبه.

الشعر النابت في الخارج عن الحد ومسائل أخرى

الشعر النابت في الخارج عن الحد، مثل اللحية في اللحية في الذقن خارج عن الحد فرضا ها خاصة ذا هاي المنطقة خارج عن الحد، يجب غسلها؟ قال: إذا تدلى، أول شيء هي مو واجب غسلها، لأن الواجب غسل شنو؟ الداخل.

زين، إذا الشبهة وين؟ تجي، الشبهة تجي هذا الشعر الخارج عن الحد، إذا تدلى على ما دخل في الحد، مثل الشعر شوي بالشعر تبين، من واحد مثلاً مو مثلي ذاك عنده قتلة أنا ما عندي قتلة، ها، عنده شعر نازل وين؟ نازل عليه على قصته مثلاً خاصة النساء، ها، ينزل على قصته، فهنا يجي يشكل يقول: أنت قلتولي اقصد هاي المنطقة المحددة طولاً وعرضاً، وهي المنطقة داخل بها القتلة.

الجواب شنو؟ يقول: لا عيني، القتلة منشأها منبتها منين؟ منبتها خارج الحد، نعم، هي تدلت وين؟ وجاءت أجنبية على من؟ على الحد، فلهذا يقول السيّد: إذا تدلى لا يجب غسله.

وكذا شنو يعني وكذا؟ وكذا لا يجب، يعني لا يجب غسل ماذا؟ المقدار الخارج عن الحد حتى وإن كان هذا المقدار نابتاً وين؟ في داخل الحد، كمسترسل اللحية. مسترسل يعني الذي لحيته طالت، يقال استرسلت اللحية طالت. شلونها؟ يقول لك وحالة ثانية بالعكس، هو فالشعر منبته داخل الحد ولكن طال طال حتى شنو خرج عن الحد. هاي مثال الرجل، أما المرأة مثال اللحية، اللحية في الرجل إذا كانت لحيته كبيرة، خويا منبتها منين؟ منبتها الذقن، وإحنا الذقن قلنا يجب غسله، لكن الفكرة اللي صارت شنو؟ أنه طال، طالت اللحية فأصبحت أكثر، خرجت عن الحد باعتبار الحد هنا هي اللحية وصلت اللجة، فهنا يجب غسل المسترسل؟ الجواب لا، إحنا يجب غسل من قصاص الشعر إلى طرف الذقن، هذا خارج عن طرف الذقن.

واضح؟ إذا بقي مما بالحد، يا حد؟ حد الوجه، شيء لم يغسل، ولو كان هذا لم يغسل بمقدار شنو؟ رأس إبرة، إذا تركته متعمداً وضوءك صحيح لو باطل؟ هذا لا يصح الوضوء، أما إذا تركته من دون ما تدري به، جهلاً معذور، يعني ما تدري به، يعني يقول: أنا مشكلة لازم أتأكد 100% يجوز اكو قطرة، يجوز اكو رأس إبرة، نقول: إحنا فرض كلامنا إذا متعمد، إذا ما تدري ما عندك علم واقعي بحث آخر.

فيجب على المكلف إذا إذا المسالة بهالشدة هاي، إذا رأس إبرة ما مغسول باطل وضوء يكون. شو أسي أنا؟ يكون ألاحظ أمور دقيقة بعد، هذا شوف اللي يتوضأ يتحرز، يتحرز، يجيب مي هناك ويسوي كذا، يسوي هيك شي حتى شنو خاف اكو رأس إبرة.

فشو يقول؟ وين المشكلة تصير؟ المشكلة يجب أن يلاحظ أعماق وأطراف عينيه. الآماق جمع مق، والمق هو طرف العين من جهة الأنف، هاي هذا هاي غالباً الموق يصير فيها، يسمونها فيجن أو كذا، واضح؟ هاي الطرف ما يصير فيه الظاهر حسب ما ما أدري يصير ما يمكن المسالة.

النتيجة يقول: يجب أن تلاحظ أعماق عينيك، ها؟ أعماق عينيك، طبعا شنو الفرق بين طرف العين وموق العين؟ هو قاعد يقول: آماق وأطراف. الأطراف هو الطرف اللي يكون شنو؟ اللي يكون في طرف الوجه. أما الموق فهو الطرف الذي يكون قريب لمن؟ للأنف، ها؟ يقول السيّد: لاحظهم ذني، لأن ذني يسوون مشكلة.

إذا اكو... إذا اكو فوق شو اسمه، إذا صار هذا الذقن أو كذا، القيح فوق فوق البشرة يكون، يكون حاجب فيجب إزالته فيبطل الوضوء إذا ما أزلته، أن لا يكون عليها شيء من القيح أو الكحل المانع. الكحل هم نفس الشيء، الكحل إذا صار اللون، إذا صار جسم فوق الرسم يعني صار صبغ فوق شو اسمه فوق فوق العين فوق البشرة وهذا أكيد يمنع.

وكذا يلاحظ المكلف شنو؟ حاجبه أن لا يكون عليه شيء من الوسخ، لأن إذا كان عليه وسخ سوف يحجب الوضوء، وأن لا يكون على حاجب المرأة بالخصوص المرأة اللي غالباً تضع أصباغ وما أدري شنو على وجهها، لا تلاحظ أن لا يكون عليها شنو؟ وسمة وخطاط له جرم مانع، يعني اللون من الألوان هاي اللي يستخدمها النساء بالتجميل، ها، فانه يمنع شنو؟ يمنع الوضوء.

الشك في المانع وقاعدة الاشتغال اليقيني

قال: إذا تيقن وجود ما يشك في مانعيته، مرة شو اسمه، مرة أتيقن بوجود المانع، أو إذا تيقنت بوجود المانع كما لو تيقنت بوجود الصبغ، فهذا الوضوء باطل ولا صحيح بعد؟ هذا الصبغ موجود والصبغ مانع، هذا تيقن بوجود المانع، مو يمنع؟ هذا باطل وضوء أكيد. لا فرض الكلام مو شيء يصير.

يقول: تيقن بوجود شيء، هذا الشيء أشك في مانعيته، مو أتيقن بمانعيته، أشك في مانعيته، كما في الخاتم، الخاتم أنا متيقن من وجوده، ولكن الخاتم مانع 100% لو أشك بأنه مانع أم لا؟ خاصة إذا شوية واسع الخاتم، إذا شوية واسع مو ضيق، إذا واسع أشك أنه منع لو ما منع، لأن من أتوضى احتمال الماي ما يدخل من جوا، مو شيء؟ احتمال ما، فإذا أنا... أنا متيقن بوجود ما يمنع لو ما أشك في مانعيته؟

شنو الجواب؟ يقول: إذا تيقن بوجود ما يشك في مانعيته عن الغسل أو المسح، فما هو الحكم؟ قال: يجب تحصيل اليقين بزوال هذا المانع، ليش؟ هاي قاعدة يسمونها الاشتغال اليقيني يستدعي الفراغ اليقيني، هاي قاعدة مهمة تفيدكم خل نخلص منها حتى بعد ما نعيدها.

يسمونها قاعدة الاشتغال ويسمونها قاعدة الاحتياط، وهي من الأصول العملية. يقولون: الاشتغال اليقيني يستدعي الفراغ اليقيني.

اليقيني إذا ذمتك مشتغلة 100% تكون تفرغ ذمتك هم شنو؟ 100% 100%، هاي مثل ايش؟ مثل أني 100% مطلوب، أنت تطلبني، أقول لك: أنت 100% تطلبني فلوس، الاشتغال اليقيني يستدعي الفراغ اليقيني. أقول لك: أنت 100% تطلبني فلوس، جيد، نعمة، هاي أطلبك، هذا شو يسمونه؟ اشتغال ذمه، انت خوش اشتغلت ذمتك بعد، وانت تقول لي... انت تقول لي أنا أطلبك، جيد.

فانت يا زيد ها أطلبك أنا فلوس، فذمتك بعد بريئة لو مشتغلة؟ هاي معنى مشتغلة يعني أنت صار شنو؟ صار عليك حق شرعي. شنو حق شرعي؟ فلوس أو صلاة أو صوم، يشملها كلها، هذا صار شو يسمونه اشتغال؟ هذا الاشتغال احتمالي لو يقيني؟ أنت متأكد لو شاك؟ إذا اشتغال احتمالي مو يمنا عليها، اشتغال يقيني.

فهذه يعني بالعباس يقول أنا مطلوب، جيد، جزاك الله خير، كلش زين. زين، أنت مشتغل ذمتك يقيناً، شو تحتاج؟ إذا واحد مشتغل بذمته شو يسوي لازم؟ يقول: يفرغ ذمته حتى يخلص. ففرغ ذمتك، يقول: جي، أنا لو تطلبني 10000 لو تطلبني 1000 دينار، هكا 1000 دينار وروح. قلت: تعال، ارفض، انت شو من اشتغال بذمة متاكد 100%، ان تريد تفرغ ذمة، عطيتني ألف، زين هذا تفريغ للذمة هم يقيناً لو احتمالي؟ أنت هسه 100% أني عطيتني ألف ودرت وجهك، 100% فرغت ذمتك، شنو الجواب؟

زين، إذا عطيتني 20، هي لو 20 له 1000 دينار، إذا عطيتني 20 صار فراغ الذمة يقيني لو احتمالي؟ العقل شو يقول؟ يقول: إذا واحد مشتغل بذنته يقيني يقيناً، مو يفرغ ذمته احتمالاً، لكن يفرغ ذمته شنو لازم؟ يقيناً، واضح هذه القاعدة؟ قلت لكم تفيدكم كثيراً، الفقراء كثيراً ما يعتمدون عليها.

يقولون: واحد إذا اشتغلت ذمته يقيناً عليه أن يفرغ ذمته كما اشتغلت، مو بالاشتغال هو يقين وبالتفريغ احتمال، ما يفيد هذا. واضح؟ لهذا إذا كانت مشتغلة بذنته يقيناً، عليك أن تفرغها أيضاً شنو؟ يقيناً، تتخلص من الاحتمال أيضاً بصورة يقينية.

فهنا الوضوء واجب عليك لو مو واجب؟ اكو اشتغال الذمة بالوضوء لو ماكو اشتغال؟ اشتغال... اشتغال احتمالي لو يقيني؟ إذا الملمس موجود، اكو احتمال أنك... أن وضوءك صحيح واكو احتمال وضوءك مو صحيح، هذا تفريغ الذمة يقيني لو احتمالي؟ لا، الاشتغال اليقيني بالوضوء يلازمه شنو؟ 100% أنا أكون فرغت ذمتي. هذا بعد ما عيدها قاعدة الاشتغال، أنت تعيد لي إياها بعد.

زين، هذا إذا شك وين؟ في في في في وجود ما إذا تيقن بوجود ما يشك بمانعيته، وقال: ولو شك في أصل وجوده، قال: هو أصلاً موجود، هذا اللي أشك بمانعيته، الآن شو كنت لابس محبس؟ لا، لا، هذا مو متيقن بعد، يجب الفحص عنه على الأحوط وجوباً إلا مع الاطمئنان بعدمه.

بالأمس إيش قلنا؟ قلنا: الأصل إذا شكيت بشيء أنه موجود ولا لا، الأصل شنو؟ الأصل عدمه. سيّد يقول: لا، هنا صحيح هو الأصل في الأشياء العدم، بس الأصل في الأشياء العدم هذا قاعدة يسمون الأصل في الأشياء العدم استصحاب العدم، يجي وأكو قاعدة ثانية هم الاشتغال، هم وراك الاشتغال اليقيني، فيصير تعارض بين بالقواعد.

ما فهمت، أني أشك، أقول: أني كنت لابس محبس بالوضوء لو ما كنت لابس؟ أقول له: شنو الفرق؟ يقول: مو إذا ما كنت لابس محبس أكيد وضوئي صحيح، أقول له: وإذا لابس؟ يقول: إذا لابس اكو احتمال، يعني الوضوء... المحبس حجب الوضوء. فإذا أقول لك: شنو شكك؟ يقول: شكي أنا كنت لابس لو ما أقول لك؟ الأصل شنو؟ الأصل عدم كونك لابس، هاي بالأساس أخذنا هي قاعدة، قاعدة صحيحة، قاعدة صحيحة، أصحاب العدم يسمونها. نعم، قاعدة صحيحة.

لكن القاعدة الصحيحة تكون بشرط شنو تجريها؟ إذا ما تتعارض ويا قاعدة أخرى أهم منها، أما إذا تتعارض لا، نجري القاعدة الأهم. أقول لك: قاعدة صحيحة، بس أكو قاعدة ثانية هنا راح تجري، توقف هيك القاعدة، واضح؟ من باب تعارض القواعد.

شنو القاعدة الأخرى؟ أنت مشتغل ذمتك بوضوء يقيناً، أنت واحدة من الاثنين، لو شلت لابسته متأكداً لو ما شلت لابسته، بالنتيجة أنت لو وضوءك 100% لو وضوءك صحيح لو وضوءك مو صحيح. تفريغ احتمالي لو يقيني عندك أنت؟ احتمالي. فالاشتغال اليقيني شديد، فقاعدة الاشتغال وقاعدة قبالها اسمها قاعدة أصحاب العدم، أيهما هو الحاكم؟

الحاكم هو قاعدة الاشتغال، فلهذا السيّد الخوئي يقول: على الأحوط وجوباً شو تقدم؟ تقدم قاعدة الاشتغال، لهذا قال: يجب الفحص عنه على الأحوط.

أكيد هو الأحوط أن نجري قاعدة الاشتغال لأن قاعدة الاستصحاب مو أحوط، خلاف الاحتياط، إلا مع الاطمئنان بعدمه. إذا عندك اطمئنان، ها، أعتقد شرحت لكم مع الاطمئنان سابقا مرتبة، إيه، شرحت بحث بحث الاشتغال التقليدي مع الاطمئنان، قلنا مرتبة من من الظن عالية جداً، تولد شنو؟ راحة القلب واطمئنان، فاذا صار عندك اطمئنان، صار عندك حجة، مع وجود الحجة ما نجري الأصول العملية، بعد ما نحتاج لا استصحاب ولا أصالة اشتغال، لأن كل هاي موارد شك، وأنت إذا عندك ظن بعد ما نحتاج موارد الشك.

يعني شيخنا الشك مال قبل ما يتوضأ أو في أثناء أو بعده؟ بعده المفروض، فشلون يجب الفحص شيخنا؟ ها، يعني تفحص يعني يكون يحصل عندك يقين، تفحص تقول: يا با، هذا المي 100% وصل المي ولا ما وصل؟ لأنك توضيت وكملت، فصار عندك تفريغ احتمالي، الفحص شو يسوي اللي عندك؟ يسوي عندك تفريغ يقيني، شو أقول: لا، 100% وصل المي جوا شيء، إذن وضوءك صحيح، أو تقول: 100% ما وصل، لا، بعد فترة، لا، بعد فترة، لا، نحن نحكي إذا كان أمكن الفحص، ما يمكن الفحص.

مسألة الثقبة في الأنف موضع الحلقة، إذا كانوا يضعون فيها حلقة، بعض النساء يخلون حلقة بالشو اسمه، أو الخزامة، الخزامة هي نفس الشيء هي الحلقة التي تباع في الأنف، يقول هاي الثقبة في هاي في الأنف، بس الثقبة نحكي، نحكي على الثقبة ما نحكي على هذه الحلقة، نحكي على الثقبة، ها، نسوان قبلك وش ثقبة، فهي يجب غسل باطنها ولا... يقول السيّد: لا يجب غسل باطنها بل يكفي غسل هذا الظاهر فقط، حتى سواء كانت فيها الحلقة أم لم تكن فيها الحلقة.

المكان الذي تشغله الحلقة شغل الظاهر من الظاهر يجب. الظاهر أكيد يجب غسله.

غسل اليدين من المرفقين إلى أطراف الأصابع

الثاني من واجبات الوضوء: يجب غسل اليدين من المرفقين إلى أطراف الأصابع.

فمن واجبات الوضوء أنه الإنسان يجب عليه أن يغسل يديه منين؟ من المرفق، المرفق اللي هو هذا المقصد، منين؟ إلى أطراف الأصابع. قال: ويجب الابتداء بمن؟ بالمرفق، مو تبدي بمن؟ باليد مثل ما يفعل الجماعة، تبدأ بمن بالمرفق.

الآية القرآنية تقول: ﴿واغسِلوا وُجوهَكُم وَأيديَكُم إِلَى المرافِقِ﴾، ها؟ إلى المرافق هل هو تحديد للغسل أو تحديد للمغسول؟ إيه، فهي إلى المرافق كانت تكون تحديد للغسل بمعنى أن لابد الغسل وين يروح يوصل؟ إلى المرافق، إلى المرافق فهي لازم شنو؟ لازم هيك تسوي، إذا كانت إلى المرافق تحديد للغسل، أما إذا كانت إلى المرافق تحديد مو للغسيل، تحديد للإيد اللي تغسلها، فشو يصير هاي إلى؟ يصير بس شحالة، يعني يجوز للإنسان أن يبدأ منين؟ من المرفق.

فخليني أعطيكم مثال عرفي، وعربي، البحث هو البحث شوي بتعقيد، بس خليني أبين لكم أن إحنا ما نخالف القرآن: من يجيك واحد يقول لك: مولانا عليك تصبغ لي هذه الغرفة، إيش من نا اللي جاي بعد فوق مو مشكلة خلي ما حد يتدمر، فوق أريد بوية من نا اللي جاي حتى واحد ينتج على جسمه ما يتسلف.

أقول له: شو... شو قلت اثنين؟ من نا... أقول له: أبدي بالصبغ، ايش أسوي؟ يقول: لا، ايش قايل لك؟ أنا ودك تصبغها من نا اللي جاي، تصبغها من نا اللي جاي، تصبغها من نا اللي جاي، تصبغها من نا اللي جاي، تصبغها... ايش علي يا أخي؟ أنا أهم شيء عندك تحديد المكان، فهي شغله الآلة تحديد المكان للصبغ لو للمصبغ؟ لمصبغ، واضح شلون؟

مثلا مثال آخر: أقول له مولانا اغسل لي هذه الغرفة من الشباك اللي جاي، يقول لي: أنا أذب المي من هناك، لا، لا، امشي عليه، أنا ذيك المنطقة أسلها، هذا قصدي، مو شرط أذب المي من هناك وأذبها من هناك، هاي بكيفك، واضح شلون؟ مثال الصبغ شوي أفضح من هذا. فنفس الشيء هاي إلى المرافق تحديد لمن؟ إذا كان التحديد للغسيل صحيح كسرنا، الناس ليش تبدي؟ مثل الصباغ يعني لازم هيك هيك يسوي، أما إذا كان تحديد للمغسول، لليد، يعني معناه شنو؟ معناه القرآن اللي بيقول: لا، تغسل إيدك من اللي جاي، اغسل اللي جاي مو اللي جاي، واضح شلون؟ ما قاعد يحدد منين تبدي ومنين تبدي.

زين، واضح شلون؟ منين إحنا عرفنا أن هاي المناطق تحديد للمقصود؟ منين عرفناها؟ من رواية أهل البيت سلام الله عليهم، بل هناك رواية حتى في كتب إخواننا الأعداء موجود أنهم يحددون شو اسمه؟ يحددون يعني تحديد اليد، بل قد ذهب بعض كبار علمائهم إلى هذا المطلب، معروفة يعني، قال ثم الأسفل منها، فـ منها (من اليد) فالأسفل عرفاً إلى أطراف الأصابع.

فأنت عليك شو تسوي؟ أن تغسل يديك من المرافق إلى أطراف الأصابع، يقول الأسفل فالأسفل عرفاً مو الأسفل فالأسفل دقتاً دقتاً، واضح؟ الأسفل فالأسفل عرفاً، العرف شلون يغسل يدي؟ هذا غسلت يدي، اكو إشكال؟ هذا الإشكال ما صدر من المجتهدين، صدر من الناس العاديين، وأنا أتحدى واحد يقول لك مجتهد... يقول لي أنا كل المجتهدين أحترمهم، وإذا قلت كذب مجتهد أنا أحترمه، كل المجتهدين بما فيهم سيّد الصدر اللي يقولون هو ايش يقول؟ السيّد ما قال هيك، يقولون شنو؟ ما يصير تسوي هيك، إذا سويت هيك راح شو يسوي؟ راح أنت تقص... لاحظوا أذن ما هيك أسوي، فيقول لك: وهي هاي أنت غسلتها بعد لو بعدك ما غسلتها؟ تبغى تسوي سويت؟ هاي غسلتها ولا ما غسلتها؟ فأنا وصلت لمن؟ لأصابي وهي غسلتها ولا لا؟ فيستلزم غسلتي الأسفل قبل... يقولون هيك، يقولون هيك قايل.

طبعاً السيّد ما قال الكتابة، الكتابة ما قال هيك حكي، بس هم ناس يفهمونه خطأ، فإيش أسوي؟ يقولون: شو تسوي؟ إذا تسوي هيك شي، يستخدم غسلت الأسفل قبل لا، لازم هيك تسوي. زين، إذا تسوي هيك، اسمح لي، لا، لا، حتى هيك هي انحلت المشكلة، لا، ما انحلت، ما انحلت، شلون أسوي؟ سوي هيك شي، هم غسلت الثلاثة قبل... لا، لا، لا، لا، لا، لا، شلون أسوي؟ لا تسوي هيك شي هم، فماكو، ما تنحل المشكلة، ما تنحل. تدري ليش؟ لأن أنت فهمت المسألة فهم، فهم يسمونها بالدقة العقلية، هي أبداً الأدلة الشرعية تنازلت عن العرفيات.

الأئمة سلام الله عليهم من يقولون: اغسلوا هذا غسل طبيعي، ما قالت ايش تسوي كذا وتدقيقات هاي العقلية ما موجودة، وكل الفقهاء، أنا أقول لك: إذا تجيب لي حكي مجتهد أنا اسكت ما أحكي، مجتهدين إحنا فدوى، فدوى شرعية فوق الكل، لكن أنا أشك في الفهم، أنت فاهم خطأ.

واضح؟ إذا واحد فيكم بيقول: لا، لا، بالكتاب ترى أنت متوهم شيخنا، لا، أنا حقك صحيح، إذا مجتهد قال بها أسكت، إذا مجتهد يقول بها أسكت، لكن هاي حكاية ما طلعت من مجتهد، طلعت من اتباع، من الناس حسب فهمهم، ما أقول لك اللي فهمه غش انسان، لا، حسب فهمه، كل واحد يفهم شيء، واضح؟ ما اسم... ما أقول قصور، أخاف حشايا مو حلوة، أقول: حسب فهمه، هو فهمك وأنا أفهمك، كل العلماء يقولون: الأسفل فالأسفل شنو؟ عرفاً، والعرف شلون يقصد؟ واضح؟

يجي واحد يقول لك: غسلت الأسفل قبل الأعلى، يقول لك: على حد شك، مستحيل واحد يغسل من الأعلى من أسفل، مستحيل، إلا يكون إيدي تصير كبيرة وتخلفها على جزمة وجر وحدة، أو بالأرتماة، بس بس بالأرتماة تصير، طالع يغسل في الأسفل عرفاً إلى أطراف الأصابع.

المقطوع بعض يده وتعدد الأيدي

قال: والمقطوع بعض يده يغسل ما بقي، اللي واحد انقطعت إيده لو تنقطع من المرفق لو تنقطع من دون المرفق، طبعاً أقصد من المرفق، إذا تنقطع من... إذا المرفق كله واقع، فحينئذ إحنا شو نقول له؟ نقول له: يجب أن تغسل من المرفق، يقول: ماكو مرفق، يقول له: تمام، مو واجب عليك غسل يده، فإذا في إيده بهالطريقة نقول له: أصلاً غسل اليدين بالنسبة لك مو واجب.

نفس الكلام إذا شخص مقطوع رجله كلها اللي يغسلها، فنقول له: أنت بالنسبة لك ما واجب عليك غسل هذه الرجل... المتعرضة؟ أسف، واضح شلون؟ أما إذا قطعت الرجل ابن... عفواً، الإيد مما دون المرفق، جوا المرفق، فنقول له: هذا المقدار الباقي أنت غسله من المرفق إلى هذا المقدار.

أكو قاعدة يسمونها قاعدة الميسور، يكتبوها: الميسور لا يسقط بالمعسور.

طبعاً، السيّد الخوئي مرات ما يقتنع بهذه القاعدة، بس هي تفيدكم كقاعدة، دائماً تسألني: شنو هاي؟ دائماً تقول لي: عيد ذي. الميسور لا يسقط بالمعسور، الميسور يعني اللي تتمكن من عنده، المعسور يعني اللي ما تتمكن من عنده. شو يقولون؟ يقولون: أني مثلاً تقول لي: صلي أربع ركعات من قيام، مرة شو أقول؟ أقول: أني ما أقدر أصلي أربع ركعات كلها ما أقدر، بس شو يقولون؟ الأربع ركعات كلها شنو؟ كلها معسورة، كلها معسورة بالنسبة لك.

مرة شو أقول لهم؟ الأربع ركعات أقدر كلها، ما أقدر أصلي من القيام، فشو يقولون؟ الأربع ركعات كلها شنو؟ ميسورة، ميسورة. واضح شلون؟

مرة شو يقولون؟ أقدر أصلي ركعتين من قيام وركعتين ما أقدر أصلي من القيام، أتعب، لازم أقعد، فشو يقولون؟ الركعتان الأولى ميسورة ميسورة والركعتان شنو؟ ما... السؤال. السؤال هكذا: اللي يقدر يصلي ركعتين من قيام فقط وما يقدر يصلي ركعتين من جلوس، هذا شو نقول له؟ نقول له: صلي من البداية جالس... بعدها... بعد هي بمعنى ركعتين ما يقدر يصلي من جلوس فكلها يصلي من جلوس بعد. نقول له: كلهم خليهم جلوس، لو نقول له: لا، المتيسر سويه والمعسور بعد لا تسويه؟

الميسور لا يسقط بالمعسور، أنت مو عندك ميسور؟ الميسور شنو بالنسبة له يا ركعتين؟ الأولى هذه ميسورة لك سويها حتى حتى ندوخ في المثال، افترضوا أن الميسور ركعة واحدة، يلا، والمعسور ثلاث ركعات، واضح شلون؟ نقول له هذا، نقول له: الميسور لك تسوي، سوي اللي تقدر له، أحسن ما تعوفه كلها، واضح شلون؟ يجيك واحد، يقف تطلبني 100000، أنا ما عندي، إيش قدك؟ يقول: عندي بس 25، أقول له: زين، تجيبك، أحسن من كل شيء ماكو، الميسور يسقط... لا يا شيخ حسب والله الميسور عليك 75، الميسور أنت تطير لك، واضح شلون؟

أما أوقع بعض الفقهاء، السيّد الخوئي في بعض بعض آرائه يقول: لا، يقول: الميسور يسقط بالمعسور عنده، الميسور يسقط في بعض آرائه يقول: الميسور يسقط بالمعسور، يعني شو معناه؟ يعني وجود الجزء بما أنك ما تقدر للكل، فوجود البعض شنو؟ كأنه شنو؟ كأنه غير موجود، لو تسويها كلها ما تسوي نص نص، زين، نص مو زين، ما أقدر أقول له.

فانت تقدر تصلي ركعة واحدة من القيام وثلاث ركعات ما تقدر، عند بعض العلماء الذي يقول أن الميسور يسقط... الميسور يسقط بالمعسور، شو يقول؟ يقول: أنت من البداية تصليها شنو؟ جالس، جالس. فكون تعرفون هل رأي المجتهد الميسور يسقط بالمعسور أو لا يسقط؟ فهمتوا القاعدة؟

يا شيخنا هنا يخالف قاعدة السيّد، هذه كبيرة، يخالف القاعدة، أقصد هنا، لا، عنده دليل ثاني، دليل ثاني يجوز يدرسك عليه، الله يبارك فيك، هذا راح يتنازل... يتنازل مقطع هذا، إيه، يسقط عنه وجوب غسل يديه والوجه، شو يعني الوجه؟ وجوب غسله، كان يغسله بيده هيك يبيع، مثل قبل، يقدر يغسل، من قال لكم: يجب إمرار اليد على المقصود؟ من من يجب إمرار اليد؟ هسه وجهي أغسله بالماء مثلاً، المي يجري وأدخل شوف الماء استوعبك، إيدي هاي استوعبها من دون ما من دون إمرار، المسح شوية مشكلة، هذا هم يقولون: المسح يمكن له أن يسمح، يمسح بباقي يده، فإن لم يوجد له أي يد يسقط عنه المسح بعد، بمن يمسح هذا؟ يعني بس يغسل الوجه، إيه، يغسل الوجه.

خلص، خل نكمل يا مولاي، خل نسولف، شو نسوي؟ الله كريم، ولو كان له ذراعان دون المرفق، هذا نحكي عليه، نحكي على اللي له... اللي قطعت. زين، إذا عنده اثنين اثنين يدين أمعدهم، يقول: هاي اليد الثانية إذا طلعت من جوا المرفق، إيده الثانية من جوا المرفق، فكلاهما يلتقيان في مرفق واحد، فينطبق عليه ﴿واغسِلوا وُجوهَكُم وَأيديَكُم إِلَى المرافِقِ﴾، أو إلى المرافق عفواً، يعني شنو؟ يعني أنت شكو جوا المرفق؟ شو عندك من أشياء؟ شو عندك من إيد؟ أصابع زايدة، إيد زايدة، عشر إيدين ما تربط، أنت دائماً شكو شيء جوا المرفق شو تسوي له؟ يغسله.

فهاي شو وقت؟ إذا كانت الإيد وين؟ تحت المرفق. أما إذا كانت الإيد فوق المرفق، فانت الواجب عليك تغسل منين؟ تحت المطبح... وين تصير المشكلة؟ تصير المشكلة إذا كان له إيد ثانية لها مطبخ ثاني، هاي فيها مشكلة تصير المشكلة، لهذا يحتاطون بأنه يغسل اليدين سوية.

قال: ولو كان له ذراعان دون (يعني جوا تحت المطبح) وجب غسل الذراعين. وكذا، يعني شنو وكذا؟ هاي دائماً وكذا إلا ما تفهمونها، أحسنتم غسلتكم، قولوا: لا، كذا وجب الغسل. أحسنتم، حتى أريدكم تتدربون على عبارة المنهاج، عبارة المنهاج من ضمن أسرارها عبارة وكذا، من ضمن أسباب عبارة المنهاج، خلنا نسولف يا أخوي، من ضمن أسرار عبارة المنهاج قوله وكذا، لأن دائماً يعيده السيّد، هو يعيده بالصفحة الواحدة يعيده مرتين ثلاثة، فكيف بالكتاب كله؟ هاي الوكالة يعني نفس الحكم السابق، فعليك أن تستفهم الحكم السابق بسرعة، يعني وكذا يعني واجب غسل شنو؟ اللحم الزائد، بس يا لحم زائد؟ اللي شوكت؟ دون المرفق لو فوق المرفق؟ دون المرفق، والاصبع الزائدة أيضاً دون المواضع.

ولو كان له إيد زائدة فوق المرفق، يجب غسلها لو ما يجب غسلها؟ لكن من باب الاحتياط تصبح باب خروج عن شفة الخير، غسلها، ولا أحفظ استحفاظاً، دائماً يسألني من المخالفة، فسألني السؤال: إيش دري أنا حافظهم المخالفين؟ هواي، كل ما أقول أحفظ استحفاظاً من المخالفة، غسلها أنا، إذا أتذكر هيك هو، أنا قلت لك هو السيّد لازم، بس أنا ما أعرفهم كلهم، لازم أتابع، إيه، أنا أصلاً ما قاعد أراجع الدرس، ولو اشتبهت الزائدة بالأصلية غسلهما جميعاً ومسح بهما على الأحوط وجوباً.

هاي حالة من الحالات شوية مشكلة، والواحد عنده اثنين اثنين من من فوق المرفق، فوق المرفق عدة اثنين اثنين. نعم، فوق المرفق عدة اثنين اثنين.

إحنا قلنا قبل شوي، إذا عدة اثنين اثنين من فوق المرفق يسوي مشكلة، فإن علم أن هذه يده هي الزائدة، وهيش لحم زايد يشبه الإيد ناشئ من تشوه خلقي، فعليه يقتليها هي، راح نسميها أفضية فيشة زائدة، إذا أكو أفضية زائدة تجي تستهدف، هي أفضية فيشة زائدة، لا يصدق عليها إيد، اقصدوا أيديكم، يعني هي لحم زايد يشبه الإيد.

لكن وين المشكلة تصير؟ المشكلة إذا كان له يدان وافترض أنهما ليسا بشنو؟ مو وحدة واضحة أنها زائدة، إذا حرك... حرك الاثينات، إذا أووقف توقف الاثينات، فهنا شنو؟ يحتمل أن كلاهما يحتمل أنها هي اليد الواجبة أو الأصلية.

خاف واحد فيكم يقول: شيخنا حكي وينك فروب؟ الفقه... الفقه ما يحكي على حالة موجود فعلاً، الفقه يفترض دائماً شنو؟ له فرض، ما تجيب ليش حالة عندنا جواب لها، هذا يدل على سعة الفقه، مو يدل على أن الفقه يحكي على أمور فرضية، قاعد يحكي على أمور واقعية ويقول لك: حتى لو أفترضت إيش أمور، إحنا عندنا جواب لها، لهذا الفقه ما عنده سؤال تقول له ما أعرف جوابه، الفقه يمكن يتمكن من الإجابة عن أي سؤال، حتى الأسئلة الفرضية وحتى الأسئلة ايش اسمه البعيدة، الفقه واضح أنتم عندكم أن سعة باب الفقه شلون يصير.

بالنتيجة الشيخ شو يقول؟ يقول: إذا عنده اثنين إيدين وكلاهما أصلية، أو أنه هو شو يقول؟ يقول: ما في إيدنا أصلية. طبعاً، أكيد الله سبحانه وتعالى يخلق... يخلق الإنسان يومنا واحدة لو اثنين؟ يوم يختم اثنين، فأكيد إذا اثنين يمنى لازم شنو؟ لازم واحدة أصلية والثانية شنو؟ بس هو ما يعرفها، هو صاحبنا ما يعرفها.

يقول: شو أنا تحركت عندي سوى، أقول له: لا، لا، تقول اثنين أصلية، هاي اثنين أصلية بحسب نظرك أنت، بس أنها واقعاً شنو؟ واحدة أصلية. فشو سوى بوجه حالة؟ من باب الاحتياط قال: غسلهما جميعاً ومسح بهما على الأحوط، فيمسح الأولى رأسه ويمسح بالثانية، يمسح، والحمد لله رب العالمين، وصلى الله على محمد.

من 1- 74 كتاب التقليد والطهارة
75- 135 كتاب الصلاة
150-136 كتاب الصوم
151- 165 كتاب الخمس
176-166 كتاب الزكاة
181-180 كتاب الامر بالمعروف والنهي عن المنكر

📁 اختر درساً للتشغيل
00:00 00:00
🔊
⏸ جاهز
عنوان صوت
الملف 001استماع
الملف 002استماع
الملف 003استماع
الملف 004استماع
الملف 005استماع
الملف 006استماع
الملف 007استماع
الملف 008استماع
الملف 009استماع
الملف 010استماع
الملف 011استماع
الملف 012استماع
الملف 013استماع
الملف 014استماع
الملف 015استماع
الملف 016استماع
الملف 017استماع
الملف 018استماع
الملف 019استماع
الملف 020استماع
الملف 021استماع
الملف 022استماع
الملف 023استماع
الملف 024استماع
الملف 025استماع
الملف 026استماع
الملف 027استماع
الملف 028استماع
الملف 029استماع
الملف 030استماع
الملف 031استماع
الملف 032استماع
الملف 033استماع
الملف 034استماع
الملف 035استماع
الملف 036استماع
الملف 037استماع
الملف 038استماع
الملف 039استماع
الملف 040استماع
الملف 041استماع
الملف 042استماع
الملف 043استماع
الملف 044استماع
الملف 045استماع
الملف 046استماع
الملف 047استماع
الملف 048استماع
الملف 049استماع
الملف 050استماع
الملف 051استماع
الملف 052استماع
الملف 053استماع
الملف 054استماع
الملف 055استماع
الملف 056استماع
الملف 057استماع
الملف 058استماع
الملف 059استماع
الملف 060استماع
الملف 061استماع
الملف 062استماع
الملف 063استماع
الملف 064استماع
الملف 065استماع
الملف 066استماع
الملف 067استماع
الملف 068استماع
الملف 069استماع
الملف 070استماع
الملف 071استماع
الملف 072استماع
الملف 073استماع
الملف 074استماع
الملف 075استماع
الملف 076استماع
الملف 077استماع
الملف 078استماع
الملف 079استماع
الملف 080استماع
الملف 081استماع
الملف 082استماع
الملف 083استماع
الملف 084استماع
الملف 085استماع
الملف 086استماع
الملف 087استماع
الملف 088استماع
الملف 089استماع
الملف 090استماع
الملف 091استماع
الملف 092استماع
الملف 093استماع
الملف 094استماع
الملف 095استماع
الملف 096استماع
الملف 097استماع
الملف 098استماع
الملف 099استماع
الملف 100استماع
الملف 101استماع
الملف 102استماع
الملف 103استماع
الملف 104استماع
الملف 105استماع
الملف 106استماع
الملف 107استماع
الملف 108استماع
الملف 109استماع
الملف 110استماع
الملف 111استماع
الملف 112استماع
الملف 113استماع
الملف 114استماع
الملف 115استماع
الملف 116استماع
الملف 117استماع
الملف 118استماع
الملف 119استماع
الملف 120استماع
الملف 121استماع
الملف 122استماع
الملف 123استماع
الملف 124استماع
الملف 125استماع
الملف 126استماع
الملف 127استماع
الملف 128استماع
الملف 129استماع
الملف 130استماع
الملف 131استماع
الملف 132استماع
الملف 133استماع
الملف 134استماع
الملف 135استماع
الملف 136استماع
الملف 137استماع
الملف 138استماع
الملف 139استماع
الملف 140استماع
الملف 141استماع
الملف 142استماع
الملف 143استماع
الملف 144استماع
الملف 145استماع
الملف 146استماع
الملف 147استماع
الملف 148استماع
الملف 149استماع
الملف 150استماع
الملف 151استماع
الملف 152استماع
الملف 153استماع
الملف 154استماع
الملف 155استماع
الملف 156استماع
الملف 157استماع
الملف 158استماع
الملف 159استماع
الملف 160استماع
الملف 161استماع
الملف 162استماع
الملف 163استماع
الملف 164استماع
الملف 165استماع
الملف 166استماع
الملف 167استماع
الملف 168استماع
الملف 169استماع
الملف 170استماع
الملف 171استماع
الملف 172استماع
الملف 173استماع
الملف 174استماع
الملف 175استماع
الملف 176استماع
الملف 177استماع
الملف 178استماع
الملف 179استماع
الملف 180استماع
الملف 181استماع

أضف تعليق