حاشية الملا عبدالله الشيخ صادق الكعبي

025

أقسام اللوازم: لازم الماهية ولازم الوجود

لا زال كلامنا في العرض العام، وصلنا إلى تطبيق عبارة المصنف، وهو قوله: «ثم اللازم ينقسم بقسمين». يعني عندنا تقسيمين لتقسيمات اللازم، التقسيم الأول هو ما سيقسمه إلى لازم الماهية ولازم الوجود.

وعندنا تقسيمات ثانية سيقسمه فيها إلى اللازم البين وغير البين. فعندنا نوعان من القسمة، وسنتكلم عن التقسيم الأول وهو تقسيم لازم الماهية ولازم الوجود بقسميه الخارجي والذهني. قال: «أحدهما» يعني أحد هذين التقسيمين، أي إنه أي لازم للشيء إما لازم له، أي للشيء، بالنظر إلى نفس ماهيته. يعني عندنا بعض اللوازم التي تلزم الشيء من جهة النظر إلى، ومع قطع النظر، يعني بغض النظر عن خصوص وجوده في الخارج أو في الذهن.

يعني اللازم ننظر له كونه لازماً للماهية، بغض النظر عن وجود الماهية أين هي موجودة؟ كونها موجودة في الخارج أو الذهن. هذا الذي يعبرون عنه باللازم الذي يُقسم باعتبار مطلق الوجود، يعني شنو؟ يعني ما ناظرين إلى خصوص الوجود، لا، غاضين النظر عن وجوده، سواء كان وجوداً ذهنياً أو خارجياً.

إنما نظرنا منصب فقط أين متوجه؟ على أنه كونه لازم لأصل الماهية. فقال: مع قطع النظر عن خصوص وجوده في الخارج أو في الذهن، يعني سواء كان موجوداً في الخارج أو الذهن. هذه العبارة مو معناه أنه هو ما موجود، لا، هو شيء لا يخلو إما موجود في الخارج أو الذهن، لكن نظرنا ما ناظرين لخصوص الوجود، بل لمطلق الوجود. أو بعبارة أخرى، إنه نظرنا منصب ومخصوص بس كونه لازماً لماهية، مع بغض النظر عن شنو؟ عن وجوده، سواء كان هو موجوداً في الذهن أو الخارج. يعبرون عنه تقسيم بلحاظ مطلق الوجود، يعني أينما كان هو موجود.

وذلك بأن هذا ليش؟ لأنه سيقع في قبال تفضل شيخ هادي، هذا سيقع في قبال منو؟ في قبال تقسيم اللازم باعتبار الوجود. فمرة عندنا لازم باعتبار الماهية، وعندنا لازم باعتبار منو؟ باعتبار الوجود. هذا التقسيم الأول، ننظر للازم باعتبار بس فقط لزوماً للماهية بغض النظر عن وجوده سواء كان وجوده في الخارج أو الذهن. وذلك بأن يكون هذا الشيء بحيث كلما تحقق في الذهن أو في الخارج كان هذا لازماً ثابتاً له. هذا نسميه لازم الماهية، مثل ما يذكر لنا: الزوجية للاثنين والفردية للثلاثة.

طبعاً هي لازمة الاثنين، الزوجية لازمة للاثنين بغض النظر عن كون الزوجية موجودة في الخارج أو موجودة في الذهن. موجودة في الخارج حتى لا تكون موجودة في الذهن، أو موجودة في الذهن حتى لا تكون موجودة في الخارج؛ ما ناظرين أصلاً إلى مطلق وجودها ذهناً أو خارجياً، إنما ناظرين فقط إلى شنو؟ كونها لازماً لماهيتها. ولهذا قال: كان هذا اللازم ثابتاً له.

وأما التقسيم الثاني، فهو أن يكون لازماً له، أي لازماً للشيء بالنظر إلى وجوده. لا، هنا عكس الأول؛ الأول كنا غاضين النظر عن الوجود وغير مخصصين إليه، هنا لا، متوجهين بالنظر للوجود ومخصصين الوجود له، وأما بوجوده الخارجي أو بوجوده شنو؟ الذهني. قال: أي خصوص وجوده الخارجي أو الوجود الذهني.

فلهذا القسم، يعني هذا لازم الوجود، أي يقصد قسم؟ يا قسم؟ قسم لازم الوجود، لأننا قسمنا اللازم قسمين: قسم لازم الماهية، وقسم منو؟ لازم الوجود. ولهذا يعني لهذا القسم، قسم لازم الوجود، قسمين؛ قسم لازم الوجود الخارجي، وقسم لازم الوجود شنو؟ الذهني. القسم بالحقيقة قسمان، فأقسام اللازم بهذا التقسيم تصبح ثلاثة.

يعني شنو؟ أحسنتم، عندنا تقسيم: لازم الماهية، لازم الوجود. طبعاً هذه أنتم تقدرون تشجرونها على شكل تشجير؛ عندنا تقسيم لازم الماهية، لازم الوجود. بعدين لازم الوجود يتقسم إلى قسمين: لازم الوجود الخارجي، ولازم الوجود الذهني. إذا جمعنا بين القسمين، وهو القسم الأول لازم الماهية، إيش قد يصير عندنا؟ ثلاثة أقسام. والأول كان لازم الماهية، والثاني كان لازم الوجود بقسمين الوجود الخارجي والذهني، مجموعهم يكون ثلاثة من اللوازم.

يعني التقسيم راح يكون بالثلاثة؛ الأول لازم الماهية كزوجية الأربعة. يعني شنو معناه؟ يعني الزوجية لازمة للأربعة بغض النظر سواء كانت هي موجودة في الخارج وليست موجودة في الذهن، أو كان لا، وجودها في الذهن وليست موجودة في الخارج. يعني بغض النظر، غير مصروف نظرنا ولا متوجه ولا مخصص بأينما هي موجودة، وجود خارجي أو وجود ذهني، إنما نظرنا إلى كونها لازم بخصوص ماهيتها فقط كالزوجية للأربعة، وكذلك الفردية لمن؟ للثلاثة. قال: كزوجية الأربعة.

فالزوجية إذن لازمة للأربعة من حيث الماهية، لا من حيث وجودها في الذهن حتى يلزم عدم وجودها في الخارج، ولا من حيث وجودها في الخارج حتى يلزم عدم زوجيتها في الذهن. لا، بمعنى أن الزوجية لازمة للأربعة في كلا الوجودين. نعم، هذا معنى لازم الماهية.

الثاني: لازم الوجود الخارجي. تفضلوا شيخ، ما ننظر لوجودها؟ ما بمطلق الوجود، بغض صار فيني نظر عن وجودها. يعني حتى لو كان موجوداً في كل واحد من هذه الوجودين، يعني الأربعة سواء كانت موجودة في الذهن ما لنا علاقة بالنظر لوجودها، أو كانت موجودة في الخارج أيضاً غاضين النظر عن وجودها في الذهن. هذا معناه وجوده في كلا الوجودين، لا بمعنى أنها موجودة في الوجودين، لا، مو بهذا المعنى. يعني نقصد أنه حتى لو كانت موجودة في أحد من هاي الوجودين، نعم. فإذاً هي الزوجية لازمة للأربعة، الزوجية لازمة للأربعة، هذا الأول.

الثاني: لازم الوجود الخارجي، مثل إحراق النار؛ يعني النار الموجودة في الخارج من لوازمها أنها تحرق، من لوازمها أنها تعطي شنو؟ حرارة. هذه كلما وجدت النار في الخارج كان الإحراق لازماً لها، وأاما في الذهن فلا، فالموجود لا يوجد، لا توجد آثار مترتبة في الذهن، إنما يوجد تصورات: مفهوم النار، مفهوم الإحراق.

فلا يعني فلا تصور، يعني ما يمكن لنا أن نتصور أن النار في الذهن موجودة بترتب آثارها وإلا لاحترق الذهن. نعم، موجود مفهوم النار، موجود مفهوم الحرارة، موجود مفهوم الإحراق؛ لأن الذي يستحضر في الوجود الذهني هو خصوص منو؟ المفاهيم وليس الأشياء الخارجية المترتبة بآثارها. هذا لازم وجود خارجي. طبعاً مثال آخر الذي ذكرناه قلنا: حلاوة العسل، العسل الموجود في الخارج من لوازمه أنه حلو، كذلك السكر، الثلج من لوازمه أنه بارد، هذه كلها لوازم يسمونها لوازم الوجود الخارجي، نعم.

الثالث: لازم الوجود الذهني، ككون حقيقة الإنسان كُلّيّة، يعني وصف الكلي للإنسان. إذا وصفنا الإنسان بأنه كلي، كلما وجد الإنسان في الذهن كانت الكلية لازمة له، يعني وصف الكلية لازمة له. أما في الخارج فلا عروض للأوصاف الكلية، بالخارج لأن الأوصاف الكلية إنما حضورها شنو؟ يكون في مواطن -نعم أحسنتم- يكون في مواطن الوجود الذهني. يعني ما عندنا عروض للكلية على الإنسان في الخارج، بل بالعكس هذا محال؛ لأن ظرف الكليات ظرف الوجود الذهني، بخلاف ظرف الجزئيات، ظرف الجزئيات يكون الوجود الخارجي. نعم، وصف الكلية للإنسان ما عندنا في الخارج، شيء بالخارج هو مستقل، يسمونه وصف كلية، إنما هذا وصف كلي، وصف الكليات يكون حضورها في الوجود الذهني، بخلاف الجزئيات يكون ظرفها منو؟ أحسنتم، الخارج.

يعني عروض الكلي على الإنسان في الخارج محال، لأن الخارج هو فقط ظرف الجزئيات، كما أن الذهن هو خصوص ظرف منو؟ ظرف الكليات، نعم. قال: وهذا القسم، أي قسم لازم الوجود الذهني، يسمى معقولاً ثانوياً. وهذا مر علينا إذا تذكرون سابقاً، قلنا: مرات الإنسان ما يقدر يتعقل الكلية إلا بعد تعقل نفس الإنسان، يعني ما يقدر يتعقل المعروض إلا بعد تعقل نفس العارض، كالبياض والجدار، حتى نقول له الجدار أبيض، يتعقل الجدار حتى يفهم أن البياض هو لازم وقد عرض على الجدار، أو يفهم وصف الكلية لمن؟ للانسان. طبعاً إحنا بنقول البياض يعني أقصد مفهوم وصف البياض، مثل ما نقول كلية الإنسان، يعني وصف الكلية للإنسان.

فلهذا سموه معقولاً ثانوياً، لأن أول مرة لازم نتعقل كلية الإنسان بعد -يعني نتعقل نفس الإنسان- بعدين نتعقل العروض الذي يعرض عليه الذي هو وصف الكلية. وهذا يحصل كثيراً بالمفاهيم الاعتبارية الانتزاعية؛ مثل الفوقية، السطحية، التحتية، الأمامية، الخلفية، اليمينية، اليسارية، هذه كلها يسمونها مفاهيم انتزاعية اعتبارية. يعني شنو؟ يعني ما أقدر أفهم الفوق إلا بعد شنو؟ تعقلي للتحت، ما أقدر أفهم مثلاً الأمامية إلا بعد تعقلي وفهمي لمن؟ للخلفية، فلازم أفهم الأمامية حتى بعدها أفهم مني العقلية. فهي كثير من المفاهيم الاعتبارية الانتزاعية هي من نوع المعقولات الثانوية، نعم. لازم الوجود الذهني هو من يا نوع؟ كل لوازم الوجود الذهني هي من نوع المعقولات الثانوية، كمثال وصف الكلية للإنسان. ما نستطيع فهم وصف أنه الكلية لازمة للإنسان بالوجود الذهني إلا بعد تعقلنا لمعنى الإنسان، نعم. هذا يسمونه وصف الكل للإنسان الذي يعبر عنه بالمعقول الثانوي، نعم أيضاً، نعم.

أقسام اللازم: البين وغير البين

ثم قال: والقسم الثاني. هسه خلصنا هذا التقسيم الأول لللازم، الذي هو كان تقسيم باعتبار لازم الماهية ولازم الوجود، الآن تقسيم جديد، عندنا تقسيم للوازم، والقسمة الجديدة هي لازم البين وغير البين. واحنا سابقاً بينا قلنا: البين هو الواضح البديهي الذي ما يحتاج إلى نظر وفكر أو إثباته بدليل، والغير البين يعني غير البديهي، يعني ما يكفي فيه التصور لكلا الجزيئين أو النسبة، بل يحتاج شنو؟ إلى إضافة الدليل والحجة والقياس لإثباته. هذا البين وغير البين.

قال: فاللازم أما بين، يعني بديهي واضح ما يحتاج نظر وإضافة حجة ودليل، أو غير بين، يعني غير بين شنو؟ لا، إنما هو غير بديهي، يعني ما يكفي فيه التصور للأطراف أو النسبة، بل يحتاج إلى إضافة شنو؟ دليل وحجة على طريق القياس وترتيب المقدمات، نعم. كما يلزم كما قال: أو غير بين. هسه الآن هذا البين منه له معنيان، يعني إذا أنت تقسم بالتشجير التقسيم الجديد، قول: لازم، بين، غير بين. واضح؟ ما قسمته بين وغير بين؟ تجي الآن لقسم البين، البين تقسمه إلى معنيين: بين بالمعنى الأخص، وبين بالمعنى الأعم، أحسنتم.

فلهذا قال: والبين له، يعني ما كان لزومه بديهي هذا الذي ما يحتاج إلى دليل وبرهان، معنيان: أحدهما اللازم الذي يلزم تصوره -يعني تصوره، تصور اللازم- من تصور الملزوم. يعني بس يكفينا تصور الملزوم نتصور من هو اللازم، مثل هذا المثال المعروف: بس أتصور النار أتصور لازمها من هو؟ أحسنت، الإحراق والحرارة. فقط فقط أتصور الملزوم وأستحضره أتصور لازمه. هذا يسمونه لازم، طبعاً هو بين، صحيح، هو بين بديهي، بس هو نوع من البين بالمعنى الأخص، يكفي فيه فقط تصور الملزوم واستحضاره ومنه تصور اللازم.

قال: الذي يلزم تصوره، يعني تصور اللازم من تصور الملزوم، كما يلزم تصور البصر من تصور العمى، يعني البصر الذي مراد به حس الرؤية، هذا بمجرد ما أتصور العمى أتصور لازمه البصر، يعني إذا قلت لك مبصر، لازمه أنه ليس أعمى، وإذا قلت لك أعمى، لازمه أنه شنو؟ غير مبصر. هذا اللازم الذي يكون يحضر ونفهمه ونتصوره بمجرد التصور الملزوم، بمجرد التصور الملزوم؛ لأن العمى هو عبارة عن عدم البصر. نعم، لهذا قال: هذا ما يقال له البين بالمعنى الأخص. طبعاً هسه ليش سموه أخص؟ لأنه تصور اللازم يكون مستحضراً ومفهوماً بخصوص تصور ملزومه فقط، بخصوص تصور ملزومه، يعني بس تصور الملزوم يكفي، ما يحتاج بعد، بخلاف التصور بالمعنى العام. لا، راح يلازم اللازم والملزوم والنسبة بينهما، إذن هذا تصور باستحضار اللازم للأعم، أعم من الملزوم، بل بل يعم الملزوم واللازم والنسبة، نعم.

وحينئذ فغير البين هو اللازم الذي لا يلزم تصوره من تصور الملزوم، يعني ايش يقصد؟ يقصد مثل يعني لا يلزم من تصور اللازم تصور الملزوم، كالكاتب بالقوة، وإن كان هو لازماً للإنسان، بس ما يلزم من تصوره تصور الإنسان أنه فعلاً نتصور معه لازمه مثل الكاتب بالقوة للإنسان، يعني اللي قلنا: من له قابلية واستعداد الكتابة هذا ما يلزم أنه فقط أتصور الكاتب أتصور لزومه معه شنو؟ الإنسان نفسه أتصور وياه لازم الكتابة؛ لأن لازم الكتابة هنا بمعنى الاستعداد والقابلية، هذا يسمى يعني ما يكتب بتصور الملزوم في استحضار منو؟ لازمه.

لهذا قال: وحينئذ فغير البين، يعني غير الواضح، الذي ليس لزومه بديهي، الذي لا يلزم تصوره، يعني تصور اللازم من تصور الملزوم، كالكاتب بالقوة للإنسان؛ فإنه إن الكتابة وإن كانت لازمة للإنسان، لكن لا يلزم من تصورها تصور الإنسان. فهذا الذي لا يعبر عنه باللازم غير البين. هذه أولاً.

الثاني من معاني البين، يعني قلنا: البين بالمعنى الأخص، وعندنا بين بالمعنى الأعم، وهو اللازم الذي يلزم من تصوره مع تصور الملزوم وتصور النسبة. يعني البين ذاك الأول الذي بمعنى الأخص قلنا: فقط تصور الملزوم تصور اللازم؛ تصور النار، تصور راساً ويا شنو؟ الحرارة، تعرف لازمه الحرارة. هنا لا، تصور الملزوم واستحضاره ما يكفي لتصور اللازم له، بل لابد من تصور الملزوم وتصور اللازم وتصور النسبة بينهما لاستحضار اللازم.

يعني ما يكفي، هسه راح يعطينا مثال: الزوجية للأربعة، كيف أستحضر أن الزوجية لازمة للأربعة؟ ما يكفي فقط أعرف أن هذه أربعة، ما تكفي؛ لازم أعرف الأربعة وأعرف معنى الزوجية وأعرف النسبة بين الاثنين والزوجية، التي هي النسبة بيناتهما، يلا أحكم بأن الزوجية هي لازمة للأربعة. لكن نفس الكلام في الفردية: ما يكفي أعرف بس أنه هي ثلاثة حتى أعرف أنه لازمها أنها كونها فرداً؛ لازم أتصور الملزوم الذي هو الثلاثة، وألازم معنى الفردية، ما معنى الفردية؟ هو الذي ليس بزوج، أو الذي شنو؟ ما يقبل ما لا يقبل القسمة على اثنين متناصفين، هو شنو الفردية؟ وأعرف النسبة نسبة الثلاثة إلى الفردية يلا أحكم بأن الفردية هي لازم من لوازم منو؟ الثلاثة. هذا يسمونه لازم بين، لكن شنو بين بالمعنى الأعم؟

طبعاً هسه تقول: إذا هو يحتاج إلى ثلاثة تصورات، ليش سميته بين؟ يقول لك: مع ذلك نسميه بين، لأن ما يحتاج دليل وإقامة مقدمات، فهو باقي بخانة البين، غاية الأمر سميناه أعم؛ لأنه هو مو بخصوص الملزوم، بل يعم الملزوم واللازم والنسبة. لهذا قال: من معاني البين هو اللازم الذي يلزم من تصوره مع تصور الملزوم تصور النسبة، يعني الارتباط بيناتهن، بحيث أنه أحدهم يطلب الآخر على نحو اللازم والملزوم والطالب والمطلوب.

لهذا قال: من تصوره من تصور الملزوم وتصور النسبة بينهما، بينهما يعني بين اللازم والملزوم، على نحو أنه واحد يلازم الآخر أو واحد يطلب الآخر، يعني الزوجية تلازم الاثنينية، والاثنينية هي ملزومة لها، أو بعبارة أخرى الاثنينية تطلب الزوجية، والزوجية هي مطلوبة لمن؟ للاثنينية، على نحو اللازم والملزوم والطالب والمطلوب والنسبة بينهما من علاقة وترابط، يلا أفهم أن الزوجية هي شنو؟ لازمة لاثنين، أو أفهم أن الفردية هي لازمة للثلاثة، قال: بينهما الجزم باللزوم.

يعني شنو الجزم؟ يعني ما يحصل عندي علم وقطع وجزم بأن الزوجية لازمة لاثنين إلا بعد تصور الملزوم واللازم والنسبة. لهذا قال: كزوجية الأربعة، فإن العقل بعد تصور الأربعة -الأربعة شنو؟ ملزوم- والزوجية -الزوجية شنو؟ لازم- ونسبة الزوجية إليها، يعني نسبة العلاقة والترابط بينهما على كون أحدهما لازم للآخر أو على نحو اللازم والمملزوم والطالب والمطلوب، أحدهما يلازم الآخر وأحدهما يطلب الآخر، يلا نحكم ونجزم بأن الزوجية هي لازم لها، أي للأربعة. وذلك يقال له البين بالمعنى الأعم. ليش قلنا بين بالمعنى الأعم؟ بخلاف الأخص، الأخص كان فقط في تصور الملزوم فسميناه لازم يفهم ويتصور بتصور خصوص ملزومه. هنا لا، لازم بالمعنى الأعم يعني لزوم فهم اللازم لابد يعتمد على تصور الملزوم واللازم والنسبة، يلا يحصل لي جزم.

لهذا سموه بين بالمعنى الأعم، يعني يحتاج إلى تصورات ثلاث: تصور الملزوم واللازم وتصور النسبة، نعم. وحينئذ فغير البين هو اللازم الذي لا يلزم من تصوره مع تصور الملزوم والنسبة بينهما الجزم باللزوم، كحدوث العالم.

هناك إذا تذكرون باللازم بالمعنى الأخص قلنا: فقط تصور ملزوم نتصور اللازم، وغير البين بالملزوم فقط بوحده قلنا مثال هذا مال الكاتب بالقوة الإنسان؛ كاتب بالقوة ما يكفي فقط في أن تصور أن الكتابة لازمة للإنسان على نحو القابلية والاستعداد بنفس تصور الملزوم، إنما يحتاج إلى شيء من البيان والإيضاح والدلالة. هنا نفس الكلام: الغير بين الذي يقابل منو بالمعنى الأعم؟ يعني هذا معناه أنه ما يكفي تصور، حتى ما يكفي فيه تصور الملزوم واللازم والنسبة. الغير بين يقابل الأعم، يعني الذي يواجهه، مو احنا ذكرنا غير بين يقابل الأخص، وغير بين يقابل الأعم. البين عندنا قسمين: البين بالمعنى الأخص وبين بالمعنى الأعم. الغير بين راح يكون أيضاً في قباله اثنين. واحنا عرفنا أن الأمور منها تصور فقط الملزوم، وبعضها منه تصور شنو؟ الملزوم واللازم والنسبة. فمرة اكو غير بين ما تكفي فيه تصور فقط الملزوم كالإنسان كاتب بالقوة، ومرة لا، عندنا غير بين ما تكفي فيه تصورات ثلاث، يعني الأعم من الملزوم، اللي هي الملزوم واللازم والنسبة، بل يحتاج أيضاً إقامة دليل وبرهان.

فإذاً عندنا بين وغير بين، وغير بين وغير بين؛ البين بالمعنى الأخص وبالمعنى الأعم. الغير بين يقابل بالمعنى الأخص ويقابل بالمعنى الأعم. فعندنا بين بالمعنى الأخص يقابله غير بين بالمعنى الأخص، عندنا بين بالمعنى الأعم يقابله غير بين أيضاً بمن؟ بالمعنى الأعم. فلهذا قال: وحينئذ فغير البين هو اللازم الذي لا يلزم من تصوره مع تصور الملزوم والنسبة بينهما الجزم باللزوم يعني القطع والعلم، بل كحدوث العالم. لا، بل يحتاج إلى إضافة إلى هذه التصورات -يعني مجرد تصور العالم والحدوث والنسبة واللزوم والطالب والمطلوب بين العالم والحدوث- ما يكفي للجزم والقطع بأن الحدوث هو لازم للعالم، بل يحتاج إلى إضافة مقدمة ودليل وبرهان، ولو على نحو القياس كتقديم المقدمات، نعم. يحتاج إلى إقامة الحجة والدليل.

إذاً هذا لزوم، شو نسميه؟ لزوم نظري غير بين. لهذا إحنا سميناه غير بين، يعني غير بديهي، يحتاج نظر، فكر، إقامة دليل، وترتيب مقدمات. هذا التقسيم الثاني بالحقيقة تقسيمان، وهذا هذا التقسيم -يعني تقسيم اللازم إلى بين وغير بين- يعني يقصد يقول: بالواقع هو في الحقيقة هو تقسيمان. يعني يقصد التقسيم الأول إلى البين بالمعنى الأخص وغير البين بالمعنى الأخص، والثاني: البين بالمعنى الأعم وغير البين بالمعنى الأعم، هذا الذي هسه احنا شرحناه. قلنا: عندنا بين وغير بين؛ البين بين بالمعنى الأخص وبين بالمعنى الأعم، معناه أنه البين بالمعنى الأخص يقابله غير بين بالمعنى الأخص، والبين بالمعنى الأعم يقابله غير بين بالمعنى الأعم. هذا الذي ذكره على كل تقدير.

يعني إنما يسميان بالبين وغير البين، يعني القسمين على سواء كان على تقدير الأخص أو على تقدير الأعم هو في كلا الحالتين غير بينين، يعني نظري بديهي سواء كان يقابل منو؟ الأخص أو كان يقابل الأعم. على نعم، قال: على كل تقدير، يعني القسمين على تقدير الأخص اللي هو البين بالمعنى الأخص وغير البين بالمعنى الأخص، أو القسمين الآخر الذي هو بالمعنى الأعم، اللي هو البين بالمعنى الأعم وغير البين بالمعنى الأعم، نعم هذا على كل التقديرين إنما يسميان بالبين وغير البين.

دليل على اختلاف الأقسام؛ أي نعم، بيناتهم اكو اختلاف، أي نعم، ليس التداخل، أي. مع الناس غير البين بالمعنى الأخص وغير البين بالمعنى الأعم، نعم. شنو الفارق بيناتهم؟ إنه هذا غير بين من ناحية فقط تصور ملزومه، يعني ما يكفي فقط تصور الملزوم بل يحتاج إلى إضافة الدليل والحجة وإقامة البرهان عليه، وهذا غير بين بالقابل بالمعنى الأعم، يعني ما يكفي فيه تصور الملزوم واللازم والنسبة بل يحتاج إلى إقامة الدليل والبرهان، فأكو فرق بيناتهم؛ ذاك مختص بالخص بخصوص الملزوم، هذا بخصوص الملزوم واللازم والنسبة، فمو كله داخل بالأقسام.

نعم، إذا قلت: مو هذا بملزوم وهناك ملزوم وهذا هم داخل بملزوم؟ إن قلت لك: هذا ما يسمى تداخل أقسام، هذا هو أجزاء القضية هكذا، يعني أجزاء القضية مأخوذة على نحو الجملة، آخذها نحو الجملة، مجرد موجود، لا، ملزوم هنا وملزوم هنا، الملزوم بالحقيقة هو راجع من حيث الموضوع والمحمول للقضية. يعني موضوع محمول وموضوع أو مقدم وتالي ونسبة بينهما. فلا بد يوجد حتى هنا يوجد ملزوم، هنا يوجد ملزوم؛ لأن إذا كان هو ملزوم يقابل الموضوع هنا، هنا بالتقسيم هم لازم أكون ملزوم يقابل الموضوع؛ لأن هو موضوع للقضية. نعم، لا بد أكون من خارج البين. نعم، كلهم قسمين. نعم، لا بد أكون من خارج غير. أي، يعني تقصد به الموضوع والمحمول والنسبة، يعني ملزوم لازم غير البين، أي الذي يقابل بالأخص وبالأعم، ولكن الأمر الخارجي يعني فوق التصور، أحسنتم، الذي أحسنتم، تقصدون احتياج للدليل، أي الدليل أو المقدمات أو البرهان عليه، أحسنتم.

أقسام العرض المفارق

أما قوله يدوم، قلنا إنه احنا السابقين قلنا: المفارق، اللازم، المفارق؛ لأن احنا قلنا: العرضي عرضي لازم وعرضي مفارق، ثم هذا العرضي المفارق تارة يكون مفارقته على نحو الدوام، وأخرى سريع الزوال، وأخرى بطيء الزوال. قال: أما قوله يدوم كحركة الفلك، فإنها طبعا الفلك يطلق على مطلق النجوم والكواكب نعم. فالعرض إذا هذا شروع راح يشرع في بيان أقسام العرض المفارق، أقسام العرض المفارق. يعني أنت بالقسمة شلون تقسم؟ ما نكتبها لوضوحها: تقسم عرضي، بعدين من عرضي شو تقول؟ تقول: العرضي يقسم إلى قسمين؛ عرض عام، عرض خاص، هذا انتهينا منه. بعدين نفسه العرضي تقسمه إلى عرض لازم وعرض مفارق. العرض اللازم تقسمه عرض لازم بالمعنى الأعم، الأخص، وبالمعنى شنو؟ الأعم. تروح بعدين للقسم المفارق، تقول: هذا العرض المفارق مرة عرضي سريع الزوال، ومرة بطيء الزوال، نعم. صار عندك تخطيط، خلاصه للتخطيط، نعم.

قال: يدوم كالفلك، اللي هو مدار النجوم، فإنها أي الحركة دائمة للفلك، وإن كانت هي عرضية عليه ويمكن تصور أنها تفارقه، ويمكن أن نتصور أن الحركة تفارق منو؟ الكوكب أو الفلك. وهذا لا يخل بماهيتها، تبقى ماهيته ماهية الفلك. نعم.

فلهذا قال: كحركة الفلك اللي هي مدار النجوم، فإنها دائماً للفلك وإن لم يمتنع، يعني ما عندنا شيء يمنعنا أنه نسلب الحركة على الفلك والمدار للنجوم. عفوا هذا يعني شنو؟ يعني ما يسلب ماهيتها، وهذا يدل على أنه كون عرضي له، يدل على أنه وإلا لو كان يسلب ماهيتها لما أصبح عرضي، لا أصبح ذاتي، أحسنتم. فإنها دائماً للفلك وإن لم يمتنع، وإن كان بالخارج ممتنعة على اعتبار أن طبيعة المخلوقات اللي من ضمنها الفلك والكواكب بمشية الخالق أصبحت متحركة، وإن كانت بالخارج ممتنعة، طبعا هاي ممتنعة بإرادة الخالق، بالخارج ماكو توقف للفلك بإرادة الخالق، بس هو بس كحركه هي عارضه على الفلك مو ذات من ذاتياته، يمكن في لحظة نتصور أنه لو تغيرت إرادة الخالق وقالت: خلينا نوقف الفلك، تتوقف الفلك، لأنه ليست لأن الحركة على الفلك مو ذاتية إلها هي أمر شنو؟ عرضي، نعم.

قال: وإن لم يمتنع انفكاكها نظراً إلى ذاته، على اعتبار مثل ما بينا أن الحركة هي للفلك دائمة، بس خارجية انفكاكها جائز عقلاً وإن كان هو اقتضاء اقتضاء الخالق، أن الخالق اقتضى أن تكون هي هي موجودة دائمية للفلك، نعم. طبعاً هذا نعم، هذا يسموه يسموه كما قلنا بالعرض المفارق الدائم، نعم.

ثانياً: العرض المفارق سريع الزوال، قال: أما قوله بسرعة، بسرعة يعني يزول بسرعة، كحمرة الخجل وصفرة الوجل. الخجل الإنسان الذي إذا أصبح عنده نوع من الحياء يصبح مثلاً وجهه أحمر، والشخص الذي عنده نوع من الخوف والجبن يصبح لون وجهه أصفر، طبعاً هذا يسمى طبعا المراد من المفارق الدائم هو أنه هو ما يمكن أن يفارق اللازم عنه وإن كان في الخارج هو دائم له هذا المراد به، يعني اللي يعبرون عنه أنه الفراق عندنا فراق بالإمكان، يعني يمكن أن يفترق اللازم عنه بالإمكان نعم مع وإن كان في الخارج هو دائم ومستمر. هذا المراد، والمراد من المفارق الزائل بسرعة هو الذي هو اللازم الذي العرض اللازم الذي يفارق الملزوم لكن على نحو السرعة.

وهناك العرض اللازم الذي يفارق الملزوم لكن على نحو شنو؟ البطء، الذي هذا يأتينا إن شاء الله. طبعاً الفراق الفراق المراد به الفراق بأحد الأزمنة الثلاثة، يعني ماض، حاضر، مستقبل، هذا المراد، يعني يعبرون عنه فراق بالفعل، ذاك يسموه فراق بالإمكان الذي هو الدائمي، هذا يسموه فراق بالفعل، يعني شنو بالفعل؟ فعل إنه يكون بأحد الأزمنة الثلاثة، بأحد الأزمنة الثلاثة، نعم. فلهذا يصح أن نجعله هو مقابل للدوام، لأن ذاك دوام بالإمكان، وهذا دوام بالإمكان، وهذا شنو؟ الزوال بالفعل، زوال بالفعل.

ثالثاً: أو ببطء، يعني يزول ببطء، كالشباب؛ فإن الشباب يزول عن الإنسان وهو غير لازم له على نحو الذاتية، بل هو لازم من لوازمه العرضية المفارقة على نحو البطء، لأنه بعد مرور السنين يلا يزول الشباب، يبقى بس شيء نظهره.

إحنا شلون نميز ونفرق بين العرض المفارق الدائم والعرض اللازم بين، إحنا اكو بعض أمور عرضية ولازمة، وأكو بعض أمور مفارقة. يعني شلون نفرق بين المفارق الدائم والمفارق الذي يكون على نحو الزوال بطء والزوال، حتى ما يقع التباس بينهم؟ ذاك وهو نفرق بهم هكذا: إنه الأول هو هو يكون زواله بالدوام والضرورة، يعني هو زائل لكن هو في الخارج موجود دائمي دائمي أو على نحو الضرورة، يعني ثبوت العرض لمعروضه في العرض اللازم ضروري إله يستحيل يستحيل انفكاكه عقلاً عنه، مثلاً فالعقل يرى استحالة انفكاك العرض عن معروضه، يعني لو أزلنا الزوجية عن الأربعة لما بقت الأربعة.

لأن إحنا نريد نفرق بين العرض اللازم والعرض المفارق، ذاك عرض لازم، عرض لازم شلون الفرق بيناتهم؟ اثنيناتهن عروض واثنيناتن لزوم، لكن ذاك عرض لا عفواً، اثنيناتن عروض بس ذاك عرض لازم وهذا عرض مفارق. سؤالنا هو شلون نفرق بيناتهم؟ يعني شلون نعرف أن هذا عرض لازم ما يفارق معروضه وهذا عرض مفارق لا يفارق معروضه؟ إنه ذاك الذي هو على نحو اللزوم ما يمكن تصور اللازم من غير تصور ملزومه الذي الزوجية والأربعة، وبحيث بحيث إذا زال اللازم عنه نعم لا يمكن تصور شنو؟ بقاء لمعنى الزوجية مع الأربعة، هكذا راح نعبركم عنه. يعني يستحيل الانفكاك عقلاً، فالعقل يرى استحالة انفكاك العرض عن معروضه، يعني لو أزلنا الزوجية عن الأربعة لما بقيت الأربعة أربعة بل انقلبت إلى مفهوم آخر، وكذلك إذا أزلنا الحرارة مثلاً عن النار لما بقيت النار ناراً.

هذا ذاك يسموه لازم، الذي يسموه اللازم، أما ثبوت العرض لمعروضه في العرض الذي نسميه العرض المفارق، سواء طبعاً المفارق الدائم هو صح ماكو بعضه دائمي، بس ليس بضروري، ليس بضروري، يعني ليس الانفكاك ممتنع عقلاً عنه، بل يمكن تصور الانفكاك عنه وإن كان هو له ثبوت دائمي واستمرار خارجي. فلو فلو فرضنا نزعنا الحركة عن الفلك لبقي الفلك فلكاً لا ينقلب إلى شيء آخر. إذاً هذه فائدة نريد نبين ما هو الفرق والمائز بين المعروض المفارق الدائم والعرض اللازم، المعروض المفارق الدائم والعرض اللازم حتى ما يقع التباس بينهما. العرض اللازم إنه ما يمكن تصور المعروض مع زوال العرض ماله، العرض المفارق المفارق الدائم لا يمكن تصور ملزومه وأن زال عنه منه عرضه الدائم له، نعم والحمد لله رب العالمين.