حاشية الملا عبدالله الشيخ صادق الكعبي

039

الموجهة البسيطة والموجهة المركبة

الآن المحشي راح يبين الفرق بين الموجهة البسيطة والموجهة المركبة. الموجهة البسيطة هاي اللي ذكرناها بأنواعها الثمانية هي في حقيقتها وذاتها قضية واحدة أما إيجابية أو سلبية تحتوي على حكم واحد مثل هاي الأمثلة اللي مرت علينا؛ مثال ذلك في القضية الموجبة عندما كنا نقول كل إنسان حيوان بالضرورة.

قضية واحدة هي ثبوت الحيوانية للإنسان على نحو الضرورة فهي ضرورية مطلقة يعني عبرنا عنها باسم الضرورية المطلقة لكن الحكم فيها شنو؟ إيجابي، ومره لا نقول ليس الإنسان بحجر بالضرورة، هم قضية واحدة هي نفي الحجرية عن الإنسان على نحو الضرورة لكن على نحو القضية السلبية. إذا اكو قضية واحدة فيها حكم، هاي تسمى قضية بسيطة. ومن اسمها بسيطة، والبساطة يعني شنو؟ يعني عدم التركيب، عدم الاتحاد، هذا معنى البساطة، فسموها موجهة بسيطة لأنها تحوي على بساطة القضية الواحدة للحكم الواحد. هاي واضحة، وأمثلة البسائط هاي الثمانية التي ذكرناها اللي تحوي على الضرورة والدوام والفعل والإمكان. الآن كلامنا في القضية الموجهة المركبة.

الموجهة المركبة هي من اسمها مركبة يعني في حقيقتها وذاتها هي مركبة من قضيتين فيها حكمين. غاية الأمر الجزء الأول من القضية يكون صريح ومذكور، والجزء الثاني من القضية يكون غير صريح وغير مذكور على نحو الصراحة إنما مذكور على نحو الكناية وغالبا يعبر عنه بالقيد مثل قيد لا دائماً أو قيد لا بالضرورة. لكن هذا قيد لا دائماً هو في حقيقته شنو؟ قضية.

هذه القضية راح، كما سوف ياتين، توافق الأصل، تخالف الأصل بالكيف وتوافقه بالكم، تخالف الأصل في الكيف وتوافقه بالكم. الجزء الأول من القضية المذكور يسموه أصل، والجزء الثاني اللي هو مذكور على نحو القيد بالكناية يسموه الفرع. الأول يسموه أصل والآخر شو يسموه؟ الفرع. هذا يسموه تركيب.

طبعا ليش يسموها قضية مركبة؟ لأنها مركبة من قضيتين مستقلتين فيها حكمين مختلفتان بالكيف. فإذا كان طرف الأصل الأول هو الإيجاب فالطرف الثاني لازم شو يكون؟ سلب، لأن هو مخالف له بالكيف. وبالعكس، إذا كان الطرف الأول الأصل هو السلب فالطرف الثاني المكنى الغير مصرح به يكون ماذا؟ إيجاب. فسموها بالموجهة المركبة.

مثال الموجهة المركبة التي تتركب من الإيجاب والسلب، ذكر لنا المحشي هذه القضية: ⟦كل انسان ضاحك بالفعل لا دائماً⟧. هذه كل إنسان ضاحك هذا الجزء الأول من القضية، طبعا وهي تشير إلى المطلقة العامة، لأن الفعليه بالفعل هاي مطلقة عامة. هذا قيد لا دائماً، اللي هو الجزء الثاني من القضية، هو يشير إلى عدم الدوام، يعني إلى حكم سلبي بعدم الدوام.

طبعا احنا قلنا الجزء الثاني هذا لا دائماً، قيد لا دائماً هذا يشير إلى قضية، تخالف اللي هو سميناه بالفرع، قضية مستقلة سموها بالفرع. تخالف الجزء الأول من القضية اللي هو الأصل بالكيف. فهنا في المثال اللي ذكر المحشي: ⟦كل انسان ضاحك بالفعل لا دائماً⟧، هاي موجبة، لا دائماً لازم شو تصير؟ سالبة. طبعا هذه فعلية تبقى موافقة لها بالكم، هاي كليّة وهاي كليّة. هذه كلّ هذه تصبح لا شيء. مو هذه إيجاب؟ هاي تصبح سلب. إذا تخالفه بالكيف توافقه بالكم.

فهذه قولنا كل إنسان ضاحك بالفعل لا دائماً، هاي قولنا لا دائماً إشارة إلى حكم سلبي. طبعا ليش سلبي؟ لأن احنا قلنا افترضنا تخالفه بالكيف، وهي كليّة لأن توافقه بالكم فتصبح (لا)، يعني تكون سالبة كليّة مطلقة عامة فتكون ⟦لا شيء من الانسان بضاحك بالفعل⟧. هذا شنو معناته؟ احنا نريد ننفي الدوام، هسه على سائل يسأل: اللا دائماً ليش دائماً تعطي مطلقة عامة؟ نفي الدوام باللا دائماً يعني إشارة إلى أن الدوام ليس دائماً. نفي الدوام، إذاً ليس دائماً شنو معناته؟ يعني يمكن أن يقع الشيء على نحو الفعلية في وقت من الأوقات.

فهذا مثالنا إحنا نريد نقول لا دائماً يعني عدم دوام الضحك، يعني الضحك ليس دائماً، الضحك موجود بس ليس دائماً. هذا معناته أن الضحك قد وقع فعلاً بوقت من الأوقات، وإحنا قلنا اللي تشير للفعلية هي من هي؟ المطلقة العامة. فصار دائماً قيد لا دائماً يعطينا شنو؟ مطلقة عامة.

راح يأتينا قيد آخر، قيد لا بالضرورة. قيد لا بالضرورة دائماً بيعطينا شنو؟ ممكنة عامة. هاي راح نحفظها كقانون في الموجهات المركبة: كل ما نقيد لا دائماً فلا دائماً تعطينا مطلقة عامة. كل ما نقيد لا بالضرورة فلا بالضرورة تعطينا ممكنة عامة. هاي راح يصير عندنا قانون نطبقه في الموجهات المركبة.

إذاً، الموجهة المركبة هي في حقيقتها قضيتين مستقلتين، قضية واحدة فيها حكمان لا حكم واحد، غاية الأمر الجزء الأول صريح مذكور يسمى بالأصل، والجزء الآخر غير صريح يعني غير مذكور على نحو الصراحة إنما مكنا به يسموه بالفرع. هذا لو كانت الموجهة المركبة فيها التركيب على نحو اللفظ، التركيب نقصد به الإيجاب والسلب (يعني الموجهة المركبة من الإيجاب والسلب مذكورة تركيباً في اللفظ).

أنواع التركيب في الموجهة المركبة

عندنا نوع آخر من التركيب لا، الإيجاب والسلب لا يذكر، لا يكون مركب بالفعل باللفظ، إنما يفهم من معنى اللفظ. مثال ذلك ما ذكر المحشي قوله: ⟦كل انسان كاتب بالامكان الخاص⟧. هذه يسموها ممكنة خاصة.

طبعا لابد أولاً نبين فرق بين الإمكان العام والإمكان الخاص. مر علينا سابقا: الإمكان العام هو بس سلب ضرورة واحدة. سلب ضرورة واحدة يعني شنو؟ إذا قلنا الإنسان كاتب يعني ممكن له الكتابة، يعني ممتنع، يعني سلبنا عنه الامتناع، ضرورة الامتناع سلبناه عنه. إذاً، هذا يسموه الإمكان العام. فالإمكان العام يفيد سلب ضرورة من الجانب المخالف للقضية.

طبعا الجانب المخالف واضح عندكم، الموافق يعني المذكور صريحاً بالقضية، المخالف وأحياناً يسموه بالمقَابِل، يعني الذي ما مذكور بالقضية لكن نحن نفهمه من سلب الضرورة عنه. فهو يحتمل، يحتمل من القضية بسلب الضرورة عنه. الممكنة العامة تفيد سلب الضرورة بالجانب المخالف للقضية، يعني شنو الجانب المخالف؟ الآن قضية كل إنسان كاتب إذا قلنا بالإمكان العام، كاتب يعني الجزء الموافق الصريح المذكور في القضية أنه الإنسان له إمكانية الكتابة. الجزء المخالف اللي راح نسلب عنه الضرورة هو من هو؟ يخالف الإمكان من هو؟ الامتناع، فنريد نسلب الامتناع ونريد نقول الكتابة ليست غير مستحيلة وليست ممتنعة عن الإنسان. هذا بالنسبة للإمكان العام.

الإمكان الخاص سلب ضرورتين. فإذا قلنا هكذا: ⟦كل انسان كاتب بالامكان الخاص⟧، معناه أن عدم الكتابة غير ضروري، عدم عدم الكتابة غير ضروري، هذا يسموه الجانب المخالف. لما ليس منها جانب مخالف؟ لأن احنا بالصريح بالقضية قلنا الإنسان كاتب ما قلنا عدم الكتابة، فالمذكور الموافق هو الكتابة، المخالف هو عدم الكتابة، يعني فنسلب الضرورة من عدم الكتابة، يعني أريد يقول: عدم الكتابة غير ضروري، يسموها الجهة المخالفة للقضية.

طبعا السلب، إذا كان القضية الأولى موجبة فسلبها لازم شو يكون؟ سلب، وبالعكس لو كانت هي سالبة مثل ⟦لا شيء من الإنسان بحجر⟧ لازم يكون سلبها شنو؟ سلبها إثبات. فاذا كانت موجبة سلبها سلب، وإذا كانت سالبة سلبها إيجاب. فهنا إذا قلنا كل إنسان كاتب بالإمكان الخاص فمعناه عدم الكتابة غير ضروري، هذا سلب ضرورة، الضرورة اللي هي يسموها الجهه المخالفة لأن القضية موجبة.

وبعد هذا، احنا قلنا الإمكان الخاص بسلب للضرورتين، هذا سلب الضرورة الأولى. سلب الضرورة الثانية: أن الكتابة أيضاً غير ضرورية. الأول كان سلب عدم الكتابة، الآن ايش نسلب؟ الكتابة غير ضرورية، يعني مو هي ضرورية واجبة في الإنسان، لا، قد يكون كاتب وقد يكون شنو؟ غير كاتب. عدم الكتابة نفس الكلام، قد يكتب وقد لا يكتب، مو عدم الكتابة ممتنعة عنه أو ضرورية السلب عنه. فلهذا هذا يقولون الكتابة أيضاً غير ضرورية، هذا يسموه الجانب الموافق.

ليش سميناه جانب الموافق؟ لأن احنا سلبنا الكتابة والمذكور صريحاً في العبارة في القضية هو من هو؟ الكتابة. فهذا يسموه الجانب الموافق، الجانب الموافق هو الجانب المذكور صريحاً في القضية. إذا سلبنا الضرورة عنه يسموها سلب ضرورة الجانب الموافق.

المذكور في القضية ما هو؟ كل إنسان كاتب مثلاً، أنه كل إنسان كاتب بالإمكان الخاص، هذا جانب موافق مذكورة كتابة. سلب الكتابة، ضرورة الكتابة يسموه سلب الضرورة، سلب الجانب الموافق. فالصورة الأولى كانت سلب الضرورة عن المخالف فتحصل لنا ممكنة عامة. لما نسلب الضرورة، سلب الضرورة شنو معناه؟ يعني ممكن، يعني احنا جايين نقول الكتابة مو ضرورية له، إذا كانت مو ضرورية له يعني شنو؟ يعني ممكنة، والإمكان هو شنو؟ هو سلب الضرورة، فاذا سلبنا الضرورة يعني ممكن.

هذا نفس عاد سلب عدم الكتابة يعني الكتابة غير ممتنعة عنه، غير مستحيلة. سلب الكتابة يعني الكتابة سلب الضرورة عنها يعني شنو معناتها؟ يعني ممكنة. نعم. يحتمل الامتناع؟ ليش؟ لا، ساكت عنه، قلنا بس تسلب الضرورة. هذه ذكرناها سابقا في دروس سابقه قلنا لما نسلب، من نقول ممكن، من نسلب الضرورة مو هذا يعني ممكنة فقط، غاية الأمر باقي احتمال. نعم، ساكت عنه إذا بالإمكان العام تسلب ضرورة وتسكت. وإذا بالإمكان الخاص تسلب الضرورتين بعد سلب ضرورة عدم الكتابة وضرورة الكتابة، فهذا الآن اثنينا سلب الضرورة في نفسه معناته الإمكان، ليش؟ لأن احنا من نقول هذا ليس ضروري يعني شنو؟ يعني ممكن. احسنتم.

فبالتالي القضية الممكنة الخاصة اللي عندما نقول كل إنسان كاتب بالإمكان الخاص اللي تعني سلب الضرورتين، سلب ضرورة عدم الكتابة وسلب ضرورة الكتابة، تعني أنه قضيتين شبيهن؟ ممكنتان عامة. فالممكنة الخاصة هي في أصلها مردها إلى ممكنتين عامة، لما هو السبب؟ لأن كل سلب ضرورة معناته ممكن عام. كل سلب ضرورة يعني ممكن عام.

فبالحقيقة راح تحصل عندنا ممكنة عامة هي ⟦كل انسان كاتب بالامكان العام⟧ وبالصورة الثانية اللي هي سلب ضرورة الطرف الموافق تحصل عندنا أيضاً ممكنة عامة هي ⟦لا شيء من الإنسان بكاتب بالإمكان العام⟧. طبعا ليش قلنا لا شيء؟ لأنه تخالف القضية لأنها تسلب ضرورة الطرف المخالف. أحسنت. هذا معنى الممكنات الخاصة.

هاي الممكنة الخاصة هي موجهه، بس شلون عرفناها موجهه مع العلم أنها ما مقيده لا دائماً ولا بالضرورة؟ نقول نعم عرفنا أنها موجهه لأن فهمنا التركيب من المعنى، من معنى الإمكان الخاص عرفنا شنو أنها مركبة، لأن الإمكان الخاص اللي يعني سلب الضرورتين يعني القضية بها شنو؟ قضيتين ممكنة عامة، إحداهما موجبة والأخرى سالبة، فوحدة سلب ضرورة الطرف الموافق ووحدة سلب ضرورة الطرف المخالف والموافق، هذا معناته أن الموجهة المركبة عرفنا تركيبها مو من اللفظ لا دائماً ولا بالضرورة، عرفناه من معنى الإمكان الخاص.

فاكو نوعين من المركبات الموجهة: مركبة تعرف من اللفظ، ومركبة تعرف منين؟ من المعنى. اللي تعرف من اللفظ مثل لنا المحشي بقوله: ⟦كل انسان ضاحك بالفعل لا دائماً⟧، واللي تعرف من المعنى هي: ⟦كل انسان كاتب بالامكان الخاص⟧.

نعم، الآن يبقى سؤال: أنتم ذكرتم قلتم المركبة الموجهة بيها حكمين إيجاب وسلب، زين الآن إذا كان القضية الواحدة بيها حكمين إيجاب وسلب هاي شو نسميها؟ قضية موجبة ولا قضية سالبة؟ لأن أنتم جاي تقولون بيها حكمين، حكم إيجابي وحكم سلبي، والقضية ما يصير تكون هم إيجابية وهم سلبية، لابد أن تكون شيء واحد لو إيجابية لو سلبية. سواء كان بالقضية الموجهة المعروفة من اللفظ مثل: ⟦كل انسان ضاحك بالفعل لا دائماً⟧، أو سواء كان بالقضية الموجهة المركبة التي تعرف من المعنى مثل قولنا: ⟦كل انسان كاتب بالامكان الخاص⟧، فماذا تعطوها؟ تعطوها الإيجاب أو السلب؟

قال المحشي: العبرة بالإيجاب والسلب بالجزء الأول الذي يذكر في القضية اللي سميناه منو؟ أصل القضية. ما هو السبب؟ لأنه هناك عبارة مشهورة أن الأصل مقدم على الفرع، أو في عبارة أخرى الفرع لا يقوى على أصله. فلهذا المقدم بالدليل هو منو؟ الأصل، فإذا كان الأصل موجباً نقول هاي القضية موجهة مركبة موجبة. إذا كان الأصل هو سالب نقول هاي القضية موجهة مركبة سالبة. لماذا؟ لأن الأصل مقدم على الفرع.

نعم، الآن بعد ما بينا الفرق بين القضية الموجهة البسيطة والقضية الموجهة المركبة، طبعا ذكر المحشي قوله: واعلم أنه مرات تجينا قضية بسيطة بس احنا نقدر نحولها إلى قضية شنو؟ مركبة. موجهة بسيطة نحولها إلى موجهة مركبة، كيف ذلك؟ عندما نقيدها بقيد لفظي يدل على التركيب اللي هو (لا دائماً) اللي دائماً يعطينا مطلقة عامة، أو (لا بالضرورة) اللي دائماً يعطينا شنو؟ ممكنة عامة.

فلهذا قال إنه يمكن أن تاتينا قضية بسيطة نقيدها باللا دوام أو باللا ضرورة فنحولها من قضية موجهة بسيطة نحولها لمن إلى قضية موجهة مركبة. طبعا هم نفس الكلام ياتي، سواء كان القيد مذكور باللفظ أو مقدر اللي هو يفهم من المعنى كما في الممكنة الخاصة. يعني هم نقدر نحولها إلى موجهة مركبة بس يفهم التركيب منين؟ من المعنى، كما لو حولنا الإمكان إلى إمكان من إمكان عام إلى إمكان خاص. والإمكان الخاص يفهم منه بالمعنى شنو؟ وجود ممكنتين عامتين. هذا بالنسبة إلى الفرق بين القضية الموجهة البسيطة والقضية الموجهة المركبة.

أنواع الموجهات المركبة

الآن، ما هي أنواع الموجهات المركبة؟ ذكر لنا الماتن سبعة مركبات، قضايا موجهة مركبة سبعة. سبعة هي: المشروطة الخاصة، والعرفية الخاصة، والوقتية، والمنتشرة، والوجودية اللا ضرورية، والوجودية اللا دائمة، والممكنة الخاصة.

احنا راح نسويها في ضمن مخطط حتى ما ننساها وحتى نريد نعرف أصلهن، لأن كل قضية لها أصل. احنا هسه صار عندنا قاعدة حفظناها: كل تقييد بلا دائماً شيطينا؟ مطلقة عامة. كل تقييد باللا ضرورة شيطينا؟ ممكنة عامة. هاي راح تفيدنا، وهي كالاتي الموجهات المركبة:

الموجهات المركبة طبعا سبعة هنا:

1. المشروطة الخاصة.

2. العرفية الخاصة.

3. الوقتية فقط (الوقتية).

4. المنتشرة.

5. الوجودية اللا ضرورية.

6. الوجودية اللا دائمة.

7. الممكنة الخاصة.

طبعا هاي المشروطة الخاصة شنو أصلها؟ أصلها مشروطة عامة بس مقيديها باللا دائمة فشطينا؟ مطلقة عامة، هاي دائما تقيد بمن؟ بلا دائماً. العرفية الخاصة أصلها عرفية عامة بس مقيديها باللا دائماً فاش تطينا؟ مطلقة عامة، يعني هاي دائما يقيدوها بمن؟ هم بلا دائماً. الوقتية أصلها وقتية مطلقة لكن مقيديها بمن؟ باللا دائماً فايضا تطينا شنو؟ مطلقة عامة، هاي لا دائماً. المنتشرة أصلها هم منتشرة مطلقة يعني أصلها قضية بسيطة لكن احنا نقيدها بقيد لفظي هم لا دائماً فتطينا أيضاً مطلقة عامة، هاي إذا نقيدها أيضاً لا دائماً.

بعد عندنا الوجودية اللا ضرورية، أصلها مطلقة عامة يعني فعلية مطلقة عامة، بس قيدناها باللا ضرورة، فإذا قيدناها بلا ضرورة شنو تعطينا؟ لا بالضرورة؟ ممكنة عامة، تعطينا ممكنة عامة. الوجودية اللا دائمة هي مطلقة عامة بس مقيدة باللا دائماً فتعطينا مطلقة عامة، فتصير أصلها مطلقة عامة نقيدها باللا دائماً فإيش تطينا؟ أيضاً تعطينا مطلقة عامة.

بقى أخير شيء الممكنة الخاصة، أصلها ممكنة عامة بس مقيدة باللا ضرورة، هاي مقيدة باللا ضرورة فتنطينا اللا ضرورة، شو ينطينا؟ ممكنة عامة.

هذه الموجهات المركبة السبعة. طبعا شلون احنا عرفنا تركيبها؟ لان هاي تفيدك حتى في تعريف أو إيضاح أو بيان، دائما تنظر إلى المشروطة الخاصة أصلها هي مشروطة عامة بس لأن قيدناها باللا دائم، اللا دائم دائما يعطيني مطلقة عامة فعلياً. عرفية خاصة هي أصلها كانت عرفية عامة، عرفية عامة بس من قيدناها باللا دائماً أعطتنا مطلقة عامة. عندنا الوقتية، فقط كلمة الوقتية كانت أصلها وقتية مطلقة بس قيدناها باللا دائماً أعطتنا شنو؟ مطلقة عامة.

هذا اللي قلنا لكم قانون وحفظوه أنه كل لا دائم يعطي مطلقة عامة، وكل لا ضرورة شيطينا؟ ممكنة عامة. هذا إذا حفظته القانون بسرعة تفهم الموجهات المركبة وتحفظهن وبعد ما تنساهن.

المنتشرة أصلها مطلقة، منتشرة مطلقة بس قيدناها باللا دائماً أنطتنا مطلقة عامة. بعد عندنا الوجودية اللا ضرورية أصلها مطلقة عامة فعلية بس ما قيدناها، لا بالضرورة أنطتنا ممكنة عامة. عندنا الوجودية اللا دائمة هي أصلها طبعا مطلقة عامة لأن كل وجودية مطلقة عامة، والفعليه تعني الوجودية لكن ما قيدناها بالله دائماً، أثبتنا شنو؟ مطلقة عامة. والأخيرة الممكنة الخاصة اللي هي مستقبل الضرورتين هي أصلها ممكنة عامة بس لما قيدناها باللا ضرورة أثبتنا ممكنة عامة. هذني سبع موجهات مركبة.

الآن راح نشرح العامتان. تفضل بنعم. الوجودية ها؟ الوجودية أي، الوجودية هم تعني الفعليه مطلقة عامة. المطلقة العامة يعني فعل، يعني فعليه وقعت في زمن من الأزمان، يعني وجدت في زمن من الأزمان، فيسموها فعلية وجودية أو يسموها ماذا؟ يسموها المطلقة العامة، كل فعلية تشير للمطلقة العامة.

الان راح نتكلم، تفضلوا نعم. لا خلاص لا دائماً دائماً دائماً، لا دائماً دائماً تعطيك مطلقة عامة في أحد الأزمنة، فعليتها وقعت في زمن من الأزمان. إي نعم. لا بالضرورة هسه راح نبين إن شاء الله، اللا بالضرورة تعطينا دائماً ممكنة عامة، لأن إذا نفيت الضرورة نفيت الضروري عنها يعني ممكنة. إذا نفيت الضروري، إذا قلنا هذا الشيء مو ضروري يعني ممكن، ممكن مثل الكتابة، إذا قلنا الكتابة مو ضرورية للإنسان يعني ممكنة، ممكنة.

العامتان المقيدتان باللا دوام

الان الماتن ماذا قال؟ قال العامتان. العامتان يقصد بها يا عامتان مال موجهات البسائط؟ احنا عندنا ذكرنا عامتين في موجهات البسائط: المشروطة العامة والعرفية منو؟ العامة، إذا تذكرون. المشروطة العامة قلنا هي سلب المحمول عن ذات الموضوع على نحو الضرورة ما دام ما دام الوصف العنواني، تذكرونه؟ وقلنا بعد منو عندنا؟ العرفية العامة. قلنا العرفية العامة تعني سلب دوام المحمول عن ذات الموضوع ما دام الوصف العنواني، تذكروها؟ هاي ذكرناها بالموجهات البسائط.

الآن هاي العامتان: المشروطة العامة والعرفية العامة، إذا قيدناها باللا دوام تصبح موجهة مركبة تسمى بالمشروطة الخاصة والعرفية الخاصة.

أولاً نريد نفهم شنو معنى اللا دوام. الدوام واضح: دوام المحمول لذات الموضوع. زين اللا دوام شنو؟ اللا دوام معناته أنه نسبة المحمول للموضوع المذكور في القضية ليس دائماً. هو من اسمه لا دوام، لا دوام ومرات يعبرون عنه باللا دوام الذاتي. باللا، يعني شنو اللا دوام الذاتي؟ يعني نسبة المحمول للموضوع المذكور في القضية ليس دائماً ما دام ذات الموضوع، ليس دائماً ما دام ذات الموضوع موجود، فيكون نقيض النسبة هو دائماً قيد لا دائماً. فدأئماً قيد لا دائماً هاي شنو؟ هاي هذه معناته أن النسبة، نسبة المحمول للموضوع ليس دائماً ما دام ذات الموضوع فيسمونه باللا دوام الذاتي.

زين إذا قلنا هذا نسبة المحمول لذات الموضوع ليس دائماً، ليس دائماً، ليس دائماً، شنو معنى ليس دائماً؟ يعني يمكن أن يقع مرة، مرتان، لكن مو دائماً هو يقع. فهذا معناته أنه واقع في زمن من الأزمنة بس ليس على نحو الدوام، مو وقوعه على نحو الدوام. هذا معناته أن واقع قطعا لكن في زمن من الأزمنة الثلاثة، فهذا اللا دوام الذاتي يكون إشارة إلى قضية مطلقة.

ليش قضية مطلقة؟ لأن المطلقة العامة هي فعلية، وشنو معنى الفعلية؟ يعني الإنوجاد والتحقق والوقوع ولو بزمن من الأزمنة. فلهذا قلنا كل دائماً يشير إلى من؟ مطلقة عامة فعلية، لأن هو من معناه ينفي الدوام، يعني الدوام والوقوع والتحقق ما واقع على نحو الدوام والاستمرارية، إنما يريد يشير فقط إلى أنه وقع فعلاً وتحقق ولو بزمن من الأزمان، ولو مرة أو مرات، فهذا يشير دائماً إلى أن اللا دوام الذاتي يشير إلى قضية فعلية هي مطلقة عامة.

لكن هاي القضية التقييد باللا دائماً في الموجهة المركبة كما ذكرنا تخالف الأصل اللي هو الجزء الأول من القضية بالكيف يعني الإيجاب والسلب وتوافقه بمن؟ بالكم. فإذا كانت كليّة الأصل يبقى الفرع كلي لا دائماً، لكن فقط إذا كان موجب شو يصبح؟ سالب والعكس كذلك، لو كان الأصل كلي مثل لا شيء وسالب، فالفرع اللي هو التركيب باللا دائماً راح شو يكون؟ كلي بس موجب، فيصير كل.

ثم المحشي بعد ما بين اللا دوام الذاتي جاب كلمة فافهم. شنو المراد بكلمة فافهم؟ قيل المراد بكلمة فافهم إشارة إلى أنه اكو نقيض، النقيض الصريح للدوام هو ما هو؟ هو اللا دوام. إذا تذكرون مرت علينا في دراسة سابقة النقيض الصريح وغير الصريح، تذكرونه؟ نعم، النقيض الصريح للدوام هو اللا دوام. كيف الآن أنتم جعلتوه مطلقة عامة؟ إذا إحنا إذا قلت لك الآن الموجه هو لا دوام نقطة، شو تقول لي لازم؟ تقول لي لا دوام، زين أنتم هنا لا دائماً شلون جعلتوه مطلقة عامة فعلياً؟

نقول لكم نعم، هذا مو صريح، هذا مو النقيض الصريح، هذا لازم النقيض. إذا تذكرون مرت علينا في دراسة سابقة معنى لازم النقيض. قلنا شنو لازم النقيض؟ إن المناطقة بعض الموجهات لها نقائض بموجهات معروفة عندهم، فلهذا ينقضونه بالصريح، فله نقيض صريح. وبعض الموجه، بعض الجهة ما لها نقيض صريح، فماذا فعلوا المناطقة؟ جاؤوا بلازم له، قريب منه. فاللا دائماً، لازم النقيض ماله القريب منه هو منو؟ المطلقة العامة الفعليه، أحسنت، لان هو من معناه لا دائماً يعني الوقوع مو على نحو الدوام. إذا كان الوقوع ليس على نحو الدوام يعني شنو؟ يعني الوقوع ولو بزمن من الأزمنة، يعني فعلاً وتحققا وقع ولو بزمن من الأزمنة، وهي هاي الفعليه. والفعلية تعني الخروج من مرحلة القوة والاستعداد إلى مرحلة الفعل والوقوع والتحقق والوجود.

فلهذا لعل كلمة فافهم إشارة إلى أنه النقيض الصريح للدوام هو اللا دوام لا المطلقة العامة. نعم، وإذا سالنا سائل قال: كيف جعلتوها مطلقة عامة؟ نقول له هذا لازم نقيضه. لازم نقيض يعني قريب له بالمعنى وليس نقيضاً صريحاً له. هذا وجه.

وقيل هناك وجه آخر في كلمة فافهم وهو أنه النقيض اللي جاي نستعمله هنا، احنا عندما نقول إنه اللا دوام يجعل نقيضه واقعاً، واقعاً قطعاً في زمن من الأزمنة، إشارة إلى أن هذا النقيض هنا يغاير النقيض اللي سوف ياتينا بالاصطلاح. راح ياتينا، احنا مر علينا النقيض، النقيض اكو عندنا نقيض اصطلاحي وعندنا نقيض لغوي. فالنقيض المصطلح هناك نشترط فيه اختلافه مع الأصل بالكم والكيف. لما نقول لك هاي قضية انقضها، شو تسوي أنت؟ كون تخالفها بكمها وكيفها في نقضها في باب التناقض. هذاك يسمون النقيض والتناقض المصطلح.

أما هنا لفظة النقيض اللي تأتي في باب لا دائماً بالموجهة المركبة، فأنتم ذكرتم أنها مخالفة بالكيف بس توافقه بالكم، إذا هذا النقيض اللي استعماله هنا غير ذاك النقيض المستعمل بالمعنى الاصطلاحي. التناقض والنقيض بالمعنى الاصطلاحي مخالفة الكم والكيف. التناقض والنقيض الآن اللي استعملناه هنا في باب الموجهة المركبة بمعنى شنو؟ مخالفة الأصل بالكيف بس موافقة له بمن؟ بالكم. فإذاً النقد والمخالفة تصبح فقط في الكيف فقط. فلهذا قوله فافهم، أي، أي شنو؟ أي انظر إلى دقة المطلب، لأن هذا النقيض هنا غير ذاك النقيض هناك. لعله قيل هذا المراد من كلمة فافهم.

نطبق هذا المقدار وإن شاء الله نبين المشروطة الخاصة والعرفية الخاصة في درس قادم إن شاء الله.

قال الماتن: وقد تقيد العامتان. قلنا العامتان هي المشروطة العامة والعرفية العامة. بماذا تقيد؟ تقيد باللا دوام. والوقتيتان المطلقتان. الوقتيتان قلنا المراد بها الوقتية المطلقة والمنتشرة المطلقة، لهذا قال عنهما مطلقتان. والوقتيتان يقصد بالوقتية والمنشرة المطلقتان، أيضا نقيدهما باللا دوام الذاتي. طبعا اللا دوام ليش سموه لا دوام الذاتي؟ لان هو يشير إلى أن نسبة المحمول للموضوع في القضية ليس دائماً ما دام ذات الموضوع، فسموه اللا دوام الذاتي لأن هي ليست دائماً ما دام ذات الموضوع موجودة، ما دامت الذات موجودة، فلهذا سموه باللا دوام. فهذا باللا دوام الذاتي.

بعد ما نقيد العامتان والوقتيتان باللا دوام الذاتي راح تصبح عندنا موجهات مركبة، الأولى تسمى مشروطة خاصة، هاي منو المشروطة الخاصة؟ المشروطة العامة المقيدة باللا دائماً. والعرفية الخاصة، هاي منو العرفية الخاصة؟ العرفية العامة المقيدة باللا دائماً. والوقتية، هاي منو كما أشرنا؟ هاي الوقتية المطلقة المقيدة باللا دائماً. وعندنا المنتشرة المطلقة المقيدة باللا دائماً، نسميها فقط وقتية في باب الموجهات، وفقط منتشرة في باب الموجهات المركبة.

نعم، الآن نقرأ قول المحشي: قال:

اعلم أن القضية الموجهة -طبعا وواضح القضية الموجهة التي تذكر فيها الجهة- إما بسيطة، وهي ما يكون حقيقتها إما إيجاب فقط أو سلب فقط. طبعا شنو بسيطة؟ البساطة يعني عدم التركيب. البساطة يعني عدم التركيب، يعني هي في حقيقتها وذاتها قضية واحدة فيها حكم واحد، مرة يكون إيجاب فقط مثل قولنا ⟦كل انسان حيوان بالضرورة⟧، ومرة يكون سلب فقط مثل قولنا ⟦لا شيء من الانسان بحجر بالضرورة⟧. كما مر في الموجهات الثمان، الموجهات منو الثمان؟ يعني البسائط اللي ذكرناهم كما تذكرون، اللي هن الضرورية المطلقة والمشروطة العامة والوقتية المطلقة والمنتشرة المطلقة والدائمة المطلقة والعرفية العامة والمطلقة العامة والممكنة العامة. هذني ثمان بسائط. ذني كل يسموهم موجهات بسيطة، اصلها في حقيقتها وذاتها قضية واحدة بحكم واحد لو موجب لو سالب.

أما المركبة وهي التي تكون حقيقتها مركبة من الإيجاب والسلب بشرط أن لا يكون الجزء الثاني فيها مذكور، يعني ما مذكور قصده صريحاً، لكن هو مذكور باللفظ أو المعنى، بس قصده ما مذكور صريحاً إنما مذكور على نحو الكناية، يعني مكنى عنه. فهو ما مذكور بعبارة مستقلة. إذا كان ما مذكور بعبارة مستقلة، نحن من وين نفهمه الجواب؟ نفهمه من ضمن القيد، من قيد لا دائماً، لا بالضرورة، اللا دوام واللا ضرورة. ففي الحقيقة راح تكون هناك قضيتان مستقلتان لا قضية واحدة، وحكمان في القضية لا حكم واحد، حكم بالإيجاب وحكم بمن؟ بالسلب، لأنه قلنا لأن الجزء الثاني يخالف الجزء الأول، نسميه أصل، والجزء الثاني نسميه فرع، والقضية الجزء الثاني يخالف الجزء الأول اللي هو الأصل بالكيف بس يوافقه بمن؟ بالكم.

فهنا الموجهة المركبة قد تكون في اللفظ، سواء كان في اللفظ تركيب، شو يقصد بالتركيب؟ يعني يقصد التركيب من إيجاب وسلب كقولنا: ⟦كل انسان ضاحك بالفعل⟧، هذا الجزء الأول اللي نسميه الأصل اللي يشير إلى مطلقة عامة لأن الفعليه دائماً شو تشير؟ للمطلقة العامة. ثم إذا قيدناه لا دائماً هذا الجزء الثاني اللي نسميه الفرع، اللي هو قيد لا دائماً، هاي القضية كلها كموجهة مركبة ⟦كل انسان ضاحك بالفعل لا دائماً⟧ يسموها الوجودية اللا دائمة، ليش؟ لأن احنا قلنا كل مطلقة عامة تقيد باللا دائم شو تصير؟ وجودياً لا دائمة، هاي الآلة اللي كتبناها في المخطط.

هذه تشير إلى حكم سلبي يعني إلى سالبة كليّة مطلقة عامة: ⟦لا شيء من الانسان بضاحك بالفعل⟧، لأن عدم دوام الضحك يستلزم أن الضحك واقع في وقت من الأوقات. هاي لأن هذا معنى الفعلية، هذا معنى الفعلية. فيكون الجزء المكتسب لا دائماً إشارة إلى قضية هي ⟦لا شيء من الإنسان بضاحك بالفعل⟧.

نعم، أو لم يكن في اللفظ تركيب، يعني اللفظ ما به تركيب إيجاب وسلب. إذا ما به تركيب يعني منين نفهم أن هذه الموجهة مركبة؟ نفهمها من المعنى، كمعنى الإمكان الخاص اللي يشير في حقيقته إلى شنو؟ سلب ضرورتين، وسلب الضرورة بمعنى الإمكان، فهذا يشير إلى أنه توجد قضيتين ممكنتان عامة. كقولنا: ⟦كل انسان كاتب بالامكان الخاص⟧، طبعا هاي قضية موجهة مركبة يسموها ممكنة خاصة. ليش ممكنة خاصة؟ هاي هاي اللي ذكرناها لأن هي أصلها ممكنة عامة قيدناها باللا ضرورة أعطتنا شنو؟ ممكنة عامة.

فإنها في معنى قضيتين، ليش؟ لأن احنا قلنا الإمكان الخاص هو سلب الضرورة من الجانبين. فيكون جانب، كل جانب تحصل به ممكنة عامة، لأن كل سلب ضرورة يعني إمكان، إمكان، إمكان. فاذا عندنا ممكنتان عامتان: أي ⟦كل انسان كاتب بالامكان العام⟧ هذا يسموه سلب الضرورة من الجانب المخالف. هذا هاي القضية تسمى سلب الضرورة من الجانب المخالف. وقولنا: ⟦لا شيء من الانسان بكاتب بالامكان العام⟧ هاي يسموها سلب الضرورة من الجانب منو؟ الموافق.

لأن الجانب الموافق يبقى كلامه هذا اللي ذكرناه: إذا كانت القضية الموجهة المركبة بيها إيجاب وسلب، هاي شنو حكمها؟ موجبة ولا سالبة؟ راح يجاوب المحشي. قال: العبرة بالإيجاب والسلب حينئذ بالجزء الأول من القضية اللي هو أصل القضية. وقلنا لأن قلنا قيد لا دائماً ولا بالضرورة يسموا فرع القضية. وعندنا احنا قول مشهور أن الأصل مقدم على الفرع. فلهذا ما دام الإيجاب هو الأصل نقول القضية موجبة، موجهة مركبة موجبة. إذا كان الأصل سالب فنقول عنها قضية موجهة مركبة سالبة.

واعلم أيضاً أن القضية المركبة إنما تحصل بتقييد قضية بسيطة بقيد مثل اللا دوام واللا ضرورة.

نعم، شلون صارت فرعية؟ لا دائماً، يعني هاي هي في أصلها مو قضية مستقلة مذكورة صريحة، إنما هي فرع للقضية الأولى، توافقها بالكم وتخالفها بالكيف، فسموها فرع لها. يعني مو قضية مستقلة، لو كانت قضية مستقلة كانت صارت أصل. بس هي مو قضية مستقلة، إنما هي قضية فرعية تابعة لمن؟ للقضية الأولى المذكورة بالأصل، غاية الأمر تخالفها بالكيف وتوافقها بالكم. فإذاً هي تبعاً لها، فإذا هي فرع عنها. نعم.

هذه قضية البسيطة، من الممكن لنا أي قضية بسيطة نحولها إلى شنو؟ موجهة مركبة، عندما نقيدها بلفظ شنو؟ لا دائماً أو لا بالضرورة. هاي باللفظ. بإمكانك تسويها موجهة مركبة بس بالمعنى. إذا حولت إمكانها إلى إمكان شنو؟ خاص.

نعم. أما قوله والعامتان فالمراد به المشروطة العامة والعرفية العامة. وقوله الوقتيتان، طبعاً هاي اللي وين ذكرناها إحنا؟ في باب الموجهات البسيطة. والوقتيتان يقصد بها الوقتية المطلقة والمنتشرة المطلقة، اللي أيضاً ذكرناها في إياه باب الموجهات البسيطة. هذه القضايا البسائط الأربع: المشروطة العامة والعرفية العامة والوقتية المطلقة والمنتشرة المطلقة، أربعتهن تقيد، تقيد أربعة تقيد باللا دوام الذاتي. فاحنا عندنا بعد صارت قاعدة: كل تقييد باللا دائم ايش يطي؟ مطلقة عامة. أحسنت، هاي حفظوها.

فالآن الآن نسأل: ما معنى اللا دوام الذاتي اللي أنتم قيدتوا بالموجهة البسيطة حتى سويتوها موجهة مركبة؟ راح يبين المحشي. قال: اللا دوام الذاتي إن هذه النسبة المذكورة، يعني يا نسبة يقصد؟ يقصد نسبة المحمول للموضوع المذكورة في القضية ليست دائماً ما دام ذات الموضوع، لأن هو هذا معنى لا دائماً. لا دائماً جاي أسلب الدوام ما دام، ليست دائماً ما دام ذات الموضوع موجود فيكون نقيضها، يعني نقيض النسبة، هذا نقيض النسبة منين نفهمه؟ نفهمه من قيد لا دائماً، واقعاً البته، يعني البته يعني قطعاً، لأن معنى لا دائماً يعني الدوام مو دائمة هي. إذا كانت مو دائمة هي يعني تحققها واقع ولو شنو؟ في زمن من الأزمان، في مرة من المرات.

فلهذا قال: وإذا هي واقعة يعني موجودة وفعلًا متحركة البته، البته يعني قطعاً. عدم الدوام، أي لا دوام. اللا دوام شنو يعني؟ يعني ليس دائم. اللا دائم يعني شنو معناه؟ يعني متحقق ولو في زمن من الأزمان، يعني فعلاً موجود هو ولكن في زمن من الأزمان الثلاثة، سواء كان ماضي، حاضر، استقبال. فيكون، فيكون منو؟ يعني اللا دوام الذاتي اسم، يكون اللا دوام الذاتي، إشارة إلى قضية مطلقة عامة. هاي خلي جواها خط، هاي القاعدة، هاي القاعدة اللي حفظناها: كل لا دوام يعني قيد لا دائماً يشير إلى قضية مطلقة عامة، هذا اللي حفظناها كقانون. لكن هاي القضية المكنة اللا دائماً هي تخالف الأصل اللي هو الجزء الأول من القضية في الكيف، يعني بالإيجاب والسلب، لكن توافق بمن؟ في الكم، يعني بالكليّة والجزئيّة.

ثم قال: فافهم، أشرنا إلى أن فافهم فيه إشارتين بيناها في ضمن الشرح. والحمد لله رب العالمين.