حاشية الملا عبدالله الشيخ صادق الكعبي

073

لا زال كلامنا في ضروب الشكل الثالث ووصلنا إلى عبارة المحشي، لكن ثلة منها -الثلة يعني المجموعة الصغيرة أو القليلة منها- تنتج الإيجاب -يقصد الضروب الثلاثة الأولى راح تنتج موجبة جزئية- وثلة منها -يعني ومجموعة صغيرة أخرى من الضروب- راح ينتج السلب -يقصد بها الضروب الثلاثة الأخرى-. أما المنتجة للإيجاب -طبعاً قدم الإيجاب لأن الإيجاب أشرف من السلب، فلهذا جعلت الضروب الأولى الثلاثة مقدمة على السالبه الأخرى- فأولها، أي: أول تلك الضروب: المركب من موجبتين كليتين، نحو: كل جين باء، وكل جين ألف، فبعض باء ألف، تريد يعني، يعني يقصد موجبة مع موجبة كلية تعطينا موجبة جزئية. أما مثالها: كل إنسان حيوان، وكل إنسان ناطق، يعطينا: بعض الحيوان ناطق. أو تريد مثال آخر: كل ذهب معدن، وكل ذهب غالي الثمن، إذاً: بعض المعدن غالي الثمن. هذا الضرب الأول.

ثانيهما: المركب من موجبة جزئية صغرى وموجبة كلية كبرى، وإلى... طبعا هذا مثال يقصد شنو؟ يقصد موجبة جزئية مع موجبة كلية تعطينا موجبة جزئية. مثاله: بعض الحيوان إنسان، وكل حيوان جسم، إذاً: بعض الإنسان جسم. أو تريد مثال آخر، نقول: بعض الطائر أبيض، وكل طائر حيوان، إذاً: بعض الأبيض حيوان. هذا الضرب الأول والثاني. وإلى هذين -يعني الضربين- أشار المصنف المتن التفتازاني بقوله: «لينتج الموجبتان»، يعني يقصد الصغرى مع الموجبة الكلية أي الكبرى، يعني يقصد أنه عندنا موجبتين بالضرب بالصغرى والكبرى تنتج موجبة في نتائجها أيضاً، اللي هي الموجبة الكلية في إحدى مقدماتها تنتج الموجبة الجزئية في نتائجها.

والثالث -يعني الضرب الثالث- عكس الثاني، الثاني كان متكون من موجبة جزئية وموجبة كلية يعطينا موجبة جزئية، هذا عكسه؛ الثاني متكون من موجبة جزئية وموجبة كلية، إذا عكسناه شو يصير؟ يصير من موجبة كلية وموجبة جزئية. فالثالث هو عكس الثاني، يعني الثاني كان موجبة جزئية مع موجبة كلية، نعكسه يصير موجبة كلية ويا موجبة جزئية، أيضاً ينتج لنا موجبة جزئية، يعني المركب من موجبة كلية -يعني في الصغرى- وموجبة جزئية وين؟ في الكبرى. مثاله: كل حيوان جسم، وبعض الحيوان إنسان، ينتج لنا: بعض الجسم إنسان. ومثال آخر نذكر: كل طائر حيوان، وبعض الطائر أبيض، إذاً: بعض الحيوان أبيض، هذا مثال آخر للضرب الثالث.

وإليه -يعني إلى هذا الضرب الثالث الذي هو عكس الثاني- أشار بقوله: «أو بالعكس»، لأن المتن قال: «أو بالعكس»، فأشارة لمن؟ يعني يقصد الضرب الثالث هو عكس الثاني، فليس المراد من كلمة «بالعكس» في كلام المتن ليس المراد بها عكس الضربين المذكورين، يعني ما يقصد به عكس الضرب الأول والثاني، يقصد فقط عكس الضرب الثاني، ليش؟ لأن العبارة موهمة، قد يعتقد البعض من قول المتن «أو بالعكس» أن هذه العبارة تتضمن الضربين، يعني عكس الضربين الأول والثاني؛ لأنه هو قال: «الموجبتان»، الموجبتان يعني اثنين بالضرب الأول والثاني، و«بالعكس» يعني عكس الضرب الأول والثاني، قد يتوهم متوهم هذا الشيء. المحشي أشار قال: لا، قوله «بالعكس» هو مرادفة فقط عكس أنه الضرب الثالث هو عكس الضرب الثاني فقط. شنو الدليل؟ الدليل هذا راح يذكره، الدليل: إذ ليس عكس الضرب الأول إلا الأول، لأن ما ممكن يريد عكس الضربين، لأن الضرب الأول متكون من موجبتين كليتين، إذا عكستهن يبقى نفسه هم موجبتان شنو؟ كليتان، إذ ليس الضرب الأول إلا الضرب الأول، وحتى لو عكسناه يبقى نفسه، إذاً مراد «أو بالعكس» ما يشمل الضرب الأول، مراد الضرب الثاني، يقصد به الموجبة الجزئية والموجبة الكلية، نعكسهن إلى موجبة كلية وموجبة جزئية يصبح ضرباً جديداً، لهذا قال: إذ ليس عكس الأول -أي الضرب الأول- إلا الأول، أي: نفسه الضرب الأول، وكلا مقدمتيه متماثلتان في الكلية موجب الكلية ليس مختلفات، لهذا إذا عكسناه ما يحصل إلا نفسه، ما يحصل منه ضرب جديد، فكما هو معلوم بالتأمل، لهذا قال: «فتأمل» إشارة إلى دقة المطلب، أن المراد من قوله «بالعكس» هو فقط مراد عكس الثاني وليس عكس الضربين المذكورين الأول والثاني، فقوله «فتأمل» إشارة إلى دقة المطلب، فينبغي التأمل فيه.

هذه الضروب الثلاثة الأولى المنتجة للموجبة الجزئية. وأما المنتجة للسلب فأولها -يعني الضرب الرابع راح يصبح- المركب من موجبة كلية صغرى وسالبة كلية كبرى، يعني يقصد موجبة كلية مع سالبة كلية شيطنينا؟ سالبة جزئية. مثاله: كل إنسان حيوان ولا شيء من الإنسان بحجر، فينتجن: بعض الحيوان ليس بحجر. أو نعطي مثال آخر: كل ذهب معدن ولا شيء من الذهب بفضة، إذاً النتيجة: بعض المعدن ليس بفضة. هذا الضرب الرابع.

الضرب الخامس قال: والثاني -يعني الثاني من الضروب المنتجة للسلب، المكون من موجبة جزئية صغرى وسالبة كلية كبرى- مثاله: بعض الحيوان إنسان -يعني يقصد موجبة جزئية ويا سالبة كلية تعطينا سالبة جزئية، هذا مراده موجبة جزئية مثل بعض الحيوان إنسان، والسالبة الكلية: لا شيء من الحيوان بحجر- ينتج أنه: بعض الإنسان ليس بحجر. مثال آخر: بعض الذهب معدن هي موجبة جزئية، لا شيء من الذهب بحديد هي سالبة كلية، النتيجة ما هي؟ بعض المعدن ليس بحديد. هذا الضرب الخامس.

وإلاهما -إلا الضرب الرابع والخامس- أشار بقوله: «مع سالبة الكلية» يعني يقصد أن الكبرى مع الضرب الرابع والخامس كلهم سالب الكلية إلا آخر... إلى آخر كلامه، يعني يقصد به أنه راح يكون منتج إلى من؟ منتج للسالبة الجزئية.

والثالث -يعني اللي هو الثالث من الضروب المنتجة للسلب اللي راح يصير تعدادها يا ضرب؟ الضرب السادس- المكون من موجبة كلية صغرى وسالبة جزئية كبرى، يعني يقصد موجبة كلية ويا سالبة جزئية ايش تعطينا؟ سالبة جزئية. مثاله: كل حيوان حساس -هاي موجبة كلية- بعض الحيوان ليس بإنسان -هاي سالبة جزئية- النتيجة: بعض الحساس ليس بإنسان.

هذه الضروب الستة، كما قال المصنف، أو الكلية مع الجزئية، يعني يقصد الموجبة الكلية مع السالبة الجزئية هاي من إشارة للضرب السادس؟ إذن هاي ضروب الشكل الثالث: ثلاثة منها منتجة للموجبة الجزئية، والثلاثة الأخرى منتجة للسالبة الجزئية.

أدلة إنتاج ضروب الشكل الثالث

الآن واضح عندنا، هذا الضرب الثالث هو عكس الطبيعة فيحتاج دليل، شنو الأدلة اللي تأكد لنا قياسيته وانتاجيته؟ يعني النتيجة اللي تظهر خلاف الطبع، وإذا سالنا سائل قال: ها خلاف الطبع، شنو الدليل على أن هذه النتيجة صادقة؟ عندنا ثلاثة أدلة: عندنا دليل الخلف يثبت لنا الضروب ستتهن، اللي هذا يعبرون عنه المحققين يقولون عنه دليل مبارك، يعني أينما تستعمله منتج. وعندنا دليل عكس الصغرى اللي راح يجري فقط بالكليات الكبرى اللي هي الضرب الأول والثاني والرابع والخامس. وعندنا دليل عكس الكبرى نعكسه حتى نرجعه للشكل الرابع، وبعدين نعكس الترتيب تطلع النتيجة ونعكسها بالعكس المستوي، هذا ينتج بس بالضرب الأول ويا الضرب... الضرب الثالث.

أما دليل الخلف قال: «أو بالخلف» وهو ها هنا، يعني يقصد ها هنا وين؟ في ضروب الشكل... في دليل الخلف في ضروب الشكل الثالث، أن يؤخذ نقيض النتيجة، يعني شنو؟ يعني نقول: لو لم تصدق النتيجة لصدق شنو؟ نقيضها، وإلا لزم ارتفاع شنو؟ النقيضين، وهو محال. وأن يؤخذ نقيض النتيجة ويجعل... من يجعل النقيض؟ لكليته، يعني نجعل النقيض نقيض لكلية القياس الجديد، يعني كلية ليش؟ لأن النتيجة بالضروب الثلاثة الأولى هي دائماً موجبة جزئية، من ننقضها بالنقيض مال موجبة جزئية شنو؟ سالبة كلية، فمن يصير سالبة كلية؟ هاي السالبة الكلية تصلح أن تكون كبرى في قياس الشكل الأول، اللي هو من شروطه كلية كبرى، واضح؟ ونقيضه، زين يبقى سؤال الصغرى شو تخلوها؟ نقدر ناخذ نفس صغرى القياس، لأن صغرى القياس هي محافظة على إيجابها وما... واحنا نريد بالشكل الأول إيجاب الصغرى، فيجيب صغرى القياس ونخليها في القياس الجديد. قال: «وصغرى القياس» -يعني قياس الأصل، لأن احنا عندنا قياس ثاني وقياس أصل، قياس الأصل قياس الضرب المراد اثبات انتاجيته- وصغرى القياس الأصل لإيجابها -يعني راح نختارها نجعلها صغرى في الشكل في الشكل، لأن هي موجبة فتصلح أن تكون ماذا؟ أن تكون صغرى للشكل الأول- فنجعلها صغرى وصغرى القياس لإيجابها صغرى لينتج قياس من الشكل الأول ما ينافي الكبرى، يعني هذا القياس اللي راح ينتج نتيجته نتيجته تنافي صدق الكبرى المفروض صدقها بالقياس، لأن المفروض أن الكبرى هي صادقة، فيكشف على أنه النقيض كاذب، وإذا كذب النقيض صدق شنو؟ مقابله، اللي هو الأصل، اللي هو النتيجة اللي احنا نريد شنو؟ نثبتها، ليش؟ لأن احنا عندنا إذا كذب النقيض صدق أصله، وإلا لزم ارتفاع النقيضين. صدق الأصل يبين استحالة صدق النقيض، وهذا يجري في هذه الضروب كلها، يعني هذا دليل الخلف ياتي يجري في الضروب ستتها، ان شاء الله احنا راح نبينها.

الضرب الأول: الضرب الأول يتكون من موجبة كلية مع موجبة كلية يعطيها موجبة جزئية بالثالث كل إنسان حيوان وكل إنسان ناطق... طبعاً هذا... فالنتيجة: بعض الإنسان وبعض الحيوان، نعم، بعض الحيوان نعم. الآن الدليل يقول: لو لم تصدق النتيجة لكي يشير وجود الجزئية لصدقت نقيضها. سالبة الجزئية ما هو؟ سالبة الكلية اللي هي شنو؟ كل حيوان ناطق. الآن نحسب القياس، القياس ناخذ به الصغرى لنحافظ على إيجابها، فنقول: كل إنسان حيوان، ونجيب النقيض، النقيض نجعله كبرى: وكل حيوان ناطق، نحذف حيوان وحيوان، أصبح النتيجة: كل إنسان... أصبح النتيجة: كل إنسان... احنا خدنا كل إنسان حيوان و... العفو لا لا، هذه عفوًا، الصدقة نقيضها لا شيء السالبة الكلية لا شيء. العفو هذه مو سالبة كلية، احنا عندنا موجبة جزئية نقيضها السالبة الكلية لا شيء من الحيوان بناءً... الآن خلينا لا شيء من الحيوان بناءً، النتيجة تصحح هي السن لا شيء من الإنسان بناءً وهذا خلف، هذا خلف ما فرض صدقه في الكبرى. شو تقول؟ تقول: كل إنسان ناطق. احنا طلع عندنا شيء في الإنسان بناءً ناطق وهذا خلف كل إنسان، كل إنسان ناطق، إذاً هذا وإذا طلع خلف، إذاً بطل النقيض، بطل النقيض، وإذا بطل النقيض صدق الأصل، اللي هو من هو؟ النتيجة، اللي هي شنو؟ بعض الحيوان... بعض الحيوان... بعض الحيوان نام، وهو المطلوب. هذا هذا الأول الضرب الأول. الضرب الثاني...

الضرب الثاني يتكون من موجبة جزئية مع موجبة كلية يعطينا موجبة جزئية. مثال: بعض الحيوان إنسان، وكل حيوان جسم، يعطينا النتيجة: بعض الإنسان جسم.

نأتي: لو لم تصدق النتيجة الموجبة الجزئية لصدقت نقيضها السالبة الكلية: لا شيء من الإنسان بجسم. القياس: نجيب الصغرى: بعض الحيوان إنسان، والكبرى: لا شيء من الإنسان بجسم. النتيجة بعد حذف الإنسان: لا شيء من الحيوان بجسم. وهذا خلف ما فرض صدقه في الكبرى في الكبرى، في كبرى القياس اللي شو تقول: كل حيوان جسم.

والتكملة أنتم تكملوها، إذا بطلنا نقيسها نحصل نتيجة وإلى آخره، هاي النتيجة مثلاً وإلى آخره. هذا الضرب الثاني.

الضرب الثالث: الضرب الثالث متكون من جملة الكلية مع موجبة جزئية، اشترطينا موجبة جزئية. شوف الإنسان الزامل على نقاط الشفرة، إذاً الثلاثة مثل ما يقولون، فكل حيوان جسم...

الآن نقول: لو لم... لو لم تصدق النتيجة... يعني أقول: لو لم تصدق النتيجة لصدق نقيضها. قياس الضرب الثاني، إي نعم. بعض الحيوان... بعض الحيوان... النتيجة الأساس الضرب الثاني لا، بعد الضرب الثاني النتيجة: بعض الإنسان جسم. النتيجة اللي طلعت: لا شيء من الحيوان بجسم، خلف ما فرضت الطفل الكبرى: كل حيوان جسم. بعض الحيوان ليس بجسم. وين النتيجة؟ ليش النتيجة؟ لا، النتيجة: النتيجة تكون ويا الأخص. إي نعم. يعني الضرب الثاني غير؟ يعني بعض الحيوان ليس بجسم، بعض هذا؟ جسم. إي هذا هذا.

بس الجسم، خلف ما فرض سطح في كبرى القياس: كل حيوان جسم. ها، يلا، أريد لكم رد، إذا خير أريد لكم يا رد؟ بس احنا بعكس الكبرى هم راح نحتاج قلم، يلا، راح أريد لكم يا رد، خلينا نكتب الضرب الثالث.

الضرب الثالث متكون من موجبة كلية مع موجبة جزئية يعطينا موجبة جزئية. اكتبوا يا مشايخنا: كل حيوان جسم صغرى، بعض الحيوان إنسان، ينتج لنا: بعض الجسم إنسان. الآن الدليل: لو لم تصدق النتيجة الموجبة الجزئية لصدق نقيضها، نقيضها من هو؟ السالبة الكلية: لا شيء من الجسم بإنسان.

لا شيء من الجسم بإنسان. القياس الآن: القياس نقول: كل حيوان جسم -ها منين جبناها؟ صغرى القياس- نخلي وياها كبرى: لا شيء من الجسم بإنسان، هاي كبرى النقيض، النتيجة ايش راح تصبح؟ لا شيء من الحيوان بإنسان. لا شيء من الحيوان بإنسان. هذا لا شيء من الحيوان بإنسان خلف ما فرض صدقه في كبرى القياس اللي هي بعض الحيوان إنسان.

الضرب الرابع: يتكون من موجبة كلية ويا سالبة كلية يعطينا سالبة جزئية. مثاله: كل إنسان حيوان صغرى، ولا شيء من الإنسان بحجر كبرى. النتيجة: بعض الحيوان ليس بحجر. النتيجة الكبرى، الكبرى: لا شيء من الإنسان بحجر، لا شيء من الإنسان بحجر، النتيجة مالته تكون: بعض الحيوان ليس بحجر، إيه.

هذا الآن بس القياس، الآن الآن الدليل: نقول هكذا: لو لم تصدق النتيجة اللي هي السالبة الجزئية لصدق نقيضها الموجبة الكلية اللي هي: كل حيوان حجر. القياس: القياس: كل إنسان حيوان هاي صغرى الأصل، وكل حيوان حجر هاي كبرى النقيض. إي ها؟ القياس: كل إنسان حيوان، كل إنسان حيوان هاي صغرى الأصل، وكل حيوان حجر هاي كبرى النقيض. النتيجة ما هي؟ كل إنسان حجر. النتيجة راح تكون: كل إنسان حجر وهذا خلف كبرى القياس: لا شيء من الإنسان بحجر.

طبعا أنت تكمل مثل ما بينا، وهذا الخلف القياسي يبين بطلان النقيض، وإذا بطل النقيض صدق الأصل اللي هو النتيجة، لأنه لا يجتمع النقيضان، لا يجتمعان لا على صدق أو كذب.

الضرب الخامس: موجبة جزئية مع سالبة كلية، موجبة جزئية مع سالبة كلية تعطينا بالنتيجة سالبة شنو؟ جزئية، تعطينا سالبة جزئية. مثال: بعض الحيوان إنسان صغرى، ولا شيء من الحيوان بحجر هاي كبرى، النتيجة: بعض الإنسان ليس بحجر، بعض الإنسان ليس بحجر. الجواب: لو لم تصدق النتيجة سالبة الجزئية لصدق نقيضها اللي هو من هو؟ الموجبة الكلية: كل حيوان حجر. القياس: بعض الحيوان إنسان هاي صغرى الأصل، وكل حيوان حجر هاي كبرى النقيض، كل حيوان حجر. النتيجة ما هي؟ بعض الحيوان إنسان حجر، بعض الحيوان حجر، خلف كبرى القياس المفروض صدقها اللي هي: لا شيء من الحيوان بحجر.

الضرب السادس: الضرب السادس الموجبة الكلية وهي السالبة الجزئية ينتج لنا سالبة جزئية. نقول مثاله: كل حيوان جسم هاي صغرى، بعض الحيوان ليس بإنسان هاي كبرى، النتيجة: بعض الجسم ليس بإنسان. الآن الدليل: لو لم تصدق النتيجة اللي هي السالبة الجزئية لصدق نقيضها الموجبة الكلية اللي هي: كل جسم إنسان. القياس: كل حيوان جسم هاي صغرى الأصل، وكل جسم إنسان هاي كبرى شنو؟ النقيض، النتيجة مالتها: كل حيوان إنسان، هذا خلف كبرى القياس المفروض صدقها اللي هي: بعض الحيوان ليس بإنسان. وإذا بطل النقيض صدق أصله، اللي هو من هو النتيجة المطلوب اثباتها اللي هو: بعض الجسم ليس بإنسان. هذه ضروب ستة عن طريق دليل الخلف.

دليل عكس الصغرى

أما الدليل الثاني الذي نسميه بعكس الصغرى، يعني نعكس الصغرى، راح إذا عكسنا الصغرى ليش؟ راح يرجع راح يرجع القياس للشكل الأول، لأن انتم تعرفون الصغرى في الشكل الثالث الحد الأوسط بها شنو؟ موضوع، إذا عكسنا الصغرى راح يصير الحد الأوسط وين؟ محمول في الصغرى، وإذا صار محمول راح يصير عندنا الحد الأوسط محمول في الصغرى، موضوع في الكبرى، اللي هو هذا من هو؟ عين الشكل الأول. لهذا قال: «أو بعكس الصغرى»، يعني نعكسها عكس مستوي ليرجع إلى الشكل الأول كما وضحنا.

إذا عكسنا الصغرى، الحد الأوسط كان بها موضوع، إيش راح يصير؟ محمول، وإذا صار الحد الأوسط محمول ويا الكبرى راح يصير الحد الأوسط محمول في الصغرى، موضوع بالكبرى، وهذا عينه الشكل الأول. وذلك حيث تكون الكبرى كلية، يعني يقصد هذا دليل عكس الصغرى ما يجري إلا بالضروب اللي بها كبرى كلية. لماذا؟ لأن حتى نبقى نحافظ على كلية الكبرى بالقياس الجديد مال الشكل الأول، فيصير عندنا إيجاب صغرى ويا كلية كبرى. وإذا رجعنا لضروب الشكل الثالث من ما هي الضروب اللي كبراها كليات؟ الضرب الأول والثاني والرابع والخامس فقط، هذني الضروب الأول والثاني والرابع والخامس كلياتها كبرى، الكبرى لقياسها كليات، وإحنا نريد كبرى القياس لازم تبقى كلية على مود نحقق شرط الشكل الأول: كلية الكبرى، وعندنا وياها إيجاب الصغرى، فيحدث لنا النتيجة شنو؟ شكل أول منتج.

الان راح راح نرد لكم الضرب الأول. الضرب الأول يتكون من موجبة كلية مع موجبة كلية يعطينا موجبة جزئية. مثاله: كل إنسان حيوان وكل إنسان ناطق، هاي الكبرى، النتيجة: بعض الحيوان ناطق. الآن الآن أو الدليل، أول ما أول شيء نسوي شو نسوي؟ نعكس الصغرى. الصغرى الآن هي شنو؟ الصغرى التي موجودة عندنا موجبة كلياً، إذا تتذكرون الموجبة الكلية إذا عكسناها بالعكس المستوي شو يصير؟ موجبة جزئية: بعض الحيوان إنسان. لماذا تكتب عليه صغرى؟ هذا صغرى صغرى العكس. ليش؟ لأن لأن الموجبة الكلية عكسها المستوي موجبة جزئية. الآن نجيب الكبرى، كبرى الأصل، كبرى الأصل شنو كانت؟ كل إنسان ناطق، هاي كبرى الأصل، النتيجة راح تصبح: بعض الحيوان ناطق، وهو المطلوب. بعض الحيوان ناطق. طبعا إذا وهذا شنو يدل؟ شنو يعني شنو؟ إذا صدق العكس صدق أصله، ما دام طلع أن العكس صادق إذا الأصل هو اللي هو نقصد به النتيجة هو أيضاً هو شبيها صادق، وهو المطلوب.

الثاني: الضرب الثاني متكون من موجبة جزئية ويا موجبة كلية يعطينا شنو؟ موجبة جزئية. مثاله: بعض الحيوان إنسان وي كل حيوان جسم، هاي الكبرى، النتيجة: بعض الإنسان جسم. الآن الدليل: قلنا أول ما نفعل شنو نفعل؟ نعكس الصغرى، الصغرى هنا بالقياس هي شنو؟ موجبة جزئية، عكسها المستوي يبقى أيضاً موجبة شنو؟ جزئية، فتصبح: بعض الإنسان حيوان، هي كانت بعض الحيوانات نعكسها تصبح: بعض الإنسان حيوان، هاي صغرى العكس، نجيب ويا الكبرى: كل حيوان جسم، هاي الكبرى، راح تصبح النتيجة: بعض الإنسان هو شنو؟ جسم، وهو المطلوب، إذا صدق العكس صدق أصله اللي هو النتيجة.

الضرب الرابع: متكون من موجبة كلية ويا سالبة كلية ينتج لنا سالبة شنو؟ جزئية. نقول: كل إنسان حيوان هاي صغرى، مع لا شيء من الإنسان بحجر هاي كبرى، النتيجة: بعض الحيوان ليس بحجر.

عندنا موجبة كلية عكسها المستوي ما هو؟ موجبة جزئية، فتصبح: بعض الحيوان إنسان، بعض الحيوان إنسان، هذا اكتب عليه عكس الصغرى: بعض الحيوان إنسان، نجيب ويا الكبرى: لا شيء من الإنساني... هاي كبرى الأصل، لا شيء من الإنساني بحجر، هاي كبرى الأصل، النتيجة راح تصبح: بعض الحيوان ليس بحجر، وهو عين مطلوب النتيجة، وهو المطلوب، فإذا صدق العكس صدق أصله.

الضرب الخامس والأخير في دليل عكس الصغرى: متكون من موجبة جزئية مع سالبة كلية، ينتج لنا ما هو؟ سالبة جزئية. مثاله: بعض الحيوان إنسان، هاي صغرى، لا شيء من الحيوان بحجر، هاي كبرى، النتيجة: بعض الإنسان ليس بحجر. الآن الدليل: الدليل نعكس الصغرى، الصغرى عندنا هي ما هي؟ موجبة جزئية، من نعكسها تبقى نفسها موجبة جزئية، فنقول: بعض الإنسان حيوان، هاي صغرى العكس، بعض الحيوان... بعض الإنسان حيوان، نجيب ويا الكلية الكبرى كبرى القياس: لا شيء من الحيوان بحجر، هاي كبرى الأصل، كبرى الأصل، فالنتيجة راح تصبح بعد حذف الحد الأوسط: بعض الإنسان ليس بحجر، بعض الإنسان...

طبعا هذا كله راح يرجعنا للشكل الأول الذي هو بديهي الإنتاج، صدق نتيجة العكس تستلزم صدق نتيجة الأصل؛ لأن قلنا: إذا صدق الأصل صدق عكسه، وإذا صدق عكسه صدق أيضاً شنو؟ إذا صدق عكسه صدق أيضاً أصله، فنتيجة صدق نتيجة صدق العكس تستلزم صدق الأصل؛ لأن الأصل... العكس يتبع الأصل في الصدق والكذب.

دليل عكس الكبرى

هذا الدليل الثاني الذي يسموه عكس الصغرى. الدليل الثالث الذي هو عكس الكبرى: عكس الكبرى إذا عكسنا الكبرى شو يصير؟ شكل رابع. شنو السبب؟ لان انتم تعرفون الحد الأوسط في الكبرى هو موضوع، إذا عكسناه شو يصير؟ يصير الحد الأوسط محمول، وإذا صار محمول واحنا عندنا فوز الحد الأوسط موضوع في الصغرى وصار محمول في الكبرى، ايش راح يصير؟ شكل رابع، نعيده: الحد الأوسط بالشكل الثالث هو موضوع بالكبرى، إذا عكسناه ايش يصير الحد الأوسط؟ محمول، وإذا صار محمول احنا عندنا بالصغرى الحد الأوسط موضوع وصار... صار في الكبرى محمول، راح يصير الحد الأوسط موضوع في الصغرى محمول في الكبرى، هذا عينه يا شكل؟ الشكل الرابع. فلهذا قال: «أو بعكس الكبرى ليصير شكلاً رابعاً». وبينا احنا ليش يصير شكل رابع؟ بينا هذا الأمر لأنه قلنا الموضوع في الكبرى هو الحد الأوسط موضوع في الكبرى من نعكسه يصير محمول راح يصير ويا الصغرى الحد الأوسط موضوع في الصغرى محمول في الكبرى.

ثم عكس الترتيب، يعني شنو نعكس الترتيب؟ احنا صارت عندنا صغرى وكبرى نعكس الترتيب: الكبرى نجعلها صغرى حتى نحصل على إيجاب الصغرى، والكبرى نجعلها شنو؟ صغرى حتى نسعى نحصل على كلية الكبرى. قال: «ثم نعكس الترتيب ليرتد شكلاً أولاً»، يعني نحصل بإيجاب الصغرى وكلية الكبرى. ثم راح تظهر لنا نتيجة مال قياس الشكل الأول، هاي النتيجة مال قياس الشكل الأول نعكسها بالأخير عكس مستوي، نعكسها عكس مستوي راح تظهر لنا نفس النتيجة اللي مراد إثباتها.

فان... ثم يعكس هذا النتيجة، فان المطلوب... فإنه المطلوب، وذلك يكون فقط في الكبرى الموجبة ليصلح عكسها صغرى، يعني هذا القياس عكس الكبرى ما يحصل بس بالقياسات التي كبراها موجبة كلياً، الذي يحصل وين؟ في الضرب الأول والثالث فقط، حتى من نعكسها تصلح أن... تصلح صغرى موجبة للشكل الأول، ويكون الصغرى كلياً تصلح أن تكون كبرى كلياً حتى نحصل عليها إيجاب الصغرى وكلية الكبرى التي هي شروط الشكل الأول، وهذا ما يحصل فقط وين؟ بالضرب الأول والضرب الثالث فقط. لماذا؟ لأن الضرب الأول والضرب الثالث هو فقط الكبريات فيها موجبة كلياً. راح نقرا لكم الدليل.

الدليل: الضرب الأول نتكون من موجبة كلياً مع موجبة كلياً ينتجن موجبة جزئية. نقول مثاله: كل إنسان حيوان وكل إنسان ناطق، ينتجن النتيجة: بعض الحيوان ناطق.

نعكس الكبرى، شنو معناتها؟ نعكس الكبرى، يعني راح ننزل الصغرى، الصغرى هي ما هي؟ كل إنسان حيوان، نزلوها الصغرى: كل إنسان حيوان، وكتبوا عليها صغرى الأصل: كل إنسان حيوان هاي صغرى الأصل، خلوا وياها عكس الكبرى، الكبرى عندنا موجبة كلية إذا عكسنا الموجبة الكلية بالعكس المستوي إيش تصبح؟ موجبة جزئية، فتصبح: بعض الناطق إنسان.

بعض الناطق إنسان، يكتب عليه عكس الكبرى. الآن نعكس الترتيب، شنو يعني نعكس الترتيب؟ الصغرى نجعلها كبرى والكبرى نجعلها صغرى، فتصبح النتيجة: بعض الناطق إنسان، وكل إنسان حيوان، فالنتيجة أنه: بعض الناطق حيوان، هاي النتيجة: بعض الناطق حيوان.

اعكسها بالعكس المستوي فتصبح موجبة جزئية، من نعكسها إيش تصبح؟ أيضاً موجبة جزئية، فتصبح النتيجة: بعض الحيوان ناطق، بعض الحيوان ناطق، هاي عين نتيجة الأصل، عين نتيجة الأصل، وهو المطلوب، وهو المطلوب.

الضرب الثالث: الضرب الثالث لقصر الوقت راح نجعله لكم واجب أسبوعي، الضرب الثالث نفس هذا الذي ذكرناه عينه، هسه الذي ذكرناه بالضرب الأول نفس خطوات عينه بس تغير المثال، إي يبقى يومكم هذا واجب أسبوعي، الضرب الثالث للشكل الثاني، وبهذا قد ينتهي الكلام عن الشكل الثالث، يبقى الكلام في الشكل الرابع ياتي إن شاء الله، والحمد لله رب العالمين.