حاشية الملا عبدالله الشيخ صادق الكعبي

074

أدلة الشكل الرابع وعكس الصغرى والكبرى

أما على الأول -الأول منو؟ كونهما سالبتين- فلأن الحق -يقصد الحق يعني الصدق- وقت تكون النتيجة حق وصادقة في قولنا: «لا شيء من الحجر بإنسان» صغرى، و«لا شيء من الناطق بحجر» كبرى. الآن هذا شكل رابع، الحد الأوسط موضوع في الصغرى محمول في الكبرى. احذف الحجر الحد الأوسط، النتيجة الحق والصدق لابد أن تكون مع الإيجاب وهي: «كل إنسان ناطق».

ولو قلنا -يعني شنو قلنا؟ راح نغير الكبرى يعني نسوي القياس من جديد هكذا- «لا شيء من الحجر بإنسان» صغرى مع تغيير الكبرى، إبدال الكبرى بـ «لا شيء من الفرس بحجر»، واحنا سابقاً قلنا ليش نغير الكبريات؟ حتى نريد نبين أنه ترى إذا اختلفت المواد لابد تبقى النتائج، بس هنا جاي نخلْـ... جاي احنا هنا نغير ونبدل المواد وتختلف النتائج، هذا دليل عقم القياس وعدم إنتاجيته. احذف حجر حد أوسط، النتيجة لابد تكون مع الحق والصدق ويا من؟ ويا السلب، «لا شيء من الإنسان بفرس». هناك النتيجة صارت الحق والصدق ويا الإيجاب، وهنا النتيجة صارت الحق والصدق ويا السلب، اختلفت النتائج. اختلاف النتائج دليل عقم القياس وعدم إنتاجيته.

وأما على الثاني -الثاني قلنا شنو؟ موجبتين ويا صغرى جزئية- فلأن...فلأن إذا قلنا: «بعض الحيوان إنسان» هاي صغرى، و«كل ناطق حيوان» هاي شنو؟ كبرى. احذف الحد الأوسط الحيوان، الحق لابد يكون مع الإيجاب «كل إنسان ناطق» حتى تكون النتيجة صادقة.

ولو قلنا -يعني شنو؟ راح نعيد صياغة القياس، نبقي نفس الصغرى «بعض الحيوان إنسان» لكن نبدل الكبرى، نخلي بدالها «وكل فرس حيوان» كبرى- احذف شنو؟ حيوان الحد الأوسط، النتيجة تكون الحق والصدق مع السلب «لا شيء من الإنسان بفرس»، مع أن الشكل الرابع كما سوف ياتينا -الشكل الرابع اللي يتكون من موجبة جزئية مع موجبة كلية ما ينتج السالبة الكلية، راح ياتينا إن شاء الله من نذكر ضروب الشكل الرابع ما ينتج السالبة الكلية- يعني ما يصير تكون النتيجة «لا شيء من الإنسان بفرس»، لازم تكون... لازم تكون النتيجة موجبة جزئية «بعض الإنسان فرس»، و«بعض الإنسان فرس» كاذبة مو صادقة. فهذا مَعَ... راح ياتينا إن شاء الله في الضروب، وهذا فاسد كما لا يخفى، فاسد، كيف أنه بعض الإنسان فرس؟ هذا كاذب وفاسد. لكن اختلاف النتائج والحق والصدق تارة مع الإيجاب والأخرى مع السلب دليل عقم القياس. هذا الثاني.

وأما الثالث -الثالث منو؟ جزئيتان مختلفتان بالكيف- فلأن الحق في قولنا: «بعض الحيوان إنسان» هاي صغرى، و«بعض الجسم ليس بحيوان» هاي شنو؟ كبرى، احذف الحيوان الحد الأوسط، لابد يكون الصدق ياما مع الإيجاب «بعض الإنسان جسم»، مع أن الشكل الرابع كما سوف ياتينا في الضروب... ظروف الشكل الرابع ما ينتج الموجبة الجزئية، راح ياتينا هاي بس تأشر عليها، أشر عليها حتى تبين أنه ترى هاي النتائج جاي تخالف نتائج الضروب كما فتاتينا.

أنت من الآن أشر عليها، راح ياتينا إذا جانه ضرب بموجبة جزئية ويا سالبة جزئية ما ينتج لنا موجبة جزئية، لازم ينتج لنا الأخص سالبة جزئية، يعني ما يصير النتيجة تكون «بعض الإنسان جسم»، لازم شو تصير؟ بعض... لا تصير تصير «بعض الإنسان ليس بجسم». شلون بعض الإنسان ليس بجسم؟ هذه نتيجة فاسدة كاذبة، إذا قلت شنو الدليل على كذبها؟ أن قلنا الدليل كذبها صدق نقيضها الموجبة الكلية اللي هي «كل إنسان جسم».

أنت الآن بس أشر عليها حتى حتى بعدين من تاخذ الضروب تلاحظ أنه هاي طريقة إنتاجيتها ما موافقة ضروب الشكل الرابع، فإذا بيها أمر مخالفها، مو مخالف إنتاجية الظرب... ضروب الشكل الرابع واختلاف المقدمات، دليل عقم القياس.

ولو قلنا غيرنا القياس، نخلي نفس الصغرى «بعض الحيوان إنسان»، ونغير الكبرى «بعض الحجر ليس بحيوان»، احذف الحد الأوسط حيوان، كان الحق والصدق مع من؟ مع السلب، لابد تقول «بعض الإنسان ليس بحجر». قبل قليل كان الحق والصدق مع الإيجاب، والآن صار الحق مع السلب «بعض الإنسان ليس بحجر». الاختلاف... الاختلاف في النتائج دليل عقم القياس وعدم إنتاجيته.

هذا السبب اللي دفع المناطقة يشترطون هاي الصياغة، يا صياغة؟ صياغة أما إيجاب المقدمتين مع كلية الصغرى أو على سبيل المنفصلة الحقيقية اختلاف المقدمتين مع... في الكيف مع كلية أحدهيهما. هاي الصياغة على هاي الشروط... على هاي الشرطين أو أما أو أم أو أما... أما المنفصلة الحقيقية ينتج لنا ثمان ضروب. هذا خلصنا منه.

طبعا بالدرس القادم إن شاء الله نذكر الضروب وتفصيلها. الآن نريد نتكلم عن الصياغة اكو أخرى، صياغة... صياغة ثانية لإنتاج الشكل الرابع مرت علينا إذا تذكرون في منطق المظفر.

صياغات إنتاج الشكل الرابع

الصياغة هاي غير هاي الصياغة، يعني ما درسناه بمنطق المظفر يعبرون عنها صياغة مشهور القدماء. هاي اللي الآن الصياغة اللي ذكرناها هي صياغة منو؟ مشهور المتاخرين، اللي اختارها التفتازاني والمحشي اليزدي وشارح الرسالة الشمسية الكاتبي. هاي الصياغة قال هاي شروط... شروط إنتاج الشكل الرابع فيعطينا ثمان ضروب منتجة.

وأكو صياغة ثانية يسموها مشهور القدماء اختارها منو؟ الشيخ المظفر درسناها سابقاً وهي موجودة في كلمات المحقق الطوسي وذكرها العلامة الحلي في كتابه الجوهر النضيد. هاي ايش تشترط؟ تشترط خمس شروط لإنتاجية الشكل الرابع، خليني أذكركم بيها. خمس شروط لإنتاجية الشكل الرابع:

1. ألا يتألف من سالبتين.

2. ألا يتألف من جزئيتين.

3. ألا يتألف من سالبة صغرى وجزئية كبرى.

هذه بالشروط العامة، أضافوا لها شرطين من الشروط الخاصة للشكل الرابع، اللي هي: أن تكون أحد مقدماته سالبة جزئية، وكلية الصغرى.

تفضلوا نعم. ليش اختلاف الشروط إذا كانت نتيجة حقيقية؟

ها، حسن مبين. ها، اختلافهم في... في الإنتاجية؟ بالشروط، يعني إذا كانت الإنتاجية صحيحة، تم... يعني دليل ما... مو ما مختلفين متوافقين هم، متوافقين على ضروب خمسة بس مختلفين بثلاثة.

اللي يقول يكفي في إنتاجية الشكل الرابع بس هذني الشرطين على سبيل المنفصلة الحقيقية كما هو مشهور المتأخرين، يقول الضروب تنتج لنا ثمانية راح تزيد.

اللي قال صياغة مشهور القدامى اللي اختارها الشيخ المظفر وموجودة في كلمات الشيخ الطوسي، هذه تشترط خمسة شروط، إذن تزداد الشروط. إذا تزداد الشروط الضروب شبيها؟ راح تقل. فصار المنتج عندهم بس خمس ضروب.

خليني أذكركم بهن، اكتبوها يمكم من باب التذكر، إذا تذكرون ذكرناها وين؟ ذكرناها بمنطق المظفر. بس هذا اللي... اللي راح الشروط المنتجة عندهم على يا طريقة؟ على طريقة مشهور القدامى. هاي احنا ذكرناها بمنطق المظفر بس نريد نتذكرهن:

موجبة كلية وموجبة كلية يعطي موجبة جزئية.

وموجبة كلية وموجبة جزئية ايش يعطنه؟ موجبة جزئية.

وأنت راجعها، سالبة كلية وموجبة كلية ايش يعطنه؟ سالبة كلية.

وإذا موجبة كلية وسالبه كلية ايش يعطنه؟ يعطنه سالبة جزئية.

وإذا موجبة جزئية وسالبه كلية ايش يعطنه؟ سالبة جزئية.

بس هذا المنتجات. هذا من باب التذكير، هذا المنتجات فقط عندكم، هذا اللي ايش قال؟ ذني خمسة، بينما راح ياتينا على طريقة مشهور... على طريقة مشهور المتأخرين الضروب المنتجة ثمانية.

ليش؟ لأن ذولي طريقة القدامى من زيدوا الشروط قلت الضروب، طريقة المتأخرين من قللوا الشروط شنو؟ زادت الضروب، أما قولاً... ثم إن المصنف لم يتعرض... سوف ياتي الكلام عنه والحمد لله رب العالمين.

أحسن الله إليكم. تفضلوا شيخ أسامة. تعال خليه يجمع شيخ أسامة القلم لأن نحتاج عند كتابة الدرس. استغل عادي.