حاشية الملا عبدالله الشيخ صادق الكعبي

076

ظروف الشكل الرابع

لا زال كلامنا في ضروب الشكل الرابع، وذكرنا أن ضروبها هي ثمانية. هذه كلها خلاف الطبع، فيحتاج إلى دليل على قياسيتها، فنحتاج إلى أدلة على إثباتها، بإرجاعها ولو بالشكل الأول أو إثبات إنتاجيتها.

فراح يذكر المصنف أربعة أدلة: الخلف، وعكس الترتيب، وعكس المقدمتين، ورد الشكل الرابع للشكل الثاني. نحن راح نأخذ الآن دليلين: دليل الخلف، ودليل عكس الترتيب.

لكن قبل بيان دليل الخلف، لابد نكتب ترتيب الضروب الثمانية، حتى بعد ذلك نستدل عليها إن شاء الله.

الضروب الثمانية هي:

الضرب الأول: يتكون من موجبة كلية مع موجبة كلية، يعطينا ماذا؟ موجبة جزئية.

الضرب الثاني: يتكون من موجبة كلية مع موجبة جزئية، يعطيني موجبة جزئية.

الضرب الثالث: يتكون من سالبة كلية وموجبة كلية، يعطينا سالبة كلية.

الضرب الرابع: يتكون من موجبة كلية وسالبة كلية، يعطينا سالبة جزئية.

الضرب الخامس: يتكون من موجبة جزئية وسالبة كلية، يعطينا سالبة جزئية.

الضرب السادس: يتكون من سالبة جزئية وموجبة كلية، ليعطينا سالبة جزئية.

الضرب السابع: يتكون من موجبة كلية وسالبة جزئية، ليعطينا سالبة جزئية.

الضرب الثامن: يتكون من سالبة كلية وموجبة جزئية، راح يعطيني سالبة جزئية.

---

دليل الخلف على إثبات الضروب

الآن مثال الضرب الأول مع دليل الخلف على إثباته:

كل إنسان حيوان، وكل ناطق إنسان. النتيجة بين موجبة جزئية: (بعض الحيوان ناطق).

الدليل معنا دليل الخلف. شنو نقول؟ لو لم تصدر النتيجة التي هي موجبة جزئية لصدق نقيضها. نقيض موجبة جزئية سالبة كلية، يعني (لا شيء من الحيوان بناطق). ثم الآن نجيب صغرى القياس، الصغرى للقياس: (كل إنسان حيوان) - تكتب عليها صغرى القياس -، وهذه تكتب عليها (كبرى النقيض) حتى تعرف مصدرها.

الآن هذا قياس: لا شيء من الحيوان بناطق، وكل إنسان حيوان. نحذف الحيوان مع الحيوان، تجينا النتيجة: لا شيء من الإنسان بناطق. طلعت النتيجة سالبة كلية. هذه السالبة الكلية نعكسها بعكس النقيض.

تذكرون السالبة الكلية إذا عكسناها بعكس النقيض، مو عكس المستوى، شنو عكس النقيض مالها؟ سالبة جزئية؛ لأنه نفس الكيف بس شنو نعكسها بالكيف، تتذكرون؟ فإذا عكسنا (لا شيء من الإنسان بناطق) اللي هي سالبة كلية، نعكسها بعكس النقيض تصبح سالبة جزئية، يعني تصبح: (بعض الناطق ليس بإنسان).

وهذا خلف ما فرض صدقه وين؟ في الكبرى التي شو تقول؟ (كل ناطق إنسان). زين، إذا طلع خلف يعني هذا النقيض باطل، وإذا بطل النقيض صدق منو؟ مقابله وهو النتيجة المطلوب إثباتها.

أعيدها حتى تكونوا شايفين:

عندنا الضرب الأول موجبة كلية وموجبة كلية: كل إنسان حيوان، وكل ناطق إنسان. يعطينا موجبة جزئية، يعني يعطينا: (بعض الحيوان ناطق).

شنو الدليل على إثباته؟ دليل الخلف. نقول: لو لم تصدق النتيجة الموجبة الجزئية (بعض الحيوان ناطق)، لصدق نقيضها. نقيض الموجبة الجزئية من هو؟ السالبة الكلية، يعني تصبح: (لا شيء من الحيوان بناطق).

الآن سووا القياس، القياس راح نجيب به صغرى القياس الأصلي نجيبها صغرى، ليش؟ حتى نحافظ على إيجابها، وندخل وياها كبرى النقيض. فتكتب هاي صغرى القياس، هاي كبرى النقيض.

صار عندنا قياس نحذف به الحد الأوسط الحيوان مع الحيوان، شنو يبقى النتيجة؟ (لا شيء من الإنسان بناطق). طلعت النتيجة سالبة كلية. هذه السالبة الكلية نعكسها بعكس النقيض. وعكس النقيض إذا تذكرون السالبة الكلية من نعكسها بعكس النقيض شو يصير؟ سالبة جزئية، فلا شيء من الإنسان بناطق يصبح: (بعض الناطق ليس بإنسان).

وهذه النتيجة اللي حصلناها خلف ما فرض صدقه وين؟ في الكبرى: (كل ناطق إنسان). الآن نسأل: شنو سبب هذا النقيض الباطل؟ سبب هذه النتيجة الباطلة سببها بطلان النقيض. نقول: إذا بطل النقيض صدق مقابله الذي هو النتيجة، وهو المطلوب.

---

الآن راح نجري نفسه هنا في الضرب الثاني.

الضرب الثاني مثاله: كل إنسان حيوان، وبعض الأبيض إنسان. النتيجة بعد حذف الحد الأوسط موجبة جزئية: (بعض الحيوان أبيض).

نفس الطريقة نتبعها، نقول الدليل: لو لم تصدر النتيجة بالموجبة الجزئية لصدق نقيضها، نقيض الموجبة الجزئية أيضا سالبة كلية: (لا شيء من الحيوان بأبيض).

الآن القياس: نجيب به الصغرى صغرى القياس: (كل إنسان حيوان)، ونجيب وياه نقيض الكبرى: (لا شيء من الحيوان بأبيض). الآن احذف الحد الأوسط الحيوان مع الحيوان، تصبح النتيجة: (لا شيء من الإنسان بأبيض).

راح نعكسها بالعكس المستوى، السالبة الكلية بالعكس المستوى تصير السالبة الكلية في نفسها، فتصير: (لا شيء من الأبيض بإنسان). خلف ما فرض صدقه في الكبرى: (بعض الأبيض إنسان).

إذا هذه النتيجة خلف ما فرض صدقه في الكبرى. إذا ما سبب هذه النتيجة الباطلة التي ظهرت؟ خلف ما فرض صدقه في الكبرى بطلان النقيض. فإذا بطل النقيض صدقت النتيجة المقابلة، وهو المطلوب.

---

أما الضرب الثالث، سالبة كلية وموجبة كلية.

مثال السالبة الكلية: (لا شيء من الحيوان بحجر)، وكل إنسان حيوان.

النتيجة سالبة كلية: (لا شيء من الحجر بحيوان).

الآن لو لم تصدر النتيجة السالبة الكلية لصدق نقيضها الموجبة الجزئية: (بعض الحجر حيوان). ثم نأخذها مع القياس.

القياس هنا نأخذ به الصغرى، طبعا هذي ما تنفع الصورة لأن: لا شيء من الحجر بحيوان، وكل إنسان حيوان... ولو لم تصدق النتيجة السالبة الكلية لصدق نقيضها بالموجبة الجزئية: (بعض الحجر إنسان).

الآن القياس: (بعض الحجر إنسان) هي اللي راح نجعلها صغرى، حتى نحافظ على إيجاب الصغرى، ونجيب وياها كل إنسان حيوان الكبرى.

انتبهوا مشايخنا، هسه صار تغير حتى نحصل على قياس الشكل الأول. خلينا نقيس هو شنو؟ الصغرى أخذنا وياها الكبرى: (بعض الحجر إنسان)، و(كل إنسان حيوان)، ينتج (بعض الحجر حيوان). الآن في الحد الأوسط إنسان مع إنسان. النتيجة: (بعض الحجر حيوان). هذه (بعض الحجر حيوان)، اعكسها -هذه طبعا موجبة جزئية، من تعكسها أيضا شو يصير؟ موجبة جزئية- تصبح: (بعض الحيوان حجر).

هذا ينافي صدق الصغرى، أو خلف صدق الصغرى. الصغرى شو تقول؟ تقول: (لا شيء من الحيوان بحجر). انتهى المشايخ، بس هذا هذا الضرب الثالث.

هذه الإمام هيك: عندنا سالبة كلية وموجبة كلية تعطينا سالبة كلية. لو لم تسبق النتيجة السالبة الكلية (لا شيء من الحيوان بإنسان) لصارت نقيضها، نقيض السالبة الكلية من هو؟ الموجبة الجزئية، يعني تصير: (بعض الحجر إنسان).

القياس هنا تغير القياس، مو مثل هذا النمط. شنو نأخذ صغرى القياس؟ هنا أخذنا بالصغرى النقيض. هاي تكتب عليها صغرى النقيض، شنو السبب؟ لأنها موجبة حتى نحافظ على إيجاب الصغرى في الشكل الأول، وأخذنا وياها كليّة الكبرى، يعني هاي الكبرى كبرى القياس. هاي أنت تقول هاي الصغرى، راح نعيدها، هاي الصغرى يا صغرى؟ صغرى النقيض، ليش اختاريناها حتى نحافظ على إيجاب الصغرى اللي هو شرط الشكل الأول؟ وأخذنا وياها منو؟ كليّة الكبرى: (كل إنسان حيوان).

فحذف النتيجة أصبح: (بعض الحجر حيوان) موجبة جزئية. بعض الحجر حيوان، إذا تعكسها بالعكس المستوي تصبح: (بعض الحيوان حجر). هذا خلف ما فرض صدقه وين؟ في الصغرى، اللي هو من هو؟ (لا شيء من الحيوان بحجر). ليش قلنا خلف الصغرى؟ لأن الكبرى وين استعملناها؟ في القياس، وإذا استعملناها في القياس بعد تسقط، لازم النتيجة التي تظهر خلاف ما فرض صدقها من القياس الأصل الذي لم يستعمل. واضحة جايز؟

---

الضرب الرابع: (كل ناطق جسم)، و(لا شيء من الشجر بناطق).

الآن نحدد الحد الأوسط ناطق ويا ناطق، تصبح سالبة جزئية: (بعض الجسم ليس بشجر).

الآن نقول: لو لم تصدق النتيجة السالبة الجزئية لصدق نقيضها. نقيض السالبة الجزئية ما هو؟ الموجبة الكلية: (كل جسم شجر).

الطريقة نرجع مثل هذه الطريقة القديمة، ايش نأخذ بها؟ صغرى القياس لنحافظ على إيجابية القياس... لو لم تصدق السالبة الجزئية صدق نقيضها وهو الموجبة الكلية: (كل جسم شجر)، وكل ناطق جسم -آية، تكتب عليها صغرى القياس حافظة صورة القياس-، وكل جسم شجر.

أحذف جسم ويا جسم، يصير: (كل ناطق شجر). هذه شنو هذه النتيجة؟ أحسنت، موجبة كلية. إذا عكسناها بالعكس المستوي يصير موجبة جزئية: (بعض الشجر ناطق). خلف ما فرض صدقه وين؟ في الكبرى: (لا شيء من الشجر بناطق). يكتب: وهذا خلف صدق الكبرى؛ الكبرى ليش تقول: (لا شيء من الشجر بناطق).

---

الضرب الخامس: (بعض الكاتب أبيض)، و(لا شيء من الحجر بكاتب).

هذه في الحد الأوسط كاتب وكاتب، النتيجة سالبة جزئية: (بعض الأبيض ليس بحجر).

الآن مشايخ، نفس الكلام، لو لم تصدق النتيجة السالبة الجزئية لصدق نقيضها بموجبة كلية، يعني تصير: (كل أبيض حجر)، أو كل أبيض... هذه موجبة جزئية، إذا عكستها على حسب المستوى ايش تبقى؟ موجبة جزئية، تصير: (بعض الحجر أبيض). خلف ما فرض صدقه في الكبرى: (لا شيء من الحجر بأبيض)، واضح؟

---

موانع جريان دليل الخلف في بعض الضروب

الضرب السادس: ما يجي به دليل الخلف. شنو السبب؟ دليل الخلف يجري في الضرب الأول والثاني والثالث والرابع والخامس، ولا يجري لا في الضرب السادس ولا في السابع ولا في الثامن.

شنو السبب؟

أما الضرب السادس: النتيجة تطلع سالبة جزئية. السالبة الجزئية إذا عكسناها شو يصير؟ موجبة كلية، وإذا ضميناها الموجبة الكلية ويا الموجبة الكلية شو يصير؟ موجبتين كليتين، وإذا طلعت النتيجة شو تطلع؟ بالموجبتين الكليتين إذا تتذكرون موجبة جزئية... والموجبة الجزئية لا تنعكس تبقى جزئية، فما تنفع له، فلهذا ما يجري.

نفس الكلام يجري في السابع، هي سالبة جزئية إذا عكسناها شو تصير؟ موجبة كلية، وإذا ضميناها ويا الصغرى الموجبة الكلية حتى نحصل على إيجاب الصغرى وكلية الكبرى النتيجة تطلع موجبة جزئية، إذا عكسناها تبقى نفسها موجبة جزئية، فما تنفعنا، فما تطلع النتيجة خلاف ما فرض صدقها وين؟ في الكبرى اللي هي سالبة جزئية، لأن هي راح تطلع جزئية ما تطلع على خلاف الجزئية هنا نفس الكلام.

أما الضرب الثامن: فاصلا ما... إذا أخذنا السالبة الجزئية عكسها نقيضها الموجبة الكلية، أصلا ما يوفر ما يتوفر به شرطين للقياس، يعني القياس لكونه لا تتكون به لا إجاب الصغرى ولا كلية الكبرى، يعني الشكل الأول أصلا ما يحصل به راح يكون بها.

الضرب السادس والسابع والثامن كلاهما ثلاثة ما يجري بها دليل الخلف.

شنو السبب؟ السالبة الجزئية هاي تطلع النتيجة نقيضها موجبة كلية. موجبة كلية إذا أخذناها ويا موجبة كلية، يصير موجبتين كليتين. نتيجة الموجبتين الكليتين هي لازم تصير جزئية على حسب الضرب الرابع. النتيجة الجزئية من تعكسها تبقى شنو؟ جزئية بالعكس المستوي. إذا أردنا نعكسها بعكس نقيض نفس الكلام ما يضبط، إذا وقعت جزئية ما تطلع النتيجة الجزئية خلاف ما فرضنا صدقها من الجزئية، فمنه عمد إلى الخلف.

هذا الكلام يجري وين؟ نفس الكلام يجري وين في الضرب السابع: نقيضها موجبة كليا مع ضربها بالقياس هي موجبة كلية تصير موجبة كلية، النتيجة تصير موجبة جزئية، والنتيجة التي تطلع موجبة جزئية حتى لو عكستها بالعكس المستوى تبقى جزئية ما تخالف ما فرض صدقها في الكبرى الذي هو نفس الجزئية.

أما الضرب الثامن: فأصلا لا يتوفر فيه لا إجاب الصغرى ولا كلية الكبرى القياس الذي راح تكونه، فبالتالي يعني قياس بالشكل الأول مثل هذا ما نقدر نكونه، لا متوفر فيه لا إجاب صغرى ولا كلية كبرى، فلهذا لا يجري به دليل الخلف.

نعم، بس نعطيكم أمثلته. نعطيكم أمثلته لأن هذه راح تنفعنا إن شاء الله بالضروب التي بعدها.

الضرب السادس مثاله: (بعض الحيوان ليس بأسود)، وكل ناطق حيوان. النتيجة مالته: (بعض الأسود ليس بناطق).

الضرب الثامن مثاله: (لا شيء من الشجر بحيوان)، وبعض الأخضر شجر، بالنتيجة أصبح: (بعض الحيوان ليس بأخضر).

الآن سنطبق هذا المقدار، حين نوصل للتلفون الثاني. نعم.

مباراة... مباراة... مو في كل الظروف هناك في الضرب الثالث سموه دليل مبارك؛ لأنه يجري في كل ظروف الشكل الثالث، أما الضرب الخامس والشكل الرابع يجري بس في الضروب الخمسة الأولى، أما السادس السابع الثامن ما يجري. نعم، مو معنى أنه كونه دليل مبارك يعني في كل ظروف الأشكال، لا، ذاك الكلام كان في الشكل الثالث، هسه كلامنا في الشكل الرابع.

---

عبارة المتن والمحشي في بيان ظروف الشكل الرابع

قال والتفصيل ها هنا، الآن وصلنا إلى كلام الماتن المحشي في ضروب الشكل الرابع قال:

«والتفصيل ها هنا أن ضروب هذه الشكل (يعني الرابع) ثمانية:

الأول: من موجبتين كليتين (يعني يقصد موجبة كلية مع موجبة كلية)، ايش ينتج؟ موجبة جزئية. وأعطينا مثاله: كل إنسان حيوان، وكل ناطق إنسان، النتيجة: بعض الحيوان ناطق.

الثاني: من موجبة كلية صغرى، وموجبة جزئية كبرى، ينتجان (يعني يقصد موجبة كليا وموجبة جزئية يعطينا النتيجة شنو؟ موجبة جزئية). مثاله: كل إنسان حيوان، وبعض الأبيض إنسان، النتيجة: بعض الحيوان أبيض.

الثالث: من صغرى سالبة كلية، وكبرى موجبة كلية، ينتج سالبة كلية (يعني يقصد سالبة كليا وموجبة كليا ايش تعطينا؟ سالبة كلية). مثاله: لا شيء من الإنسان بشجر، وكل ناطق إنسان، النتيجة: لا شيء من الشجر بناطق.

الرابع: عكس ذلك (يعني شنو يقصد عكس ذلك؟ يعني من صغرى موجبة كلية، وكبرى سالبة كلية)، ينتج سالبة جزئية (مثاله يعني يقصد موجبة كلية وسالبه كلية ايش يعطينا؟ سالبة جزئية). مثال: كل ناطق جسم، ولا شيء من الشجر بناطق، النتيجة: بعض الجسم ليس بشجر.

الخامس: من صغرى موجبة جزئية، وكبرى سالبة كلية، إيش ينتج؟ ينتج طبعا سالبة جزئية (يعني يقصد موجبة جزئية ويا سالبة كلية يعطينا سالبة جزئية). مثاله: بعض الكاتب أبيض، ولا شيء من الحجر بكاتب، إذا بعض الأبيض ليس بحجر.

السادس: من سالبة جزئية صغرى، وموجبة كلية كبرى، إيش ينتج؟ ينتج سالبة جزئية. مثاله...

السابع: من موجبة كلية صغرى، وسالبة جزئية كبرى، ينتج ماذا؟ سالبة جزئية. مثاله: كل حيوان ميت، وبعض الأبيض ليس بحيوان، وبعض الميت ليس بأبيض.

الثامن: من سالبة كلية صغرى، وموجبة جزئية كبرى، ينتج سالبة جزئية (سالبة كلية يقصد وموجبة جزئية يعطينا سالبة جزئية). مثاله: لا شيء من الشجر بحيوان، وبعض الأخضر شجر، إذن النتيجة: بعض الحيوان ليس بأخضر».

«وهذه الظروف الخمسة» (يقصد بها ظروف الخمسة: الرابع والخامس والسادس والسابع والثامن هذني) قال:

«وهذه الظروف الخمسة الباقية تنتج سالبة جزئية» (يعني من الرابع للثامن إنتاجه كله سالب جزئي). «فاحفظ هذا التفصيل فانه نافع فيما سيجيء» (يعني يقول هاي النتائج اللي ذكرناها خصوصا الضروب من الأربعة إلى الثمانية ترى نتائجها كلها شنو؟ سالبة جزئية، فاحفظ هذا التفصيل فانه نافع فيما سيجيء).

لماذا؟ لأن راح يأتينا إن شاء الله بدليل الخلف الثلاثة الأخيرة بسبب السلب الجزئي اللي موجود في أحد السلب الجزئي النتائج مالتها أن العكس مالها هم يعطيني جزئي، وإذا كان جزئي ما ينفع فيها دليل الخلف، ما ينفع فيها دليل الخلف.

قوله «بالخلف»: وهو أن هذا الشكل أن يؤخذ فيه نقيض النتيجة هاي اللي كل هاي اللي كنا نقول لو لم تصدق النتيجة إلى صدقه نقيضها، هذا ويضم إلى إحدى المقدمتين لينتج ما ينعكس إلى ما ينافي المقدمة الأخرى.

تلاحظون المحشي ماذا قال؟ قال «ويضم إحدى المقدمتين»، ما عين لا صغرى ولا كبرى، لماذا؟ لأن بعض القياسات أخذنا بها الصغرى، لكن وبعضها أخذنا وياها الكبرى، الكبرى أخذنا بها مثل من وين؟ مثل الضرب الثالث. لهذا هو ما عين، قال بس إحدى المقدمتين، لا معين لا صغرى ولا كبرى.

هذا يعني شنو؟ يعني أنت تتحرك على وفق شروط الشكل الأول: إيجاب الصغرى وكلية الكبرى، مرة تختار صغرى القياس الأصل إذا هي محافظة على إيجابها، وإذا شفتها سالبة بعد لابد ناخذ بدالها الكبرى، نضمها ويا النقيض لينتج النتيجة التي راح تطلع من الشكل الأول، راح بعد ما نعكسها -سواء كان في عكس النقيض أو عكس المستوى- لهذا قال لينتج ما ينعكس مطلقة، سواء كانت عكس نقيض أو عكس مستوي.

وتلاحظون احنا مرة استعملنا عكوس مستوية ومرة استعملنا عكس نقيض وين؟ بالضرب الأول؛ لأن كلمة (ما ينعكس مطلقة) تشمل العكس النقيض وعكس المستوي إلى ما ينافي المقدمة الأخرى. يقصد يا هي المقدمة الأخرى؟ إذا أنت مستعمل بالقياس الصغرى كون النقيض اللي راح يظهر يخالف صدق الكبرى، وإذا بالعكس أنت مستعمل كبرى لازم النقيض اللي يطلع يخالف منو؟ يخالف الصغرى، يعني النتيجة التي تطلع بالنقيض تخالف ما فرض صدقه الذي ما مستعمل وين؟ في قياس الأصل، واضح؟

قال: «وذلك إنما يجري» (ذلك يعني دليل الخلف) «إنما يجري في الضرب الأول والثاني والثالث والرابع والخامس، دون البواقي» (من هي البواقي؟ السادس والسابع والثامن لا يجري فيها دليل الخلف).

شنو السبب؟

أما السادس: فلأن النتيجة فيه سالبة جزئية كما قلنا. وإذا أخذنا نقيضها موجبة كلية، وإذا أخذنا الموجبة الكلية ويا الصغرى راح يصير القياس متكون منين؟ من موجبتين كليتين، موجبتين كليتين نتيجتها بالضرب الرابع لازم شو يصير؟ جزئية. وإذا عكستها تبقى نفسها جزئية، الجزئية التي ظهرت النقيض ما تخالف ما فرض صدقه وين؟ بالجزئية التي بالقياس، فلهذا ما ينفعنا بها دليل الخلف.

الضرب السابع: عين ما ذكرناه بالضرب السادس، نتيجته شنو؟ جزئية. من تاخذ نقيضها تصير كلية، ومن تاخذ الكلية تجمعها ويا أحد المقدمتين الكلية شو تصير؟ موجبتين كليتين. نتيجة الموجبتين كليتين بالرابع شو تعطينا؟ جزئية، إذا عكستها بالعكس المستوي ولا بعكس النقيض هم راح تبقى جزئية، أيضا لا تخالف ما فرض صدقه وين في أصل القياس.

أما الضرب الثامن: فأصلا قياس من الشكل الأول ما نقدر نحققه؛ لا يتوفر لا إيجاب الصغرى ولا كلية الكبرى. هذا معناه أصلا قياس من الشكل الأول يعطينا نتيجة على خلاف ما فرض صدقه بعد عكسه ما يتحصل، فلهذا لا يجري فيه دليل الخلف؛ لأن ما يتوفر لا إيجاب الصغرى ولا كلية الكبرى، فلا يتحقق الشكل الأول.

---

دليل عكس الترتيب

ثم قال: «أو بعكس الترتيب» (يعني شنو يقصد عكس الترتيب؟ الدليل الثاني على إنتاجية ضروب الشكل الرابع ما كان عكس الترتيب).

ما كان صغرى نجعله كبرى، وما كان كبرى نجعله صغرى. بعد ما نعكس الترتيب، نعكسه بمن؟ بالعكس المستوي. هذه الحالة تجري وين؟ تجري في الكبرى التي تكون موجبة. تفضلوا... نعم.

الضرب الأول لماذا يعني ألا يُقصد أن نستعمل فيه في الدليل عكس المستوى بدل من عكس النقيض؟ ليش؟ وين؟ هنا حاليا لا، بعدنا ما متكلمين به بالعكس المستوي. تقصد بهذا وعكس الترتيب؟

لا، هو هنا لا مطلق العكس، ما يخصص بالمستوي. وإذا ترجع لعبارة المحشي، شوف ايش قال: «ما ينعكس»، ما قال مستويا، قال: «ما ينعكس مطلقا» سواء كان عكس النقيض أو عكس المستوي.

هنا بالضرب الأول، إذا عكست السالبة الكلية بالعكس المستوي... وعكس السالبة الكلية بعكس مستوى شنو؟ سالبة كلية ما تنفع، ما تظهر نتيجة خلاف ما فرض صدقه، لكن استعملنا عكس النقيض حتى السالبة الكلية من تنعكس بعكس النقيض شو يصير؟ سالبة جزئية، السالبة الجزئية هاي النتيجة تظهر خلاف ما فرض صدقه وين في أصل القياس، فلهذا مو شرط قياس مستوي، حتى لو كان عكس نقيض، يعني احنا نريد نطبق الخلف، نريد نتيجة تظهر على خلاف ما فرض صدقه في قياس الأصل.

---

الان هذا الدليل مال عكس الترتيب:

ما كان صغرى نجعله كبرى، وما كان كبرى نجعله صغرى. النتيجة التي تظهر من هذا الشكل نعكسها بالعكس المستوي، تظهر نفس النتيجة المراد إثباتها في الضرب.

لكن هذا وين يجري؟ يجري في الكلية الموجبة، لأنه حتى من نعكسها إيش راح تصير؟ تصير صغرى، نحافظ به على إيجاب الصغرى مال الشكل الأول. وتحصل في كلية الصغرى، لأن الصغرى إذا كانت كلية يكون من نعكسها إيش راح تصير؟ كبرى في أصل القياس الشكل الأول، حتى نحصل على إيجاب الصغرى وكلية الكبرى.

راح أعيد لكم إياه: هذا وين يجري عكس الترتيب؟ يجري في الضروب التي تكون صغراه كلية وكبراه موجبة، حتى من نعكس الترتيب، الكبرى إيش راح تصير؟ صغرى تحافظ على إيجاب الصغرى في الشكل الأول. والكبرى التي في صغرى القياس من نعكسها ايش راح تصير؟ كبرى تحافظ على كبرى قياس الشكل الأول. النتيجة التي تظهر نعكسها بالعكس المستوي، أو حتى لو احتاجينا عكس النقيض لكن عكس المستوي يكفي به، نعكسها تظهر نفس النتيجة المراد إثباتها وين في أصل الضرب.

هذا وين يحصل؟ يحصل في الضرب الأول وفي الضرب الثاني وفي الضرب الثالث وفي الضرب الثامن. ليش؟ شنو السبب؟ لأن فقط ظن الضروب الأول والثاني والثالث والثامن إذا تلاحظوهن متوفر بهن إيجاب الصغرى وكلية الكبرى، لأن من نعكسها إيش راح يصير؟ أحسن، تحقق شروط الشكل الأول من إيجاب الصغرى وكلية الكبرى.

الآن راح نطبقه بالضرب الأول. نعم، ما عندنا... ما عندنا. نعم، نرجع الكلام عندنا والحمد لله رب العالمين.

إذا عندكم سؤال لشيخنا في البيت تدخلوه.