حاشية الملا عبدالله الشيخ صادق الكعبي

082

بسم الله الرحمن الرحيم وبه نستعين، وصلى الله على محمد وآله الطيبين الطاهرين.

وصلنا إلى كلام المحشي، قال: (ولا خفاء) يعني من دون غبار بل على نحو الوضوح (توجد منافاة)، المنافاة بين دوام الإيجاب، يعني يقصد دوام الإيجاب في الصغرى اللي أعطينا مثال مثله؛ أنه مثلا الحيوانية للإنسان على نحو الدوام، هذا يسموه دوام الإيجاب في الصغرى، وفعلية السلب اللي أعطينا مثال إليه شنو؟ فعلاً الحيوانية مسلوبة عمن؟ عن الحجر، هذا معناه فعلية السلب؛ لأن دوام الإيجاب في الصغرى كان مكيف بكيف الدوام، والكيف المكيف به في الكبرى اللي هو شنو؟ سلب الفعلية.

وإذا تحققت -طبعا هذا دوام الإيجاب- يقول المحشي يقول: لا خفاء بأنه يناقض وينافي شنو؟ سلب الفعلية، نعم. وإذا تحققت المنافاة بين شيء -شيء يقصد به دوام الإيجاب في الصغرى- وبين الأعم، الأعم يعني يقصد بمن؟ الكبرى؛ لأن احنا قلنا الفعلية أعم منين؟ من الدوام، الفعلية أعم من الدوام؛ لأن الفعلية مطلقة ما مقيدة بشيء، الدوام صحيح به فعلية ولو آن ما، لكن مقيد بمن؟ بدائماً، الضرورية كذلك، صحيح بها الفعلية متحققة ولو آن ما، بس هاي الفعلية مقيدة بمن؟ بالضرورة، واحنا قلنا المطلق أعم منين؟ من المقيد، نعم.

فلهذا قال: (وبين الأعم) يعني الكبرى، الكبرى المطلقة العامة الفعلية، هاي الآن الأعم منين؟ الكبرى، الفعلية المطلقة العامة، لزم المنافاة بينه، بينه يعني بين دوام الإيجاب في الصغرى وبين الأخص، يعني احنا إذا كانت المطلقة العامة اللي هي من الكبرى اكو منافاة وياها ويا الدوامة الصغرى، هاي الأعم اكو منافاة، فما بالك لو جبت لنا كبرى هي أخص؟ من باب أولى شي يكون؟ هم اكو منافاة؛ لأنه إذا اكو منافاة بالأعم، اكو منافاة بمن؟ بالأخص؛ لأن احنا مر علينا سابقاً إذا تذكرون، إذا صدق الأعم شنو صدقه؟ الأخص منه.

إذن هناك، طيب إذا صدق أي صحيح يعني إذا إذا هو الأعم موجود، موجود به منافاته، فمن باب أولى الأخص موجود به منافاة؛ ليش؟ لأن المنافاة بالأخص إذا وجدت فمن باب أولى وجودها وين؟ في الأعم. الآن موجود الكبرى مالتي المطلقة العامة الفعلية أعم، أعم؛ لأن قلنا المطلقة العامة شبيها؟ ما مقيدة، فعليها شنو؟ مطلقة، والمطلق أعم من الأخص، إذا كان وجود وجود منافاة بين دوام دوام الإيجاب وهي سلب الفعلية، فمن باب أولى موجودة وين؟ بين الأخص.

لهذا ايش قال؟ قال: (وإذا تحققت المنافاة بين شيء) يعني دوام الإيجاب في الصغرى (وبين الأعم) اللي هي الكبرى المطلقة العامة، (لزم التنافي بينه) يعني بين دوام الإيجاب في الصغرى (وبين الأخص) من المطلقة العامة، الأخص من المطلقة العامة مثل منو؟ مثل الضرورية، مثال الضرورية مثل الدائمة نفسها، الأخص من أي الأخص؟ ليش؟ لأن الضرورية هي فيها فعلية لكن مقيدة بالضرورة، الدوام بفعل آن ما لكن مقيد بمن؟ بالضرورة.

فلهذا قال: لزم المنافاة بينه، يعني بين دوام الإيجاب وبين الأخص من المطلقة العامة بالضرورة، يعني الأخص من المطلقة العامة، يعني الكبريات الأخرى التي نستخدمها في كبريات الشكل الثاني؛ لماذا؟ لأن الأخص من تلك الكبريات الأخص الأخص من تلك الكبريات غير المطلقة العامة دائماً هو يستلزم الأعم، يستلزم منو؟ المطلقة العامة، فإذا ثبت أن الأعم -يعني المطلقة العامة- منافي لشيء كان الأخص أيضاً شنو؟ نعم، منافي لشيء، من يا باب؟ من باب أنه الشيء المستلزم للمنافي هو منافي بالضرورة، إذا ثبتت المنافاة بين الأعم والأخص موجود ضمن الأعم، هذا معناه أن المنافاة بالضرورة هم تثبت في من؟ في ضمن الأخص.

طبعاً احنا هنا الأعم شنو عندنا؟ المطلقة العامة الفعلية، الأخص منها من هو؟ الضرورية والدائمة؛ لأن هي هم بها فعلية بس مقيدة، والمطلق أعم من المقيد، لهذا قال، قال: (وبين الأعم لزم المنافاة بينه) أي دوام الإيجاب والصغرى (وبين الأخص من) الأخص يقصد الأخص من المطلقة العامة؛ لأن المطلقة العامة أعم، الأخص منها من هو؟ مثل الضرورة والدوام، وقال: (بالضرورة) يعني هذا شيء من الواضحات؛ لأن الأخص من المطلقة من باقي الكبريات غير المطلقة العامة مستلزم للأعم، يعني المطلقة العامة؛ لأن الأخص دائماً موجود في ضمن الأعم.

وكذا، الآن الآن الآن انتهى الكلام عن بيان الشرطية الشرط الأول بشروط الشكل الثاني، كان نتكلم بشنو؟ فعلية الصغرى وبعدين الآن راح يبدي وين؟ في الشق الثاني من الشرط الأول، انعكاس السالبة الكبرى؛ لأن إذا ترجعون احنا قلنا في شرطين الشكل الثاني: دوام الصغرى أو انعكاس السالبة الكبرى، هذا الشرط الأول.

الآن خلصنا الكلام عن الدوام الصغرى، الآن راح نتكلم بالشرط الثاني من الشرط الأول اللي هو شنو؟ انعكاس السالبة الكبرى؛ لأن هي مأخوذة على نحو أو لأن هي إما دوام الصغرى أو انعكاس السالبة الكبرى أو أو أو، فهسه هنا تكلمنا عن المنافاة اللي تحصل ويا الدوام الصغرى، الآن راح نتكلم ويا المنافاة اللي تحك تحك تحكس ويا من تحصل ويا من انعكاس السالبة الكبرى، راح يتكلم عنها، لهذا قال: وكذا، الآن هذا بيان لشروع المنافاة مال الشرط الثاني من الشرط الأول اللي هو انعكاس السالبة الكبرى.

وكذا إذا، يعني وكذا يعني تحصل المنافاة إذا كانت الكبرى مما تنعكس سالبتها، وسابقاً احنا مر عندنا اللي تنعكس سالبتها ست قضايا، ذني الدائمتان ذني الخاصتان أحسنتم، أو العامتان، يعني إذا جبت لنا كبرى مثلاً دائمة مطلقة أو مشروطة خاصة أو عرفية خاصة هذا، أو عرفية عامة أو أو مشروطة عامة، هذني شو نسميهن؟ الستة العامتان الخاصتان والدائمتان، اللي ممن تنعكس سالبتها الكبرى.

والصغرى أي قضية كانت من الموجهات ما عدا الممكنتين، يا تجيب ضرورية يا تجيب دائمة يا تجيب فعلية، بس لا تجيب لنا شنو؟ ممكن لا عامة ولا خاصة؛ لأن هاي لها حكم خاص سيجي، واضح؟ والكبرى وحدة من ذني الستة اللي تعكس سالبتها، لو العامتان لو الخاصتان لو الدائمتان. هل تحصل منافاة؟ الجواب: نعم.

لهذا قالوا: وكذا إذا كانت الكبرى مما تنعكس سالبتها من ذني الستة الدائمتان خاصتان العامتان، والصغرى أي قضية كانت من الموجهات فعلية دائمة ضرورية سوى، سوى يعني ما عدا ما عدا الممكنة سواء كانت خاصة أو عامة، لا تجيب لنا إياها في الصغرى؛ لماذا؟ لأن حكم الممكنات سيجيء، حكم الممكنات سيجيء.

فا يعني هذا معناته نختار أي موجهة من الموجهات غير الممكنة ضرورية دائمة بكيفك فعلية، إذ حينئذ يعني حين يعني شو المقنع حينما تكون الكبرى من القضايا الستة اللي تنعكس سالبتها تكون نسبة وصف الأوسط إلى -يعني يعني حمل حمل وصف الحد الأوسط إلى وصف الأكبر- واحنا قلنا الأوسط وصف بالوصف؛ لأنه محمول، والأكبر لماذا سميته بالوصف مع أنه قد يكون موضوع؟ بالشكل الثاني قلنا سموه موضوع موصوف؛ لماذا؟ لأنه محمول بالنتيجة.

قال: نسبة وصف الأوسط إلى وصف الأكبر بضرورة الإيجاب، ضرورة الإيجاب هاي من باب المثال وإلا من الممكن أن نغير بوصف الأوسط إلى وصف الأكبر من ضرورة الإيجاب إلى سلب سلب الضرورة أم يمكن؟ لهذا قال: مثلاً، مثلاً ليش قال مثلاً؟ هاي مثل مثلاً اللي مرت علينا في دوام الصغرى تذكروها؟ نعم، قال هكذا قال: نسبة وصف الأوسط إلى ذات الأصغر بدوام الإيجاب مثلاً مثلاً، احنا قلنا ليش قال مثلاً؟ لأنه من الممكن الصغرى تكون سالبة والكبرى تكون منو؟ موجبة، احنا نفس الكلام قال: وصف الأكبر بضرورة الإيجاب، يعني معناته أن الموجبة شبيها؟ موجبة الكبرى الكبرى موجبة موجبة اللي بها نسبة الأوسط للأكبر موجبة مثلاً، ليش قال مثلاً؟ لأن من الممكن نسوي كبرى شبيهه سالبة أحسنتم وتكون الصغرى هي من الموجبة لهذا قال: تكون نسبة وصف الأوسط إلى وصف الأكبر بضرورة الإيجاب مثلاً وقال أو بدوامه، يعني احنا قلنا استخدم استخدم أي ممكنة في ضرورية دائمة فعلية بس لا تجيب لنا شنو؟ ممكنة، ولا خفاء في منافاته منافاته الإيجاب بالضرورة؛ لأن احنا قلنا الكبرى صار بها إيجاب بالضرورة، هذا الإيجاب بالضرورة يتنافى مع نسبة الأوسط إلى ذات الأصغر اللي وين موجود؟ بالصغرى نعم راح يتنافى وياها بالصغرى.

ولا خفاء في منافاة الإيجاب -طبعا طبعا هاي مثلاً بالإيجاب اللي هو شنو؟ جيب لنا من ذني الستة من- يعني احنا جبنا مثال ضرورية الإيجاب، غير ضرورية الإيجاب من الستة مثلاً خاصة شنو موجود؟ موجود مثلاً الضرورية المطلقة، المشروطة العامة، المشروطة الخاصة، يعني لو من مشروط على نحو الإيجاب الضرورة والضرورة من أقسامها منية؟ المشروطة والضرورية، أو تريد تجيب لنا من الأحكام الدائمة، الأحكام الدائمة من الستة ذني الدائمتان اللي هي الدائمة المطلقة وبعد والعرفية العامة والعرفية الخاصة اللي بها نوع من الدوام، هذا اللي مقصود به.

لهذا قال: (ولا خفاء في منافاة فاته) يعني الإيجاب بالضرورة في مثالنا مع نسبة وصف الأوسط إلى ذات الأصغر اللي موجود وين؟ في الصغرى نسبة الأوسط إلى ذات الأصغر في الصغرى بفعلية السلب؛ يعني ضرورة الإيجاب ينافي فعلية السلب، ضرورة الإيجاب ينافي شنو؟ فعلية السلب، بالإيجاب نقول: ضروري ضروري ضروري يثبت له، وبالسلب شو نقول؟ الفعلا هو مسلوب عنه، وضرورة الإيجاب تتنافى ويا فعلية السلب، هاي منافاة بيناتها، ضرورة الإيجاب ويا شنو؟ فعلية السلب، ذني متنافيات.

عفواً ليش تفضلوا؟ الدائمة الثانية مو تشمل الضرورية المطلقة والدائمة المطلقة؟ إي صحيح إي تريد أي نوع من انواع الضروريات الثلاث؟ هنّ أربعة بالأصل، اختار الثلاثة اللي تنعكس سالبتها الكبرى أو تريد وحدة من أنواع الدوام.

نعم، فقال: احنا الآن في مثالنا شو اختارينا؟ ضرورية الإيجاب، ضرورية الإيجاب وسلب الفعليه متنافيات؛ لأن هاي تقول الضرورة ثابتة على نحو الإيجاب وهاي شو تقول؟ الفعلية مسلوبة يعني ما لها تحقق ولو آن ما، هذا معنى سلب الفعلية ولو حتى آن ما، ذاك كيف يقول: ضرورة الإيجاب ثابت وهذا يقول: الفعلية مسلوبة وحتى ولو آن ما، إذا هذني متنافيان، لهذا قال: ولا خفاء في منافاته يعني الإيجاب بالضرورة في مثالنا أو تجيب انت الإيجاب بالدوام قلنا نختار أي ضرورية أو دائمة مع نسبة وصف الأوسط إلى ذات الأصغر بفعلية السلب، فعلية السلب يقصد بالمطلقة العامة؛ لأن هي المطلقة العامة فعلية وجاي نسلبها احنا، بفعلية السلب أو أخص منه، يعني أخص من تلك الكبريات، يعني إذا تريد أخص من فعلية السلب من هو اللي هو أخص من أخص من المطلقة العامة؟ أخص من فعلية السلب في المطلقة العامة، من منو الأخص منا مثلاً؟ تريد الدائمة الضرورية يعني ضرورة السلب دوام السلب هاي هم شنو؟ أخص منه، واحنا قلنا إذا بالأعم موجودة المنافاة والأخص موجود ضمن الأعم فموجود في ضمنه شنو؟ السلب أيضاً موجود، هذا معناه المنافاة متحققة إذا تحققت المنافاة في سلب الفعلية المطلقة العامة الأعم فتتحقق المنافاة في سلب من هو؟ الأخص من المطلقة العامة اللي هي من هي؟ الضرورية، تريد تقول الدائمة تتحقق أيضاً، أيضاً موجود في ضمنه؛ لأن الأخص دائماً موجود وين؟ في ضمن الأعم.

لهذا قال: أو أخص منها، يعني أخص من تلك من تلك الكبريات؛ لأن انت إذا جبت لنا بالكبرى وحدة منهن بيه سلب الفعلية، الأخص من سلب الفعلية من المطلقة العامة من هي؟ الدائمة، الضرورية، اللي هي أخص منه؛ لأن هي هم بها فعلية لكن مقيدة بالضرورة، هم بها فعلية بس مقيدة من من؟ بالدوام، قال: أو أخص منها، يعني أخص من ها يعني من تلك الكبريات؛ لأن انت إذا جبت لنا فعلية السلب المطلقة العامة جيب لنا أخص منها أخص من المطلقة العامة الفعلية اللي بها السلب من وياها؟ قلنا سلب الضرورة السلب الضرورة أو دوام السلب أو دوام السلب؛ لأن الضرورية والدائمة أخص منين؟ من المطلقة العامة الفعلية.

نعم تفضل. المطلقة العامة ذكرت أنها عام يعني تكون عام صحيح؛ لأن بها؛ لأن بها فعلية ولو آني نعم فهي فعلية يعني غير مقيدة يعني مطلقة مطلقة فعليها أن ما يعني يكفي التحقق ولو في آن ما من الزمان، بس الضرورية هم بها فعلية يعني الضرورة هم بها فعلاً موجود بيتحقق المحمول ثابت بس بها بس بها فعلية بقيد الضرورة بس مثل يعني مثل الإنسان حيوان مثلاً إيوه هاي مطلقة عامة لازم تقول الحيوان الانسان وحيوان بالفعل بالفعل جميل فشنو فرق عن الممتلك مثل الإنسان حيوان فهذا نعم اسعى لبرضه أنه ولو في الجملة لا هاي ما مكيفه وهي مكيفه هاي موجهه وهي غير موجهه احنا كلامنا في شرط الموجهات بالشكل الثاني فلا بد أن تقيده بالكيف حتى تحصل المنافاة، يعني إذا قلت هاي بالضرورة مثلاً قلت هاي إيجاب الضرورة تكون الكبرى شو تسويها؟ سلب الإمكان، لازم اثنيناتك كيفهن، أما إذا جبت لنا وحدة مهمله الكيف والثانية مكيفة نقول لك هاي ما متوفر بها شرط منو؟ الجهة لازم أنت توجهها لهذا المحشي قال: مكيفتين بكيفيتين، يعني اثنيناتهم لازم تذكر كيف الجهة مو تجيب لنا وحدة موجهه وواحدة مكيفه، هنا شلون راح يتحقق شنو؟ يعني ما نقدر نقول التنافي ما نقدر نقول على النسبة الحاصلة على كل حول وفي الجمل لا ما مكيفه أصلاً مهمله ما نعرف جهتها وزين منو قال هي فعلية؟ قول ليش مو ضرورية؟ والحيوانية ضرورية ثابتة للإنسان ليش انت حكمت عليها بالفعليه؟

بس مو لأن انت ما موجهه، هسه تقول أنا عرفته من الخارج، نسبة الحيوانية للإنسان غير؟ نعم ولو عرفتها انت ضرورية بس من الخارج، نعم يقول لك لا احنا هاي من الخارج واحد، احنا نريد منين؟ من كيف الجهة لازم تكيفها بالجهة يلا يصير التلافي، فهاي كلامنا كله بال إذا ترجع الكلام المحشي يقول يقول مكيفتين بكيفيتين ما عندنا وحدة تجيب لنا إياها مهمله؛ لأن ما نعرف الجهة مالتي، هسه انت هاي بالضرورة عرفت من الخارج الحيوانية ثابتة للإنسان، بس منو قال إذا غيرك ما يعرفها؟ زين زين ومنو قال بالضرورة؟ ليش مو قيد كيفية موجهه الدوام؟ لأن الحيوانية هل ثابتة للإنسان بالضرورة بالدوام؟ يعني ممكن أن أقول إنها نسبة حاصلة على كل حال ولو في الجملة يعني تمام يعني نقول مثلاً الحيوان بس ما صحيح هذا الكلام بس مكيفه هي؟ لا ما مكيفه ما نقدر نستخدمها ما نعرفها، هسه تقول مو الحيوانية للإنسان ضرورية؟ يقول لك ما يخالف بس الحيوانية الإنسان هم دوام بها هم بها دوام وهم بها إمكان إمكانية الحيوانية ثبوتها للإنسان ما نعلم ما هي مجهولة واحنا مر علينا في باب الجهة إذا كانت القضية مهملة من حيث الجهة ما نقدر نحكم عليها بجهة محدودة حتى لو عرفنا من الخارج ضرورة نقول لك ما يخالف الضرورة ثابتة على كل حال بس ترى هم ثابت الدوام حيوانية ثابتة الإنسان على نحو الدوام والحيوانية ثابتة الإنسان على نحو الإمكان يمكن أن يكون حيوان ولا ما يمكن.

إذا إذا أعم من حيث إهمال الجهة ما نقدر نحكم لك صحيح هاي ما نقدر نجيب لك شرط الجهة؛ لأن احنا كلامنا بشرط الجهة المكيفة بكيفيتين بجهتين واحنا كلامنا نريد تنافي بين بين من؟ بين الجهات، تنافي بين الجهات أما هاي ما نقدر ندخلها في موضوعنا؛ لأن ما مكيفة بكيف ما متحقق بها الشرط الثالث من شروط التاج الشكل الثاني تكون مكيفين بالجهتين هاي ما نقدر، صحيح من الخارج هي الحيوانية ثابتة بالضرورة للإنسان، صحيح، وهاي الضرورة على نحو الأعم، هم صحيح، بس يقول لك بس يقول لك هم يصدق ترى الدوام، وهم يصدق من هو؟ الإمكان وخصوص الضرورة، إي فاحنا نريد المكيف بجهتين، نعم.

هسا الان قال قال ولا نعم قال ولا خفاء في منافاة نسبة وصف الأوسط إلى ذات الأصغر بفعلية السلب اللي هي قلنا المطلقة العامة والأخص منها يعني الأخص من تلك الكبريات، الأخص من المطلقة العامة من هي؟ الضرورية أو الدائمة، يعني السلب الضرورة، السلب الدوام، هاي المراد من عندها.

الآن قال: وكذا، الآن راح يبين لنا المنافاة مال الشرط الثاني؛ لأن احنا هسه جايين نتكلم على شروط الشكل الثاني، اخذنا فعلية الصغرى، اخذنا إمكان إمكان السالبة الكبرى لها خلصنا منها هذا الشرط الأول المأخوذ على نحو إما إما إجاب الصغرى أو أو أو أو الكبرى السالبه الكبرى هاي خلصناها انعكاس السالبة الكبرى، الآن الشرط الثاني إذا تذكرون مشروط الشكل الثاني اللي إنتاجيتها شنو؟ قلنا تستخدم تستخدم إذا تذكرونه نرجع له كون الممكنة مع الضرورية أو كبرى مشروطة عامة؛ يعني إذا جبت لنا صورة بإمكانك تجيب وياها كبرى ضرورية أو مشروطة ما بإمكانك، بس إذا خليت الكبرى ممكنة لازم تخلي الصغرى شنو؟ ضرورية، هسه الآن راح نتكلم عن هذا الشرط.

قال قال نعم وكذا الآن يعني إذا إذا قلنا إذا إذا تذكرون هذا الشرط الثاني إذا قلنا إن الصغرى ممكنة، الصغرى ممكنة يعني هذا كلام بيمين بالممكنات الصغرى ممكنة تخلون وياها كبرى ضرورية ومشروطة، وإذا جبتوا لنا الكبرى ممكنة الكبرى ممكنة لازم الصغرى شو تخلوها؟ ضرورية، شوف ايش جاي ايش جاي نقول ممكنة يعني هذا كلام بيمين في الممكنات اللي مصنف قال سيجيء حكمه، الآن جاء الوفاء به، الآن راح يتكلم عن حكم منو؟ الممكنات، هذا معناه إنه كل الكلام اللي انتهى ما مضى من عندنا كان يتكلم عن مطلق الموجهات مطلقاً موجهات بالشكل الثاني.

اما الآن راح يبدأ الكلام بخصوص من هو؟ الممكنات اللي هو المصنف قال له ما عدا الممكنة سيجيء حكمها ما سوى الممكنة لما مر، هسه الآن راح يجي راح يتكلم بمن؟ بحكم الممكنات، قال: إذا وكذا، يعني من الآن من كلمة وكذا سيبدأ الشروع في بيان حكم الموجهات الممكنة في الشكل الثاني اللي المصنف وعدنا سيجيء حكمها هنا الآن راح حكمها وما مضى كله من الكلام كان يتكلم عن مطلق الموجهات ما عدا الممكنتين ما عدا الممكنتين.

قال: وكذا، الآن هذا الشروع في بيان حكم الممكنات من الموجهات قال: وكذا إذا كانت الصغرى ممكنة، يعني إذا جبت لنا صغرى ممكنة سواء كانت ممكنة عامة أو خاصة احنا احنا مر علينا إذا خلينا الصغرى ممكنة مخير انت بالكبرى تريد مشروطة مو تمام تريد مشروطة ضروريه بعد مخير قال: والكبرى ضرورية أو جبتها مشروطة، ليش قال أو؟ لأن احنا عندنا مخير، نعم، أو مشروطة، طبعا مشروطة عامة وخاصة أحسنتم.

إذا حينئذ يعني حينما تكون الصغرى ممكنه سواء كانت عامه أو خاصة تتحقق المنافاة بين الصغرى والكبرى؛ لأن الصغرى شو تقول؟ تقول: خلينا نفرض مثلاً إيجاب الإمكان، والكبرى شو تقول؟ سلب الضرورة، و الإمكان يختلف وياها سلب الضرورة، نعم، أها أو شو أو شو تريد تجيب وياها؟ سلب المشروطات العامة أو سلب المشروطات الخاصة اللي هي منقسمة إلى قسم ضرورية، فهذا يتنافى الإمكان ويا السلب بالضرورة، يعني إذا شنو معناته سلب بالضرورة؟ يعني ضرورة هي مسلوبة عنها ما يمكن أن تكون، وهناك بالصغرى أنت شو تقول؟ إيجاب الإمكان من الممكن أن تكون. الإمكان تفضل شيخ أسامة.

سلب الضرورة معناها الإمكان موجود بس يعني صحيح بس احنا عندنا سلب الضرورة مو الإمكان لو عندنا لو عندنا إمكان ويا ضرورة نقول لك ماكو ماكو منافاة بس احنا إيجاب إيجاب وسلب عندنا إيجاب الإمكان وسلب الضرورة يعني هذا يقول: من الممكن أن يكون وهذه تقول: لا لا مسلوبة عنا الضرورة ما يمكن أن يكون، إذا الضرورة سلبت يعني بعد يعني ما يمكن أن تكون هذا يحصل شنو منافاة، هذا كلامك ماكو منافاة إذا كان كلامه منهما موجب، بس احنا كلامنا إيجاب الإمكان ويسلب الضرورة، نقول لك لا هذا يحصل شنو تنافي.

يعني لا بكيف منو الجهة يعني؟ لأن هو الإمكان هو سلبي الضرورة، إي لا الجهة شنو جهتها؟ جهتها تجيب تجيب سلب المشروطات العامة، سلب المشروطات الخاصة، سلب الضرورية، يعني جاي تسلب الجهة، زين والصغرى شو تجيبها؟ إيجاب الإمكان يقول لك إيجاب الإمكان؛ لأن سلب الضرورة شبيه متنافي إمكان إمكان الإيجاب أو إيجاب الإمكان في الصغرى مع سلب المشروطات الخاصة والعملية قسم من الأقسام الضرورية هم شنو يحصل؟ تنافي.

لهذا قال: إذا كانت الصغرى ممكنة يعني عامة أو خاصة والكبرى ضرورية أو مشروطة يقصد مشروطة عامة أو خاصة راح تتحقق المناخات بين الصغرى وياهو الكبرى حينئذ حينما تكون الصغرى ممكنة يكون نسبة وصف الأوسط إلى ذات الأصغار، هاي وين؟ هاي في الصغرى الصغرى اللي ماخذين احنا اخذنا بها إيجاب اخذنا بها إيجاب الإمكان، نعم، إي نسبة وصف الأوسط إلى وصف الأكبار بضرورة السلب يا طبعا نسبة وصف الأوسط إلى ذات الأصغار بإمكان الإيجاب هذا هذا إمكان الإيجاب اخذناه بالصغرى هذا وين راح ينافي؟ ينافي ضرورة السلب الموجودة وين؟ في الكبرى، إي نعم.

قال ثم قال: مثلاً صار واضح عندنا مثلاً مو كل ساعة نعيدها، مثلاً يعني شنو أخذنا بالصغرى إمكان الإيجاب هذا يعني معناته ممكن ناخذ بسلب الإمكان وبدل ما ناخذ إيجاب سلب الضرورة بالكبرى نقدر ناخذ إيجاب الضرورة في الكبرى، واضح؟ يعني إذا ثبت الضرورة كنت تسلب الإمكان وإذا ثبت الإمكان كنت تسلب من هو؟ الضرورة الضرورة، هذا معناته مثلاً في مثالنا خدنا إيجاب الإمكان في الصغرى يعني ثابت وخدنا سلب الضرورة وين؟ في الكبرى مثلاً مثلاً ولا تقدر تخلي الصغرى سلب الإمكان والكبرى شو تخلي لها؟ إيجاب الضرورة أم يحصل تنافي، المهم تتحقق المخالفة بالكيف بالإيجاب والسلب لهذا قال مثلاً مثلاً وبيننا وتقدم وجهه ونسبه وصف الأوسط إلى وصف الأكبر هاي وين؟ بالكبرى اللي بها ضرورة السلب، نعم.

قال: نسبة وصف الأوسط إلى وصف الأكبر بضرورة السلب، راح يحصل منافاة بين إمكان الإيجاب في الصغرى وسلب الضرورة وين؟ في الكبرى؛ لأن هاي تقول ممكن ويثبت وهاي تقول له لا ضرورة كله مسلوب يعني ما يمكن أن يكون، وهذا الإيجاب إيجاب الإمكان وسلب الإمكان هذا تنافي، نعم.

لهذا قال في الأمر، هسه الآن يريد المصن المحنّي ماشي يبين الوجه بهاي حدوث المنافاة، شنو الوجه بحدوث هاي المنافاة؟ قال: أما في الكبرى المشروطة فظاهر حدوث المنافاة؛ لأن المشروطة نحكم بها بضرورة النسبة ما دام الوصف العنواني مطلقاً أو مقيداً باللادوام الذاتي إذا تذكرون، يعني المشروطة اللي نحكم بها بضرورة النسبه ما دام الوصف، زين احنا عندنا المتحد مع والمتحد المتحد مع الأصغر منو هو في النتيجة في النتيجة الان راح يتكلم عن نتيجة القياس المتحد وي وصف الأصغر منو؟ الأكبر؛ لأنه هو يثبت بها حكم الأكبر للأصغر، فلهذا قال: المشروطة يحكم بها بضرورة النسبه ما دام الوصف يعني ضرورة تنافي ضرورة أنه تنافي الإمكان يتنافى ويا من؟ ويا سلب الضرورة من يا جهة؟ من جهة هذه أنه المشروطة نحكم بها بضرورة النسبة والمتحد في الأصغر بالنتيجة اللي هو الأكبر نحكم ب بالصغرى بالصغرى ايش نحكم ب؟ إيجاب الإمكان يعني يمكن أن يكون، فهذا يقول سلب الضرورة وهذا يقول إيجاب الإمكان، هذ الاثنينات شنو؟ متنافيات بالنسبة للمشروطة هي أصل موصو ماخوذه بها شنو؟ النسبة الموصوفة ما دام الوصف العنواني، زين إذا انتفن الوصف العنواني قال لهذا قال: المشروطة يحكم بها بضرورة النسبه ما دام الوصوف المتحد مع الأصغر في النتيجة هو وصف الأكبر لا ذاته، واحنا فرقنا بين الذات والوصف، الذات يعني مثل مثل ما مر علينا ذات الحيوان وعندنا شنو؟ وصف الحيوان، الذات يقصد به الموضوع والوصف يقصد به من هو؟ المحمول أحسنتم، سواء مره يجينا محمول في الكبرى أو يجينا حد أكبر حد أكبر هو أصل محمول وين؟ في الصغرى، هم يصح نصف فيه الوصف، فلهذا قال: أما في الكبرى يعني شنو؟ بيان التنافي بنسبة الأوساط الأوساط إلى إلى إلى إلى الحد الأكبر اللي موجود في الكبرى، اللي موجود في الكبرى فهذا ظاهر.

وأما في الضرورية الضرورية اللي نحكم بها بضرورة النسبة بضرورة النسبة للذات ما دامت الذات، ضرورة النسبة لان هو شنو فرق الضرورية عن المشروطة؟ أن اثنين ضروريات بس بس الضرورية نحكم بها بضرورية النسبة والحمل ما دامت الذات، وتلك نحكم بها بضرورة النسبة والحمل ما دام الوصف العنواني، قالوا: وأما الضرورية أيضاً الحكم فيها بضرورة النسبة للذات اللي هي نسبة الأوسط إلى وصف الأكبر، نعم وإذا كانت النسبة ضرورية للذات ما دامت الذات إذا هي موجودة فعلاً وقهراً بمجرد وجود شنو؟ الذات نسبة المحمول للذات موجودة ومتحققة إذا كانت الذات شبيها موجودة فعلاً، لهذا قال: وأما الضرورية فلان المحمول إذا كان ضرورياً بين هاي معنى الضرورية ضرورية النسبة ما دامت الذات إذا كان ضرورياً للذات ما دامت منية الذات موجودة يعني إذا تحققت الذات وكانت موجودية، ضرورية الحمل يثبت لها مثل ضرورة ثبوت حمل الحيوانية لذات الإنسان أو واضح؟ فلهذا قال: فلان أن المحمول إذا كان ضرورياً خلينا نفرض المحمول هو الحيوان ضرورياً المن؟ للذات يعني لذات الإنسان عندما نقول الإنسان حيوان بالضرورة، قال: ما دامت الذات موجودة كان منو هذا كان؟ يعني يقصد بالمحمول اللي هو الحيوان في مثالنا كان الحيوان أيضاً ضرورياً لوصفها العنواني؛ يعني إذا ثبتت الحمل الحيواني إذا ثبت بالضرورة لذات الإنسان، ترى وصف الحيوانيه أيضاً ثابت بالضرورة لمن؟ لذات الإنسان، إذا إذا الإنسان بذاته تحقق بوصف عنوانية الإنسانة، ليش؟ لأن احنا قلنا المحمول ماخوذ مرة ما دام الذات ومرة المحمول ماخوذ شنو؟ ما دام الوصف العنواني، احنا القضية عندنا كل انسان حيوان بالضرورة، الحيوان مرة يثبت بالضرورة للإنسان ما دامت الذات الإنسان موجودة، والحيوان إذا إذا إذا وصف الحيوان إذا نفس الحيوانيه ثابتة لذات الإنسان ما دام ذات الإنسان موجودة كذلك وصف الحيوانيه بالضرورة ثابت لمن؟ لوصف الانسانية، وصف الانسانية مو ذات الإنسانية، وصف الانسانية ما دام الانسان موصوف بوصفه العنواني اللي هو نفس الانسانية، أعدكم إياها، كل كل نعم المحمول.

المحمول كل انسان حيوان بالضرورة، الان الحيوانية كمحمول ثابتة الانسان كذات إذا كانت ذات الإنسان موجودة، انقلكم بالضرورة يقول بالضرورة، انقلكم إذا كان المحمول اللي هو الحيوان ثابت لذات الإنسان بالضرورة ما دام ذات الإنسان موجود كذلك وصف الحيوانيه محمول بالضرورة لوصف الإنسانيه، وصف الإنسانيه مو ذات الإنسان، وصف الانسانيه ما دام الإنسان موصوف بوصفه العنواني اللي هو نفس الإنسانة، كذلك لو قلنا مثلاً كل انسان كاتب بالامكان مثلاً مثلاً بالإمكان معناته إنه إذا إذا الكتابة ثابتة للإنسان ها أحسنت على نحو الإمكان لذات الإنسان نحو الإمكان كذلك وصف الإمكان ثابت علماً ثابت لوصف الإنسان، إذا الإنسان متصل بوصفه الإنساني لأن مرة عندنا المحمول يثبت لذات الموضوع ومرة عندنا وصف المحمول يثبت علماً لوصف الموضوع، هذا الفرق بين الذات اللي هو الذات والموضوع والحمل اللي هو الموصوف.

لهذا قال قال: وأما في الضرورية فلان المحمول إذا كان ضرورياً كمحمول الحيوان اللي هو ضروري لذات لذات الإنسان، للذات ما دامت مني ما دامت الذات موجودة؛ لأن احنا عندنا الضرورية الضرورية الضرورية شنو معناتها؟ الحكم بضرورة النسبة للذات ما دامت الذات موجودة يعني ما دامت متحققة، كذلك كان منو كان قلنا المحمول اللي هو الحيوان ضرورياً لوصفها العنواني، يعني هم يكون ضرورياً لوصف الإنسان بوصفه الإنساني، هذا على نحو شنو؟ الوصف الدائم، الوصف اللازم، وعندنا كذلك إذا كان على نحو الوصف المفارق مثل الكاتب لمن؟ للإنسان، وصف الكاتبيه ثابتة للإنسان، إذا كان الإنسان موصوف بوصفه الإنساني ما دام الوصف العنواني.

قال هسه الان السبب، قال: لأن الذات اللي احنا الذات عندنا من هي؟ زيد أو الإنسان لازمة للوصف، يعني يعني شنو لازمة للوصف؟ يعني الإنسان اللي لازم لازمه وصف الحيوانيه ما دام الإنسان كوصف انسانية ثابتة له الإنسانية، ما دام الوصف العنواني موجود، كذلك الانسان هذا هذا شنو هذا؟ هذا وصف يسمونه الوصف اللازم؛ لأن الحيوانيه وصفها للانسان على هو الوصف اللازم، كذلك إذا جبت لنا الوصف المفارق مثل وصف الكاتب علماً لذات الإنسان هذا يسموه وصف مفارق، كذلك إذا كان الوصف الكاتب ثابت لذات الإنسان كذلك وصف الكاتب ثابت لوصف الإنسان ما دام الإنسان موصوف بوصفه العنواني اللي هو منو؟ الإنسانة لا الإنسانة الكتابة الموصوفه المحموله.

مرة عندنا الكتابة ثابتة لذات الإنسان، ومرة عندنا وصف الكتابة ثابتة لوصف الإنسان، ما دام الوصف العنواني للإنسان شبيب؟ متحقق وموجود، نعم، نعم.

نعم، ممكن يقول لك ما دام وصف الإنسان متصف على أنه كاتب، متصف بصفة الكتابة فوصف الكتابة ثابتة له، أحسنت، وعلى ما دام ثبت وصف الإنسانية كإنسانية له، هي هاي معنى ما دام الوصف العنواني ثابت للموضوع، هذا معناته يعني مو إحنا مرة احنا عندنا الضروريات، مرة عندنا ضرورية ما دامت الذات واضحة، محمول يثبت للموضوع الذات ما دامت الذات موجودة، هاي واضحة، ومرة عندنا مشروطة، المشروطة ماخذ بها الوصف العنواني، مو الذات، ماخذ بها الوصف العنواني، يعني الحيوانية كما ونسبة وصف الحيوانية للإنسان ما دام الإنسان متصف بوصف الإنسانية، هذا يسموها نوع من أنواع الضرورية المشروطة العامة بس نقول بها ما دام الوصف العنواني موجود، نعم.

هذا مراده، احنا شو نريد نقول؟ نقول: إذا الحيوانيه كمحمول ثابتة لذات الإنسان ما دام ذات الإنسان موجود كذلك وصف الحيوانيه ثابتة لوصف الإنسانيه ما دام وصف العنوانية الإنسانة شبيه؟ موجود، واضحه؟ لا هو صعبه، لا لا شوف أعدكم إياها، احنا عندنا الضرورية، ضرورية النسبه ما دامت الذات موجودة، كل انسان حيوان بالضرورة، فمحمول الحيوان ثابت لذات الإنسان ما دام ذات الإنسان موجوداً، انتهينا؟ هي خلصناها الضرورية، هسه المشروطة العامة، المشروطة العامة من قسم الضرورية بس ماخوذ بها ما دام الوصف العنواني موجود، هذا معناته أن وصف الحيوانيه ثابت لوصف الانسانيه ما دام الإنسانية موصوفة بوصف الإنسانية، واضح إن شاء الله؟ هذا المشروط العام العام. إي فقط الإنسان كاتب، إي فوصف الكتابة ثابت للإنسان ما دام الإنسان موجود موصوف بوصف الإنسانية، يعني مو ما دام الإنسان موصوف بوصف الكاتبيه، لا لا هو يثبت له وصف الحيوانية الكاتبيه، نعم، بس احنا نريد نسألك هذا وصف الكاتبيه شو وقت يثبت؟ تقول: عندما يكون وصف الحيوان وصف الإنسان بأنه وصف إنساني ثابت له، احنا ما عندنا مشكلة هو ثابت الوصف بس مرة الوصف يثبت ما دامت الذات ومرة الوصف يثبت ما دام الوصف العنواني، نعم، سواء كان على نحو الوصف اللازم مثل وصف الحيوانية للإنسان، أو كان على نحو الوصف المفارق مثل الكاتبيه المن للإنسان.

لهذا قال، هسه الان نرجع، قال: لأن الذات لازمة للوصف، يعني شنو وصفنا هنا بالمثال؟ خلينا ناخذ وصف الحيوانية، وصف الحيوانية ثابت للذات ما دامت الذات موصوفه بوصفها العنواني، يعني ما دام الإنسان موصوف بوصفه الإنسانية، هذا معناه أن الوصف لازم المن؟ للذات والمحمول على الذات المحمول على الذات هو من هو؟ نفس حمل الحيوانية، يعني احنا مرة ناخذه كمحمول ومرة ناخذه شنو؟ كموصوف ها قال: والمحمول (يعني اللي يقصد المحمول على الذات لازم للذات) هسه ايش صار عندنا؟ صار عندنا الوصف صار عندنا الوصف الوصف لازم للذات وعندنا المحمول لازم للذات، فلهذا ايش قال: ولازم اللازم لازم لازم (يعني الأول أول شيء شنو؟ وصف لازم للذات محمول لازم للذات) هذا معناته أن الوصف لازم المن؟ الوصف لازم إذا كان الوصف لازم للذات والمحمول لازم للذات، فهذا معناه أن الوصف والمحمول كلاهما لازمين المن؟ للذات.

لهذا قال قال: نرجع للعبارة قال: لأن الذات لازمة للوصف، الوصف؛ لأن هو عارض من العوارض يثبت للمعروض، عارض على الذات، معناه أن الذات معروض والوصف لازم للعارض، كذلك المفروض هنا المحمول، المحمول هم لازم للذات، عندنا الأولين الوصف لازم للذات وعندنا المحمول هم لازم لمن؟ للذات، كذلك المفروض المحمول هو لازم للذات لكون المسالة عندنا ضرورية لكونها ضرورية لها والوصف لازم للذات إذا المحمول لازم للذات لا إذاً فالمحمول اللازم للذات لازم للوصف، هذا معنى لازم اللازم لازم له، نعيدها.

عندنا الموصوف لازم للذات، وعندنا المحمول أيضاً شبيهاً لازم للذات، إذاً إذا كان إذا كان المحمول الوصف لازم للذات والمحمول لازم للذات هذا معناه أن الوصف اللازم للذات فالمحمول لازم للذات، فالوصف اللازم للذات فالمحمول لازم للذات فليقول: لأنه لازم للوصف أيضاً، نعم هذا معنى لازم اللازم لازم له، نعم.

قال: هذا معناته أنه المحمول إذا كان ضروري للذات ما دامت الذات موجودة، كان أيضاً ضروري لمن؟ لوصفها العنواني، إذا كانت الحيوان ضرورية لذات الإنسان فكذلك وصف الحيوانية هي ضرورية لوصف الإنسان، أنعيدها، إذا كان الحيوان هو المحمول ضروري للذات الإنسان هذا هذا اللي قلنا شنو؟ هذا قلنا المحمول لازم للذات وكذلك وصف الحيوانية لازمة ل ل لمن؟ لوصف الإنسانية، فإذا كان المحمول لازم للذات والوصف لازم للذات هذا هذا معناته شنو؟ إنه ما كان ضرورياً كمحمول للذات يصبح ضرورياً كموصوف أيضاً لمن؟ لوصف الذات.

لهذا قال: (ولازم اللازم لازم)، فبالتالي راح تثبت شنو؟ المنافاة، هاي شنو لازم اللازم لازم؟ يعني إذا كانت الذات هي لازمة للوصف فالمحمول على الذات أيضاً يلزم صدقه مع الوصف، هاي تفسير العبارة، نعيدها: إذا كانت الذات هي لازمة للوصف كالإنسانية اللي لازمة لمن؟ لوصف الحيوان، فالمحمول على الذات الحيوانية كمحمول اللي محموله على ذات الإنسان أيضاً تلزم صدقها ويا من؟ ويا الوصف.

نعم قال: ولا شبهة في أن الحيوان اللي يحمل على ذات الإنسان (يعني هم يحمل على شنو؟ يحمل أيضاً على باقي الأوصاف مثل قائم مثل كاتب، هم يحمل عليه، يحمل عليه يحمل على ساكن الأصابع، متحرك الأصابع هم)، فالذات اللي هي لازمة للوصف كالإنسان اللازم لوصف الحيوان، فال محمول على الذات اللي هو الحيوان المحمول على ذات الإنسان أيضاً يلازم صدقه مع الوصف؛ يعني بعبارة بسيطة: الذاتي اللي لازم الوصف كملازمة المحمول للذات هذا معناته كما يثبت المحمول مع الذات يثبت الموصوف ويا من؟ ويا الذات، هذا اللي أريد أقوله، ما اللازم اللازم له؛ يعني إذا كان المحمول ضروري للذات كذلك الوصف راح يكون ضروري لمن؟ لوصف الذات لوصف الذات هذا اللي يريد يقوله.

قال: ولازم اللازم لازم له، وإذا كان المحمول الضروري للذات كذلك وصفه يكون ضروري لوصف لوصف الذات، إذا كان ضروري راح تحدث المنافاة، ويا من المنافاة ومثلا اللي أنت أخذته شنو مثلاً إيجاب الإمكان في الصورة، فتحدث المنافاة بين الجهتين.

قال: وكذا (وكذا تثبت المنافاة)، إذا كانت الكبرى ممكنة؛ لأن هذا اللي مضى عنا كان فرضنا شنو؟ الصغرى ممكنة، والكبرى ناخذ وياها لو مشروطة لو ضرورية، على نحو السلب، هسه الآن راح ناخذ الشق الثاني: إذا أخذتم الكبرى ممكنة، قلنا لكم الصغرى لازم تاخذوها شنو؟ ضرورية، هسه الآن راح يتكلم بهذا الشق.

قال: وكذا تثبت المنافاة، إذا كانت الكبرى ممكنة والصغرى ضرورية، يقصد ضرورية مطلقة، والصغرى ضرورية مطلقة.

قال: كذا بمثل ما مر؛ يعني نفس اللي تكلمناه ثابتاً إذا كان المحمول ضروري للذات ما دامت الذات موجودة، كان أيضاً ضروري لوصفها العنواني، أيضاً ضروري لوصفها العنواني؛ لأن لأن الذات هم لازمة للوصف والمحمول هم لازم للذات ولازم اللازم لازم له، نفس الكلام اللي أجريناه في في في من؟ في الصغرى الممكنة مع الضروري مع سلب بالضرورة وسلب المشروطة بالكبرى يجري نفسه لما ناخذ الممكنة في الكبرى وناخذ بالصغرى وياها وياها منو مشروطة أو ناخذ وياها مشروطة أو ناخذ وياها ضرورية ناخذ وياها بالصغرى ضرورية، نفس الكلام يجري شنو هو الكلام؟ أن المحمول إذا كان ضروري للذات ما دامت الذات موجودة ما دامت موجودة كذلك كان ضروري لوصفها العنواني ولان لازم الذات للوصف والمحمول مو اللازم للذات وكذلك لازم اللازم لازماً له.

لهذا قال: بمثل ما مر (يعني عين اللي ما ذكرناه هنا نذكره هنا)، والحمد لله رب العالمين.